Skip to main content

सोसल नेटवर्किङ साइट मार्फत ब्लगका पाठक कसरी बढाउने? #BlogTips #SocialNetworking

फेसबुक अहिलेको समय मा सबैभन्दा धेरै चलाइने र धेरैले चलाउने ‘सोसल नेटवर्किङ साइट’ हो । साथीभाइ विच फेसबुक बाट नै सूचना को आदानप्रदान हुन थालेको छ । कैयौँ फोटो र भिडियोहरु ‘भाइरल’ भएर सबैको फेसबुकमा पुगिरहेकाछन् । फेसबुकमा लेखिएका अधिकांश कुराहरु मा साथीहरुले ‘कमेन्ट’ गर्ने, ‘लाइक’ गर्ने आदि गर्छन् । जस्तोसुकै कुरा किन नहोस्, फेसबुकमा राखिसकेपछि कुनै न कुनै व्यक्तिले जरुर हेरिरहेको हुन्छ ।facebook-tube

फेसबुकको लोकप्रियता सँगै, ब्लगहरु पहिले को जस्तो रहेनन् भनेर भन्नेहरु धेरै भेटिएकाछन् भने, ब्लगर साथीहरु पनि, आफ्नो ब्लग भिजिट नहुने, कमेन्ट नआउने कुराहरु गर्न थाल्नुभएको छ । भिजिट नहुनु र कमेन्ट न-आउनु अलग कुरा हुन् । कमेन्ट आएको र नआएको आधारमै यो ब्लग हिट भयो, यो ब्लग हिट भएन, कसैले पढेनन् भन्ने कुरा हुँदैन । राम्रो ब्लग छ भने, कुनै कमेन्ट नै नभएपनि, उक्त ब्लग हिट हुनसक्छ,  साथीहरुको फेसबुक र ट्विटरमा उक्त ब्लग ‘सेयर’ भइरहेको हुनसक्छ । साथीहरुको स्टाटस र ट्विटबाट नै तपाईको ब्लगमा मौन पाठकहरु आइरहेकाहुन सक्छन् ।

कसैले पढ्दै नपढि या भनौँ सरसर्ति हेरेर “साह्रै दामी पोष्ट” भनेर प्रतिक्रिया लेख्नु भन्दा, कसैले ब्लगमा प्रतिक्रिया नै नलेखि “फेसबुक” र “ट्विटर” जस्ता ‘सोसल नेटवर्किङ साइट’ मा ‘सेयर’ गर्छ भने, त्यस कुराले विशेष महत्व राख्दछ । अप्रत्यक्ष रुपमा यसले ब्लग को पाठकहरु बढाउन सहयोग पुर्याइरहेको हुन्छ । अत: कमेन्टले ब्लग यति हिट छ भनेर भन्न सकिँदैन । प्रतिक्रिया भनेको कसैले लेख्छन्, कसैले लेख्दैनन् । मेरो पहिलो सुझाव, ब्लगमा कमेन्ट नै आएनन् भनेर आत्तिनु पर्ने अवस्था छैन, ब्लग कति हेरियो भन्ने कुरा अन्य कुराहरु ले जाँच्न सकिन्छ ।

सोसल मिडिया, फेसबुकको पर्यावाची झैँ लागेपनि, सोसल मिडियाले अन्य धेरै साइटहरु पनि समेट्छ ! यस ब्लगमा भने हामीले फेसबुकलाई समेट्ने प्रयत्न गरेका छौँ ।

ब्लगमा “सोसल सेयरिङ बटन”हरु राख्नुहोस्

जति राम्रो ब्लग लेखेपनि, यदि ‘मार्केटिङ’ पक्ष साह्रै कमजोर छ भने, तपाईले लेखेका कुराहरु कसैसामु पुग्दैनन् । ‘फेसबुक’ र ‘टविटर’ को लोकप्रियता सँगै “सोसल मिडिया” भन्ने शब्द खुबै प्रचारमा रहेपनि, “सोसल मिडिया” अन्तर्गत फेसबुक र ट्विटर मात्र नभइ, ब्लग, युट्युव (भिडियो) र अन्य सोसल नेटवर्किङ साइटहरु पनि पर्छन् । अत: तपाईको ब्लग पनि “सोसल मिडिया” नै हो ।

