Skip to main content

Will Classes Resume From Tuesday? #KU

काठमाडौँ विश्वविद्यालय मा तालावन्दी भएको आज २० औँ दिन । तर २० औँ दिन सम्म पनि केयु प्रशासन ले आन्दोलनरत पक्षलाई वार्ता मा नबोलाउँदा र वार्ता नहुँदा कतै केयु प्रशासन विद्यार्थी नै जुधाएर बस्ने खेलमा लागेको हैन भन्ने शंका उब्जिएको छ । हुन त, रजिष्ट्रार ले पहिले चुनावलाई सहि र पछि स्थगन भनेर सूचना जारी गर्नुले नै केयु मा राजनिति छिरेकोछ भन्ने प्रष्ट संकेत गरिसकेको छ । अनि अझ केयु को दोस्रो सूचना पछि,  रजिष्ट्रार को पदावधि फेरि थपिनुलाई पनि विद्यार्थीले सोही राजनीतिक चलखेल को एउटा पाटो को रुपमा बुझेकाछन् ।

यसैविच आज आन्दोलनरत पक्ष नेविसंघ ले एक विज्ञप्ति मार्फत, “प्रशासन मात्र बन्द गरेको” जनाउँदै नियमित पठनपाठन सुचारु गर्न सम्पुर्ण प्राध्यापकवर्गलाई अनुरोध गरेको छ । विज्ञप्ति मा भनिएको छ, “विद्यार्थीहरुको पढ्न पाउने नैसर्गिक अधिकारलाई सुनिश्चित गर्दै नियमित पठनपाठन सुचारु गर्न सम्पुर्ण प्राध्यापकवर्गलाई अनुरोध गर्दै प्रशासनिक निकाय मात्र तालाबन्दी गरिएको जानकारी यसै विज्ञप्ति मार्फत अवगत गराउन चाहन्छौं” । उनीहरुले आज दिउँसै, प्रशासनिक भवन बाहेक अरु स्कुल र डिपार्टमेन्ट मा लागेका तालाहरु खोलिदिएकाछन् ।

आज जारी विज्ञप्तिमा भोलिदेखि सेन्ट्रल क्याम्पस धुलिखेलमा नियमित पठनपाठन मा केही बाधा नगर्ने भनिएको छ । साथै सशक्त आन्दोलनका थप कार्यक्रमहरुको घोषणा गरिएको कुरा पनि विज्ञप्तिमा उल्लेख गरिएको छ । अनि आन्दोलन का थप कार्यक्रम अन्तर्गत, आजैका दिनदेखि काठमाडौं विश्वविद्यालय अन्तर्गतका पनौती, काभ्रेमा अवस्थित स्कूल अफ मेडिकल साइन्स तथा ग्वार्को, काठमाडौंमा अवस्थित स्कूल अफ आर्टस्, एजुकेसन र म्यानेजमेन्टका प्रशासनहरुमा पनि तालाबन्दी गरिएको छ ।

NSUBigyapti_2067-12-7

हामीलाई प्राप्त प्रेस विज्ञप्ति को पूर्ण पाठ

मिति: २०६७/१२/७

विज्ञप्ति

काठमाडौं विश्वविद्यालयमा २०६७ फागुन १७ गते भएको विद्यार्थी कल्याणकारी परिषदको निर्वाचन काठमाडौं विश्वविद्यालय विद्यार्थी कल्याणकारी परिषद निर्वाचन नियमावली अनुसार सम्पन्न भइ नेपाल विद्यार्थी संघ र अनेरास्ववियूलाई विजयी भएको घोषणा विश्वविद्यालय प्रशासनले विधिवत रुपमा गरेको थियो। कान्तिपुर राष्ट्रिय दैनिकमा २०६७ फागुन २१ गते विश्वविद्यालयका रजिष्ट्रारले सुचना प्रकाशित गरि पुष्टि गरेको सम्पुर्ण विद्यार्थी, शिक्षक, कर्मचारी तथा स्थानीय जन-समुदायहरुलाई सर्ववीदितै छ।

