Skip to main content

ट्विटरमा तपाईलाई 'फलो' नगर्ने ५ कारण

अघिल्लो महिना ट्विटरले प्रोफाइलको नयाँ डिजाइन सार्वजनिक गर्यो । नयाँ प्रयोगकर्ताहरु भित्र्याउन अनि टिकाउन नसकेको आरोप खेपिरहेको ट्विटरले, नयाँ प्रयोगकर्ताहरुलाई ध्यानमा राखेर नयाँ डिजाइन सार्वजनिक गरेको हो। ट्विटरमा धेरै सुनिने गुनासो भनेको, कसैले फलो गर्दैनन्,  फलोब्याक पनि दिँदैनन्, फलानोले फलोब्याक गरेन अनफलो गर्छु, फलानाले भाउ खोज्यो त्यसलाई ब्लक हान्छु ! गुनासो सबैको आ-आफ्नै ठाउँमा छ, तर पनि बुझ्नुपर्ने कुरा के हो भने, ट्विटर चलाउनु भनेको फलो गर्नेलाई फलोब्याक गर्नैपर्छ भन्ने होइन । ट्विटर चलाउनेहरु आ-आफ्नै रुची अनुसार ट्विटर चलाउने हुँदा, रुचीका विषयमा ट्विट गर्नेहरुलाई प्राय: ले फलो गर्छन् ।


खासगरी नयाँ प्रयोगकर्ताहरुलाई सुरुमा ट्विटरमा टिक्नको लागि आफ्नो साथी वा सर्कल बनाउनुपर्ने/खोज्नुपर्ने हुन्छ । नयाँ प्रयोगकर्ताहरुले सुरुमा आफ्नो रुचीको विषय ट्विट गर्ने, आफूलाई मन परेका थोरै व्यक्तिहरुलाई फलो गर्नुपर्छ र उनीहरुसँग कुराकानी थाल्नुपर्छ । कुराकानी गर्दैगएपछि, तपाईले पच्छ्याएकाले तपाईलाई फलोब्याक दिन्छन्  (कुराकानी भन्नको मतलब प्रसंगमा रहेर गरिएका कुराकानी)। ट्विटर कसरी चलाउँदा रमाइलो हुन्छ भन्ने कुरा पहिले नै यहाँ लेखिसकेकोछु ।

ट्विटरमा तपाईलाई किन कसैले फलो गर्दैनन् भन्ने बारेमा आफूले अनुभव गरेका ५ कुराहरु लेखेको छु ।

१. अन्डा वा छद्म डिपी
ट्विटरमा कसैलाई पच्छ्याउनु पूर्व म उनीहरुको प्रोफाइल हेर्छु । प्रोफाइलमा अन्डाको चित्र छ भने, उनीहरुलाई पच्छ्याउने 'चान्स' अत्यन्तै न्युन भएर जान्छ । कुराकानी धेरै भइसकेको छ भने, कुराकानीबाटै व्यक्तित्व झल्किन्छ, त्यस्तो अवस्थामा छद्म डिपी भएकालाई फलो गर्ने सम्भावना हुन्छ । तर अधिकांश अवस्थामा 'फोटो'ले व्यक्तित्व झल्काउँछ, म यो व्यक्तिसँग कुरा गर्दैछु भन्ने थाहा भयो भने पनि फलो गर्ने सम्भावना हुन्छ । अन्यथा अन्डा वा छद्म डिपी भएकालाई कसैले पनि फलो गर्न रुचाउँदैनन् ।


२. बायो नहुनु
तपाईले प्रोफाइलमा आफ्नो अनुहार देखिने फोटो त राख्नुभएको छ तर नाम र बायो छैन भने, तपाईलाई अरुले फलो गर्ने सम्भावना अत्यन्तै न्युन हुन्छ ।


फोटो र बायो दुबैले कसैको व्यक्तित्वबारे प्रस्ट भइँदैन भने, उक्त व्यक्तिहरुलाई फलो नगर्ने सम्भावना बढि हुन्छ । आफूले भेटेको, चिनेको छ भने बायो अनि नाम नै नभएपनि फलो गर्ने सम्भावना पनि उत्तिकै हुन्छ ।