तपाई को पहुँच जति धेरै सोसल नेटवर्किङक साइटहरुमा पुग्छ, ब्लग को प्रचार प्रसार गर्न त्यति नै सजिलो हुन्छ । अत: ब्लगमा विभिन्न सोसल मिडिया का साइटहरुमा सजिलै सँग ‘सेयर’ गर्न सकिने ‘बटन’ हरु राख्नुहोस् । यसबाट पाठक ले तपाईका राम्रा लागेका ब्लगहरु सजिलै ‘सेयर’ गर्न सक्छन्  । हाललाई फेसबुक, ट्विटरको ‘सेयर बटन’ राखे पुग्छ । त्यसका अलावा गुगल प्लसको “+१” बटन पनि सबै ब्लग को लागि जरुरी भइसकेको छ । “+१” बटनले सेयर गर्ने मात्र होइन, तपाई को ब्लगको र्याङ्क मा पनि प्रभाव पारिरहेको हुन्छ ।

फेसवुकको हक मा “लाइक बटन”, ट्विटरका लागि “ट्विट बटन” र गुगल प्लस का लागि “प्लस वान” बटन राख्न सकिन्छ । “गुगल” गरेको खण्डमा ती बटनहरु कसरी, कहाँ राख्ने भन्ने कुराहरु सजिलै थाहा पाउन सकिन्छ ।

फेसबुक “नोट्स” नलेख्नुहोस्

ब्लगर साथीहरु भन्नुहुन्छ, फेसबुक नोट्समा यति धेरै प्रतिक्रिया आयो, सबैलाई ट्याग गर्न सकिन्छ तर खै त्यही ब्लगमा कमेन्ट गर्ने चाँही कोहि हुँदैनन्, ब्लग नै हेर्दैनन् । यस कुराको लागि तपाई नै दोषी हुनुहुन्छ भन्दा फरक पर्दैन । जब ब्लगको सबै कुरा तपाई नोट्समा नै लेख्नुहुन्छ (अटोमेटिक नोट्समा इम्पोर्ट गर्नुहुन्छ) त, किन कसैले तपाई को ब्लग खोलिरहोस् । अत: मेरो सुझाव भनेको “फेसबुक नोट्स” भनेको लेख्दै नलेख्नुहोस्, त्यसको सट्टामा ब्लग लिंक सेयर गर्नुहोस्, स्टाटस मा सेयर गर्नुहोस् । बरु कसैलाई हेर भन्नै पर्ने छ भने, त्यही सेयर गरिएको लिंक र, स्टाटसमा अरुलाई ट्याग गर्नुहोस् तर भुलेर पनि ब्लग को कुरालाई नोट्समा ‘सेयर’ नगर्नुहोस् । फेसबुक नोट्स ले तपाई को ब्लग का पाठकहरु घटाइरहेको छ, भन्ने कुरा बुझ्नुहोस् । फेसबुक मात्र होइन अन्य साइटहरुमा पनि लिंक मात्र सेयर गर्नुहोस् ।

ब्लग को फ्यानपेज बनाउनुहोस्

धेरैजसो ब्लगहरु अहिले पनि ब्लगको लागि फ्यान पेज बनाउनु भन्दा, ब्लगको लागि फेसवुक प्रोफाइल बनाइरहनु भएको छ । ब्लग मात्र नभनौँ, नेपाल मा अधिकांश संघ संस्थाहरुले फेसबुक पेज बनाउनु पर्ने ठाउँमा फेसबुक प्रोफाइल बनाइरहेका छन् । फलस्वरुप जति जना को बिचमा ब्लग पुग्नुपर्ने हो, पुगिरहेको छैन । फेसबुक पेजमा लाइक गर्दा पुग्छ तर पनि धेरैजसो व्यक्तिहरु पेज बनाउनु भन्दा पनि, प्रोफाइल नयाँ बनाएर, नयाँ फेसबुक ग्रुपहरु बनाएर साथीहरु ‘एड’ गरिरहनु भएको छ । र यो सरासर गलत तरिका हो, यस तरिकाले तपाई को ब्लग पाठक बढ्न सक्दैनन् । फेसबुक पेज को महत्व बुझ्नुहोस्, ब्लग को लागि छुट्टै फ्यानपेज बनाउनुहोस् र ब्लगका बारेका अपडेटहरु फ्यानपेज मार्फत सेयर गर्नुहोस् ! (फ्यान पेज कस्तो हुनुपर्छ, कसरी चलाउनु पर्छ, भन्ने कुरा कुनै अर्को ब्लगमा चर्चा गरौँला! ) साथिहरुलाई आफ्नो फ्यानपेज ‘लाइक’ गर्न आग्रह गर्नुहोस् । जति धेरै फ्यान भए, त्यति धेरै ब्लग धेरैमाझ पुग्छ भन्ने कुरा भनिरहन नपर्ला ।

