Skip to main content

हाइवे [Highway Nepali Movie: Review]

हाइवे इलामबाट सुरु हुन्छ र काठमाडौँमा गएर सकिन्छ, यही बिचमा कथाका हरेक पात्रलाई ‘स्थापित’ गरिन्छ, अनि ‘हाइवे’मा ती पात्रहरुको जिवन कसरी जोडिएकोछ भनेर दर्शकले थाहा पाउँदा नपाउँदै चलचित्र सकिन्छ । चलचित्र सकिएपछि यसले दर्शकलाई ‘हाइवे’का विभिन्न आरोह अवरोहका बारेमा सोच्न बाध्य बनाउँछ ।

ईलामबाट काठमाडौँको लागि गुडेको बस राजन खतिवडाले चलाएकाछन्! बस यात्रीका रुपमा दयाहाङ राई, सृष्टि घिमिरे, ईलम दिक्षित लगायतछन्, उनीहरुको सबैको जिवन काठमाडौँसँग जोडिएकोछ, अर्को अर्थमा भन्दा ‘हाइवे’मा जोडिएकोछ । भारतिय लाहुरे दयालाई ३६ घन्टा भित्र घर पुग्नुपर्नेछ, ईलमलाई अनलाइनबाट बनाएको आफ्नो ‘गे’ साथिलाई भेट्नुछ, सृष्टिको बिहे अमेरिकाबाट फर्केको बच्चाबेलाको साथि कर्मासँग हुँदैछ, अर्की एकजना आफ्नो छोरीज्वाईको बिग्रेको सम्बन्ध सुधार गराउने धुनमा काठमाडौँ जाँदैछिन, ड्राइभरलाई पनि आफ्नी प्रेमिका ‘डान्सबार’ डान्सर रिचालाई भेट्नुछ । तर उनीहरुको बस बन्दको मारमा पर्छ । सबैलाई काठमाडौँ पुग्ने हतार भएको हुँदा दयाले बिहेको नाटक गरौँ भन्दै सृष्टि र इलमको बिहे गराएर, बन्दबाट आफ्नो गाडि फुत्काउँछन् ।
Nepali-film-Highwayकहिले फ्ल्यासब्याकममा गएर त कहिले बससँगै अघि बढेर पात्रहरु परिचय गराउँदै लगिएकोछ । कुराभन्दा पनि काम र पात्रहरुले गरेका हर्कतबाट उनीहरुको परिचय खुल्दै जान्छ । दयाहाङलाई भारतिय लाहुरे देखाउन, नेपाल-भारत सिमाना देखाइएकोछ, सृष्टिको बच्चाबेला’को साथि अमेरिकाबाट बिहे गर्न फर्केकोछ, ऊ अमेरिकाबाट फर्केको भन्ने कुरा उसको हाउभाउ र ड्रेसअपले जनाउँछ । सृष्टि बिहे गर्न काठमाडौँ जाँदै गरेतापनि, उनी सौगात सँग ‘रिलेसनसिप’मा रहेकी कुरा, बुढासुब्बामा बाँधिएको धागोहरु र सेक्सलाई सिम्बोलाइज गरिएको क्षणले बताउँछ । डाक्टर रविन्द्र र उनकी श्रीमती बिच किन विश्वासको संकट सिर्जना भएकोछ भनेर देखाइएकोछैन तर आफ्नो छोरी ज्वाईको सम्बन्धमा खटपट आएपछि रविन्दकी सासु काठमाडौँ हान्निएकीछिन् र काठमाडौँ चाँडै पुग्नुपर्ने बाध्यता उनलाई आइलागेकोछ । उता काठमाडौँमा लाहुरेनी ‘आशा’ र विनयको सम्बन्ध झाँगिएकोछ, तर लाहुरे आउने खबर काठमाडौँ पुगिसकेकोले दुवैविच ‘टेन्सन’ उत्पन्न भइरहेकोछ । डान्सबार डान्सर रिचा आफ्नी बिरामी छोरीको हेरचाहमा जुटेकीछिन् र बस ड्राइभरको पर्खाइमा रहेकीछिन्, ड्राइभरलाई काठमाडौँ चाँडो पुग्नुपर्ने बाध्यताछ । ड्राइभरलाई चिनाउन, बस मुनिबाट राजनलाई निकालिन्छ, रिचालाई चिनाउन डान्सबारको पप्लु गित झुलुक्क झुल्किन्छ ।

