Skip to main content

थ्रेडपेन्ट्सको एकवर्षे यात्रा [स्टार्टअप स्टोरी]


"वर्षदिन भयो काम सुरु गरेको, यता अफिसमा सरेको चाँहि करिब ६ महिना भयो" - केही दिन अघि थ्रेडपेन्ट्सको अफिस, बुद्धनगर पुग्दा आशिष आचार्यले भने । सँगै रहेका सविन भन्डारीले थपे, "थ्रेडपेन्ट्स डटकम डिसेम्बर ३०, २०१२ मा रजिष्टर गर्यौँ"।

पूल्चोक इन्जिनियरिङ क्याम्पसमा अन्तिम वर्षमा हुँदा आशिष, सविन र आयुषलाई केही आफ्नै काम गर्नुपर्छ जस्तो लाग्दैथियो, एकदिन कुरैकुरामा अकस्मात एउटा 'आइडिया' निस्कियो, "अनलाइन टिसर्ट स्टोर" जहाँबाट आफूलाई मनपर्ने डिजाइन प्रिन्ट गर्न सकियोस् । आफूलाई मन परेको डिजाइनमा टिसर्ट लाउन नपाएको गुनासो यी तिनै जनालाई थियो, उनीहरुले पहिलोपटक पूल्चोक क्याम्पसमा आयोजना गरिएको एउटा कार्यक्रमको लागि टिसर्ट बनाए । त्यसपछि फेरि पनि पूल्चोक क्याम्पसकै विद्यार्थीहरुको लागि विभिन्न डिजाइनमा टिसर्ट बनाए, टिसर्ट चल्यो । अनलाइन टिसर्ट स्टोरको चर्चा चल्नथाल्यो, उनीहरुले होस्टलको आफ्नो कोठालाई नै आफ्नो अफिस र स्टोर बनाएर थ्रेडपेन्ट्स सञ्चालन गरे । नेपालमा थोरैमात्र यस्ता स्टार्टअप होलान् जुन क्याम्पसका होस्टलबाट विना पुँजी सुरु भएकाछन् ।


होस्टलबाट सुरु भएको स्टोर करिब ६ महिना पछि औपचारिक रुपमा बुद्धनगरको एउटा कोठामा थ्रेडपेन्ट्सको अफिस खुल्यो, एनलोकेट सँगैको फ्ल्याटमा। कलेज फि भनेर घरबाट मागेको पैसा, थ्रेडपेन्ट्समा लगानी गरे, आवश्यक सरसल्लाह र सहयोग लगपोइन्टका मनोज घिमिरे र एनलोकेटका दिपेन चापागाईले दिए । एनलोकेटले आफ्नै अफिस भएको फ्ल्याटमा एउटा कोठा उनीहरुको लागि उपलब्ध गराए, इन्टरनेट, र आवश्यक टेबल कुर्सीको व्यवस्था पनि भयो । ३ जनाको खर्च, अफिसको भाडा, र इन्टरनेटको खर्च अहिलेसम्म थ्रेडपेन्ट्सले धानेको छ, भर्खरै एकजनालाई "हायर" पनि गर्यौँ, अर्डर डिस्प्याचको लागि भन्दा आशिष, आयुष र सविनको मुहारमा खुशी झल्किन्थ्यो ।

आशिषलाई अफिसमा भन्दापनि अफिस बाहिर दौडधुप गरिरहेको भेटिन्छन् । सविन र आयुष थ्रेडपेन्ट्सको डेभलप्मेन्ट र डिजाइन सम्हालछन् भने, आशिष बजार व्यवस्थापन। सुरु सुरुमा कपडा 'क्वालिटि'मा मार खाएपनि, अहिले भने कपडा चिन्न सक्ने भएकाछन् । उनीहरु गार्मेन्ट सप्लायरबाट कपडा लिन्छन्, धेरै जसो टिसर्ट डिजाइन सविन र आयुषले नै गर्छन् र प्रिन्ट गर्छन्, काठमाडौँभरि होम डेलीभरी गर्छन् केटिएम कुरियर मार्फत। पछिल्लो वर्ष पाँच हजार भन्दा बढि अनलाइन टिसर्ट बिक्री गरेका उनीहरुको फेमस डिजाइन भने 'पृथ्वी नारायण शाह'भएको डिजाइन थियो ।