फेसबुक पेजको महत्व बुझेर नै, “गुगल प्लस” ले पनि चाँडै नै गुगल प्सलमा “बिजनेस पेज” ल्याउने भएको छ । गुगल प्लसमा ‘बिजनेस पेज’ आउने बित्तिकै गुगल प्लसमा पनि पेज बनाउन नबिर्सिनु होला ।

कमेन्ट सिस्टम मा ध्यान दिनुहोस्

ब्लगरको आफ्नै कमेन्ट सिस्टम खासै सजिलो छैन,  र यो झ्याउलाग्दो पनि छ । वर्डप्रेस ब्लग र अन्य प्लाटफर्मका ब्लगहरु मा भने कमेन्ट गर्न केही सजिलो छ । तर ब्लगमा भएका ‘डिफल्ट’ कमेन्ट सिस्टम ले खासै नयाँ पाठक बढाउन सहयोग गरिरहेको हुँदैन । अत: कसैले ब्लगमा कमेन्ट लेखोस् भन्ने लाग्छ भने आफ्नो ब्लगमा राखिएको कमेन्ट सिस्टम सजिलो राख्नुस्, अझ कमेन्ट मार्फत नै ब्लगका पाठकहरु बढाउने इच्छा छ भने, फेसबुक कमेन्ट सिस्टम राख्नुहोस् । त्यसबाहेक, ‘डिस्कस’, ‘इन्टेसडिवेट’ लगायतका कमेन्ट सिस्टमहरु पनि राख्न सकिन्छ । हामीले यो ब्लगका लागि ‘डिस्कस’ कमेन्ट सिस्टम राखेका छौँ । ‘डिस्कस’ मा कमेन्ट गर्न सजिलो छ, साथै यसबाट क-कसले ट्विट गरे पनि थाहा पाउन सकिन्छ, यसैबाट फेसबुक मा पनि सेयर गर्न सकिन्छ ।

तर सिधै पाठक बढाउन को लागि हो भने, “फेसबुक कमेन्ट” प्रयोग गर्नुहोस् । कसैले तपाई को ब्लगमा आएर कमेन्ट गर्यो भने, कमेन्ट उसको फेसबुक प्रोफाइलमा पनि देखिन्छ, अनि अर्को ले पनि क्लिक गर्न सक्छ ।

अटोमेटिक फिड को नियन्त्रित प्रयोग गर्नुहोस्

फुर्सद को बेला ब्लग लेख्नुहुन्छ, या अन्य कुनै बेला, कहिँ पुगेको बेला ब्लग लेख्नुहुन्छ । मध्यरातमा ब्लग तयार भएपनि भोलि पल्ट बिहान मात्रै ब्लग प्रकाशित गर्ने योजना छ । या हामी ले प्रशारण गरिरहेको “बुलबुल” कसरी सँधै समय मै बज्छ भन्ने लागिरहेको होला, कसरी बुधबार राती ठ्याक्कै १० बजे ट्विटर र फेसबुक मा बुलबुल सम्बन्धि अपडेट आउँछ भन्ने लागिरहेको हुनसक्छ । यो बुझ्न कुनै पहाड फुटाइरहनु पर्दैन, मात्र “अटोमेटिक फिड सर्भिस”हरु को नियन्त्रित प्रयोग गरे हुन्छ । हामीले ब्लग प्रकाशित हुने बित्तिकै फेसबुक र ट्विटरमा पोस्ट गर्न को लागि ‘ट्विटरफिड’ नामक सेवा प्रयोग गरिरहेका छौँ ।

