Skip to main content

ट्विटर नयाँ डिजाइनमा, प्रयोगकर्ताले बुझ्नु पर्ने ५ कुरा

अप्रिलको पहिलो हप्ता सिमित प्रयोगकर्ताहरुको समूहलाई उपलब्ध गराएको नयाँ 'वेव प्रोफाइल' आजबाट ट्विटरले सबैका लागि खुल्ला गरेकोछ । फेसबुक र अन्य सोसल नेटवर्किङ साइटको दाँजोमा ट्विटरमा थोरै प्रयोगकर्ताहरु भएका कारण ट्विटरले नयाँ प्रयोगकर्ताहरुलाई आकर्षित गर्न केही समय अघि देखि विभिन्न तरिकाहरु परिक्षण गरिरहेको छ । अहिलेको नयाँ प्रोफाइललाई पनि त्यसैको निरन्तरताको रुपमा लिनसकिन्छ ।


ट्विटरमा भर्खरै भित्रिएको 'नोटिफिकेसन', चारवटा सम्म 'अपलोड' गर्न र ट्याग गर्न मिल्ने फोटो, अनि आज सबैका लागि सार्वजनिक गरिएको वेव प्रोफाइल आदिका कारण, ट्विटर अहिले फेसबुक झैँ देखिएकोछ । अझ केही प्रयोगकर्ताहरुको लागि त 'रिट्विट' को सट्टा 'सेयर', अनि युजरनेम विना 'रिप्लाइ' गर्ने फिचरहरु पनि ट्विटरले परिक्षण गरिरहेकोछ । यसका साथै ट्विटरले मोवाइल एप्सको पनि नयाँ अपडेटहरु छिटोछिटो दिइरहेकोछ तर नयाँ प्रोफाइल भने अहिलेसम्म 'वेव'को लागि मात्रै उपलब्ध छ । साँच्चै भन्ने हो भने, ट्विटर नयाँ प्रयोगकर्ताहरुको संङ्ख्या बढाउन लागिपरेकोछ ।

Old Twitter Layout
ट्विटरका अनुसार करिब ७६ प्रतिशत प्रयोगकर्ताहरु मोबाइलबाट ट्विटर चलाउँछन् । बाँकी २४ प्रतिशतले ट्विटरको 'वेव' भर्सन चलाउँछन् । कति प्रतिशत व्यक्तिले अरुको 'प्रोफाइल'मा गएर ट्विट हेर्छन् भन्ने कुरा चाँही स्पष्ट छैन, हुन त फेसबुकमा पनि प्राय: सबैले हेर्ने भनेको 'न्युजफिड' नै हो, थोरैले मात्र अन्य व्यक्तिको प्रोफाइलमा गएर उसका पोष्टहरु हेर्छन् ।

म प्राय: कमैमात्र ट्विटरको वेव भर्सन चलाउँछु, अत: यो ब्लग लेख्नु केही छिन अघिसम्म पनि मेरो प्रोफाइल पुरानै डिजाइनमा थियो । ट्विटर डटकममा लगइन गरेपछि, मेरो प्रोफाइल नयाँ डिजाइनमा रुपान्तर भयो । डिजाइन र फिचरका हिसाबले यो नयाँ डिजाइन अघिल्लो भन्दा राम्रो छ, तर फेसबुक झैँ देखिँदा खै के नमिलेको जस्तो लाग्नेरहेछ । 'पिन्ड् ट्विट', 'फिल्टर ट्विट' आदि नयाँ फिचरहरु राम्रा लागे ।

१) ठूलो प्रोफाइल फोटो: अब प्रोफाइलमा पहिलको भन्दा ठूलो फोटो देखिन्छ । ट्विटरमा फलोअर् बढाउन पनि प्रोफाइल फोटोले ठूलो भूमिका खेलेको हुन्छ । अत: ट्विटरमा आफ्नो अनुहार देखिने, या भनौँ आफू चिनिने किसिमको फोटो राख्दा राम्रो हुन्छ । तपाई फेसबुक, गुगलप्लस, इन्स्टाग्राम आदि विभिन्न साइटहरु चलाउनुहुन्छ भने, सबै नेटवर्कहरुमा एकै किसिमको प्रोफाइल फोटो राख्दा राम्रो हुन्छ ।

२) ठूलो कभर फोटो: सायद यही कभर फोटोको कारण पनि हुनसक्छ, ट्विटर फेसबुक जस्तो देखिएको । अब ट्विटरमा पनि आफ्नो ठूलो कभर फोटो राख्न सकिन्छ । पहिलेको कभर फोटो, अब नयाँ डिजाइनमा नमिल्दो देखिनसक्छ । अत: कभर फोटो परिवर्तन गर्ने समय आएको हुनसक्छ ।