बस काठमाडौँ आउँदै गर्दा, काठमाडौँमा रहेका केही पात्रहरुको जिवनमा ठूलो नाटकिय मोडहरु आउँछन् । काठमाडौँ आउँदैगर्दा काठमाडौँमा घटेका विविध घटनाहरुका कारण ‘बस’का यात्रुलाई झन् चाँडो काठमाडौँ पुग्नुपर्ने बाध्यता भएकोछ, तर हाम्रा देशमा जुनसुकै निहुँमा गरिने सानो, ठूलो बन्द हामी सबैको ‘भिलेन’ को रुपमा उभिएकोछ । साथै, चाहिएको बेला फोन नलाग्ने बाध्यता यहाँ पनि दोहोरिन्छ । बन्द झेल्दै यात्रु काठमाडौँ आइपुग्छन् र सबैलाई जिवनको यथार्थ सँग साक्षात्कार गराएर चलचित्र सकिन्छ । दर्शकहरु चलचित्र’को बारेमा सोच्दै रहन्छन् । भर्खर चलचित्र सुरु हुनलागेको महशुस गर्दा गर्दै चलचित्रले धेरै प्रश्नहरुको भारी दर्शकलाई बोकाएर जान्छ । दर्शकहरुले नै चलचित्रले उठाएका प्रश्नहरु र तिनका उत्तरहरु खोज्नुपर्ने हुनजान्छ !
Nepali Movie Higwayमाथि पनि भनिसकेँ पात्रहरुलाई भनेर भन्दा गरेर देखाउन खोजिएको कुरा मलाई चाँहि गजब लाग्यो । जस्तो ईलम आफ्नो ‘गे’ साथिलाई काठमाडौँ भेट्न हान्निएकाछन् । ईलाम जस्तो सुन्दर चियाबगानहरु भएको ठाउँमा बस रोकिएकोछ तर ईलमलाई काठमाडौँमा घटेको घटनाले टेन्सन थपिदिएकोछ । यो कुरा हामीलाई दृश्यमा देखाउन ब्याकग्राउन्डमा चिया बगानमा अरु कसैको टेलिभिजन अन्तरवार्ता लिइरहेको देखाइएकोछ । आफुलाई अप्ठ्यारो र गाह्रो परिरहेको, बेला आफ्ना वरिपरि हुने हर्कतले झनै ‘टेन्सन’ उत्पन्न गराउनु स्वभाविक हो, यो कुरा ईलममा पनि लागु हुन्छ । यता ईलमले फोन गरिरहँदा ब्याकग्राउन्डमा सुनिने कुराले ईलमलाई मात्र होइन हामीलाई पनि झर्को लगाउँछ, असजिलो महशुस गराउँछ ।

‘जम्प कट’ गरिएको चलचित्रका कारण हामीलाई प्राय हरेक दृश्यमा असजिलो महशुस गराउँछ । कुन फ्ल्यासब्याक र कुन अगाडि बढिरहेको कथा हो भनेर छुट्याउन गाह्रो पर्दा, दर्शकहरु अलमलमा रहन्छन् । सायद ‘जम्प कट’ नगरि ४ घन्टा’को फुटेज खिचिएको चलचित्रलाई ९० मिनेटको सट्टा दुई - अढाई घन्टाको चलचित्र बनाएर लम्ब्याइएको भए, दर्शकलाई चलचित्रका दृश्यहरुले असजिलो महशुस गराउँदैन थियोहोला । चलचित्रमा ५ वटा कथा भएको कारण पनि ९० मिनेट साह्रै छोटो लागेकोछ ।  एउटा मात्रै दृश्य अघिपछि गरेर देखाइएको भए, ‘अड’ लाग्नसक्थ्यो तर चलचित्रका सम्पूर्ण दृश्यहरु नै ‘अघिपछि’ गर्दै चाँडो चाँडो देखाइएकोले चलचित्र’को “फ्लो” मिलेकोछ ।

