Skip to main content

वाह ! बाबुराम

जेठ १४ नयाँ संविधान बनाइसक्नुपर्ने मिति तर अहिले सम्म को स्थिति हेर्दा संविधान भनेकै समय मा बन्छ भन्न मुस्किल छ !  ती ६०१ सभासद को काम बेलैमा संविधान बनाएर नेपाली जनतालाई दिनु हो । तर ती ६०१ सभासद २४-२५ दिशातर्फ फर्किएकाछन्, एउटा Dr. Baburam Bhattaraiले एकथरि भन्छ, अर्कोथरि ले अर्कै कार्यान्वायन गर्छ, अर्कोथरि विरोध जनाउँछ, अर्काथरि ले आन्दोलन गर्छ, अनि संविधानसभा को काम सबै ठप्प । कोही उद्घाटन मा व्यस्त त कोही भ्रमण गर्दैमा मस्त, संविधान बनाउने काम संवैधानिक समितिलाई, अरु को केही कामै छैन । अझ त्यति ले नपुगेर उच्चस्तरिय संयन्त्र, सबै भत्ता पकाउने विकल्पहरु !

काम केही भएको छैन, तर सभासदहरु तलब भने बुझिरहेकाछन् । संविधानसभा भवन छिरेको भएपनि तलब लिन सुहाउँथ्यो, हाजिरै नगरी पुरै तलब बुझ्छन् हाम्रा सभासद अनि नेताहरु । तर यही भिड मै माओवादी एकिकृत का वरिष्ठ नेता डा. बाबुराम भट्टराई भने अलग देखिए, उनले घोषणा गरे, गयल भएको दिन को तलब बुझ्दिन ।

पत्रिका ले समाचार लेख्यो ‘वर्ष दिन गयल भए पनि पूरै तलब बुझे सभासदहरुले’ अनि त्यसैकुरा को प्रतिक्रिया स्वरुप डा. भट्टराई ले घोषणा गरे, गयल दिन को पारिश्रमिक फिर्ता दिन्छु (बाबुरामले गयल समयको पारिश्रमिक फिर्ता गर्ने)। पक्कै पनि भट्टराई को यो कदम को सरहाना गर्नै पर्छ ।  विगत मा पनि भ्रमण भत्ता लगायत खर्च मा मितव्ययिता को उदाहरण भट्टराई ले पेश गरिसकेका छन् । एक हिसाब ले हेर्दा लाग्छ, सबै नेताहरुले भट्टराई को जस्तै काम गर्ने हो भने, देश ले केही अवश्य नै प्रगति नै गर्ने थियो ।

तर विडम्बना जुन पत्रिका मा ‘बाबुरामले गयल समयको पारिश्रमिक फिर्ता गर्ने‘ भनेर समाचार छापियो, सोही पत्रिका को त्यही अंक मै प्रमुख खबर यस्तो थियो ‘नक्कली बिल पेश गरी रकम लिन खोजे मन्त्रीहरुले’ । अब ती मन्त्रीहरुलाई के भन्ने ??? एकजना नेता छन्, जो गयल भएको समय को भत्ता बुझ्दिन भन्दैछन् अनि त्यसै भिड मा अन्य नेताहरु छन्, जो देशलाई कंगाल बनाउन लागिपरेकाछन्, नक्कली बिल पेश गरि गरि !

नेताहरु को कति आलोचना मात्रै गर्नु, उनीहरुबाट चालिएको कुनै राम्रो काम को पनि सहराना गरौँ न हैन र ?  पार्टि अनुसार उनको आफ्नो विचार छ राजनिति मा, संघियता अथवा भनौँ गणतन्त्र सम्बन्धि उनको विचार मा त सहमति जनाउन सक्दिन तर उनले चालेको यो कदमलाई भने भित्रि मन देखि नै समर्थन गर्छु । साधुवाद उनको यो कदमलाई ! वाह बाबुराम !!!