आशिष, आयुष र सविन बिहान ढिलोमा नि दश बजे अफिस आउँछन्, कफी लिएर स्ट्यान्डअप मिटिङ गर्छन्, दिनको योजना बनाउँछन् र सोही अनुसार काम गर्छन् । हप्तामा एकदिन छुट्टि तोकेकाछन् तर उनीहरु सातै दिन अफिस पुग्छन्, कहिले बेलुकाको ८ बजे घर फर्किन्छन् त कहिले अफिसकै टेबुल कुर्सी पाखा लगाएर स्लिपिङ ब्याग निकालेर अफिसमै सुतिदिन्छन् । कोठाको बिचमा एउटा ठूलो टेबल छ, वरिपरि ४-५ वटा कुर्सी छन्, एक छेउमा दराज छ, उनीहरुको स्टोर रुम, साइडमा टिसर्टका डिजाइनहरु भएको फ्लेक्स टाँगिएकोछ, कुनाको इन्भर्टरले लोडसेडिङलाई चुनौती दिइरहेकोछ । अफिसमा भान्सा छैन तर 'कफी' भने जति कप पनि खान पाइन्छ ।


डिप पर्पलको कन्सर्टको निहुँमा उनीहरुलाई करिब डेढ लाख जति घाटा लाग्यो । डिप पर्पल कन्सर्टको लागि भनेर टिसर्ट बनाइएको थियो, टिकट बिक्री गरिएको थियो तर कन्सर्ट नभएपछि बनाइएका टिसर्टहरु त्यसै थन्किए । आफूले काटेको टिकटहरुको पैसा आफ्नै खल्तीबाट सबैलाई फिर्ता गरे, कन्सर्टको आयोजकले एकपैसा पनि फिर्ता दिएनन् । यसले हामीलाई धेरै कुरा सिकायो, उनीहरुको एउटै स्वर थियो ।

उनीहरुका लागि फेसबुक वरदान सावित भएकोछ, मार्केटिङ र कस्टमर सपोर्टका लागि । अधिकांश युवा विद्यार्थीहरु थ्रेडपेन्ट्सका ग्राहक छन्, सन्तुष्ट छन् त्यसैले "वर्ड अफ माउथ"बाट ग्राहक थपिने क्रम जारी छ । अब उनीहरुको चुनौती भनेको कसरी "ठूलो स्केल"मा जाने भन्नेछ, ठूलो स्केलमा जान, ठूलै लगानीको आवश्यकता पर्छ भन्ने कुरा उनीहरुले बुझेकाछन् । उनीहरु लगानीकर्ता पनि खोजी गर्दैछन् ।


थ्रेडपेन्ट्स डटकममा गएर आफूलाई मन परेको डिजाइनको टिसर्ट नेपालभरिबाट किन्न सकिन्छ वा आफैँले डिजाइन गरेको टिसर्ट पनि अर्डर गर्न सकिन्छ  । टिसर्टको लागि अनलाइन मै पैसा तिर्नुपर्छ भन्ने छैन, टिसर्ट हातपरेपछि पैसा तिर्दा हुन्छ । टिसर्ट अर्डर गरेको बढिमा ३ दिन भित्र टिसर्ट ग्राहकको हात पर्छ । हाललाई काठमाडौँ बाहिरका ग्राहकले चाँही अग्रिम भुक्तानी गर्नुपर्छ, होम डेलिभरी भने थ्रेडपेन्ट्सले नै निशुल्क  गरिदिन्छ । उनीहरुलाई अर्को चुनौती भनेको, नेपालमा 'स्ट्यान्डर्ड एड्रेस' नहुनु हो भन्ने लागेकोछ। बाटोहरुको नाम, घर नम्बर आदि कुराहरु व्यवस्थित नहुँदा, डेलिभरी गर्न जाँदा कहिलेकाँही हैरानी पनि खेप्नुपर्छ ।