तपाईहरु आफ्ना ब्लगहरु प्रकाशित हुने बित्तिकै फेसबुक र ट्विटरमा ‘सेयर’ होस भन्ने चाहनुहुन्छ भने, ट्विटरफिड, डेलिभर, फिडबर्नर, नेटवर्कब्लग आदि सेवाहरु प्रयोग गर्न सक्नुहुन्छ  । तर कृपया भनिएका मध्ये कुनै एक सेवा मात्र प्रयोग गर्नुहोला । एउटै कुरा एकै पटक ३-४ वटा बाट अटोमेटिक सेयर नगर्नुहोला, कारण जुनसुकै अटोफिड प्रयोग गरे पनि, सेयर हुने तपाई को फेसबुक र ट्विटर मा नै हो । एउटै कुरा, एकै समयमा बारम्बर सेयर भयो भने, अरुलाई तपाई को ट्विट र स्टाटस देखेर दिक्क लाग्न सक्छ। अत: अटोमेटिक फिड को नियन्त्रित प्रयोग गर्नुहोस् ।

फेसबुक मा आकारपोष्ट | ट्विटर मा आकारपोष्ट

तस्विर: ओल्डकेज

Comments

  1. thank u for suggestions

    ReplyDelete
  2. मैले पनि फेसबुक नोट्स बाट ब्लग पोस्ट सेयर गर्न छोड्नु पर्यो :) पहिले नै यसो गर्ने सोचेको .. अल्छीपनाले गर्दा अहिले सम्म गरेको छैन :)

    ReplyDelete
  3. Like ur post but wud like to say u smthing more about ur writings. Well nepali ma lekhda cha ni 'ko' 'ma' bhanne akshar haru ta sabda sanga jodine haiana ra ?? like u r written : फेसबुक को , पहिले को, कमेन्ट ले but pheri its साथीहरुको, प्रोफाइलमा ...i knw its not a big deal but sangai lekhda ramro dikhin thiyo ki ... :)

    ReplyDelete
  4. Ani yeah ..thanks for the information hai ....

    ReplyDelete
  5. Hmmm. Thank you for your great observation and suggestion. I'll edit this blog within few hours. Thank you once again!
    :)

    ReplyDelete
  6. १ करोडको जानकारि लेख्यौ त ब्रो। १ लाख धन्यबाद टक्राउछु।

    ReplyDelete
  7. wow, great idea.
    yo ta blog ko lagi information bhayeo. tara personal or business website ko lagi pani kunai information share garnu bhaye aavari hune thiyau
    thank you for sharing

    ReplyDelete
  8. यसबारेमा पनि चाँडै नै लेख्नेछौँ !

    ReplyDelete
  9. ब्लगको प्रचार-प्रसारको लागि फेसबुक एकदमै असरदार हुँदा हुँदै पनि 'नोटस' ले भन्ने उल्टो असर गर्छ भन्ने कुरा अलि बेमेल जस्तो लाग्छ। तर कुरा यही नै हो । मैले पनि धेरै अगाडि देखि 'नोटस' मा पोस्ट बाँढन छाडेँ।

    कमेन्ट सिस्टम परिवर्तन गर्दा पाठक बढ्ने कुरामा भने मलाई अझै 'कन्फ्यूजन' नै छ :)

    ReplyDelete
  10. फेसबुक कमेन्टस राखेको खण्डमा बढ्न सक्छ । :)

    ReplyDelete
  11. comments le dherai asar parchha... afno blog ma blogger ko comment hunjel kaile pani comment aako dekheko thiena.. tara disqus haledekhi comment aauna thaleko ho... faceboook comment lai ma ali prathmikta didina... sabai jana le fb chalaudainan.. ra fb profile open hune huna le pani comment garna ali man paraudainan..

    ReplyDelete
  12. अनिल जि मैले Facebook comment मेरो blog मा राख्न खोजेको तर मलाई आईडिया भएन कसरी राख्ने होला । मेरो blog-bloggerमा छ । 

    ReplyDelete
  13. हैन्, भिजिटर बढ्ने हो कि कमेन्ट बढ्ने हो झनै कन्फ्युज पो भो त ! :)

    ReplyDelete
  14. comment ra visitor duitai.. comment- comment garna easy huna le... visitors- comment facebook ma share garne milna le..

