Skip to main content

देश को अर्थतन्त्र सुधार्न नेपाल सरकारले ‘नेपाली फेसबुक’ मा लगानी गर्ने

अर्थमन्त्री सँग गम्भिर मतभेद हुँदै राजिनामा दिएका सचिव रामेश्वर खनाल को बारेमा कुरा गर्न अस्ति बसेको मन्त्रीपरिषद को बैठकले देश को अर्थतन्त्र सुधार्न फेसबुक को नेपाली भर्सन ‘नेपाली फेसबुक’ मा लगानी गर्ने निर्णय गरेको छ ।Facebook-logo 

पाँच सय ‘मिलियन’ भन्दा धेरै प्रयोगकर्ताहरु भएको फेसबुक, विश्व मै सबैभन्दा धेरै हेरिने गुगल पछिको दोस्रो ठूलो साइट हो । हालै को तथ्याङ्क अनुसार नेपाल मा चाँही “फेसबुक” सबैभन्दा धेरै हेरिने साइट हो भने सबैभन्दा धेरै हेरिने दोस्रो साइट ‘गुगल’ हो । तथ्याङ अनुसार कुल जनसंङ्ख्याको २ दशमलव २ प्रतिशत (2.2%) नेपालीले ईन्टरनेट चलाउँछन् र ती २.२% भित्रका करिब ८ लाख ५० हजारले फेसबुक चलाउँछन् ।

सिएनएन को How much is Facebook really worth? भन्ने लेख अनुसार फेसबुकलाई  ६५ अर्ब डलर (नेपालीमा ४७.४५ खरब रूपैयाँ; फेसबुकभन्दा हाम्रो देशको वार्षिक बजेट १५ गुणा गरिब छ )  को साइट आँकिएको छ । त्यस्तै टेक्नोलोजी साइट ‘टेकक्रन्च’ ले  फेसबुकलाई याहु र इवे भन्दा धनी साइट को रुपमा चित्रण गरेको छ । (हेर्नुहोस् तलको चार्ट, स्रोत: टेकक्रन्च)
fb-valuation-chart 
नेपाल का ‘इन्टेलिजेन्स’हरुले फेसबुक का बारेमा तयार पारेको गोप्य रिपोर्ट को आधारमा अस्ति बसेको मन्त्री परिषद को बैठकले, ‘नेपाली फेसबुक’ मा लगानी गर्ने निर्णय गरेको हो । आगामी केही महिना भित्र सबै नेपाली को हातमा मोबाइल पुर्याउने निर्णय गरेको, नेपाल सरकार ले ‘देशको अर्थतन्त्र’ उकास्न को लागि ‘फेसबुक मा लगानी’ गर्ने अवधारण ल्याएको बताएको छ । फेसबुक मा लगानी गर्ने निर्णय गर्नु १ हप्ता पहिले नेपाल सरकार का मन्त्री तथा सचिवहरुले  कमलपोखरी स्थित सिटि सेन्टर मा रहेको ‘बिग सिनेमा’ मा फेसबुक का बारेमा बनाइएको चलचित्र  ‘The Social Network’ हेरेका थिए । यही फेसबुकमा लगानी गर्ने विषयमा पनि मतभेद उत्पन्न भएपछि सचिव रामेश्वर खनाल ले अस्ति अर्थमन्त्रालयबाट राजनिमा दिएको भन्ने सुनिएको छ ।

नेपाल सरकारले लगानी गर्ने हल्ला चलेपछि हामीले फेसबुक का सहसंस्थापक मार्क जुकरवर्गलाई फेसबुक म्यासेज बाट सम्पर्क गर्ने कोशीस गरेका थियौँ । फेसबुक मा लगानी गर्न आवश्यक पहल भइरहेको र केही दिन मै ‘मार्क जुकरवर्ग’ नेपाल आउने कुरा हामीलाई प्राप्त ‘जुकरवर्ग’ को म्यासेज ले प्रस्ट पारेको छ । जुकरवर्ग को म्यासेज मा ‘आफू पहिले पनि नेपाल आएको र नेपाल जस्तो सानो देशमा पनि अत्याधिक नेपालीहरुले फेसबुकलाई माया गरेको थाहा पाउँदा हर्ष लागेको बताएकाछन् । साथै, ‘नेपाली फेसबुक’ मा नेपाल सरकारले लगानी गर्न देखाएको तत्परतालाई आफूले हार्दिक स्वागत गरेको कुरा पनि, जुकरवर्ग ले उल्लेख गरेका छन् ।