तपाई के गर्नुहुन्छ, तपाईको रुची के हो, कस्ता किसिमका ट्विटहरु गर्नुहुन्छ भन्ने कुराहरु वायोमा लेखिएको खन्डमा तपाईजस्तै रुची भएका, तपाईलाई फलो गर्न चाहने जो कोहीलाई तपाईको व्यक्तित्वबारे थाहा हुन्छ र चाँडै फलो गर्ने सम्भावना रहन्छ ।


स्टार्टअप, टेक्नोलोजी, आन्टरप्रेनरसिप, नेपाल आदिको बारेमा ट्विट गर्नेलाई प्राय: मैले पच्छ्याउने गर्छु । फोटो, नाम र वायो अनि केही ट्विटहरु नै 'फलो' गर्नको लागि काफी छ ।

३. फलोइङ रेसियो
फलोअरस् भन्दा धेरै फलोइङ हुँदा पनि, फलो नगर्ने सम्भावना हुन्छ । यस्ता प्रोफाइलहरु मलाई फेक वा स्पाम एकाउन्टहरु हुन् जस्तो लाग्छ, अर्को कुरा यस्ता प्रोफाइलहरुको बायो पनि अपुरो रहेकोहुन्छ ।


यसैले पनि नयाँ प्रयोगकर्ताहरुले सुरुमा थोरैलाई मात्र फलो गर्नुपर्छ, सानो सर्कलबाट कुराकानी सुरु गर्दै नेटवर्क ठूलो बनाउँदै जानुपर्छ । अर्को कुरा, यस्ता ट्विटर एकाउन्ट चलाउनेहरु ट्विट चैँ पढ्छन् तर आफैँ ट्विट चैँ गर्दैनन् भनेर पनि बुझिन्छ, अनि ट्विट नै नगर्नेलाई किन फलो गर्नु?

४. टिमफलो ब्याक
बायोमा लेखिएको हुन्छ, "मलाई फलो गर्नुस्, म फलो ब्याक गर्छु" - टिमफलो ब्याक । यो देख्ने बित्तिकै यिनीहरु 'फलो र अनफलो' कै मात्र हिसाब गरेर बस्छन्, र ट्विटमा 'भ्यालु' दिँदैनन् भनेजस्तो लाग्छ । यस्तो टिमफलोब्याकलाई फलोअरको गन्ति गर्ने बाहेक अरुले फलो गर्न रुचाउँदैनन् ।


५. अटो ट्विट
फेसबुक र इन्स्टाग्रामा पोस्ट गरिएको फोटोको लिंकहरु अटोमेटिक ट्विट गर्ने, दिनहुँ यतिले फलो र अनफलो गर्यो भन्ने किसिमको अटो ट्विट गर्ने ट्विटर एकाउन्टहरुलाई पनि प्राय: फलो गर्न रुचाउँदैनन् । फलो गरिएको छ भनेपनि अनफलो गरिन्छ ।

अन्त्यमा,

Comments

  1. ट्वीटरमा बरिष्ठ/कनिष्ठ को कित्ता छुट्टयाउने, अर्थपूर्ण बहसमा भाग नलिने, आफ्नो कुनै बिचार नै नभएका, फलो/अनफलोमा रुवाबासी आदि इत्यादि.. गर्ने हाम्रा नेपाली प्रयोगकर्ताहरुले माथीको लेखको सार बुझिदिए धेरै सहज हुनेथियो !

    ReplyDelete
  2. मेरो पनि त्यही कुरा बुझाउने प्रयाश हो ।

    ReplyDelete
  3. मलाई त खत्रा लाग्यो ।

    ReplyDelete
  4. Specially we only engage with our interest on twitter, that's the way we going to be more interactive, when using twitter... no matter how many following and followers, if you have good concentration on your twitter post i am pretty sure they will follow you back someday. Another thing is, we can buy twitter followers in the today's market in very cheaper price (in fact, that doesn't make sense to me)

    I am not following you, but i know about tweets #It_matters !