    ReplyDelete
  15. ब्लगरको डिफल्ट कमेन्ट सिस्टममा कमेन्ट गर्न भने अल्छि लाग्दो नै छ, तर.... कमेन्ट नआउँदैमा भिजिटर आएनन् भन्ने कुरा सधैँ सहि हुँदैन जस्तो लाग्छ मलाइ :)

    ReplyDelete
  16. euta le gareko comment.. usko profile ma janchha.. ani arko le click garna sakchha.. yesari networking hudai jada, comment ni badne, visitor ni badne dubai hunchha... :) 

    ReplyDelete
  17. Testo vanya ali hoina... Visitor aauchhan... sajilo comment system huda comment garna man lagne matra ho.. jasto aafu nai kati site herera matra basinchha, comment garna khojyo, login garnu parne, account banaunu parne vayepachhi chhodinchha...

    maile gareko arko experince ke ho vane, facebook ko comment system huda, euta le arko lai tanna sajilo hudo raichha... so visitor badchha vanya ho... buzzom.com ma facebook comment rakhera kaam gariyeko thiyo, bangalore ma basda.... tesai baat yo gyaan prapta vako malai.... aba bujhauna ma sayad kathinai vayeko hola malai. 

    :)

    ReplyDelete
  18. Rajendra ji, check this once: http://goo.gl/CMQM 

    ReplyDelete
  19. Aakar da, facebook le site laai blacklist ma pathako cha bhane kasari khulaune ho ? Mero blog Entertainmentnepal.net Register gareko din dekhi nai facebook ma share garna didaina, Maile dherai report gari sake tara khai kehi upalabdhi bhayena, plz help !

    ReplyDelete
  20. Facebook comments rakheko khanda ma visitor ta badna sakcha dada, but aile ko Blackhat Spammer haru le facebook comments bhayo site haru laai target gardai chan for spam traffic, tyo bela ma chai ..... Bujnu bhayo hola ni  :)

    ReplyDelete
  21. good piece of information, mero common sense le phailai dekhi facebook note ma blog content share garnu hudaina jasto lagthiyo, karan autai thiyo, users haru arko page ma gayera padnu bhanda tei page ma tyo content paucha bahne kina tab gari rakhnu jasto lagcha. :))

    ReplyDelete
  22. Facebook Comments helps to increase comments and visitors but how???

    Let say i have one post in where i have put fb comments box. you like the post and you start to comments. when you comments automatically it post on your facebook profile wall...
    so it means your friends can easily find that what you comments on that blogs... so like this ways it goes viral and help to boost your traffic.. this is somethings like "Viral" Traffic...

    ReplyDelete

Post a Comment

Popular posts from this blog

नियात्रा : घान्द्रुक को घुमाइ -१

शैक्षिक अध्ययन/ भ्रमण जान नपाएको धुनमा हामी एकपटक विद्यार्थीहरुकै पहलमा चिसापानी पुगिसकेका छौं। सुन्दरीजलबाट एकदिनको पदयात्रामा चिसापानी पुग्न सकिन्छ। सन् २००९ अक्टोबरको महिना। जहिले पनि शैक्षिक अध्ययन/ भ्रमणमा नलगिएको वा घुम्न नपाएको पिडाले मन भरिरहने हामी विद्यार्थीहरुलाई फेरी एकपटक घुम्नजान मन लाग्न थाल्यो। घुम्न मन लाग्यो भनौं कि पढ्न मन लागेन भनौं?... जे बुझेपनि हुन्छ। जता गएपनि सत्य तपाईंकै बटोमा हिँडेको हुनेछ। घुम्न त जाने, तर कहाँ? प्रेम छिरिङग् शेर्पाको दिमाग यहाँनेर हामी सबैको भन्दा छिटो चल्छ, जहिलेपनि। फेरी अच्चमको कुरा के भने नि- नेपालमा अधिकांश ‘घुम्ने’ ठाउँ कि त प्रेम छिरिङग् पुगिसकेको छ कि त उसका साथीहरु। निकै नै रसिक छन् हाम्रा साथी प्रेम छिरिङग् शेर्पा। हामी अधिकांश छात्रहरुलाई भक्तपुरको छ्याङग्शाला, काठमाडौंको टुकुचे भान्छा घर आदी देखाउने श्रेय यीनैलाई जान्छ। यो श्रेय कम्तिमापनि म, उसलाई कृतज्ञताका साथ दिन चाहान्छु। अघिल्लो पल्ट गएको चिसापानि पदयात्रा पनि प्रेम छिरिङग् कै सक्रियतामा संम्भव भएको थियो। त्यसैले यसपटकको यात्राको निणर्य गर्ने जिम्मा पनि प्रेम र गौरबलाई

