Skip to main content

अब झोला बोकेर स्कुल जाने #tfcNepal #Smile #School #Twitter

ट्विटर ले जुटाइदिएको साथीभाइ बिच को भेटघाटबाट एउटा नयाँ अवधारणाले जन्म लिएको थियो, नयाँ वानेश्वरको छक्कुबक्कु मा चिया पिउँदै गर्दा ! हाम्रो सानो ४ जना को ‘ग्याङ’ ट्विटर बाट बनेको थियो । नामै तोकेर भन्दा, प्रमोद, निरज, इश्वर अनि म । हाम्रो बाक्लिँदै गएको भेटघाट अनि भेटघाटमा हुने गफगाफ बाट केही गरौँन भन्ने कुराले जन्म लिएको थियो । हामी ट्विटेहरुको सानो समूहले सानो काम गर्ने सोच्यो, सबै साथीहरुलाई आग्रह गरियो, सबै को समर्थन पाइयो, सुरुभयो हाम्रो एककिसिम को सामाजिक अभियान त्यो पनि ट्विटर चलाउँदै ।

आइतबार तेस्रो मिसन पनि सम्पन्न भयो । अघिल्लो दुइवटा मिसन मा म पनि सँगै थिए तर तेस्रो मिसन चलिरहँदा म अन्तै व्यस्त भइरहेछु । पहिलो मिसन मा जाँदा सबैभन्दा ‘सक्सेसफुल’ मिसन त्यही नै हो भन्ने लागेको थियो, हुन पनि हो त्यो हाम्रा लागि निकै अविस्मरणिय क्षण थियो । अनि ट्विटरबाट भेला भएका साथीहरुले आफ्नो निस्वार्थ भावले, कार्यक्रम सफल बनाउनु भएको थियो । पहिलो, दोस्रो हुँदै तेस्रो मिसन पनि सकियो । तेस्रो मिसन को तस्विरहरु ट्विटपिक, पिकासा र फ्लिकर मा हेर्दै जाँदा मन एकोहोरो भएको छ, मन केही भक्कानिएको छ ।

i-am-happy-with-this-bagकहिलेकाँही साह्रै खुशी लागिदिन्छ, अरुको खुशी देखेर ! अनि कहिलेकाँही मन दुखी बन्छ अरुलाई दुखी देखेर । स्कुल ड्रेसमा सजिएका ती साना भाइबहिनी को मनस्थिती अनि टिएफसी को झोला लिएपछि को उत्साह म फोटो हेरेर पत्ता लगाउने कोशिस गरिरहेछु । तिलगंगामा अवस्थित शारदा नि. मा. बि. मा पाठ्यसामग्रीहरु वितरण गरियो, तेस्रो मिसन को रुपमा । ट्विटरबाट भेट भएका साथीभाइहरुको उपस्थिति थियो ।

दुइ दिन अघि मात्रै क्यानेडेली नागरिक मार्क को ब्लग पढेको थिँए “10 random things I love about Nepal”  जहाँ उनले पहिलो कुरा स्कुल जाने साना नानीहरुबाटै सुरु गरेका थए । मार्क ले लेखेका थिए “युनिफर्म मा सजिएर, झोला बोकेर बिहानै स्कुल जाने साना नानीहरुको लस्कर साह्रै मनपर्छ” । सायद मार्क को ब्लग भर्खरै पढेका कारण पनि, आइतबारे मिसन को फोटो देखेपछि, मन मा थरि थरिका कुरा आएकाहोलान्।

फोटो देखेर, लागेको खुशी यहाँ शब्दमा व्यक्त गर्न साह्रै गाह्रो छ मलाई । फोटोमा ती साना नानीहरुको मुहार का विभिन्न भावभंगीहरु हेरेर म मुस्कुराइरहेको पनि छु । सायद उनीहरुले घर जाने बित्तिकै, आफ्नो झोला घरका सबैलाई देखाए होलान् । हिजो सम्म कसैसँग झोला थिएन होला, कसैको पुरानो झोला थियो होला, कसैको झोला फाटेको थियो होला । सायद हिजो झोला लिन कोही छुटेनन् होला । अब सबैले आफ्नो झोला भन्दै गर्वले बोकेर स्कुल जालान् । सबै सँग उस्तै झोला छ, सबै सँग कपि छ, अनि पेन्सिल र सार्पनर पनि छ ।