कृषिप्रधान देश भनिएपनि, रेमिट्यान्स को भरमा टिकेको देशले, इन्टरनेट मा लगानी गरे चाँडो ‘फाइदा’  हुने चाल पाएका कारण, यस्तो निर्णय गरेको हुनसक्छ भन्ने हाम्रो बुझाइ छ । सुरुवात को ७ वर्ष भित्रै मै विश्वकै सर्वश्रेष्ठ बन्न सफल साइट, फेसबुक ले दिन दुई गुना रात चौगुना, आम्दानी गरिरहेको छ । फेसबुक को यही आम्दानी देखेको नेपाल सरकार ले, उक्त साइट को नेपाली भर्सन साइट को गुणस्तर विकास र बृद्धि को लागि भन्दै लगानी गर्ने निर्णय गरेको भएपनि, प्रमुख कुरा देश को अर्थतन्त्र नै सुधार्नु रहेको छ । फेसबुकबाट प्राप्त आम्दानी देशमा ‘पावरप्लान्ट’हरु बनाउन लगानी गरिने भनिएको छ । सरकार को आन्तरिक हिसाब अनुसार फेसबुकबाट प्राप्त हुने मुनाफा विद्युतमा लगानी गरिने हुँदा लोडसेडिङ आगामी केही वर्षभित्रै हराएर जानेछ ।

चौध घन्टा लोडसेडिङ ले गाँजेको देशमा फेसबुक चलाउने संङ्ख्या छन् भन्दा अचम्म मान्नुपर्ने कुरा केही छैन । केही वर्ष अघिसम्म सिमित व्यक्तिहरु को पहुँच मा रहेको इन्टरनेट, मोवाइल मार्फत  नेपालीहरु को हात-हात मा पुगेको छ तर यसो भन्दैमा इन्टरनेट र मोबाइल सबैको पहुँचमा पुगेको छ भन्न खोजेको हैन । फेसबुक को बढ्दो लोकप्रियता बढ्दै जाँदा र नेपालीहरुले बिहान उठेदेखि बेलुका नसुतुन्जेल सम्म फेसबुक मै आफूलाई ‘बिजी’ राख्ने गरेका कारण पनि नेपाल सरकारले ‘नेपाली फेसबुक’ मा चासो देखाएको हुन सक्ने, फेसबुक का चिफ अपरेटिङ अफिसर ‘सेर्ली स्यान्डवर्ग’ ले आफ्नो ब्लग मा उल्लेख गरेका छन् ।

नेपाली फेसबुक मा सुरुमा करिब पाँच करोड अमेरिकी डलर लगानी गर्ने नेपाल सरकार ले उल्लेख गरेको छ । त्यसका अलावा, नेपाली फेसबुक को विकास र विस्तार का लागि नेपाल मै ‘फेसबुक’ को अफिस खोलिने भएको छ । स्मरणिय रहोस् यसअघि नै भारत र चिन मा फेसबुक ले आफ्नो ‘अफिस’ खोलिसकेको छ भने नेपाल मा अहिले सम्म कुनै पनि अन्तराष्ट्रिय साइट को अफिस खुलेको छैन ।

केही महिना पहिले प्रसारित ‘बिबिसी साझा सवाल’ मा सार्वजनिक रुपमा २०११ भित्र आइटिपार्क सञ्चालन मा ल्याइने घोषणा गरेका  उच्चस्तरिय सुचना प्रविधि आयोग का उपाध्यक्ष मनोहर भट्टराईले वर्षौँ अघि बनेर थन्किएको ‘आइटिपार्क’ मा फेसबुक को अफिस खोलिने लगभग पक्का जस्तै भइसकेको जनाएका छन् ।

करिब २८ करोड को लगानी मा बनेको आइटिपार्क मा ‘नेपाली भर्सन को फेसबुक’ को वृद्धि र विकास का लागि खुल्ने फेसबुक अफिसमा करिब २५ नेपाली कम्प्युटर इन्जिनियरहरुले काम गर्ने छन् । फेसबुकलाई नेपाली इन्जिनियहरुले ‘लोकलाइजेसन’ गर्ने छन् । यसभन्दा अघि नेपाली फेसबुक मा प्रयुक्त शब्दहरुले दुविधा उत्पन्न गराएको मा, अब भने त्यस्ता शब्दहरुलाई हटाएर नयाँ शब्द राखिने छ । जस्तो यसभन्दा अघि POKE लाई घोच्नुस भनिएको थियो तर अब POKE जनाउन ‘घोच्नुस’ को सट्टा ‘कोट्याउनुस’ भन्ने शब्द राखिने छ ।

थप विवरण को लागि यहाँ जानुस् ।

Comments

  1. आकार पोस्ट जस्तो बल्ग ले यस्तो भ्रामक कुरा राखेको मा आकार पोस्ट प्रतिको बिश्वास घटेको छ ।