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

आइफोन, आइप्याड र एप्पल वाचका लागि हाम्रो पात्रोको नयाँ एप

आइफोन, आइप्याड र एप्पल वाचका लागि हाम्रो पात्रोले नयाँ एप सार्वजनिक गरेको छ । यो नयाँ अपडेट सँगै एन्ड्रोइड एपमा उपलब्ध विभिन्न फिचरहरु आइफोन एपमा उपलब्ध भएको छ । आइफोन प्रयोगकर्ताहरुले अब एकै विषयका उस्तै समाचारहरु एकै ठाउँमा पढ्न सक्नेछन् । गतवर्ष नेपाली न्युज माइनिङ इन्जिन प्रयोग गरेर एउटै विषयका उस्तै समाचारहरु, विभिन्न स्रोतहरुबाट लिएर हाम्रो पात्रोको एन्ड्रोइड एपमा पढ्न मिल्ने सुविधा थपिएको थियो । मेसिन लर्निङ पद्दतिबाट नेपाली भाषा सम्बन्धि तालिम गराइएको 'नेपाली न्युज माइनिङ इन्जिन'ले नेपाली भाषामा उस्तै प्रकारका समाचार देखाउने कार्यमा ९० प्रतिशत सफलता हासिल गरेकोछ । हाम्रो पात्रोका संस्थापक शंकर उप्रेतीका अनुसार, हाम्रो पात्रो एपको इन-एप ब्राउजर पहिलेको भन्दा ४० प्रतिशत "फास्ट" बनाइएको छ । नयाँ आएको आइफोन एपमा तस्विरहरुलाई पनि "अप्टिमाइज" गरिएकोछ, भन्नको मतलब एप खोल्दा अब हाम्रो पात्रोले डाटा स्पिड/नेटवर्क अनुसार तस्विरको गुणस्तर (क्वालिटि) स्वत घटबढ हुने सुविधा थपेको छ । हाम्रो पात्रो एप सबैभन्दा सुरुमा आइफोनको लागि बनाइएको भएपनि, एन्ड्रो

घोडा तबेला [संस्मरण]

स्याफ्रुवेसीबाट बिहान साँढे सात बजे निस्कँदा, एकैदिनमा धेरै माथिसम्म नजानु 'हाइ' (लेक) लाग्छ भन्ने लोप्साङ, लामा होटल आइपुग्दा, पानी पर्दैन तपाईहरु माथि जान सक्नुहुन्छ भन्न थालेको थियो ।  दुई बजे लामा होटल पुग्दा, पानी सिमसिम परिरहेको थियो, चियाका लागि हामी (विवेक दाइ र म) छेउको होटलमा रोक्कियौँ । लोप्साङ, आफ्नी जर्मन पर्यटक लाउरालाई लिएर अलि पर्तिरको होटलमा गएर रोकियो, हामीले लोप्साङलाई बोलायौँ तर उसले ईशाराले नआउने संकेत गर्यो, उ चिया पिउँदै थियो । तर लोप्साङ सँगै भएकी जर्मन पर्यटक हामी बसेको होटलमा आएर गफ गर्न लागेपछि, लोप्साङ पनि पछिपछि आयो । एक घन्टा बस्दा पनि पानी खासै रोकिएन, तर लोप्साङ पानी रोकिन्छ, तपाईहरु घोडातबेला पुग्नुहुन्छ भनेर हामीलाई भनिरहेथ्यो, सायद उ हामीलाई लामा होटलमा नबसोस् भन्ने चाह गरिरहेको थियो । अघिल्लो दिन माछापोखरी, काठमाडौँबाट बस चढ्दा, लोप्साङ हामी भन्दा अघिल्लो सिटमा थियो । ९ घन्टा लामो बस यात्रामा, लाउरा सँग खासै केही कुरा नभएपनि, लोप्साङ हाम्रो लागि पनि गाइड झैँ बनिसकेको थियो । स्याफ्रुवेसी, विवेक दाइ र मेरो लागि नौलो थियो, लोप्साङकै पछि लागेर, ह