समाचार स्रोत: नागरिक दैनिक

Comments

  1. 'बिरोधाभास 'March 10, 2010 at 1:14 AM

    बाबुराम पनि उही ड्याङ को मुला हो वास्तवमा....यस्कालागी उ अर्थ मन्त्री हुँदाको प्रसँग कोट्याउनु पर्ने हुन्छ। हचुवाको कुरो होइन हजार छन प्रमाणहरु....आफु popular हुन र सत्ता प्राप्तिको लागि देखावटी ढर्रा गर्छन् यि देश चुस्ने नकच्चरा ब्वासाहरु .....साबधान साथीहरु !!!

    ReplyDelete
  2. फिर्ता गरे भने त्यो राम्रो उदाहरण हुनेछ। अब हेरौं उनी आफनो वचनमा अडिन्छन् कि अडिदैनन्।

    ReplyDelete
  3. वैचारिक-राजनीतिक विमतिका बाबजुद राम्रो कदमको समर्थन गर्न कन्जुस्याइँ नगर्ने तपाईंको सुझबुझलाई पनि साधुवाद। आफ्ना नेतालाई ढाकछोप गर्दै बाँकी नेतालाई गाली गरेर आत्मतुष्टी लिने बानी लागेका हामीहरुमा यस्तो सुझबुझ साँच्चिकै खट्किएको देखिन्छ।

    ReplyDelete
  4. राम्रो खबर!!!
    तर यदि कुनै पनि नेतासंग नैतिकता बाकी रहेको भए उनीहरुले तलब नै लिनुहुन्न | काम नगरी झगडा मात्रै गरेर र आन्दोलन गरेर तलब लिनु कतिको नियम सङ्गत हुन्छ ??

    यी नेता भनौदाहरु हाम्रो कर तलबको रुपमा खाएर कम नगरी बस्नु नियम सङ्गत हो र ?

    ReplyDelete
  5. thikai chha doctor tapaile bhatta phirta garera ramro kam garnu bhayo dhanyabad tar ke garne tapainkaharule luter piter bhayepani khainai ra chhan tiniharulai kasari tahalagaunu hunchha.

    ReplyDelete
  6. Aba Iran Business class ma sawari bhayeko pani lekhney ki?

    ReplyDelete

Post a Comment

Popular posts from this blog

वान्नाक्राइ र्‍यान्समवेयर : नेपालमा पारेको प्रभाव र जोगिने उपाय

अघिल्लो हप्ता 'वान्नाक्राइ र्‍यान्समवेयर'ले १५० देशका २ लाख ३० हजार भन्दा धेरै कम्प्युटरमा एकैसाथ आक्रमण गरेर सन्सनी मच्चायो । वान्नाक्राइ र्‍यान्समवेयर एक किसिमको कम्प्युटर भाइरस हो, जसले तपाईको कम्प्युटरको डाटालाई नियन्त्रणमा लिन्छ (या भनौँ अपहरण गर्छ) र त्यसवापत फिरौती माग गर्छ । प्रयोगकर्ताले फिरौती रकम नतिरेसम्म, कम्प्युटरका डाटाहरु प्रयोग गर्नबाट रोक्छ । मेरो कम्प्युटर अरुको नियन्त्रणमा कसरी होला? मेरो आफ्नै कम्प्युटरमा रहेको डाटा प्रयोग गर्न नसक्ने पनि होला र? भनेर प्रयोगकर्तालाई जिज्ञासा लाग्नु सामान्य हो ।

वान्नाक्राइ र्‍यान्समवेयर, र यसले नेपालमा पारेको प्रभाव र जोगिने उपायहरुबारे रिगो टेक्नोलोजीले तयार गरेको सामाग्री आजको ब्लगमा साभार गरेका छौँ । रिगो टेक्नोलोजी 'आइटि सेक्युरिटी' कम्पनी हो, जसले व्यवसायहरुको लागि चाहिने सफ्टवेयर टेस्टिङ, सेक्युरिटि अडिट, आइटि अडिट, सेक्युरिटी तालिम आदि विभिन्न सेवा प्रदान गर्छ ।वान्नाक्राइ र्‍यान्समवेयर
हामी पहिले देखिनै फिरौती माग्ने ऱ्यान्समवेयर (Ransomware) (एक प्रकारको कम्प्युटर भाइरस) का बारेमा सुन्दै आएकाछौं। जस्तै: Cr…