भविष्य को सपना के देखेकाछन् थाहा छैन तर पनि जिवन मा सोचेको र भनेको जस्तो थोरै मात्र पुग्ने गर्छ । कहिलेकाँही आफ्नो सानो इच्छा पुरा गर्न पनि साह्रै कठिन हुन्छ । कतिलाई लागेको थियो होला, एउटा राम्रो झोला भएपनि, मेरो किताब हराउँदैन थियो होला, पानीले भिजाउँदैन थियो होला, यो झरीमा पनि । कहिले काँही आफ्नो सानो इच्छा पुरा हुँदा मन साह्रै फुरुङ्ग हुन्छ हाम्रो, यो गर्छु र त्यो गर्छु भन्ने योजना बनाउँछौँ र त्यसलाई पुरा गर्न मरिमेट्छौँ । सायद, झोला ले उनीहरुलाई पनि त्यही किसिम को उत्साह दिन्छ होला भन्ने आशा गर्छु । साँच्चै युनिफर्म मा सजिएर, झोला मा कपि र किताब बोकेर स्कुल जाँदै गरेको साना नानीहरु को समूह हेर्दा मन साह्रै रमाउँछ । उनीहरुको आफ्नो सानो खुशीमा यो झोला ले अर्को सानो खुशी थपिदिएको होला भन्ने आशा छ, सायद उनीहरु आ-आफ्ना साथीहरुलाई भन्दै होलान् अब म पनि झोला बोकेर स्कुल जाने ! साना साना नानीहरुको भविष्य को सपना साकार होस् ! शुभकामना !!

bag has family valuesi-m-so-much-happynamingtfc2tfc3tfc4tfc5tfcnepal-1victory

सबै तस्विरहरु सोमेश वर्मा

Comments

  1. Wow, I'm impressed! U guys r doing great job! Will be waiting for mission 4 then.

    ReplyDelete
  2. what an awe-inspiring and admirable work !

    ReplyDelete
  3. (कहिलेकाँही आफ्नो सानो इच्छा पुरा गर्न पनि साह्रै कठिन हुन्छ । कतिलाई लागेको थियो होला, एउटा राम्रो झोला भएपनि, मेरो किताब हराउँदैन थियो होला, पानीले भिजाउँदैन थियो होला, यो झरीमा पनि । कहिले काँही आफ्नो सानो इच्छा पुरा हुँदा मन साह्रै फुरुङ्ग हुन्छ हाम्रो, यो गर्छु र त्यो गर्छु भन्ने योजना बनाउँछौँ र त्यसलाई पुरा गर्न मरिमेट्छौँ ।) - यो भन्दा सुन्दर र यो भन्दा शान्त शब्दको चयन अरु कुनै पनि छैन होला । धन्यवाद आकरजी ।   

    ReplyDelete
  4. ma timro bhawana ko kadar gardachhu aakarji

    ReplyDelete
  5. wow! what an inspiring initiative ..

    ReplyDelete
  6. Wow, I'm impressed! U guys r doing great job! Will be waiting for mission 4 then.

    ReplyDelete
  7. Keep up the good work!!!

    Thanks for sharing.

    ReplyDelete
  8. खुशी पाउन, हास्न, रमाउन अन्त टाढा कतै जान पर्ने, धेरै खर्च गर्नु पर्ने नै होइन रहेछ | ट्विटरमा भेट भएका साथीहरुका यथासक्य सहयोगले हामीले अरुलाई त खुशी बनायौँ नै, सबैभन्दा आफैँ  धेरै हुने अवसर मिलेको छ | सबैले साथ एवम् हौसला प्रदान गर्नुभएको छ, अझै बढी खुशीको माहोल प्रवाह भएको छ | सम्पूर्ण असल मनहरुप्रति आभार !