हाइवे हिजो देखि प्रदर्शनमा आयो । चलचित्रकाबारेमा सकारात्मक र नकारात्मक दुबै कुराहरु आइरहेकोछ । केही दर्शकले राम्रो भनेर तारिफ गरेकाछन् भने केही दर्शकले नराम्रो भनिरहेकाछन् । सबै दर्शकहरुको मुल्यांकन आ-आफ्नै रहेकोछ ! यसअर्थमा मेरो मुल्यांकनमा चलचित्र राम्रो छ, र यो पनि हो कि यस किसिमको चलचित्र नेपाली चलचित्र क्षेत्रमा अरु पनि बन्नुपर्छ । हाइवेले यस किसिमका चलचित्रको लागि बाटो खुला गरिदिएको छ ।
Highway-Nepali-Movieचलचित्रको कथा बन्द र व्यक्तिगत समस्याहरुको ओरिपरि घुमेकोछ । हामी बन्दमा पर्दा, ती व्यक्तिहरुको ठाउँमा हामी पनि हुनसक्छौँ, हामी पनि त्यस्तै किसिमको समस्याहरुबाट गुज्रन सक्छौँ । अनि संसार हामीले सोचेजस्तो सजिलो छैन, चलचित्रमा हरेका पात्र आफूमा ‘हिरो’ छन् तर हिरो हुँदैमा ‘भिलेन’हरुमाथि ‘विजय’ प्राप्त गर्न सोचेजस्तो सजिलो छैन, हामीले यथार्थलाई आत्मसाथ गर्नुपर्छ । प्रहरीबाट मारिएकी तेस्रोलिंगीका साथिले प्रहरीमाथि जाइलागेको कुरा अनि काठमाडौँ आइपुगेका ब्यान्डबाजहरुको हालत यथार्थको धरातलमा उभिएकोछ । उता ड्राइभर र डान्सबार’ डान्सर'को सम्बन्ध पनि ‘पैसा’ को झिनो सम्बन्धमा गाँसिएकोछ । एउटा बन्दले धेरै परिवारलाई आ-आफ्नै किसिमले दु:ख दिइरहेकोहुन्छ ।

बन्द राम्रो होइन भन्ने कुरा चलचित्रले बोकेको कुरा हो, तर बन्दले यस्तो हुन्छ, उस्तो हुन्छ, बन्द राम्रो होइन, बन्दलाई बन्द गर्नुपर्छ भनेर कसैले पनि उच्चारण गर्दैनन्, कुनै पात्रले पनि बन्द नगर भनेर उपदेश दिँदैनन् । कुनै पात्रले बन्दको विरोधमा उपदेश नदिने, कसैले उच्चारण नगर्ने भएका कारण दर्शकहरुलाई चलचित्र ‘वाहियात’ लाग्नसक्छ । ती नभनिएका कुराहरु दर्शक आफैँले मनन गर्नुपर्छ, जुन हामी आम दर्शकको लागि टाउको दुखाइको विषय हो । अत: दर्शकलाई आफ्नो पैसो र समयको सत्यानाश भएको लाग्नसक्छ । यसकारण हाइवे मुलधारको चलचित्र होइन भनेर भन्न सकिन्छ । न यो “बाम्बे टु गोआ” न “मिस्टर एन्ड मिसेज ऐयर” नै हो, न यो सफल चलचित्र “लुट” को दोस्रो भाग नै हो, यो हाम्रो देशको “हाइवे” हो ।

तपाई चलचित्र हेर्न जानुहुँदैछ भने एउटा सुझाव, यो चलचित्रमा हाँस्न पाइँदैन, नाच्न पाइँदैन,  यो चलचित्रले तपाईलाई यो गर्नुस्, त्यो नगर्नुस् भनेर पनि भन्दैन । मुख्य कुरो, चलचित्रको एउटा दृश्यमा नि अरुसँग खासखुस नगर्नुस्, आफू यता खासखुस गर्दा चलचित्रको धेरै भाग उम्किसकेकोहुन्छ, किनकी चलचित्र निकै छिटो छिटो कुद्ने गरि सम्पादन गरिएको छ । “मनोरञ्जन”को लागि चलचित्र हेर्न जाँदै हुनुहुन्छ भने, तपाईलाई चलचित्र मन नपर्न सक्छ, आखिर आफूले रगत र पसिना बगाएर कमाएको पैसो आफ्नो ‘रुचि’ भन्दा बाहिरको क्षेत्रमा खर्चमा भयो भने कसलाई पो राम्रो लाग्ला र हैन? हैन म चलचित्र हेर्छु र हलबाट निस्किँदा केहीकुरा सोच्ने भएर निस्कन्छु भन्ने लाग्छ भने, तपाईको “पैसो” को सदुपयोग होला । अत: आफ्नै ‘रिस्क’ मा चलचित्र हेर्नुहोस् ।