    ReplyDelete
  5. change facebook page name http://blastsoftwares.blogspot.com/2014/03/facebook-page-name-changer-2014.html

    ReplyDelete

Post a Comment

Popular posts from this blog

नियात्रा : घान्द्रुक को घुमाइ -१

शैक्षिक अध्ययन/ भ्रमण जान नपाएको धुनमा हामी एकपटक विद्यार्थीहरुकै पहलमा चिसापानी पुगिसकेका छौं। सुन्दरीजलबाट एकदिनको पदयात्रामा चिसापानी पुग्न सकिन्छ। सन् २००९ अक्टोबरको महिना। जहिले पनि शैक्षिक अध्ययन/ भ्रमणमा नलगिएको वा घुम्न नपाएको पिडाले मन भरिरहने हामी विद्यार्थीहरुलाई फेरी एकपटक घुम्नजान मन लाग्न थाल्यो। घुम्न मन लाग्यो भनौं कि पढ्न मन लागेन भनौं?... जे बुझेपनि हुन्छ। जता गएपनि सत्य तपाईंकै बटोमा हिँडेको हुनेछ। घुम्न त जाने, तर कहाँ? प्रेम छिरिङग् शेर्पाको दिमाग यहाँनेर हामी सबैको भन्दा छिटो चल्छ, जहिलेपनि। फेरी अच्चमको कुरा के भने नि- नेपालमा अधिकांश ‘घुम्ने’ ठाउँ कि त प्रेम छिरिङग् पुगिसकेको छ कि त उसका साथीहरु। निकै नै रसिक छन् हाम्रा साथी प्रेम छिरिङग् शेर्पा। हामी अधिकांश छात्रहरुलाई भक्तपुरको छ्याङग्शाला, काठमाडौंको टुकुचे भान्छा घर आदी देखाउने श्रेय यीनैलाई जान्छ। यो श्रेय कम्तिमापनि म, उसलाई कृतज्ञताका साथ दिन चाहान्छु। अघिल्लो पल्ट गएको चिसापानि पदयात्रा पनि प्रेम छिरिङग् कै सक्रियतामा संम्भव भएको थियो। त्यसैले यसपटकको यात्राको निणर्य गर्ने जिम्मा पनि प्रेम र गौरबलाई

घोडा तबेला [संस्मरण]

स्याफ्रुवेसीबाट बिहान साँढे सात बजे निस्कँदा, एकैदिनमा धेरै माथिसम्म नजानु 'हाइ' (लेक) लाग्छ भन्ने लोप्साङ, लामा होटल आइपुग्दा, पानी पर्दैन तपाईहरु माथि जान सक्नुहुन्छ भन्न थालेको थियो ।  दुई बजे लामा होटल पुग्दा, पानी सिमसिम परिरहेको थियो, चियाका लागि हामी (विवेक दाइ र म) छेउको होटलमा रोक्कियौँ । लोप्साङ, आफ्नी जर्मन पर्यटक लाउरालाई लिएर अलि पर्तिरको होटलमा गएर रोकियो, हामीले लोप्साङलाई बोलायौँ तर उसले ईशाराले नआउने संकेत गर्यो, उ चिया पिउँदै थियो । तर लोप्साङ सँगै भएकी जर्मन पर्यटक हामी बसेको होटलमा आएर गफ गर्न लागेपछि, लोप्साङ पनि पछिपछि आयो । एक घन्टा बस्दा पनि पानी खासै रोकिएन, तर लोप्साङ पानी रोकिन्छ, तपाईहरु घोडातबेला पुग्नुहुन्छ भनेर हामीलाई भनिरहेथ्यो, सायद उ हामीलाई लामा होटलमा नबसोस् भन्ने चाह गरिरहेको थियो । अघिल्लो दिन माछापोखरी, काठमाडौँबाट बस चढ्दा, लोप्साङ हामी भन्दा अघिल्लो सिटमा थियो । ९ घन्टा लामो बस यात्रामा, लाउरा सँग खासै केही कुरा नभएपनि, लोप्साङ हाम्रो लागि पनि गाइड झैँ बनिसकेको थियो । स्याफ्रुवेसी, विवेक दाइ र मेरो लागि नौलो थियो, लोप्साङकै पछि लागेर, ह