काठमाडौँ बाहिर केही सहरहरुमा स्थानिय स्टोरहरुबाट थ्रेडपेन्ट्सका टिसर्टहरु किन्ने व्यवस्था पनि छ । तर काठमाडौँमा भने थ्रेडपेन्ट्सका टिसर्टहरु कुनैपनि स्टोरमा किन्न पाइँदैनन् र अहिले नै आफ्नै टिसर्ट स्टोर खोल्ने कुनै योजना पनि छैन । उनीहरु अनलाईनलाई नै अगाडी बढाउन चाहन्छन्, नेपालमा इन्टरनेटको पहुँच बढ्दैजाँदा "ई-कमर्श"को स्कोप पनि बढ्दैगएको देखेकाछन् ।

Comments

  1. थ्रेडपेन्ट्स टिमलाई हार्दिक शुभकामना ! यस्ता सृजनशील मन र जाँगरहरुलाई आउदा दिनहरुमा अझ बढी सफलता मिलोस !

    ReplyDelete
  2. काजी भाईApril 3, 2015 at 7:02 PM

    त्यो Finger देश टुक्र्याउने पाजीहरुका लागि देखाको हो बोरो, तिमी हामी जस्ता देशभक्तका लागि होईन।

    ReplyDelete

Post a Comment

Popular posts from this blog

म आउँदैछु प्रिय

"हातमा हात ओठमा ओठ म आउँदैछु प्रिय म आउँदैछु प्रिय !..." भन्ने पंक्ति सँगै भिडियो सुरु हुन्छ । राजन कठेत को निर्देशन मा बनेको भिडियो निकै मजाले सलल बगेको छ । भिडियो अन्तिम सम्म नहरेसम्म यो के को लागि र कुन विषयमा बनेको भिडियो हो भन्न मुस्किल नै पर्छ । एउटा सन्देशमुलक कुरा भिन्नै कन्सेप्ट मा बनेको भएर पनि भिडियो निकै राम्रो लाग्छ । काठमाडौँ विश्वविद्यालय मिडिया स्टडिज का साथिहरुले बनाएको छोटो र मिठो भिडियो आज यहाँ राख्दैछु । भिडियोमा अभिनय रहेको छ पर्वत थापा को भने, क्यामरा मा छिरिङ र कविता वाचन मा रतन रहेकाछन् । भिडियोको बारेमा: A very short, both romantic and funny video(1 min. 25 secs.), made by KU students (2009) with Parbat Thapa (Electrical Engineering 4th/last year) in the scene....Poem narration by Ratan Aanad Karna, background score by Diwas Manandhar and Parbat Thapa, editing by Shekhar KC and Rajan Kathet, camera by Prem Tshering Sherpa and, scene selection, photography direction, script, concept and direction by Rajan Kathet. It was a good homework before making th

