नाफाको ब्लग

पछिल्लो समयमा आएर धेरै साथीहरुको गुनासो छ, ब्लग अपडेट भएन । ब्लगमा किन नयाँ केही नलेखेको? मेरो पनि यही गुनासो छ, ब्लग किन अपडेट भएन?

अफिसका कारण समय छैन, शनिबार र आइतबारको दिन पनि काममै बित्छ । कहिले बत्ति हुँदैन त कहिले इन्टरनेट । कहिले थकाइ लागेको हुन्छ, त कहिले लेख्ने मुड हुँदैन, आदि आदि ।एउटी साथीको गुनासो पनि छ, हिजोआज च्याटमा पनि भेटघाट हुँदैन । फुर्सद त पहिले पनि हुँदैनथियो, तर पनि बोल्न त भ्याइन्थ्यो, अहिले त त्यो पनि छैन । कुनै दिन दह्रो झटारो हानाहान पर्ला जस्तो छ, च्याट मै । 
कहिलेकाँही सोच्छु, कहिँ म चाहिने भन्दा बढि नै व्यस्त भइरहेको त छैन । कतै म आफैँसँग बहानाबाजी त गरिरहेको छैन । खै, तर किनकिन आफूसँग फुर्सदको समय नै छैन जस्तो लाग्छ । जुनबेला फुर्सद छ जस्तो लाग्छ, त्यतिबेला बत्ति हुँदैन । जब बत्ति हुन्छ, तब इन्टरनेट हुँदैन । अनि फेरि अल्छिपनाले छोप्दै ल्याउँछ, यसरी एउटा फुर्सदको समयपनि त्यसै हराएर जान्छ । बत्ति र इन्टरनेटबिच तालमेल नमिल्दा पनि, मोबाइलबाट बेलाबेलामा ट्विटरमा चियाउन चाँहि भ्याइरहेकोहुन्छ । खै, यो कस्तो व्यस्तता?

हिजो र आज पानी नपरेको भए, अनि आज मैले एनसेल कनेक्ट रिचार्ज नगरेको भए, सायद माथिका २-३ प्यारा मेरा मनभित्रै रहन्थेहोलान् । राती १२-१ बजे आउने लाइन, पानी परेका कारण ३-४ घन्टा अघि नै आइदियो, यसैले यी मेरा गन्थन यहाँ पोखिन आइपुग्यो । नाफामा पाएको बिजुलीको सहारा लिँदै लेखिएकोले यो ब्लगपोष्ट मलाई नाफाको ब्लग झैँ लाग्दैछ । 

14 comments :

  1. ब्लगको Title चै खतरा रहेछ...होइन कुन ब्लग येस्तो नाफामा गएछ भनि पढ्दा पो थाहा भयो यो पोस्ट नै नाफाको रहेछ !

    ReplyDelete
  2. Topic le chai naramro sanga jhukyayo :-P

    ReplyDelete
  3. It is about time, tumblr is the way to go!
    :)

    ReplyDelete
  4. Aakar is busy ! its really नाफाको ब्लग for readers :P

    ReplyDelete
  5. उस्तै उस्तै परिस्थितिबाट गुज्री रहेको बेलामा पुरै पोस्ट नै आफ्नै कुरा लेखे'जस्तो लाग्यो :) । व्यस्त र अस्तव्यस्त भएको बेलामा ब्लग लेख्न हैन्, कमेन्ट लेख्न समेत मेसो नमिल्ने रहेछ । यो पनि नाफाको ब्लगमा नाफाकै कमेन्ट भयो लौ :)

    ReplyDelete
  6. त्यस्तै भयो अब । :)

    ReplyDelete
  7. व्यस्त भइयो ।

    ReplyDelete
  8. हा हा । ट्विटर, टमलर, फेसबुक र गुगलप्लसमा ब्लगिङ निरन्तर भइरहेकोछ । :D

    ReplyDelete
  9. त्यतिसाह्रो झुक्किनुपर्ने त छैन होला है ।

    ReplyDelete
  10. :P nafako blog post ma nafako comment chahi chitt bujhyo hai dilip dai .

    ReplyDelete