मेरो चिनो जालीरुमाल, सेतीछेउ धुन्छे होली ...

मेरो आउने बाटो हेरी, चौतारीमा कुर्छे होली ।
मेरो चिनो जालीरुमाल, सेतीछेउ धुन्छे होली ।।

आँखाभरि आसुँ लिई, वाटो छेक्न खोज्ने उनी ।
मेलापात आउँदाजाँदा, लुकिछिपि रुन्छे होली ।।

चाँडै आउने वाचा गर, तिम्रो यादले मर्छु भन्थी ।
फर्की आउला कै'ले भनि, दिन मै'ना गुन्छे होली ।।

एक्लो हुँदा कै'लेकाँहि, तस्विर हेरी रुन्छे होली ।
कै'ले टाँसी छातिभरि, कै'ले ओठ चुम्छे होली ।।

-मुकुन्द "अनडेस्टिनी"
बायोटेक, दोश्रो वर्ष
काठमाडौँ विश्वविद्यालय ।