यसपाली को गाईजात्रा

'सबको मालुम् है मै बिहारी नही फिर भि कोही हिन्दी बोल्न दबाब डाले तो मैं क्या करु ?' हवनकलीः तपाईंको मातृभाषा त मैथिली हैन र - फोरमानन्दः हो, लेकिन मातृभाषाभन्दा अहिले हाम्को पितृभाषा हि मन पड्ता है । हवनकलीः यो नेपाली वर्णमाला राम्रोसंग पढ्नुस् क्यारे । फोरमानन्दः हिन्दी भाषामें नेपाली वर्णमाला नही मिलता क्या ? क-कौन बनेगा, ख-खरबपती, ग- गोली मारो अ-अरुणाचल, आ-आदमी, इ-इन्तजार हवनकलीः उप-राष्ट्रखतीज्यू, सपथको बेला किन दौरा सुरुवाल नलगाएको ? फोरमानन्दः क्यौं हमको बहुत गर्मी होता है । दौरा सुरुवालमे भेन्टिलेसन नही होता है न । Damdev......Devi......Aakh bandh Karo Na...Banda aakh mey Itna achhi Lagti ho ki ..............Main sabda mey kaha nahi sakta. Damdev- dekho, Maine yog Sab ko Nisulka sikhata hu. Maile aap se kavi Paise Maga hey ? Bhakta-Nahi Swami..Paisa nahi, Rupaye Maga hai. Hai..Aapne Kaka Bikendra Yadav ko Luck Kiya jaye....Lekin Yeh Hamre Rule ke Khilaf hai. Hum Bikendra Yadav ko Luck kar Nahi sakte hai. Devi Aur Sajjano, Maii hun Manojtav

हामी मरेपछि हाम्रो फेसबुक प्रोफाइल के हुन्छ ?

फेसबुक आफैँमा व्यापक सञ्जाल । हामी फेसबुक विना त अधुरो नै हुन्छौँ जस्तो लाग्छ हिजोआज । तर यसो सोच्नुहोस् त हामी मरेपछि हाम्रो फेसबुक प्रोफाइल के हुन्छ होला ? फेसबुक का सुरक्षा प्रमुख म्याक्स केली ले २६ अक्टोबर २००९ मा ब्लग मार्फत मृत्यु भएका व्यक्तिहरु को फेसबुक को प्रोफाइललाई सर्च को नतिजा मा नदेखाइने जनाएकाछन् । फेसबुक प्रयोगकर्ता को मृत्यु पछि, उक्त व्यक्ति को प्रोफाइललाई सिल गरिने अनि सर्च को नतिजामा नदेखाउने बताएकाछन् । तर मृत्यु भएको व्यक्ति प्रति सम्मान का शब्द लेख्न या आफ्नो श्रद्धा व्यक्त गर्न उक्त व्यक्ति को प्रोफाइल को वाल भने, आफ्ना आफन्त अनि साथिहरु को लागि सँधै खुल्ला राखिने जनाइएको छ । अक्टोबर २३ मा फेसबुक नयाँ डिजाइनमा आएपछि, फेसबुक ले यस्तो कुरा सार्वजनिक गरेको हो । फेसबुक प्रयोगकर्ताहरु ले फेसबुक को नयाँ ‘सजेसन’ र ‘रिकनेक्ट’ भन्ने सुविधा का कारण समस्या सिर्जना भएको बताउँदै, ब्लग र ट्विटर मा आफ्ना गुनासाहरु लेखेपछि फेसबुक ले, यो नयाँ निति अगाडि ल्याएको हो । फेसबुक ले मृत्यु भइसकेका व्यक्तिहरु को प्रोफाइल देखाउँदै साथि बनाउन ‘सजेसन’ दिन थालेपछि, समस्या सिर्जना भए

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free. Install Nepali Unicode Romanized in Windows XP: Install: Run setup file; Go to control Panel; Open Language and Regional settings; Open Regional Language Options; Go to Language Options & tick on check box (install files..... Thai, instal....east Asian...languages): Click apply-it might ask for windows CD: Insert CD or you can directly copy "i386" files too; And install all: then you have done; Click for details; Then click add a tab; A new popup will appear: Select "Sanskrit" in the first box; Select "Nepali unicode (romanized)" in second box; Click "ok"; You have successfully installed it; P

