ब्लग छ, कम्प्युटर बाट धेरै ले हेर्छन् । हिजो आज फेसबुक धेरै ले मोबाइल बाट पनि चलाउने हुँदा, तपाई को
तर तपाई को ब्लग कम्प्युटर को लागि डिजाइन गरिएको हुँदा, मोबाइल मा तपाई को ब्लग लोड हुन धेरै समय लाग्छ, जसका कारण पैसा र समय दुवै को बर्बादी मात्र हुन्छ । साथै, कम्पयुटर को लागि डिजाइन गरिएको ब्लग, मोबाइल मा हेर्दा धेरै कुरा मिल्दैन ।
अर्को कुरा मोबाइल बाट हेर्ने पाठकहरु ‘साइडबार’ का विगेटहरु हेरेर बस्दैनन् । उनीहरुलाई नयाँ ब्लग के रहेछ भन्ने कुरा मात्र जान्ने इच्छाहरु हुन्छ । उनीहरु चाहन्छन्, ब्लगहरु क्रमैसँग मोबाइल को ब्राउजर मा देखियोस, चाँडो खुलोस, ब्लग सजिलो सँग पढ्न पाइयोस् ।
सायद तपाईहरु पनि यही सोच्नुहुन्छ होला, कुनै साइट मोबाइल मा खोल्नु पर्यो भने, तपाईहरुलाई चाँडो खुलोस, सजिलो सँग पढ्न पाइयोस् ।
अझ तपाईहरुलाई पनि आफ्नो ब्लग मोबाइल फ्रेन्डली बनाउने मन होला ! पक्कै पनि अहिले सबैकुरा मोबाइल मा अटाउन थालेको छ । मोबाइल बाट पनि तपाई को ब्लगहरु हेरिन्छन् भन्ने कुरा मा कुनै दुइमत छैन ।
तपाईलाई आफ्नो ब्लग को लागि मोबाइल साइट बनाउन मन लागेको छ तर कुरा के परिदियो भने, तपाईलाई यस्तो साइट बनाउने कुराहरु केही थाहा छैन । अब साइट नै बनाउन लगाउने हो भने पनि, खर्च धेरै लाग्छ, झन्झट धेरै छ ।
तर चिन्ता नगर्नुस् आज यहाँ मोबाइल साइट बनाउने एकदम सजिलो उपाय बताउँदैछौँ । तपाईले ५ मिनेट भित्रै आफ्नो ब्लग को लागि मोबाइल साइट बनाउन सक्नुहुन्छ ।
ती मोबाइल साइटहरु राम्रा मात्र देखिने हैनन्, मोबाइल मा लोड पनि चाँडो हुन्छ र पढ्न पनि सजिलो हुन्छ । तपाईका सबै ब्लगहरु सजिलै मोबाइल मा पढ्न सकिन्छ ।
1. Google Reader –
गुगल रिडर को सहायता ले तपाईले विना कुनै झन्झट आफ्नो मोबाइल साइट बनाउन सक्नुहुन्छ । गुगल रिडर को rss को मद्दत बाट १० सेकेन्ड मै तपाई को मोबाइल ब्लग तयार हुन्छ । गुगल रिडर बाट मोबाइल ब्लग बनाउन को लागि तपाई को ब्लग rss फिड लाई गुगल रिडर को तल को लिंक मा लगेर राखीदिनुस् ।
http://www.google.com/reader/m/view/feed/ [RSS फिड एड्रेस]
जस्तो आकारपोष्ट को मोबाइल भर्सन को लागि :
http://www.google.com/reader/m/view/feed/http://feeds2.feedburner.com/Aakar
तपाईले यो लिंकलाई आफ्नो ब्लग मा राखेर, सबैलाई यो लिंक को मोबाइल साइट मा जान भन्न सक्नुहुन्छ । तर यो लिंक त धेरै लामो छ, सम्झन गाह्रो छ ! अत: तपाई को आफ्नै डोमेन छ भने, m.yourdomain.com आदि नाम राख्न सक्नुहुन्छ । जस्तो हाम्रो मोबाइल साईट http://m.aakarpost.com रहेको छ ।
तर आफ्नै डोमेन छैन भने पनि नआत्तिनुस्, तपाई ले विभिन्न लिंक सर्टनरहरु को प्रयोगबाट आफ्नो साइट को सम्झनसक्ने लिंक बनाउन सक्नुहुन्छ । जस्तो की हाम्रो यही मोबाइल साइटलाई यहाँ बाट पनि हेर्न सकिन्छ । http://tinyurl.com/aakarpost तपाई पनि आफ्नो साइट को लिंक http://tinyurl.com मा गएर सम्झनसक्ने बनाउन सक्नुहुन्छ ।
2. Mofuse.com
Mofuse.com को मद्दत ले पनि, तपाई ले आफ्नो ब्लग को मोबाइल साइट निशुल्क केही मिनेट भित्रै बनाउन
तपाईले mofuse.com मा फ्रि मा एकाउन्ट बनाउन सक्नुहुन्छ । त्यसपछि आफ्नो साइट वा फिड लिंक दिएर केही छिन मै आफ्नो मोबाइल साइट बनाउन सक्नुहुन्छ ।
mofuse.com ले साइट बनाउने हुँदा तपाई को साइट को एक्सटेन्सन .mobi हुन्छ जस्तो कि हाम्रो साइट यहाँ हेर्न सकिन्छ http://aakarpost.mofuse.mobi/ ।
तर तपाई को आफ्नै डोमेन छ भने m.domain.com आदि को आफ्नै साइट लिंक बनाउन सक्नुहुन्छ । जस्तो की हाम्रो मोबाइल साइट: m.aakarpost.com ।
अथवा आफ्नो साइट छैन भने पनि,माथि भनिएजस्तै अरु लिंक सर्टनरहरु को सहायता ले लिंक सम्झन सक्ने बनाउन सक्नुहुन्छ अथवा mofuse.mobi कै एक्सटेन्सन सहित को लिंक आफ्नो ब्लग मा राख्न सक्नुहु्न्छ ।
यसरी तपाई को मोबाइल साइट केही छिन मै तयार हुन्छ । बाँकि मोबाइल साइट को लिंक प्रमोशन को जिम्मा चाँहि तपाइहरु को । सबैले थाहा पाउनु पर्यो नि लिंक हैन र ???
For free, mobile version of your blog, check this link:
http://forblogs.mofuse.com
हाम्रो मोबाइल साइट हेर्नुहोस्:
आकारपोष्ट: http://m.aakarpost.com
आकारटेकब्लग: http://mtech.aakarpost.com