गुगलको अटोड्र - चित्र बनाउन एकदमै सजिलो

"सबैको लागि छिटो चित्र बनाउनको लागि" भन्दै गुगल'ले कम्प्युटर, मोबाइल तथा ट्याबलेटमा सजिलैसँग चलाउन मिल्ने 'अटोड्र' नामक वेव एप सार्वजनिक गरेको छ । केही पहिले चित्र बनाउने सजिलो तरिका 'को बारेमा लेखेको थिँए, आज चाँहि छिट्टो चित्र बनाउने गुगलको अटोड्रबारे लेख्दैछु । 'तँ आँट, म पुर्‍याउँछु' भनेझैँ हामीले हातले कोरेको चित्रहरुलाई, गुगल ले मेसिन लर्निङ पद्धतिबाट बुझेर हामीले बनाउन खोेजेको चित्र तुरुन्त बनाइदिन्छ । भन्नको मतलब मैले अटोड्र मा गोलाकार चित्र कोरेँ भने गुगलले मैले कोरेको गोलो चित्रसँग मिल्दोजुल्दो चित्रहरु देखाइदिन्छ, जुन आफूले छानेर राख्न सकिन्छ । उक्त चित्रलाई सानो, ठूलो बनाउनको साथै, रंगहरु परिवर्तन गर्न सकिन्छ । हेर्दा, सोच्दा सामान्य लाग्ने 'अटोड्र'मा आफूलाई चाहिएको चित्रहरु छिटो बनाउन सकिन्छ । कुनै आईकन चाहियो वा कसैलाई केही कुरा बुझाउनुपर्‍यो वा कसैलाई 'पोष्टकार्ड' बनाएर दिनुपर्‍यो भने, कि त गुगल सर्च नै गर्नुपर्ने वा क्यान्भा, पेन्सिल लगायतका विभिन्न वेब एपहरु प्रयोग गर्नुपर्ने झन्झटबाट 'अटोड्र'ले छुटका

माइक्रोसफ्ट पेन्ट बन्द हुने

अपडेट: माइक्रोसफ्टले एमएस पेन्ट विन्डोज स्टोरमा राख्ने भएकोछ । एमएस पेन्ट हटाइने खबर फैलिएपछि, माइक्रोसफ्टले एमएस पेन्ट विन्डोज अपरेटिङ सिस्टमबाट हटाइएपनि, विन्डोज स्टोरमा राखिने कुरा आफ्नो ब्लगमा उल्लेख गरेको हो । एमएस पेन्ट चलाउन चाहनेहरुले विन्डोज स्टोरबाट डाउनलोड गरेर  निशुल्क चलाउन सक्नेछन् । - - - सन् १९८५ मा माइक्रोसफ्ट विन्डोजको पहिलो भर्सनसँगै सार्वजनिक भएको माइक्रोसफ्ट पेन्ट (एमएस पेन्ट), विन्डोज १० को नयाँ अपडेटसँगै बन्द हुने भएकोछ । माइक्रोसफ्टका अनुसार अब सार्वजनिक हुने क्रम'मा रहेको विन्डोज १० को नयाँ अपडेटमा एमएस पेन्ट सफ्टवेयर समावेश गरिएकोछैन । विन्डोज कम्प्युटर चलाउने सबैको पहिलो "ग्राफिक इटिडिङ टुल" एमएस पेन्ट हो भन्दा फरक नपर्ला । कम्प्युटर चलाउन थालेदेखि  वा भनौँ ब्लगका सुरुवातका दिनमा ब्लगमा प्रयोग गरिएका ग्राफिक्सहरु एमएस पेन्टकै सहारामा सम्पादन गर्ने गर्थेँ । सबैको पहिलो ग्राफिङ इटिडिङ टुल'लाई माइक्रोसफ्टले ३२ वर्षपछि बिदा दिँदैछ । एसएस पेन्ट सँगै आउटलुक एक्सप्रेस पनि विन्डोजबाट हट्ने भएको छ । यस अघि नै माइक्रोसफ्टले विन्डोज १० मा

Subscribe to Aakar Post