Aadi Productions in association with Louverture Films presents 'Highway'
Starring: Karma, Saugat Malla, Reecha Sharma, Binaya Shrestha, Eelum, Dayahang Rai, Rajan Khatiwada, Asha Magarati, Shristi Ghimire, Mamata Rai, Sandip Chhetri, Bhumika Shrestha, Keshav Bhattrai, Rabindra Mishra
Directed By: Deepak Rauniyar
Written By: Kedar Sharma, Khagendra Lamichhane and Deepak Rauniyar
Screenplay By: Abinash Bikram Shah
Produced By: Executive producers Mita Hoseli, Dr. Sameer M Dixit and Dr. Lonim P Dixit, co-producers Joslyn Barnes and Danny Glover

Synopsis from Highway Team:
Set against the backdrop of the new culture of bandhs (general strikes) that frequently immobilize post-conflict Nepal, HIGHWAY explores five different relationship stories that become intertwined during an ill-fated bus journey from eastern Nepal to the capital, Kathmandu. While the passengers - each of whom urgently needs to be somewhere else - await a resolution to the combustible strike that is blocking the only passable road, the film explores the psychological and spiritual bandhs that many Nepalis are contending with.
Disclaimer: I’m not a crew member of this new Nepali movie Highway. This review is not sponsored by anyone, though I’ve got a ‘Highway’ T-shirt a month ago from the film crew. As a blogger, I’ve written not only about Highway, but also about many Nepali movies and documentaries like Loot, Apabaad, Third Generation, Lust, Duplicity and many more.

Comments

  1. Truly a nepali movie.one of the best movie that have ever made in nepalese movie history.A must watch movie.a single word remarkable movie.

    ReplyDelete
  2. I too liked your review... But I wonder why people don't have courage to write reviews without bias...

    ReplyDelete
  3. Already read your review. Liked it. :)

    ReplyDelete
  4. केदार शर्माAugust 1, 2012 at 11:25 AM

    निष्पक्ष भएर र सही अर्थमा फिल्म बुझेर लेखिएको राम्रो समीक्षा।

    ReplyDelete
  5. Here is my review for the movie Highway...http://rdulal.blogspot.com/2012/07/highway-nepali-movie-review.html

    ReplyDelete
  6. I agree with your idea.You look like very talented.It is very happy to meet you. Thank you!viewster

    ReplyDelete

Post a Comment

Popular posts from this blog

माइक्रोसफ्ट पेन्ट बन्द हुने

सन् १९८५ मा माइक्रोसफ्ट विन्डोजको पहिलो भर्सनसँगै सार्वजनिक भएको माइक्रोसफ्ट पेन्ट (एमएस पेन्ट), विन्डोज १० को नयाँ अपडेटसँगै बन्द हुने भएकोछ । माइक्रोसफ्टका अनुसार अब सार्वजनिक हुने क्रम'मा रहेको विन्डोज १० को नयाँ अपडेटमा एमएस पेन्ट सफ्टवेयर समावेश गरिएकोछैन ।


विन्डोज कम्प्युटर चलाउने सबैको पहिलो "ग्राफिक इटिडिङ टुल" एमएस पेन्ट हो भन्दा फरक नपर्ला । कम्प्युटर चलाउन थालेदेखि वा भनौँ ब्लगका सुरुवातका दिनमा ब्लगमा प्रयोग गरिएका ग्राफिक्सहरु एमएस पेन्टकै सहारामा सम्पादन गर्ने गर्थेँ । सबैको पहिलो ग्राफिङ इटिडिङ टुल'लाई माइक्रोसफ्टले ३२ वर्षपछि बिदा दिँदैछ । एसएस पेन्ट सँगै आउटलुक एक्सप्रेस पनि विन्डोजबाट हट्ने भएको छ ।

यस अघि नै माइक्रोसफ्टले विन्डोज १० मा "पेन्ट थ्रीडी" सफ्टवेयर ल्याइसकेको छ, जसबाट थ्रिडी र टुडी ग्राफिक्स बनाउन सकिन्छ । तर पेन्ट थ्रीडी एमएस पेन्टकै विकल्प भने होइन ।
RIP MS Paint. RIP our childhoods pic.twitter.com/UpNYEDe4cA — Ramsha (@Economistaken) July 24, 2017
तस्विर: ट्विटर @Economistaken

