Skip to main content

के स्क्र्याच कार्डले क्यान्सर हुन्छ? [समाचार टिप्पणी]

सुरु मै प्रस्ट पारौँ, म ‘मेडिकल’ क्षेत्रसँग सम्बन्धित छैन तर पनि ब्लग भने स्क्र्याच कार्ड र क्यान्सर बारे लेख्दैछु !

virus-facebook-np

केही दिन अघिको कान्तिपुरमा छापिएको खबर यस्तो छ:

मोबाइल रिचार्ज गर्न लागि हामी स्क्रयाच कार्ड उपयोग गर्छौं । एटिएमको पासवर्डको लागि समेत यस्तै उपाय अपनाउनुपर्ने हुन्छ । तर ध्यान राख्नोस्, त्यस्तो बेला औंलाले स्क्रयाच नगर्नु नै राम्रो । वैज्ञानिकहरूको अनुसार त्यस्तो औंलाले शरीरमा छुँदा क्यान्सरको खतरा हुन्छ ।

मेडिकल रिसर्च अथोरिटी अफ अमेरिकाले हालै स्क्रयाच कार्डका विषयमा गरेको अनुसन्धानपछि यो तथ्य अगाडि आएको हो । अध्ययनअनुसार स्क्रयाच कार्डमा 'सिल्भर नाइट्रोअक्साइड' हुन्छ । नङको माध्यमले त्यो शरीरमा पुग्नु जोखिमपूर्ण हुन सक्छ । यो अक्साइडले छालाको क्यान्सरलाई निम्त्याउँछ । नाइटि्रक अक्साइडले शरीरमा बिस्तारै बिस्तारै नोक्सान पुर्‍याउन थाल्छ । टाउको दुखाइ, बान्ता र कमजोरीको रूपमा यसको असर देखिन्छ । मुटुको चाल असामान्य हुने, छाला चिलाउने, मुख सुक्ने, शरीरमा पानीको कमी हुने जस्ता समस्या पनि देखिन थाल्छन् । त्यस्ता व्यक्तिलाई सास फेर्नसमेत असजिलो भएको पाइयो । शरीरमा नाइटि्रक अक्साइड बढी भए त्यसले विषको रूप लिन्छ । रक्तचाप न्यूनतम स्तरमा पुग्छ र व्यक्तिको मृत्यु हुन्छ ।

यसैले अब स्क्रयाच गर्दा विचार पुर्‍याउनुस्, तपाईंको शरीरको कुनै खण्डले यसलाई नछोओस्!

scratch card - kantipur news

फेसबुकमा यही व्यहोराको म्यासेज देख्दा देख्दा दिक्क भएको मलाई, कान्तिपुरमा छापिएको समाचारले झनै दिक्क लगाइदियो ! स्वास्थ्य जस्तो संवेदनशिल समाचार पनि विना अनुसन्धान छापिएको थाहा पाउँदा र गलत सूचना प्रवाह गरेको देख्दा, के भन्ने नभन्ने भइरहेकोछु !

फेसबुकमा केही समय पहिले ठ्याक्कै यसै व्यहोराको म्यासेज फैलिएको थियो ! जुन यस्तो छ:

ATTENTION. …..Medical research Authority of the US have found that new cancer in human beings caused by ‘Silver Nitro oxide’. Whenever u buy recharge cards or calling cards don’t scratch them with ur nail as it contain ‘silver nitro oxide’ coating and can cause skin cancer. Copy and paste this status and spread awareness please.

Silver-Nitro-Oxide-Can-Cause-Skin-Cancer-facebook-scamसायद ‘सोसल मिडिया’मा फैलिएको सबै खबर सही नै हुन्छ र धेरैले सेयर गरेको म्यासेज भएपछि, त्यो कुरा ठिक नै हुनुपर्छ होला भन्ने सोचेर पत्रिकामा यो खबर छापिए झैँ लाग्छ ! समाचार छापियो तर गलत समाचार छापियो, गलत सूचना दिइयो ! समाचार छाप्नु भन्दा पहिले, सानोतिनो अनुसन्धान गरेको भए, यस्तो गल्ति पक्कै हुँदैन थियो !