गुण्डागर्दी र धाक धम्कीको भरमा चुनाव जित्न खोज्ने केही अराजक तत्त्वको दवाबमा विश्वविद्यालय प्रशासन निरीह भइ निर्वाचित विद्यार्थी कल्याणकारी परिषदका पदाधिकारीहरुको सपथ ग्रहण गराउनुको सट्टा उल्टै नव-निर्वाचित विद्यार्थी कल्याणकारी परिषदलाई नै स्थगन गर्ने सुचना जारी गर्नाले विश्वविद्यालयका रजिष्ट्रार आफैंमा असक्षम भएको पुष्टि गरेको छ। काठमाडौं विश्वविद्यालयमा अध्ययन गर्ने सम्पूर्ण विद्यार्थीको भविष्यमाथि खेलवाड हुने गरि विश्वविद्यालयका रजिष्ट्रारले निकालेको पछिल्लो सुचना प्रति नेपाल विद्यार्थी संघ घोर आपत्ति प्रकट गर्दछ र उक्त कार्यले विश्वविद्यालय प्रशासनका पदाधिकारीहरुको पनि असक्षमताको पुष्टि गर्दछ। काठमाडौं विश्वविद्यालयमा यस्ता असक्षम पदाधिकारीहरु बस्नु भनेको विश्वविद्यालयको भविष्यमा नै खेलवाड गर्नु हो। त्यसैले काठमाडौं विश्वविद्यालयका सम्पूर्ण विद्यार्थी, शिक्षकवर्ग, कर्मचारीहरु लगायत सम्पूर्ण प्राज्ञिक वर्गको सर्वोत्तम हित भनेको नै यस्ता पदाधिकारीहरुको राजिनामा हो भन्ने हाम्रो ठहर छ। विद्यार्थी कल्याणकारी परिषदको विधिसम्मत भएको निर्वाचन स्थगन गर्ने सुचनाबाट सम्पूर्ण विद्यार्थीहरु प्रभावित भइ एक ढिक्का भएर काठमाडौं विश्वविद्यालय केन्द्रीय हातामा रहेका सम्पूर्ण स्कूलहरुमा पठनपाठन हुने गरि काठमाडौं विश्वविद्यालय केन्द्रीय प्रशासनमा मात्र ताला लगाएको कुरा सबैमा अवगत नै छ। तर काठमाडौं विश्वविद्यालय प्रशासनले विद्यार्थी जुधाउने र विद्यार्थीको भविष्यमाथि नै खेलवाड गर्ने नियतले गत २० दिनदेखि काठमाडौं विश्वविद्यालय बन्द रहँदा पनि हाम्रो मागको सम्बोधन नहुनुले काठमाडौं विश्वविद्यालयले आफ्नो लाचारीपनको नाङ्गो प्रदर्शन गरेको छ। त्यस कारण हामी सशक्त आन्दोलनका थप कार्यक्रम गर्न वाध्य छौं। आजैका दिनदेखि काठमाडौं विश्वविद्यालय अन्तर्गतका पनौती, काभ्रेमा अवस्थित स्कूल अफ मेडिकल साइन्स तथा ग्वार्को, काठमाडौंमा अवस्थित स्कूल अफ आर्टस्, एजुकेसन र म्यानेजमेन्टका प्रशासनहरुमा पनि तालाबन्दीको कार्यक्रमको घोषणा गरेका छौं।

विद्यार्थीहरुको पढ्न पाउने नैसर्गिक अधिकारलाई सुनिश्चित गर्दै नियमित पठनपाठन सुचारु गर्न सम्पुर्ण प्राध्यापकवर्गलाई अनुरोध गर्दै प्रशासनिक निकाय मात्र तालाबन्दी गरिएको जानकारी यसै विज्ञप्ति मार्फत अवगत गराउन चाहन्छौं। पठनपाठन सुचारूका लागि कुनै पनि पक्ष वा तत्त्वले आनाकानी गर्ने खालको क्रियाकलाप गर्छ भने सम्पूर्ण विद्यार्थीहरुलाई आफ्नो अधिकारको सुनिश्चितताको लागि संघर्ष गर्न हार्दिक अपिल गर्दछौं।

जय नेपाल!

साँच्चै भन्ने हो भने, अब ‘बल’ केयु प्रशासन कै कोर्टमा छ, हुन त पहिले पनि ‘बल’ केयु प्रशासन कै कोर्टमा थियो । नेविसंघ ले प्रशासन मा मात्र ताला लाएको र पठनपाठन सुचारु गर्न आग्रह गरिसकेको अवस्थामा कक्षाहरु पुर्ववत रुपमा नै सञ्चालन हुनुपर्ने हो । तर पनि अहिलेसम्म प्रशासनबाट केही ‘रेसपोन्स’ न-आएका कारण यसै भन्ने अवस्था छैन । प्रशासन मा तालावन्दि गरिँदा को पहिलाको नजिरलाई आधार मान्दा भोलि देखि कक्षा सुरु हुनु पर्ने हो । स्मरणिय रहोस विगत मा समय समय मा प्रशासन मा तालावन्दी गरिँदा पनि कक्षाहरु सुचारु रुपले सञ्चालन भएकाथिए ।

