Skip to main content

ट्वीटर मा कसरी रमाउने, ट्वीटर कसरी चलाउने ? [Friday Tech ]

टुइटर माइक्रो ब्लगिङ साइट तर टुइटर ले लामो समय सम्म टुइटर चलाउने प्रयोगकर्ताहरु पाउन सकेको छैन ।  ६० प्रतिशत भन्दा बढि प्रयोगकर्ताहरु टुइटर मा साइन अप त गर्छन, तर २-३ दिन मै टुइटर बाट हराउँछन् ।

म टुइटर चलाउँछु, फेसबुक पनि चलाउँछु अनि अन्य सोसल नेटवर्किङ साइटहरु अर्कुट, लिङइन, देखि भर्खरै आएको ‘सोसल मेन्टल हेल्थ नेटवर्क’ र नेपाली फेसबुक ‘कनेक्ट फ्रेन्स’ , हाइफाइभ सबै चलाउँछु ! हुन त सबै सोसल नेटवर्किङ साइट को आफ्नै विशेषता छ तर यी सबै मध्ये मलाई टुइटर ले धेरै मोहनी लगाएको छ र म Twitter Fade Imageटुइटर नै धेरै चलाउँछु ।

टुइटर मा आफूलाई रमाइलो लाग्ने, र टुइटर असाध्यै मन पर्ने भएकोले आफ्ना साथिहरुलाई पनि टुइटर मा भेटियोस, आपस का कुराहरु टुइट गर्न पाइयोस भने झैँ लाग्छ । त्यसैले फेसबुक का आफ्ना नजिक का साथिहरुलाई भन्ने गर्छु, टुइटर मा भेटौँ न, टुइटर चलाउनुहोस् न ! म भन्छु, १४० क्यारेक्टर मा कुराकानी गरिने टुइटर मा कति धेरै मज्जा छ, धेरै रमाइलो पो छ त !

साथिहरु पनि, ‘ए ! रमाइलो नै पो छ क्यारे भनेर, टुइटर मा साइन अप गर्छन् । ३-४ दिन टुइटर मा झुल्किन्छन्, ३-४ दिन टुइटर मा झुल्किँदा पनि टुइटर मा नयाँ कुरा , रोचक कुरा केही फेला पार्दैनन् र टुइटर मा साइन इन गर्नै छोडिदिन्छन् । कसैले सोधे जवाफ दिन्छन्, टुइटर त छ, तर दिक्क लाग्छ, रमाइलो नै छैन, चलाउन छोडिदिँए । फेसबुक मै मज्जा छ, टुइटर भन्दा त ! तर आउनुहोस्, यहाँ हामी टुइटर कसरी चलाउने भन्ने बारे केही सल्लाह दिदैँछौँ ।

*************************************************************

टुइटर मन नपर्ने कारण : नचिनेका साथिहरु फलो गर्नु

*************************************************************

जसले टुइटर मा आइज भनेर निमन्त्रणा दिएको हुन्छ या भनौँ टुइटर मा जो साथि नजिक हुन्छ, टुइटर का नयाँ प्रयोगकर्ताहरु त्यसै को पछि लाग्छन् । जस्तो मैले मेरो साथिहरुलाई टुइटर चलाउ भनेँ भने, उनीहरु मलाई फलो गर्छन्, अनि मैले जति पनि फलो गरिरहेको हुन्छु, तिनीहरुलाई फलो गर्छन् । टुइटर मा ‘फलो’ गर्नु भनेको, फेसबुक मा साथि बनाउनु झैँ हो । उनीहरु टुइटर पनि फेसबुक जस्तै ठान्छन् र साथि बनाउँछन्, फलो गर्दै ! फेसबुक मा त, नचिनेको जस्तो मान्छे लाग्यो भनेर, रिक्वेस्ट रिजेक्ट पनि गर्छौँ तर टुइटर मा कसैले फलो गरिहाल्यो भने, नयाँ प्रयोगकर्ताहरु उसलाई  पनि फलो गरिहाल्छन् ! जसका कारण केही समय पछि नै उनीहरुलाई टुइटर दिक्क लाग्दो लाग्न थाल्छ अनि टुइटर चलाउनै छाडिदिन्छन् ।