यौन तथा प्रजनन स्वास्थ्यबारे जानकारी - मेरो लागि एपमा

यहाँ यौन तथा प्रजनन स्वास्थ्य सम्वन्धि कुरा गर्न सजिलो छैन । यौन तथा प्रजनन स्वास्थ्य सम्बन्धि पढाइ स्कुल देखि नै सुरु हुने भएपनि यसबारेमा खुला रुपमा छलफल नगरिने कारण, अधिकांश किशोर/किशोरीहरुको बुझाइ अपुरो र गलत हुने गरेकोछ । किशोर/किशोरीहरुको यही समस्यालाई ध्यानमा राखेर, यौन तथा प्रजनन स्वास्थ्य सम्बन्धि जानकारी/परामर्श दिन आदिको लागि 'पब्लिक हेल्थ कन्सर्न ट्रस्ट नेपाल' (Public Health Concern Trust) ले "मेरो लागि" एप निर्माण गरेकोछ ।


मेरो लागि एपमा आफूलाई चिन्नुहोस्, सम्बन्धहरु, गर्भ निरोधक उपायहरु, एच आइ भी र अन्य यौन रोगहरु, हाजिर जवाफ, ठिक/बेठिक, कथाहरु, सहयोग केन्द्रहरु आदि विभिन्न खण्डहरु राखिएकोछ । यी खण्डहरुको भित्र गएर, यिनीहरुको बारेमा जानकारी लिन सकिन्छ । जस्तो कि, आफूलाई चिन्नुहोस् खण्डमा, सेक्स र लिङ्गको फरक देखि लिएर पुरुष, महिलाको प्रजनन अंग र यौनको बारेमा जानकारी गराइएको छ ।

किशोरावस्था भनेको के हो, पुरुष प्रजनन अङ्गहरु के के हुन्, पुरुष हर्मोनहरु के के हुन्, किशोरावस्थामा शरिरमा के कस्ता परिवर्तनहरु देखिन थाल्छन् भन्ने कुरा पुरुषको खण्डमा समावेश गरिए…

गुगल क्रोम ब्राउजरमा राख्नै पर्ने ५ वटा एक्सटेन्सन

स्ट्याटकाउन्टरका अनुसार विश्वमा ६२ प्रतिशत प्रयोगकर्ताहरु डेस्कटप कम्प्युटरमा गुगलको क्रोम ब्राउजर चलाउँछन् । २००८ मा सार्वजनिक भएको गुगल क्रोम अहिले नम्बर १ इन्टरनेट ब्राउजर बनेको छ । आजको यस ब्लगमा, यही गुगल क्रोम ब्राउजरमा राख्नै पर्ने ५ वटा अत्यन्तै उपयोगी एक्सटेन्सनहरुको चर्चा गर्दैछु ।

१. द ग्रेट सस्पेन्डर
हामी मध्ये धेरै इन्टरनेट प्रयोगकर्ताको, क्रोम ब्राउजरमा अनगिन्ती ट्याब खोल्ने बानी हुन्छ, कतिपय अवस्थामा पेजको शीर्षक त छोडौँ, फ्यावकन आइकन समेत प्रस्ट देखिन्न । कुनै बेला त हाम्रो ट्याबमा दर्जनौँ साइटहरु एक डेढ महिनासम्म पनि बसिरहन्छ, तर फेरि फर्केर त्यो ट्याब/साइट हेर्दैनौ। क्रोममा धेरै ट्याब खोल्दा, ट्याबले कम्प्युटरको धेरै प्रोसेसिङ पावर, मेमोरी आदि खाइदिन्छ । फलस्वरुप ब्राउजर ह्याङ्ग हुने, कम्प्युटर 'स्लो' हुने गर्छ ।


'द ग्रेट सस्पेन्डर' एक्सटेन्सन प्रयोग गरेर क्रोम ब्राउजर 'क्रयास' हुने, ह्याङ्ग हुने, कम्प्युटर स्लो हुने आदि समस्याबाट छुटकारा पाउन सकिन्छ । नामै काफी छ भने झैँ,  'द ग्रेट सस्पेन्डर' ले हामीले खोलेको तर प्रयोग नगरेका ट्याबहरु…