    ReplyDelete
  2. namhsemar ahtserhsAugust 1, 2012 at 11:49 AM

    यो नेपाली फेसबुकको प्रोजेक्ट आफ्नो हात पार्नका लागि त हो केयुमा नेबि संघ ले बन्दको यत्रो तिकडम मच्चाएको । केयुले नेपाली फेसबुक प्रोजेक्ट हात पार्दैछ भन्ने कुरा लिक हुनासाथ नै हो त्यहाँ बिधार्थि संघ हरुले आफ्नो भुमिका खोजेको। खाने ठाऊँ कहाँ कहाँ छ भनेर त आँखा चिम्लेर थाहा पाऊँछन् नेपाली नेताहरू , संुगुरले गु थाहा पाएजस्तै । भगवान श्री अप्रिल फुल नाथले सबैलाई सद्बुद्धी दिउन ।

    ReplyDelete
  3. रमेश मान श्रेष्ठAugust 1, 2012 at 11:49 AM

    AHKRUM University का Dr. LIRPA LOOF ले हालै एक ट्विट मार्फत नेपाली फेसबुकका लागि University का करिब ३०० विधार्थि दिन रात कार्यरत रहेको भनेर लेखेका त थिए पत्याएको थिईनँ । जे होस बल्ल नेपालले IT को महत्व बुझे जस्तो छ । बरु हाईड्रोमा लगानी गर्ने भनेर तयार लक्ष्मी बैंकले त्यो लगानी झिकेर नेपाली फेसबुकमा लगानी गर्न लागेको भन्ने सुनेर भने अलिकति चिन्ता लाग्यो । सबै यसरी नै नेपाली फेसबुकको पछि लाग्ने हो भने अन्य क्षेत्रको लगानी चाँही के होला ?

    ReplyDelete
  4. Ahaha kya majako plan Nepal sarkarko. Gaun Gaun ma kati nepali le 1 chhak khana na payera mori raheka chhan tara nepal sarkar lai surakshako lagi facebook ma lagani garne.

    ReplyDelete
  5. SATHI HARU HO YO TA "APRIL FOOL" MANAYEKO. THIKAI LAGEO. YEKAI CHHIN TA MA PANI AACHAMMA PAREKO TARA LASTA MA MALAI THAHA BHAYEO KI AAJA APRILFOOL.

    HAPPY APRILFOOL TO ALL

    ReplyDelete
  6. ल ब्लगबाट अप्रिल फूल ? हा हा हा हा

    ReplyDelete
  7. subha subha fool banai dine sathi...

    ReplyDelete
  8. रामेश्वर खनालको योगदानलाइ ओझेलमा पर्न माडवारी हरुको हुण्डी खाएर इसारामा लेखिएको लेख हो ? | फेसबुकमा लगानी गरेर नेपालमा केहि बर्ष भित्रैमा लोडशेडिंग हट्ने हावादारी लेख | अप्रिल फुल |

    ReplyDelete

Post a Comment

Popular posts from this blog

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free. Install Nepali Unicode Romanized in Windows XP: Install: Run setup file; Go to control Panel; Open Language and Regional settings; Open Regional Language Options; Go to Language Options & tick on check box (install files..... Thai, instal....east Asian...languages): Click apply-it might ask for windows CD: Insert CD or you can directly copy "i386" files too; And install all: then you have done; Click for details; Then click add a tab; A new popup will appear: Select "Sanskrit" in the first box; Select "Nepali unicode (romanized)" in second box; Click "ok"; You have successfully installed it; P

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

सामाजिक सञ्जालमा सुरक्षित रहने तरिका

सामाजिक सञ्जाल चलाउने पनि आफ्नै तौरतरिका छन्, जसलाई नजरअन्दाज गरिँदा सामाजिक सञ्जालले समस्या सिर्जना गरिरहेका पनि छन् । सामाजिक सञ्जालका प्रयोगकर्ता एक करोडभन्दा धेरै रहेको देशमा छिटपुट घटनालाई लिएर पूरै सामाजिक सञ्जाल नै असामाजिक छ भन्न मिल्दैन । मूलधारका मिडिया रेडियो, पत्रिका, टेलिभिजनजस्तो सामाजिक सञ्जाल एकोहोरो छैन । सामाजिक सञ्जालको बनोट नै फरक छ, यो दोहोरो हुन्छ । दोहोरो हुनेबित्तिकै उठान गरिएका विषयमा केही घर्षण हुनु, वादविवाद हुनु, तर्कवितर्क हुनु, केही तलमाथिका कुरा हुनु एकदम सामान्य हो । प्रयोगकर्ताले सामाजिक सञ्जालको बनोट बुझ्ने वा यस्ता प्लेटफर्मका फिचरको सदुपयोग गर्ने हो भने यी कुरा अत्यन्तै सामान्य लाग्छन् । सबै कुरा प्रविधिले समाधान गर्न सम्भव छैन, तर सामाजिक सञ्जालमा देखिने, भोगिने प्रायः कुरा भने प्रविधिबाटै समाधान गर्न सक्ने अवस्था छ । सामाजिक सञ्जाल तथा इन्टरनेट प्रयोगकर्ताले अरूलाई दोष लगाउनुपहिले आफ्नो थैलो बलियोसँग कसौँ भन्ने कुरा मनन गर्न जरुरी छ । मोबाइलमा मात्रै इन्टरनेट चलाउने अधिकांश प्रयोगकर्ताका लागि अहिले फेसबुक र भाइबर भनेकै इन्टरनेट हो भन्ने भ्रम छ 

