ट्विटरमा एकाबिहानै जी. पौडेल (@gpoudel) को फोटो सहितको ‘मेन्सन’ आएको रहेछ, गएराती “नेपाल” ट्विटरको ट्रेन्ड टपिकमा देखियो भनेर ! हामीले हत्तपत्त रिट्विट गर्यौँ, नेपाली ट्विटर प्रयोगकर्ताहरुले आपसमा खुशी पनि साटासाट गरे तर केही छिनमै हल्ला फैलियो, हैन नेपाल ट्विटरमा देखिएकै छैन, पौडेलले सबैलाई झुक्याए, त्यो त ‘फोटोसप’ गरेको ‘फेक’ फोटो हो, आदि इत्यादी ! केहीले भन्नु नभन्नु, केही बाँकी राखेनन्, त्यो देख्दा चाँही नराम्रो लाग्यो ! फोटो सहित गरेको ट्विटलाई आधारहिन भन्दै ‘फेक’ फोटो र ‘फेक’ ट्रेन्ड भन्दै, ट्विटगर्ने र ती ट्विट रिट्विट गर्नेको बाढि नै आयो । ती ट्विटहरु देखेपछि मलाई ‘नेपाल’ ट्रेन्ड भएको भएपनि खासै उत्साहित बनाएन !
इनरेभ सिस्टम बेङ्लोरको सोसल मिडिया मोनिटरिङ टुल – “सिम्प्लिफाइ ३६०” बाट आफूले सोचे अनुसारको ‘डाटा’ पाइयो अनि ट्रेन्डिङ कसरी भयो र कसरी ट्विटर प्रयोगकर्ताहरु बिच विश्वासको संकटको जड के रहेछ भन्ने पनि थाहा भयो।
सिम्प्लिफाइ ३६० का अनुसार मार्च १५ को दिनमा १२ हजार भन्दा धेरै ट्विटमा ‘नेपाल’ मेन्सन भएको थियो । माथिको ग्राफमा पनि हेर्न सकिन्छ, मार्च १५ अघि र मार्च १५ को ट्विटमा आकाश पातालको फरक छ ! मार्च १४ को दिन देखि नेपाली ट्विटर प्रयोगकर्ताहरु ‘नेपाल’ ट्रेन्ड गरौँ भन्दै ट्विट गर्न थालेका थिए । उक्त दिन करिब ५ हजारको हाराहारीमा ट्विटरमा ‘नेपाल’ मेन्सन भएको थियो । तर मार्च १५ को दिन, भने नेपाल लेखिएका ट्विटहरु १२ हजार भन्दा धेरै थियो । सिएनएन र बिबिसीले आफ्ना अनलाइन संस्करणमा नेपाल सम्बन्धि समाचारहरु प्रकाशन गरेका कारण पनि, उक्त दिन नेपाल लेखिएका ट्विटहरुको सङ्ख्या धेरै थियो ।
माथिको ग्राफमा देख्न सकिन्छ नेपाल लेखीएका ट्विटहरुको सङ्ख्या १४ मार्च देखि बढ्न थालेकोछ । अत: फेरिपनि ‘नेपाल’ ट्विटरमा देखिएको भन्ने कुरामा विश्वस्त भएँ ।
‘नेपाल’ मेन्सन गरेर ट्विट गर्नेहरु मध्ये करिब ७४ प्रतिशत पुरुष थिए भने, २४ प्रतिशत महिलाहरु थिए । यी माथिका डाटाहरुले ट्विटको बारेमा धेरै भनिसकेपनि ट्रेन्डको बारेमा प्रस्ट पार्न सकेको थिएन ! आखिर कहाँ देखियो ‘नेपाल’ भन्ने खुल्दुली अझै बाँकी थियो ।
अब कुरा गरौँ नेदरल्यान्डमा रहनुभएका जी पौडेलको ट्विटको । उनले आइफोनबाट स्क्रिनसट लिएर ट्विट गरेका थिए । ट्विटरले ‘नेदरल्यान्ड’ को लोकल ट्रेन्ड र ‘वल्डवाइड’ ट्रेन्डलाई आइफोनमा एकै ठाउँमा देखायो । सबै भन्दा माथिको फोटो र सबैभन्दा तलको फोटो ‘कम्पेयर’ गरेर हेर्नुस् ! दुवै फोटोमा नेपाल देखिएको भएपनि, अन्य केही ट्रेन्डहरु फरक छन् ।
फोनमा ट्विटर चलाउँदै गर्दा, ट्रेन्डमा नेपाल देख्दा जो कोहीले संसारभर ट्रेन्ड नै भएको होला भन्ने सोच्छ ! यही कुरा जी पौडेलको हकमा पनि लागु भएको देखिन्छ र यो स्वभाविक कुरा हो । पौडेलले कुनै पनि हिसाबले झुटो बोलेको वा, फोटोलाई फोटोसपमा इडिट गरेको देखिँदैन । तर ट्विटरको लोकल ट्रेन्ड र वल्डवाइड ट्रेन्ड एकै ठाउँमा देखिएको कारण, पौडेल आफैँ झुक्किएका देखिन्छन् ।
जसले जे भने नि, पत्याए नि नपत्याए पनि, ‘नेपाल’ केही समयको लागि टविटरको ट्रेन्ड लिस्टमा देखिएको थियो ! नेपाली ट्विटर प्रयोगकर्ताहरुले ‘नेपाल’ ट्रेन्ड गराउन सक्दो प्रयास गरेका थिए, र केही हदसम्म सबैजना सफल भएका छन्, हामी सबैलाई बधाइ छ ।
माथिका डाटाहरु सिम्प्लिफाइ ३६० बाट लिइएको हो ।
Yes, @Blogger.Dai would be better to learn about trends in future as well if more comparative parameters and variable from that analytical tool are mentioned, what you say, Aakar Anil ?
ReplyDeleteIt would have been great if you could enumerate what the topic was about... for example how many % talked about #nepal by just having the tag.
ReplyDelete