Aadha Baato (आधा बाटो) [Download] #Novel #Shrutisambeg

श्रुतिसंवेग मा हामी ले कृष्ण धरावासी को उपन्यास “आधा बाटो” को सम्पूर्ण डाउनलोड लिंक लिएर आएका छौ |आफ्ना जिवन भोगाइ का यथार्थलाई जोडेर तयार पारिएको उपन्यास ‘आधा बाटो’ कृष्ण धरावासी को आत्मकथा को रुपमा रहेको छ ।“राधा” जस्तो सफल उपन्यास लेखिसकेका धरावासी को यो पछिल्लो उपन्यास मा आफ्ना बाल्यकाल देखि हाल को अवस्था सम्म को कुराहरु समेटेर लेखिएको कारण उपन्यासलाई धरावासी ले ‘आधा बाटो’ भन्न रुचाएका छन् ।आफूले देखे सुनेको स्थान, नाम आदि का कारण यो उपन्यास पढ्ने तथा सुन्नेहरुलाई आफ्नै कथा जस्तो पनि लाग्न सक्छ ।उज्यालो ९० नेटवर्क को लागि निर्माण गरिएको कार्यक्रम श्रुति संवेग मा वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।कार्यक्रम को अडियो श्रृंखला उज्यालो नाइन्टि नेटवर्क को कार्यक्रम श्रुतिसम्बेग बाट लिइएको हो ।Download : Krishna Dharabasi’s ‘Aadha Bato’ Episode –1Krishna Dharabasi’s ‘Aadha Bato’ Episode –2Krishna Dharabasi’s ‘Aadha Bato’ Episode –3Krishna Dharabasi’s ‘Aadha Bato’ Episode –4Krishna Dharabasi’s ‘Aadha Bato’ Episode –5Krishna Dharabasi’s…

हाम्रो पात्रोमा स्थानीय निर्वाचनको ताजा नतिजा

स्थानीय निर्वाचनको ताजा नतिजा दिनको लागि हाम्रो पात्रोले स्थानीय निर्वाचन विशेष नयाँ अपडेट सार्वजनिक गरेको छ । हाम्रो पात्रोको पछिल्लो अपडेटसँगै प्रयोगकर्ताले अब सजिलो रुपमा आफ्नो क्षेत्रबाट निर्वाचनमा सहभागी सम्पूर्ण राजनीतिक पार्टिको नाम, सहभागी उम्मेद्वारबारे विस्तृत जानकारी तथा मतगणनाका दौरान प्राप्त नजिता तत्काल हेर्न सक्छन् ।


निर्वाचनका समय प्राप्त जरूरी सूचना, सामाचारको सम्प्रेषण तथा महानगरपालिका, उप-महानगरपालिका, नगरपालिका, तथा गाउँपालिकाहरूमा अग्रता लिएका मेयर, उप-मेयर, गाउँपालिका अध्यक्ष तथा उपाध्यक्षका उम्मेद्वार, राजनीतिक पार्टिहरूको ताजा अवस्था तथा अन्तिम नतिजाबारे हरपलको जानकारी हाम्रोपात्रोमा उपलब्ध हुनेछ । यसका साथै जिल्ला अनुसारका दलहरू, दल अनुसारका उम्मेद्वारहरूका विवरण पनि हेर्न सकिन्छ ।
हाम्रो पात्रोमा उपलब्ध स्थानीय निर्वाचनबारेका गतिविधिहरु सजिलै विभिन्न सामाजिक सञ्जालमा सेयर गर्न सकिन्छ ।


स्थानीय निर्वाचनको ताजा गतिविधि हेर्नको लागि तपाईको फोनमा हाम्रो पात्रोको पछिल्लो संस्करण हुन जरुरी छ । यदि तपाईको फोनमा हाम्रो पात्रोको अटोमेटिक अपडेट छैन भने प्लेस्टोरमा गएर…