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free.
Install Nepali Unicode Romanized in Windows XP:
Install:
Run setup file;
Go to control Panel;
Open Language and Regional settings;
Open Regional Language Options;
Go to Language Options & tick on check box (install files..... Thai, instal....east Asian...languages):
Click apply-it might ask for windows CD:
Insert CD or you can directly copy "i386" files too;
And install all: then you have done;
Click for details;
Then click add a tab;
A new popup will appear:
Select "Sanskrit" in the first box;
Select "Nepali unicode (romanized)" in second box;
Click "ok";
You have successfully installed it;
Press "alt+shif…

Aadha Baato (आधा बाटो) [Download] #Novel #Shrutisambeg

श्रुतिसंवेग मा हामी ले कृष्ण धरावासी को उपन्यास “आधा बाटो” को सम्पूर्ण डाउनलोड लिंक लिएर आएका छौ |आफ्ना जिवन भोगाइ का यथार्थलाई जोडेर तयार पारिएको उपन्यास ‘आधा बाटो’ कृष्ण धरावासी को आत्मकथा को रुपमा रहेको छ ।“राधा” जस्तो सफल उपन्यास लेखिसकेका धरावासी को यो पछिल्लो उपन्यास मा आफ्ना बाल्यकाल देखि हाल को अवस्था सम्म को कुराहरु समेटेर लेखिएको कारण उपन्यासलाई धरावासी ले ‘आधा बाटो’ भन्न रुचाएका छन् ।आफूले देखे सुनेको स्थान, नाम आदि का कारण यो उपन्यास पढ्ने तथा सुन्नेहरुलाई आफ्नै कथा जस्तो पनि लाग्न सक्छ ।उज्यालो ९० नेटवर्क को लागि निर्माण गरिएको कार्यक्रम श्रुति संवेग मा वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।कार्यक्रम को अडियो श्रृंखला उज्यालो नाइन्टि नेटवर्क को कार्यक्रम श्रुतिसम्बेग बाट लिइएको हो ।Download : Krishna Dharabasi’s ‘Aadha Bato’ Episode –1Krishna Dharabasi’s ‘Aadha Bato’ Episode –2Krishna Dharabasi’s ‘Aadha Bato’ Episode –3Krishna Dharabasi’s ‘Aadha Bato’ Episode –4Krishna Dharabasi’s ‘Aadha Bato’ Episode –5Krishna Dharabasi’s…

एक रातको कथा

भोलिपल्ट घर फर्कने रात थियो । सम्पूर्ण सामानहरु प्याक गरिसकेपनि केहि छुटेछकी भनि सोच्न बसेको थिएँ । कतैबाट तिरिरि बाँसुरीको धुन सुन्दा मनै आनन्दित भयो । "ए, निदाइस क्या हो ? फोन बजिरहेछ", रुममेटले चिच्यायो । कल रिसिभ गरेँ, निद्राकै झोकँमा, "हेलो, सुनन आज म नेपाल बाहिर जाँदैछु, यस अघि पनि कल गर्न पाइन । म विस्तारमा पछि कल गरौँला", एउटा हतारिएको खवर सुने । "ए ....., शुभयात्रा है", भने तर म अझै पनि निद्रामै थिए । वास्तवमा उनिलाई मैंले ठम्याउनै सकिन, सायद निद्रामा भएरै होला, न त नाम नै सोध्न भ्याँए आफ्ना सबै परिचित व्यक्तिहरुलाई याद गर्दा पनि त्यो आवाज ठम्याउन सकिन । अब मात्र मैले प्रतिक्षा गर्नुपर्नेछ, उनको दोस्रो कलको ।

अर्को विहानै आफ्नो वाटो लागिसकेको थिएँ । यात्राका दौरानमा मेरो मन सधैं मेरो जन्मथलो पुगिरहेको हुन्थ्यो । जुन माटोमा म जन्मे, जहाँ हुर्केँ, मेरो वात्सल्य , बालसखा सबै झल्झल्ती याद आउन थाले । मलाई घर छिटो पुग्नु छ, किनभने मेरो प्रतिक्षामा कसैले धेरै महिना विताएको छ । त्यही बेला मैले लेख्न थालेँ :
“मेरो आउने वाटो हेरी, चौतारीमा कुर्छे होली,
मेरो…