भोलि केयुमा कक्षा हुने नहुने कुरा, काठमाडौँबाट स्कुल बस आउँछ कि आउँदैन भन्ने कुरा मा निर्भर गर्छ । अत: काठमाडौँ बाट स्कुल बस आए भोलि कक्षा पुर्ववत नै सुचारु हुनेछ ।  अन्यथा पठनपाठन सुचारु हुन लगभग असम्भव नै छ । अनि यहाँ  विद्यार्थीहरु माझ दुविधा र शंका कायम नै छ, के भोलि केयु मा क्लास होला त ? तर अब  भोलि को कुरा भोलि मात्रै थाहा हुने यहाँ को अवस्था छ ।

अपडेट

केयु प्रशासन बाहेक अन्य डिपार्मेन्ट र स्कुलमा तालाबन्दी नगरिएको भएपनि आज केयुमा कक्षा सञ्चालन भएन । सायद अझै केही दिन कक्षा नहुने संकेत हो यो । वार्ता विना समस्या समाधान हुन सक्दैन तर खै किन हो केयु प्रशासन ले आन्दोलनरत पक्षलाई अहिलेसम्म वार्ता मा बस्न बोलाएको छैन । प्रशासन ले कुनै ‘रेसपोन्स’ नदिनुले केयु प्रशासन को असक्षमता र अदुरदर्शिता पुष्टि गर्दैछ (?) स्कुल र डिपार्टमेन्ट मा गरिएको तालावन्दी खुलिसकेको अवस्थामा पनि कक्षा सञ्चालन हुँदैन भने, विद्यार्थीहरुले के गर्ने ?

Comments

  1. हा हा हा ! अब आफूले पढाइ हुन्छ नै भनेर ग्यारेन्टि भन्न सकिँदैन त ! :P

    ReplyDelete
  2. "महानगर"को जस्तो समाचार भयो यार....शीर्षकमा जे छ भित्र नि त्यहि.....:P

    ReplyDelete
  3. Will classes resumes (or resume?)

    ReplyDelete
  4. Now, you could have seen where the politics originates from?If you remember I had written in your first blog about this....There are some people who are doing politics invisibly for years...They are non other that VC and Registrar themselves.It might feel little unacceptable for few blind supporters of them but this is the truth...Now the tenure of Registrar is extended everything will be fine....

    ReplyDelete
  5. KU maa aba TU and PU(both) ka tatwa harubaat direct prbhav paarne kaamharu vairakheko6 SWC ko bahaanaama. Ke haami sabai milera SWC lai nai Khaarej garnu par6 jasto lag6 malaaita yedi KU lai political place banna baata roknako laagi. Sathi Haruko yesma Kasto Raaya 6 ta, Please comment!!!

    Uday

    ReplyDelete
  6. Except admin and dean office all locks have been opened but class is not started yet. Admin is saying that the class will be started only after the opening of all locks.

    ReplyDelete
  7. It's a sad news. Despite that students like you want to study, the college has remained closed for more than a week now. It's really sad and I hope that the concerned bodies will consider resuming classes soon.

    ReplyDelete
  8. Headline could be better put "Will Classes Resume From Tuesday?" rather than 'tomorrow'. 'Tomorrow' is a vague word for journalism, what if I read this today i.e. Tuesday.

    ReplyDelete
  9. Thank you !
    Will try to keep these things in my mind on my next post.
    :)

    ReplyDelete
  10. Lets save one semester being lost...................

    ReplyDelete
  11. Lets save one semester being LOST in KU.............