कान्तिपुरमा छापिएको यो समाचार सरासर गलत छ ! स्क्रयाच कार्डको ‘सिल्भर फोयल’ के बाट बनेको हुन्छ, नाइटि्रक अक्साइड हुन्छ कि हुँदैन, मेडिकल रिसर्च अथोरिटी अफ अमेरिका छ कि छैन भन्ने कुरा केही विचार नै नगरी, फेसबुकमा जे देखियो, त्यसलाई ‘ट्रान्सलेट’ गरेर पत्रिकामा छापिएकोछ !

मैले आफूले भ्याएसम्मको ‘रिसोर्स’ लाएर स्क्रयाच कार्ड र क्यान्सर विचको नाता पत्ता लगाउने कोशीस गरेँ तर समाचारमा भनिएजस्तो केही कुरा पनि भेट्न सकिएन ! पहिलो कुरो त, समाचारमा भनिएजस्तो “मेडिकल रिसर्च अथोरिटी अफ अमेरिका” भन्ने कुनै संस्था छैन ! दोस्रो कुरा, “सिल्भर नाइट्रो अक्साइड” भन्ने कुनै कुरा स्क्रयाचकार्डमा प्रयोग भएको हुँदैन र यो छँदा पनि छैन ।

स्क्र्याच कार्डमा प्रयोग हुने “सिल्भर फोयल”, लेटेक्स वा युभी इन्क प्रयोग गरिएको हुन्छ ! एक साइटका अनुसार हामीले दैनिक जिवनमा प्रयोग गर्ने ४० हजार थरिका सामान यो “लेटेक्स” भन्ने रवरबाट बनेकोहुन्छ ! पन्जा, बेलुन,कण्डोम, टोपी आदि विभिन्न सामानहरु ‘लेटेक्स’बाट बनेकोहुन्छ ! र यही लेटेक्सबाटै “स्क्रयाच कार्ड” पनि बनेको हुन्छ ! यदि यसबाट समाचारमा भनेजस्तो, नङले कोट्याउँदा क्यान्सर लाग्ने भए, अहिलेसम्म धेरै घटना घटिसक्थ्योहोला ! लेटेक्सले क्यान्सर त होइन, कसैकसैलाई एलर्जी भने गराउनसक्छ ! तर समाचारमा भनिएजस्तो स्क्याच कार्डले क्यान्सर हुँदैन !

समाचारमा भनिएको कुराहरु पूर्णरुपमा गलत छन् ! कान्तिपुरले पछिल्लो अंकमा यो खबरको खण्डन गरेको छ वा छैन त्यो त मैले हेरेको छैन, तर पनि विना अनुसन्धान यस किसिमका समाचारले गर्दा प्रकाशन गृहको साख गिराइरहेको छ ! समाचार छाप्दा कम्तिमा के छाप्दैछु भनेर, एक पटक अनुसन्धान गर्नु पर्ने हैन र?

फेसबुकमा फैलिएको स्क्रयाच कार्ड र क्यान्सरको नचाहिँदो हल्लाको बारेमा करिब ६-७ महिना पहिले मैले बजममा ब्लग लेखेको थिँए !

हेर्नुहोस्: Silver Nitro Oxide Can Cause Skin Cancer; Goes Viral on Facebook

Comments

  1. Sarba partham ta anil ji lai dhanya bad. yesto sambedan kura lai blog marfat samagra manis lai suchana dinu bhayeko ma. maile kehi samaye paile kunai nepali patrika ma yestai khabar padeko thiye. CFL bulb balda cancer hunchha bhanera. yesko barema pani kehi anu sandan garnu bhaye ramro hune thiyeo. huna ta jasle garda pani hunchha tara ma sanga testo idea bhayena tesaile