    ReplyDelete

Post a Comment

Popular posts from this blog

नियात्रा : घान्द्रुक को घुमाइ -१

शैक्षिक अध्ययन/ भ्रमण जान नपाएको धुनमा हामी एकपटक विद्यार्थीहरुकै पहलमा चिसापानी पुगिसकेका छौं। सुन्दरीजलबाट एकदिनको पदयात्रामा चिसापानी पुग्न सकिन्छ। सन् २००९ अक्टोबरको महिना। जहिले पनि शैक्षिक अध्ययन/ भ्रमणमा नलगिएको वा घुम्न नपाएको पिडाले मन भरिरहने हामी विद्यार्थीहरुलाई फेरी एकपटक घुम्नजान मन लाग्न थाल्यो। घुम्न मन लाग्यो भनौं कि पढ्न मन लागेन भनौं?... जे बुझेपनि हुन्छ। जता गएपनि सत्य तपाईंकै बटोमा हिँडेको हुनेछ। घुम्न त जाने, तर कहाँ? प्रेम छिरिङग् शेर्पाको दिमाग यहाँनेर हामी सबैको भन्दा छिटो चल्छ, जहिलेपनि। फेरी अच्चमको कुरा के भने नि- नेपालमा अधिकांश ‘घुम्ने’ ठाउँ कि त प्रेम छिरिङग् पुगिसकेको छ कि त उसका साथीहरु। निकै नै रसिक छन् हाम्रा साथी प्रेम छिरिङग् शेर्पा। हामी अधिकांश छात्रहरुलाई भक्तपुरको छ्याङग्शाला, काठमाडौंको टुकुचे भान्छा घर आदी देखाउने श्रेय यीनैलाई जान्छ। यो श्रेय कम्तिमापनि म, उसलाई कृतज्ञताका साथ दिन चाहान्छु। अघिल्लो पल्ट गएको चिसापानि पदयात्रा पनि प्रेम छिरिङग् कै सक्रियतामा संम्भव भएको थियो। त्यसैले यसपटकको यात्राको निणर्य गर्ने जिम्मा पनि प्रेम र गौरबलाई

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

आइफोन, आइप्याड र एप्पल वाचका लागि हाम्रो पात्रोको नयाँ एप

आइफोन, आइप्याड र एप्पल वाचका लागि हाम्रो पात्रोले नयाँ एप सार्वजनिक गरेको छ । यो नयाँ अपडेट सँगै एन्ड्रोइड एपमा उपलब्ध विभिन्न फिचरहरु आइफोन एपमा उपलब्ध भएको छ । आइफोन प्रयोगकर्ताहरुले अब एकै विषयका उस्तै समाचारहरु एकै ठाउँमा पढ्न सक्नेछन् । गतवर्ष नेपाली न्युज माइनिङ इन्जिन प्रयोग गरेर एउटै विषयका उस्तै समाचारहरु, विभिन्न स्रोतहरुबाट लिएर हाम्रो पात्रोको एन्ड्रोइड एपमा पढ्न मिल्ने सुविधा थपिएको थियो । मेसिन लर्निङ पद्दतिबाट नेपाली भाषा सम्बन्धि तालिम गराइएको 'नेपाली न्युज माइनिङ इन्जिन'ले नेपाली भाषामा उस्तै प्रकारका समाचार देखाउने कार्यमा ९० प्रतिशत सफलता हासिल गरेकोछ । हाम्रो पात्रोका संस्थापक शंकर उप्रेतीका अनुसार, हाम्रो पात्रो एपको इन-एप ब्राउजर पहिलेको भन्दा ४० प्रतिशत "फास्ट" बनाइएको छ । नयाँ आएको आइफोन एपमा तस्विरहरुलाई पनि "अप्टिमाइज" गरिएकोछ, भन्नको मतलब एप खोल्दा अब हाम्रो पात्रोले डाटा स्पिड/नेटवर्क अनुसार तस्विरको गुणस्तर (क्वालिटि) स्वत घटबढ हुने सुविधा थपेको छ । हाम्रो पात्रो एप सबैभन्दा सुरुमा आइफोनको लागि बनाइएको भएपनि, एन्ड्रो