    ReplyDelete

Post a Comment

Popular posts from this blog

नियात्रा : घान्द्रुक को घुमाइ -१

शैक्षिक अध्ययन/ भ्रमण जान नपाएको धुनमा हामी एकपटक विद्यार्थीहरुकै पहलमा चिसापानी पुगिसकेका छौं। सुन्दरीजलबाट एकदिनको पदयात्रामा चिसापानी पुग्न सकिन्छ। सन् २००९ अक्टोबरको महिना। जहिले पनि शैक्षिक अध्ययन/ भ्रमणमा नलगिएको वा घुम्न नपाएको पिडाले मन भरिरहने हामी विद्यार्थीहरुलाई फेरी एकपटक घुम्नजान मन लाग्न थाल्यो। घुम्न मन लाग्यो भनौं कि पढ्न मन लागेन भनौं?... जे बुझेपनि हुन्छ। जता गएपनि सत्य तपाईंकै बटोमा हिँडेको हुनेछ। घुम्न त जाने, तर कहाँ? प्रेम छिरिङग् शेर्पाको दिमाग यहाँनेर हामी सबैको भन्दा छिटो चल्छ, जहिलेपनि। फेरी अच्चमको कुरा के भने नि- नेपालमा अधिकांश ‘घुम्ने’ ठाउँ कि त प्रेम छिरिङग् पुगिसकेको छ कि त उसका साथीहरु। निकै नै रसिक छन् हाम्रा साथी प्रेम छिरिङग् शेर्पा। हामी अधिकांश छात्रहरुलाई भक्तपुरको छ्याङग्शाला, काठमाडौंको टुकुचे भान्छा घर आदी देखाउने श्रेय यीनैलाई जान्छ। यो श्रेय कम्तिमापनि म, उसलाई कृतज्ञताका साथ दिन चाहान्छु। अघिल्लो पल्ट गएको चिसापानि पदयात्रा पनि प्रेम छिरिङग् कै सक्रियतामा संम्भव भएको थियो। त्यसैले यसपटकको यात्राको निणर्य गर्ने जिम्मा पनि प्रेम र गौरबलाई

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

आइफोन, आइप्याड र एप्पल वाचका लागि हाम्रो पात्रोको नयाँ एप

आइफोन, आइप्याड र एप्पल वाचका लागि हाम्रो पात्रोले नयाँ एप सार्वजनिक गरेको छ । यो नयाँ अपडेट सँगै एन्ड्रोइड एपमा उपलब्ध विभिन्न फिचरहरु आइफोन एपमा उपलब्ध भएको छ । आइफोन प्रयोगकर्ताहरुले अब एकै विषयका उस्तै समाचारहरु एकै ठाउँमा पढ्न सक्नेछन् । गतवर्ष नेपाली न्युज माइनिङ इन्जिन प्रयोग गरेर एउटै विषयका उस्तै समाचारहरु, विभिन्न स्रोतहरुबाट लिएर हाम्रो पात्रोको एन्ड्रोइड एपमा पढ्न मिल्ने सुविधा थपिएको थियो । मेसिन लर्निङ पद्दतिबाट नेपाली भाषा सम्बन्धि तालिम गराइएको 'नेपाली न्युज माइनिङ इन्जिन'ले नेपाली भाषामा उस्तै प्रकारका समाचार देखाउने कार्यमा ९० प्रतिशत सफलता हासिल गरेकोछ । हाम्रो पात्रोका संस्थापक शंकर उप्रेतीका अनुसार, हाम्रो पात्रो एपको इन-एप ब्राउजर पहिलेको भन्दा ४० प्रतिशत "फास्ट" बनाइएको छ । नयाँ आएको आइफोन एपमा तस्विरहरुलाई पनि "अप्टिमाइज" गरिएकोछ, भन्नको मतलब एप खोल्दा अब हाम्रो पात्रोले डाटा स्पिड/नेटवर्क अनुसार तस्विरको गुणस्तर (क्वालिटि) स्वत घटबढ हुने सुविधा थपेको छ । हाम्रो पात्रो एप सबैभन्दा सुरुमा आइफोनको लागि बनाइएको भएपनि, एन्ड्रो

घोडा तबेला [संस्मरण]

स्याफ्रुवेसीबाट बिहान साँढे सात बजे निस्कँदा, एकैदिनमा धेरै माथिसम्म नजानु 'हाइ' (लेक) लाग्छ भन्ने लोप्साङ, लामा होटल आइपुग्दा, पानी पर्दैन तपाईहरु माथि जान सक्नुहुन्छ भन्न थालेको थियो ।  दुई बजे लामा होटल पुग्दा, पानी सिमसिम परिरहेको थियो, चियाका लागि हामी (विवेक दाइ र म) छेउको होटलमा रोक्कियौँ । लोप्साङ, आफ्नी जर्मन पर्यटक लाउरालाई लिएर अलि पर्तिरको होटलमा गएर रोकियो, हामीले लोप्साङलाई बोलायौँ तर उसले ईशाराले नआउने संकेत गर्यो, उ चिया पिउँदै थियो । तर लोप्साङ सँगै भएकी जर्मन पर्यटक हामी बसेको होटलमा आएर गफ गर्न लागेपछि, लोप्साङ पनि पछिपछि आयो । एक घन्टा बस्दा पनि पानी खासै रोकिएन, तर लोप्साङ पानी रोकिन्छ, तपाईहरु घोडातबेला पुग्नुहुन्छ भनेर हामीलाई भनिरहेथ्यो, सायद उ हामीलाई लामा होटलमा नबसोस् भन्ने चाह गरिरहेको थियो । अघिल्लो दिन माछापोखरी, काठमाडौँबाट बस चढ्दा, लोप्साङ हामी भन्दा अघिल्लो सिटमा थियो । ९ घन्टा लामो बस यात्रामा, लाउरा सँग खासै केही कुरा नभएपनि, लोप्साङ हाम्रो लागि पनि गाइड झैँ बनिसकेको थियो । स्याफ्रुवेसी, विवेक दाइ र मेरो लागि नौलो थियो, लोप्साङकै पछि लागेर, ह