३) पिन्ड् ट्विट: आफूलाई महत्वपूर्ण लागेका र अरुले यो चाँही हेरुन् है भन्ने हिसाबले गरेका आफ्ना ट्विटहरुलाई अब 'पिन' गरेर सबैभन्दा माथि राख्न सकिन्छ । यसो गर्दा, अन्य प्रयोगकर्ताले तपाईको प्रोफाइल हेरेको खन्डमा उक्त ट्विट देख्न सक्छन् ।


४) बेस्ट ट्विट: अरु भन्दा धेरै 'इंगेजमेन्ट' (रिट्विट, मेन्सन, रिप्लाइ) पाएका ट्विटहरु अन्य ट्विट भन्दा ठूलो आकारमा आफ्ननो प्रोफाइलमा देखिन्छन् ।

५) फिल्टर्ड ट्विट: प्रोफाइलबाट अब सिधै ट्विटहरु मात्रै हेर्ने, वा रिप्लाइ सहितका ट्विटहरु हेर्ने भनेर छान्न सकिन्छ । साथै, फोटो र भिडियो मात्रै भएका ट्विटहरु पनि सजिलै हेर्नसकिन्छ ।


बोनस: यी कुराहरुका अतिरिक्त ट्विटर प्रोफाइल हेरेर कसले कुन मितिमा ट्विटर चलाउनथाल्यो भन्ने कुरा थाहा पाउन सकिन्छ । यसअघि यो कुरा 'सोर्स कोड'मा मात्र हेर्न सकिन्थ्यो । प्रोफाइलको ठिक तल फोटो तथा भिडियोहरु 'मिडिया सेक्सन'मा देख्न सकिन्छ । ट्विटरले फोटो तथा भिडियोको ग्यालरीमा धेरै सुधार गरेकोछ । माथि (फिल्टर्ड ट्विटमा) भनिएजस्तै मिडियाबाट पनि सिधै फोटो र भिडियो मात्रै भएका ट्विटहरु हेर्नसकिन्छ । साथै, वाँया तर्फ नै अरुको प्रोफाइल हेर्दा अन्य कुनकुन साथीहरुले उक्त व्यक्तिहरुलाई 'फलो' गर्दा रहेछन् भनेर जान्न सकिन्छ ।
******************** ट्विटरसँग सम्बन्धित अघिल्ला सामाग्रीहरु ********************
ह्याचिङ ट्विटर पढेपछि [ट्विटरको भित्री रहस्य]
ट्विटर ह्यासट्यागको रामकहानी
आफ्ना पुराना ट्विटहरु डाउनलोड गर्ने तरिका
फलो फ्राइडे के हो? कसरी सुरु भयो? (Twitter Follow Friday #FF)
ट्विटर : फलो र अनफलो [Twitter Follow and Unfollow]

Comments

  1. I was wondering at first, how come the same person's profile show "# followers you know" and then got your message :-)
    Nice post !

    ReplyDelete

Post a Comment

Popular posts from this blog

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free. Install Nepali Unicode Romanized in Windows XP: Install: Run setup file; Go to control Panel; Open Language and Regional settings; Open Regional Language Options; Go to Language Options & tick on check box (install files..... Thai, instal....east Asian...languages): Click apply-it might ask for windows CD: Insert CD or you can directly copy "i386" files too; And install all: then you have done; Click for details; Then click add a tab; A new popup will appear: Select "Sanskrit" in the first box; Select "Nepali unicode (romanized)" in second box; Click "ok"; You have successfully installed it; P

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

सामाजिक सञ्जालमा सुरक्षित रहने तरिका

सामाजिक सञ्जाल चलाउने पनि आफ्नै तौरतरिका छन्, जसलाई नजरअन्दाज गरिँदा सामाजिक सञ्जालले समस्या सिर्जना गरिरहेका पनि छन् । सामाजिक सञ्जालका प्रयोगकर्ता एक करोडभन्दा धेरै रहेको देशमा छिटपुट घटनालाई लिएर पूरै सामाजिक सञ्जाल नै असामाजिक छ भन्न मिल्दैन । मूलधारका मिडिया रेडियो, पत्रिका, टेलिभिजनजस्तो सामाजिक सञ्जाल एकोहोरो छैन । सामाजिक सञ्जालको बनोट नै फरक छ, यो दोहोरो हुन्छ । दोहोरो हुनेबित्तिकै उठान गरिएका विषयमा केही घर्षण हुनु, वादविवाद हुनु, तर्कवितर्क हुनु, केही तलमाथिका कुरा हुनु एकदम सामान्य हो । प्रयोगकर्ताले सामाजिक सञ्जालको बनोट बुझ्ने वा यस्ता प्लेटफर्मका फिचरको सदुपयोग गर्ने हो भने यी कुरा अत्यन्तै सामान्य लाग्छन् । सबै कुरा प्रविधिले समाधान गर्न सम्भव छैन, तर सामाजिक सञ्जालमा देखिने, भोगिने प्रायः कुरा भने प्रविधिबाटै समाधान गर्न सक्ने अवस्था छ । सामाजिक सञ्जाल तथा इन्टरनेट प्रयोगकर्ताले अरूलाई दोष लगाउनुपहिले आफ्नो थैलो बलियोसँग कसौँ भन्ने कुरा मनन गर्न जरुरी छ । मोबाइलमा मात्रै इन्टरनेट चलाउने अधिकांश प्रयोगकर्ताका लागि अहिले फेसबुक र भाइबर भनेकै इन्टरनेट हो भन्ने भ्रम छ 