गुगलको अटोड्र - चित्र बनाउन एकदमै सजिलो

"सबैको लागि छिटो चित्र बनाउनको लागि" भन्दै गुगल'ले कम्प्युटर, मोबाइल तथा ट्याबलेटमा सजिलैसँग चलाउन मिल्ने 'अटोड्र' नामक वेव एप सार्वजनिक गरेको छ । केही पहिले चित्र बनाउने सजिलो तरिका 'को बारेमा लेखेको थिँए, आज चाँहि छिट्टो चित्र बनाउने गुगलको अटोड्रबारे लेख्दैछु । 'तँ आँट, म पुर्‍याउँछु' भनेझैँ हामीले हातले कोरेको चित्रहरुलाई, गुगल ले मेसिन लर्निङ पद्धतिबाट बुझेर हामीले बनाउन खोेजेको चित्र तुरुन्त बनाइदिन्छ । भन्नको मतलब मैले अटोड्र मा गोलाकार चित्र कोरेँ भने गुगलले मैले कोरेको गोलो चित्रसँग मिल्दोजुल्दो चित्रहरु देखाइदिन्छ, जुन आफूले छानेर राख्न सकिन्छ । उक्त चित्रलाई सानो, ठूलो बनाउनको साथै, रंगहरु परिवर्तन गर्न सकिन्छ । हेर्दा, सोच्दा सामान्य लाग्ने 'अटोड्र'मा आफूलाई चाहिएको चित्रहरु छिटो बनाउन सकिन्छ । कुनै आईकन चाहियो वा कसैलाई केही कुरा बुझाउनुपर्‍यो वा कसैलाई 'पोष्टकार्ड' बनाएर दिनुपर्‍यो भने, कि त गुगल सर्च नै गर्नुपर्ने वा क्यान्भा, पेन्सिल लगायतका विभिन्न वेब एपहरु प्रयोग गर्नुपर्ने झन्झटबाट 'अटोड्र'ले छुटका

घोडा तबेला [संस्मरण]

स्याफ्रुवेसीबाट बिहान साँढे सात बजे निस्कँदा, एकैदिनमा धेरै माथिसम्म नजानु 'हाइ' (लेक) लाग्छ भन्ने लोप्साङ, लामा होटल आइपुग्दा, पानी पर्दैन तपाईहरु माथि जान सक्नुहुन्छ भन्न थालेको थियो ।  दुई बजे लामा होटल पुग्दा, पानी सिमसिम परिरहेको थियो, चियाका लागि हामी (विवेक दाइ र म) छेउको होटलमा रोक्कियौँ । लोप्साङ, आफ्नी जर्मन पर्यटक लाउरालाई लिएर अलि पर्तिरको होटलमा गएर रोकियो, हामीले लोप्साङलाई बोलायौँ तर उसले ईशाराले नआउने संकेत गर्यो, उ चिया पिउँदै थियो । तर लोप्साङ सँगै भएकी जर्मन पर्यटक हामी बसेको होटलमा आएर गफ गर्न लागेपछि, लोप्साङ पनि पछिपछि आयो । एक घन्टा बस्दा पनि पानी खासै रोकिएन, तर लोप्साङ पानी रोकिन्छ, तपाईहरु घोडातबेला पुग्नुहुन्छ भनेर हामीलाई भनिरहेथ्यो, सायद उ हामीलाई लामा होटलमा नबसोस् भन्ने चाह गरिरहेको थियो । अघिल्लो दिन माछापोखरी, काठमाडौँबाट बस चढ्दा, लोप्साङ हामी भन्दा अघिल्लो सिटमा थियो । ९ घन्टा लामो बस यात्रामा, लाउरा सँग खासै केही कुरा नभएपनि, लोप्साङ हाम्रो लागि पनि गाइड झैँ बनिसकेको थियो । स्याफ्रुवेसी, विवेक दाइ र मेरो लागि नौलो थियो, लोप्साङकै पछि लागेर, ह

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

Subscribe to Aakar Post