नेपाली टाइप गर्ने सजिलो तरिका

मदन पुरस्कार पुस्तकालयले  २००७  २००३-४ ताका नेपाली युनिकोड किबोर्ड लेआउट, रोमनाइज्ड र ट्रेडिसनल सार्वजनिक गर्यो । नेपाली टाइपिङ (ट्रेडिसनल) जान्दै नजान्ने (कहिले नेपाली टाइप नगरेको) मैले, मदन पुरस्कार पुस्तकालयले सार्वजनिक गरेको रोमनाइज्ड नेपाली युनिकोड किबोर्ड लेआउट कम्प्युटरमा राखेर पहिलो पटक कम्प्युटरमा नेपाली भाषामा लेखेँ । यसविचमा कम्प्युटर तथा मोबाइलको लागि धेरै किसिमका नेपाली किबोर्ड लेआउट तथा एप्सहरु आइसकेकाछन्, तर पनि इन्टरनेट प्रयोगकर्ताहरु नेपाली टाइप गर्नुपर्दा अप्ठ्यारो मान्छन् । मलाई धेरैले सोध्ने गरेको प्रश्न भनेको, "फेसबुकमा कसरी नेपाली टाइप गर्ने?" अत: यो ब्लगमा मदन पुरस्कार पुस्तकालय (मपुपु) ले निर्माण गरेको नेपाली युनिकोड किबोर्ड लेआउट बारे चर्चा गर्दैछु। प्रिती, कान्तिपुर लगायतका 'ट्रु टाइप फन्ट' (ttf) प्रयोग गरेर ट्रेडिसनल लेआउटमा नेपाली टाइप गर्ने प्रयोगकर्ताहरुले, नेपाली ट्रेडिसनल युनिकोड किबोर्ड लेआउट राखेर, इन्टरनेटमा सजिलै सँग नेपालीमा लेख्न सक्छन् । भन्नुको मतलब, तपाईलाई पहिले नै नेपाली टाइपिङ आउँछ भने टाइपिङ गर्ने तरिका उही हुन्छ, उही &q

खेल्ने हैन त बाघचाल अनलाइनमा? [Online Bagh Chal]

बाघचाल हामी नेपालीको लोकप्रिय दिमाग ख्याउने खेल ! २० वटा बाख्रा अनि ४ वटा बाघका साथ खेलिने ‘बाघचाल’ केही महिना देखि अनलाइनमा खेल्न थालिएकोछ । सेमिकलन डेभ्लपर्स’ले निर्माण गरेको बाघचालमा यो हप्ता “बाघचाल” टुर्नामेन्ट पनि सञ्चालन गरिएकोछ । अनलाइनबाघचालमा दुईजनाको खेल अरु’ले पनि हेर्न पाउँछन्, खेलाडिहरुले आपसमा कुरा गर्न पनि पाउँछन्, अरु कोही खेलाडी छैनन् र आफू एक्लै भइएकोछ भने कम्प्युटर सँग पनि खेल्न मिल्छ । अनलाइन बाघचालको गृहपृष्ठ (Home Page) मा अनलाइनमा चलिरहेको खेलहरुको विवरण देख्न सकिन्छ, त्यहाँबाट आफूले नयाँ खेल सुरु (create) गर्न सकिन्छ, या अरुले सुरु गर्न लागेको खेलमा प्रतिस्पर्धा पनि गर्न सकिन्छ, वा सकिएको खेलको ‘रिप्ले’ पनि हेरेर बस्न मिल्छ । त्यसबाहेक अनलाइन बाघचालको पब्लिक च्याटमा गएर बात मारेर बस्न पनि सकिन्छ । बाघचाल (Bagh Chal) मा बाघ र बाख्रा जनाउन बाघ र बाख्राको टाउका’को फोटो राखिएकोछ, जसबाट खेल्नेलाई एउटा रमाइलो अनुभव हुन्छ, खेलको दायाँ साइडमा कसको पालो हो, खेल सुरु भएको कति टाइम भयो, कति वटा बाख्रा बाँकी छन् भन्ने जानकारी देख्न सकिन्छ । खेलको पेज छोडेर अन्य पेजमा

Subscribe to Aakar Post