    thank you

    ReplyDelete

Post a Comment

Popular posts from this blog

नियात्रा : घान्द्रुक को घुमाइ -१

शैक्षिक अध्ययन/ भ्रमण जान नपाएको धुनमा हामी एकपटक विद्यार्थीहरुकै पहलमा चिसापानी पुगिसकेका छौं। सुन्दरीजलबाट एकदिनको पदयात्रामा चिसापानी पुग्न सकिन्छ। सन् २००९ अक्टोबरको महिना। जहिले पनि शैक्षिक अध्ययन/ भ्रमणमा नलगिएको वा घुम्न नपाएको पिडाले मन भरिरहने हामी विद्यार्थीहरुलाई फेरी एकपटक घुम्नजान मन लाग्न थाल्यो। घुम्न मन लाग्यो भनौं कि पढ्न मन लागेन भनौं?... जे बुझेपनि हुन्छ। जता गएपनि सत्य तपाईंकै बटोमा हिँडेको हुनेछ। घुम्न त जाने, तर कहाँ? प्रेम छिरिङग् शेर्पाको दिमाग यहाँनेर हामी सबैको भन्दा छिटो चल्छ, जहिलेपनि। फेरी अच्चमको कुरा के भने नि- नेपालमा अधिकांश ‘घुम्ने’ ठाउँ कि त प्रेम छिरिङग् पुगिसकेको छ कि त उसका साथीहरु। निकै नै रसिक छन् हाम्रा साथी प्रेम छिरिङग् शेर्पा। हामी अधिकांश छात्रहरुलाई भक्तपुरको छ्याङग्शाला, काठमाडौंको टुकुचे भान्छा घर आदी देखाउने श्रेय यीनैलाई जान्छ। यो श्रेय कम्तिमापनि म, उसलाई कृतज्ञताका साथ दिन चाहान्छु। अघिल्लो पल्ट गएको चिसापानि पदयात्रा पनि प्रेम छिरिङग् कै सक्रियतामा संम्भव भएको थियो। त्यसैले यसपटकको यात्राको निणर्य गर्ने जिम्मा पनि प्रेम र गौरबलाई

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free. Install Nepali Unicode Romanized in Windows XP: Install: Run setup file; Go to control Panel; Open Language and Regional settings; Open Regional Language Options; Go to Language Options & tick on check box (install files..... Thai, instal....east Asian...languages): Click apply-it might ask for windows CD: Insert CD or you can directly copy "i386" files too; And install all: then you have done; Click for details; Then click add a tab; A new popup will appear: Select "Sanskrit" in the first box; Select "Nepali unicode (romanized)" in second box; Click "ok"; You have successfully installed it; P

नेपाली टाइप गर्ने सजिलो तरिका

मदन पुरस्कार पुस्तकालयले  २००७  २००३-४ ताका नेपाली युनिकोड किबोर्ड लेआउट, रोमनाइज्ड र ट्रेडिसनल सार्वजनिक गर्यो । नेपाली टाइपिङ (ट्रेडिसनल) जान्दै नजान्ने (कहिले नेपाली टाइप नगरेको) मैले, मदन पुरस्कार पुस्तकालयले सार्वजनिक गरेको रोमनाइज्ड नेपाली युनिकोड किबोर्ड लेआउट कम्प्युटरमा राखेर पहिलो पटक कम्प्युटरमा नेपाली भाषामा लेखेँ । यसविचमा कम्प्युटर तथा मोबाइलको लागि धेरै किसिमका नेपाली किबोर्ड लेआउट तथा एप्सहरु आइसकेकाछन्, तर पनि इन्टरनेट प्रयोगकर्ताहरु नेपाली टाइप गर्नुपर्दा अप्ठ्यारो मान्छन् । मलाई धेरैले सोध्ने गरेको प्रश्न भनेको, "फेसबुकमा कसरी नेपाली टाइप गर्ने?" अत: यो ब्लगमा मदन पुरस्कार पुस्तकालय (मपुपु) ले निर्माण गरेको नेपाली युनिकोड किबोर्ड लेआउट बारे चर्चा गर्दैछु। प्रिती, कान्तिपुर लगायतका 'ट्रु टाइप फन्ट' (ttf) प्रयोग गरेर ट्रेडिसनल लेआउटमा नेपाली टाइप गर्ने प्रयोगकर्ताहरुले, नेपाली ट्रेडिसनल युनिकोड किबोर्ड लेआउट राखेर, इन्टरनेटमा सजिलै सँग नेपालीमा लेख्न सक्छन् । भन्नुको मतलब, तपाईलाई पहिले नै नेपाली टाइपिङ आउँछ भने टाइपिङ गर्ने तरिका उही हुन्छ, उही &q