फेसबुक न्युजफिड अपडेट - पेजलाई झनै गाह्रो

अमेरिकामा भएको पछिल्लो राष्ट्रपति निर्वाचनको परिणाम सार्वजनिक भएसँगै फेसबुक लगायत विभिन्न सोसल मिडिया साइटहरुको उपयोगिताबारे व्यापक बहस सुरु भएको थियो । "फेक न्युज"को बिगबिगीले गर्दा फेसबुक, एकहिसाबमा फेकबुकमा परिणत भयो । प्राय: फेक न्युजहरु नै धेरै सेयर हुने र भाइरल हुन थाले । धेरै सेयर हुँदा, स्वाभावत: "फेक न्युज" पनि साँच्चै हो भन्न थालियो । कहिँकति अनुसन्धान छैन, फलानोले एकथरि पेजबाट समाचार सेयर गर्छ, अर्कोले सेयर गर्छ, अर्कोले गर्छ, असत्य तथा काल्पनिक समाचारहरु कै बोलबाला देखियो । नेपालमा भएको पछिल्लो निर्वाचनमा पनि प्रचारवाजी शैलीका मनगढन्ते तथा काल्पनिक समाचारहरु भाइरल भए । फलाना र चिलाना पार्टि, मान्छे पिच्छेका अनलाइन समाचार पोर्टल, फेसबुकको न्युजफिड हेर्न नै दिक्क लाग्ने किसिमको थियो । सबैभन्दा अनौठो लाग्ने चाँहि, मान्छेहरु फेसबुकमा फलाना समाचार पोर्टलले लेखेको भन्दै सेयर गरिरहेका भेटिन्थे । अझ के भने, नेपालका ठूला प्रकाशनहरु सँग ठ्याक्कै मिल्ने नामहरु राखेर काल्पनिक समाचारको व्यापार गर्ने समूहहरु नै छन् । उदाहरणको लागि, कान्तिपुरले यस्तो उस्तो लेख्यो

मोदी र ट्विटर ट्रेन्ड [पडकास्ट 📻 ]

यो अंकमा भारतिय प्रधानमन्त्री नरेन्द्र मोदी नेपाल भ्रमणमा आउँदा ट्विटरमा चलेको #BlockadeWasCrimeMrModi (नाकाबन्दी अपराध हो, मिस्टर मोदी) ट्रेन्ड र ट्विटर ट्रेन्ड कसरी हुन्छ भन्ने बारेमा कुरा गर्दैछु । मोदी जनकपुरमा आइपुग्ने बित्तिकै एक्कासी #BlockadeWasCrimeMrModi ट्विटरको ट्रेन्ड लिस्टबाट हरायो । हामीले सेन्सरसिपको शंका गरिरहँदा केही घन्टापछि त्यही ट्रेन्ड पुन: देखापर्‍यो । विगतमा बाहिर भएका केही ट्रेन्डहरु फेसबुक तथा ट्विटरले 'ट्विक' गरेको भन्ने खबर आएका कारण, सुरुमा यो सेन्सरसिप नै हो भन्ने लाग्यो । तर उक्त ट्रेन्ड ट्विटरबाट हराएर केही घन्टापछि फेरि आएबाट, सेन्सरसिप हैन भन्ने लाग्यो । मोदी र ट्विटर ट्रेन्डबारेको यो पडकास्ट 📻 सुन्नुहोस् ट्विटर ट्रेन्ड कसरी हुन्छ? ट्विटरमा ट्रेन्ड हुन यति नै ट्विट हुनुपर्छ भनेर कहिँ उल्लेख गरेको पाइँदैन तर पनि केही कुरा ट्रेन्डमा देखिनको लागि त्यस विषयमा एकैपटक, धेरै ठाउँबाट धेरैले एउटै विषय ट्विट गरेको हुनुपर्छ । एउटै विषयमा हजारौँले दिनभरि ट्विट गर्दा त्यो ट्रेन्डिङ टपिकमा देखिन्छ भन्ने हुँदैन । ट्विटरमा ट्रेन्ड हुन, कुनै पनि विष

Subscribe to Aakar Post