फेसबुक न्युजफिड अपडेट - पेजलाई झनै गाह्रो

अमेरिकामा भएको पछिल्लो राष्ट्रपति निर्वाचनको परिणाम सार्वजनिक भएसँगै फेसबुक लगायत विभिन्न सोसल मिडिया साइटहरुको उपयोगिताबारे व्यापक बहस सुरु भएको थियो । "फेक न्युज"को बिगबिगीले गर्दा फेसबुक, एकहिसाबमा फेकबुकमा परिणत भयो । प्राय: फेक न्युजहरु नै धेरै सेयर हुने र भाइरल हुन थाले । धेरै सेयर हुँदा, स्वाभावत: "फेक न्युज" पनि साँच्चै हो भन्न थालियो । कहिँकति अनुसन्धान छैन, फलानोले एकथरि पेजबाट समाचार सेयर गर्छ, अर्कोले सेयर गर्छ, अर्कोले गर्छ, असत्य तथा काल्पनिक समाचारहरु कै बोलबाला देखियो । नेपालमा भएको पछिल्लो निर्वाचनमा पनि प्रचारवाजी शैलीका मनगढन्ते तथा काल्पनिक समाचारहरु भाइरल भए । फलाना र चिलाना पार्टि, मान्छे पिच्छेका अनलाइन समाचार पोर्टल, फेसबुकको न्युजफिड हेर्न नै दिक्क लाग्ने किसिमको थियो । सबैभन्दा अनौठो लाग्ने चाँहि, मान्छेहरु फेसबुकमा फलाना समाचार पोर्टलले लेखेको भन्दै सेयर गरिरहेका भेटिन्थे । अझ के भने, नेपालका ठूला प्रकाशनहरु सँग ठ्याक्कै मिल्ने नामहरु राखेर काल्पनिक समाचारको व्यापार गर्ने समूहहरु नै छन् । उदाहरणको लागि, कान्तिपुरले यस्तो उस्तो लेख्यो

मोदी र ट्विटर ट्रेन्ड [पडकास्ट 📻 ]

यो अंकमा भारतिय प्रधानमन्त्री नरेन्द्र मोदी नेपाल भ्रमणमा आउँदा ट्विटरमा चलेको #BlockadeWasCrimeMrModi (नाकाबन्दी अपराध हो, मिस्टर मोदी) ट्रेन्ड र ट्विटर ट्रेन्ड कसरी हुन्छ भन्ने बारेमा कुरा गर्दैछु । मोदी जनकपुरमा आइपुग्ने बित्तिकै एक्कासी #BlockadeWasCrimeMrModi ट्विटरको ट्रेन्ड लिस्टबाट हरायो । हामीले सेन्सरसिपको शंका गरिरहँदा केही घन्टापछि त्यही ट्रेन्ड पुन: देखापर्‍यो । विगतमा बाहिर भएका केही ट्रेन्डहरु फेसबुक तथा ट्विटरले 'ट्विक' गरेको भन्ने खबर आएका कारण, सुरुमा यो सेन्सरसिप नै हो भन्ने लाग्यो । तर उक्त ट्रेन्ड ट्विटरबाट हराएर केही घन्टापछि फेरि आएबाट, सेन्सरसिप हैन भन्ने लाग्यो । मोदी र ट्विटर ट्रेन्डबारेको यो पडकास्ट 📻 सुन्नुहोस् ट्विटर ट्रेन्ड कसरी हुन्छ? ट्विटरमा ट्रेन्ड हुन यति नै ट्विट हुनुपर्छ भनेर कहिँ उल्लेख गरेको पाइँदैन तर पनि केही कुरा ट्रेन्डमा देखिनको लागि त्यस विषयमा एकैपटक, धेरै ठाउँबाट धेरैले एउटै विषय ट्विट गरेको हुनुपर्छ । एउटै विषयमा हजारौँले दिनभरि ट्विट गर्दा त्यो ट्रेन्डिङ टपिकमा देखिन्छ भन्ने हुँदैन । ट्विटरमा ट्रेन्ड हुन, कुनै पनि विष

Subscribe to Aakar Post