आइफोन, आइप्याड र एप्पल वाचका लागि हाम्रो पात्रोको नयाँ एप

आइफोन, आइप्याड र एप्पल वाचका लागि हाम्रो पात्रोले नयाँ एप सार्वजनिक गरेको छ । यो नयाँ अपडेट सँगै एन्ड्रोइड एपमा उपलब्ध विभिन्न फिचरहरु आइफोन एपमा उपलब्ध भएको छ । आइफोन प्रयोगकर्ताहरुले अब एकै विषयका उस्तै समाचारहरु एकै ठाउँमा पढ्न सक्नेछन् । गतवर्ष नेपाली न्युज माइनिङ इन्जिन प्रयोग गरेर एउटै विषयका उस्तै समाचारहरु, विभिन्न स्रोतहरुबाट लिएर हाम्रो पात्रोको एन्ड्रोइड एपमा पढ्न मिल्ने सुविधा थपिएको थियो । मेसिन लर्निङ पद्दतिबाट नेपाली भाषा सम्बन्धि तालिम गराइएको 'नेपाली न्युज माइनिङ इन्जिन'ले नेपाली भाषामा उस्तै प्रकारका समाचार देखाउने कार्यमा ९० प्रतिशत सफलता हासिल गरेकोछ । हाम्रो पात्रोका संस्थापक शंकर उप्रेतीका अनुसार, हाम्रो पात्रो एपको इन-एप ब्राउजर पहिलेको भन्दा ४० प्रतिशत "फास्ट" बनाइएको छ । नयाँ आएको आइफोन एपमा तस्विरहरुलाई पनि "अप्टिमाइज" गरिएकोछ, भन्नको मतलब एप खोल्दा अब हाम्रो पात्रोले डाटा स्पिड/नेटवर्क अनुसार तस्विरको गुणस्तर (क्वालिटि) स्वत घटबढ हुने सुविधा थपेको छ । हाम्रो पात्रो एप सबैभन्दा सुरुमा आइफोनको लागि बनाइएको भएपनि, एन्ड्रो

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

गुगलको अटोड्र - चित्र बनाउन एकदमै सजिलो

"सबैको लागि छिटो चित्र बनाउनको लागि" भन्दै गुगल'ले कम्प्युटर, मोबाइल तथा ट्याबलेटमा सजिलैसँग चलाउन मिल्ने 'अटोड्र' नामक वेव एप सार्वजनिक गरेको छ । केही पहिले चित्र बनाउने सजिलो तरिका 'को बारेमा लेखेको थिँए, आज चाँहि छिट्टो चित्र बनाउने गुगलको अटोड्रबारे लेख्दैछु । 'तँ आँट, म पुर्‍याउँछु' भनेझैँ हामीले हातले कोरेको चित्रहरुलाई, गुगल ले मेसिन लर्निङ पद्धतिबाट बुझेर हामीले बनाउन खोेजेको चित्र तुरुन्त बनाइदिन्छ । भन्नको मतलब मैले अटोड्र मा गोलाकार चित्र कोरेँ भने गुगलले मैले कोरेको गोलो चित्रसँग मिल्दोजुल्दो चित्रहरु देखाइदिन्छ, जुन आफूले छानेर राख्न सकिन्छ । उक्त चित्रलाई सानो, ठूलो बनाउनको साथै, रंगहरु परिवर्तन गर्न सकिन्छ । हेर्दा, सोच्दा सामान्य लाग्ने 'अटोड्र'मा आफूलाई चाहिएको चित्रहरु छिटो बनाउन सकिन्छ । कुनै आईकन चाहियो वा कसैलाई केही कुरा बुझाउनुपर्‍यो वा कसैलाई 'पोष्टकार्ड' बनाएर दिनुपर्‍यो भने, कि त गुगल सर्च नै गर्नुपर्ने वा क्यान्भा, पेन्सिल लगायतका विभिन्न वेब एपहरु प्रयोग गर्नुपर्ने झन्झटबाट 'अटोड्र'ले छुटका

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

Subscribe to Aakar Post