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free.
Install Nepali Unicode Romanized in Windows XP:
Install:
Run setup file;
Go to control Panel;
Open Language and Regional settings;
Open Regional Language Options;
Go to Language Options & tick on check box (install files..... Thai, instal....east Asian...languages):
Click apply-it might ask for windows CD:
Insert CD or you can directly copy "i386" files too;
And install all: then you have done;
Click for details;
Then click add a tab;
A new popup will appear:
Select "Sanskrit" in the first box;
Select "Nepali unicode (romanized)" in second box;
Click "ok";
You have successfully installed it;
Press "alt+shif…

Shruti Sambeg : Download तरुनी खेती

Listen to Full Episode of Taruni Kheti.

आज को श्रुति संवेग को यो अंक मा  हामी  ‘सरुभक्त’ को उपन्यास ‘तरुनी खेती’ को सबै अंक लिएर आएका छौँ।


विषयवस्तु परिचित भएपनि, प्रस्तुतिकरण नितान्त फरक रहेको छ । महिला अनि पुरुष, को सामाजिक स्थितिलाई लेखिएर लेखिएको उपन्यास मा, ‘महिला’लाई यौनिक रुप ले हेरिएको छ ।

सरल कुरा तर जटिल प्रस्तुती लाग्ने हुँदा, सुरु मा उपन्यास ले के भन्न खोजिरहेको भन्ने कुरा बुझ्न निकै गाह्रो पर्छ । नारीलाई खेत, पुरुषलाई किसान, यस्तै यस्तै उपमा र बिम्ब बाट नारी र पुरुषलाई परिभाषित गरिएको छ ।

भुमिका मा सरुभक्तले भन्नुभएकोछ, “यसलाई पुरुषहरु ले गलत नबुझुन र नारीहरु ले बुझ्न इन्कार नगरुन्” ।

उज्यालो ९० नेटवर्क को लागि निर्माण गरिएको कार्यक्रम श्रुति संवेग मा सदाझैँ वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।


Download:
Sharubhakta’s Taruni Kheti Episode-1
Sharubhakta’s Taruni Kheti Episode-2
Sharubhakta’s Taruni Kheti Episode-3
Sharubhakta’s Taruni Kheti Episode-4
Sharubhakta’s Taruni Kheti Episode-5

Download Tihar Dhun and Deusi Bhailo Songs

Listen to Deusi Bhailo Songs.

शुभ दिपावलीको आगमनसँगै, यहाँहरुको लागि भनेर केही देउसी-भैलोका गितहरु अनलाइन राख्दैछौँ । आशा छ, यहाँहरुले यी देउसी भैलोका गितहरु मन पराउनुहुनेछ ।

Download Tihar Songs: Bhailini/Bhailo - भैलो

Download Tihar Songs: Bhailini Aayin / भैलिनी आइन आँगन

Download Tihar Songs: deusi re / देउसी रे

Download Tihar Song: tiharai aayo lau jhilimili / तिहारै आयो लौ झिलिमिली

Download Tihar Songs: diyo baali sanjh ko / दियो बाली साँझ को

Download: Tihar Dhun (Deusi,Bhailo)/ तिहार धुन(देउसी भैलो)- सुरसुधा

नोट: यी अपलोड गरिएका गितसंगितहरु व्यावसायिक प्रायोजनको लागि प्रयोग नगर्न आग्रह गर्दछौँ । इन्टरनेटमा भेटिएका गितहरुलाई हामीले यहाँ एकै ठाउँमा सजिलोको लागि राखिदिएको मात्र हौँ । तपाई यदि यी गित संगितको सर्जक हुनुहुन्छ र गित संगित यहाँबाट हटाउनुपर्ने भए जानकारी गराउनुहोला । फेरी एकपटक शुभ दिपावलीको हार्दिक मंगलमय शुभकामना व्यक्त गर्दछौँ ।