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

मोदी र ट्विटर ट्रेन्ड [पडकास्ट 📻 ]

यो अंकमा भारतिय प्रधानमन्त्री नरेन्द्र मोदी नेपाल भ्रमणमा आउँदा ट्विटरमा चलेको #BlockadeWasCrimeMrModi (नाकाबन्दी अपराध हो, मिस्टर मोदी) ट्रेन्ड र ट्विटर ट्रेन्ड कसरी हुन्छ भन्ने बारेमा कुरा गर्दैछु । मोदी जनकपुरमा आइपुग्ने बित्तिकै एक्कासी #BlockadeWasCrimeMrModi ट्विटरको ट्रेन्ड लिस्टबाट हरायो । हामीले सेन्सरसिपको शंका गरिरहँदा केही घन्टापछि त्यही ट्रेन्ड पुन: देखापर्‍यो । विगतमा बाहिर भएका केही ट्रेन्डहरु फेसबुक तथा ट्विटरले 'ट्विक' गरेको भन्ने खबर आएका कारण, सुरुमा यो सेन्सरसिप नै हो भन्ने लाग्यो । तर उक्त ट्रेन्ड ट्विटरबाट हराएर केही घन्टापछि फेरि आएबाट, सेन्सरसिप हैन भन्ने लाग्यो । मोदी र ट्विटर ट्रेन्डबारेको यो पडकास्ट 📻 सुन्नुहोस् ट्विटर ट्रेन्ड कसरी हुन्छ? ट्विटरमा ट्रेन्ड हुन यति नै ट्विट हुनुपर्छ भनेर कहिँ उल्लेख गरेको पाइँदैन तर पनि केही कुरा ट्रेन्डमा देखिनको लागि त्यस विषयमा एकैपटक, धेरै ठाउँबाट धेरैले एउटै विषय ट्विट गरेको हुनुपर्छ । एउटै विषयमा हजारौँले दिनभरि ट्विट गर्दा त्यो ट्रेन्डिङ टपिकमा देखिन्छ भन्ने हुँदैन । ट्विटरमा ट्रेन्ड हुन, कुनै पनि विष

ट्विटर लाइकोनोमिक्स

कसैले ट्विटरमा लाइक गर्दा के बुझ्ने? ट्विटमा आउने लाइकलाई कसरी लिने? कतिपय अवस्थामा ट्विटरमा ट्विट लेखिसक्न पाएको हुन्न, 'लाइक' आइसक्छ । यसलाई एक हिसाबले ट्विटरको राम्रो र अर्को हिसाबले कामै नलाग्ने 'फिचर' भनेर मान्न सकिन्छ । यसलाई यस अर्थमा काम नलाग्ने भन्दै छु कि, कतिपय प्रयोगकर्ताहरु जो कोहीको हरेक ट्विट लाइक गर्छन्, कहिलेकाँही त उनीहरुलाई म्युट गर्नुपर्ने बाध्यता नै हुन्छ, नचाहिँदो नोटिफिकेशनका कारण । ट्विटरमा लाइक किन गरिन्छ भनेर सबैका आ-आफ्नै बुझाइ होलान्, चलाउने आफ्नै तौर-तरिका होलान् । तर यत्ति चाँहि के प्रस्ट हुनुपर्छ भने ट्विटरमा वा फेसबुकमा आउने लाइकहरु अनलाइन भोटिङमा मात्र काम लाग्छन्, यी लाइकहरुले कसैको समर्थन वा विरोध भनेर जनाउँदैन । दुई वर्ष अघिसम्म या भनौँ २०१५ सम्म ट्विटरमा पानको पात थिएन, लाइक भन्ने फिचर थिएन । यसको सट्टा तारा थियो, त्यसलाई फेवरेट भनिन्थ्यो । सन् २००६ मा ट्विटर सुरु भएसँगै फेवरेटको सुरुवात भएको थियो, जसले २०१५ सम्म निरन्तरता पायो । ट्विटरका फिचरहरु मध्ये धेरैले राम्रोसँग प्रयोग गर्न नजानेको फिचर भनेर फेवरेटलाई लिने गरेको पाइन्छ ।

Subscribe to Aakar Post