गुगलको अटोड्र - चित्र बनाउन एकदमै सजिलो

"सबैको लागि छिटो चित्र बनाउनको लागि" भन्दै गुगल'ले कम्प्युटर, मोबाइल तथा ट्याबलेटमा सजिलैसँग चलाउन मिल्ने 'अटोड्र' नामक वेव एप सार्वजनिक गरेको छ । केही पहिले चित्र बनाउने सजिलो तरिका 'को बारेमा लेखेको थिँए, आज चाँहि छिट्टो चित्र बनाउने गुगलको अटोड्रबारे लेख्दैछु । 'तँ आँट, म पुर्‍याउँछु' भनेझैँ हामीले हातले कोरेको चित्रहरुलाई, गुगल ले मेसिन लर्निङ पद्धतिबाट बुझेर हामीले बनाउन खोेजेको चित्र तुरुन्त बनाइदिन्छ । भन्नको मतलब मैले अटोड्र मा गोलाकार चित्र कोरेँ भने गुगलले मैले कोरेको गोलो चित्रसँग मिल्दोजुल्दो चित्रहरु देखाइदिन्छ, जुन आफूले छानेर राख्न सकिन्छ । उक्त चित्रलाई सानो, ठूलो बनाउनको साथै, रंगहरु परिवर्तन गर्न सकिन्छ । हेर्दा, सोच्दा सामान्य लाग्ने 'अटोड्र'मा आफूलाई चाहिएको चित्रहरु छिटो बनाउन सकिन्छ । कुनै आईकन चाहियो वा कसैलाई केही कुरा बुझाउनुपर्‍यो वा कसैलाई 'पोष्टकार्ड' बनाएर दिनुपर्‍यो भने, कि त गुगल सर्च नै गर्नुपर्ने वा क्यान्भा, पेन्सिल लगायतका विभिन्न वेब एपहरु प्रयोग गर्नुपर्ने झन्झटबाट 'अटोड्र'ले छुटका

माइक्रोसफ्ट पेन्ट बन्द हुने

अपडेट: माइक्रोसफ्टले एमएस पेन्ट विन्डोज स्टोरमा राख्ने भएकोछ । एमएस पेन्ट हटाइने खबर फैलिएपछि, माइक्रोसफ्टले एमएस पेन्ट विन्डोज अपरेटिङ सिस्टमबाट हटाइएपनि, विन्डोज स्टोरमा राखिने कुरा आफ्नो ब्लगमा उल्लेख गरेको हो । एमएस पेन्ट चलाउन चाहनेहरुले विन्डोज स्टोरबाट डाउनलोड गरेर  निशुल्क चलाउन सक्नेछन् । - - - सन् १९८५ मा माइक्रोसफ्ट विन्डोजको पहिलो भर्सनसँगै सार्वजनिक भएको माइक्रोसफ्ट पेन्ट (एमएस पेन्ट), विन्डोज १० को नयाँ अपडेटसँगै बन्द हुने भएकोछ । माइक्रोसफ्टका अनुसार अब सार्वजनिक हुने क्रम'मा रहेको विन्डोज १० को नयाँ अपडेटमा एमएस पेन्ट सफ्टवेयर समावेश गरिएकोछैन । विन्डोज कम्प्युटर चलाउने सबैको पहिलो "ग्राफिक इटिडिङ टुल" एमएस पेन्ट हो भन्दा फरक नपर्ला । कम्प्युटर चलाउन थालेदेखि  वा भनौँ ब्लगका सुरुवातका दिनमा ब्लगमा प्रयोग गरिएका ग्राफिक्सहरु एमएस पेन्टकै सहारामा सम्पादन गर्ने गर्थेँ । सबैको पहिलो ग्राफिङ इटिडिङ टुल'लाई माइक्रोसफ्टले ३२ वर्षपछि बिदा दिँदैछ । एसएस पेन्ट सँगै आउटलुक एक्सप्रेस पनि विन्डोजबाट हट्ने भएको छ । यस अघि नै माइक्रोसफ्टले विन्डोज १० मा

Subscribe to Aakar Post