Twitter List Image

टुइटर का नयाँ प्रयोगकर्तालाई सल्लाह : तपाईहरु त्यो मान्छेलाई फलो गर्नु, जसलाई तपाई चिन्नुहुन्छ कुनै न कुनै रुप मा ! चिनेका मान्छेहरुलाई फलो गर्नुहोस्, उनीहरु सँग टुइटर बाटै दोहोरो संवाद गर्नुहोस् । टुइटर मा रमाउने साथिहरु को सल्लाह लिनुस्, टुइटर मा कसलाई फलो गर्ने, के फलो गर्ने आदि बारे बुझ्नुहोस् । टुइटर मा आफ्नै किसिम को ट्यागहरु, संकेतहरु प्रयोग गरिन्छन् । टुइटर मा अन्दाधुन्द रुपमा फलो गर्नु भन्दा पनि, केही चिनेका मान्छेहरुलाई फलो गर्न सुरु गरेर टुइटर को सुरुवाती प्रयोग गर्दा राम्रो हुन्छ ।

******************************************************

टुइटर मन नपर्ने कारण : सेलीब्रेटी मात्र फलो गर्नु

*****************************************************

तपाई नयाँ प्रयोगकर्ताहरु सुन्नु हुन्छ, टुइटर मा त शाहरुख खान, अमिताभ बच्चन देखि, ब्राजिल का फुटबलceleb खेलाडि काका सम्म छन् । तर उनीहरु टुइटर मा छन् भन्दै मा उनीहरु को ‘टुइट’ तपाईलाई मन पर्छ भन्ने छैन । अनि यदि तपाई ले कुनै कुरा को जवाफ उनीहरुलाई दिनु नै भएपनि, लाखौँ फलोअरहरु ले घेरिएका सेलिब्रेटि ले तपाई को कुरा सुन्छन् भन्ने कुरा मान्न मुश्किल नै हुन्छ । अनि उनीहरुले तपाईलाई रिप्लाइ गर्छन् भन्ने कुरा सोच्नु त फेरि ठूलो भुल हुनेछ ।

साथै, जति धेरै फलो गरिन्छ, त्यति धेरै टुइट तपाई को होमपेज मा आउने हुँदा, तपाईलाई निकै दिक्क लाग्न सक्छ ।

सोच्नुस त, तपाई ती सेलीब्रेटीहरुलाई फलो गर्नुहुन्छ, उनीहरुका प्रत्येक टुइट को रिप्लाइ पनि गर्नुहुन्छ, तर उनीहरुले तपाई को रिप्लाई हेर्न भ्याउँदैनन् र तपाईलाई रिप्लाई पनि गर्दैनन् । यसो हुँदा, तपाईलाई टुइटर मनै पर्दैन । अनि यो पनि हो कि, दोहोरो बातचित विना टुइटर ‘नुन नभएको तरकारी झैँ’ खल्लो लाग्छ ।

टुइटर का नयाँ प्रयोगकर्तालाई सल्लाह : ती थोरै सेलीब्रेटि र ती थोरै महत्वपुर्ण व्यक्तिलाई मात्र फलो गर्नुस, जसको टुइट बाट तपाईलाई फाइदा हुन्छ, मनोरञ्जन हुन्छ । जस्तो कि, तपाईलाई भारतिय अभिनेता ‘अरसद वार्सी’ को कुराहरु निकै राम्रो लाग्छ र उसको चलचित्रबाट प्रभावित हुनुहुन्छ भने, उसलाई फलो गर्नुहोस र उसको टुइट पढेर हाँस्नुहोस तर सेलिब्रेटि भन्दै मा क्युवा का पुर्वराष्ट्रपति ‘फिडेल क्यास्ट्रो’ या भेनेजुएला का राष्ट्रपति ‘ह्युगो चाभेज’ या अमेरिका का राष्ट्रपति ‘बाराक ओवामा’ फलो गर्नुपर्छ भन्ने छैन । अनि सकेसम्म फलो गरेका व्यक्तिहरुलाई कुनै लिस्ट बनाएर राख्नुहोस् । मुख्य कुरा: ‘रियल’ मान्छेहरुलाई फलो गर्नुस, जसको बारेमा तपाई कुनै न कुनै कोण बाट परिचित हुनुहुन्छ र उनीहरु पनि तपाई सँग परिचित छन् ।

******************************************************

टुइटर मन नपर्ने कारण : दोहोरो बातचित नगर्नु

*****************************************************

अन्तरक्रिया या भनौँ, दोहोरो बातचित बिना टुइटर को उपयोगिता छैन नै भन्दा पनि हुन्छ । फेसबुक मा तपाई अरु को फोटो, पोस्ट, स्टाटस, नोट मा कमेन्ट जसरी  गरिरहनुहुन्छ, त्यसरी नै तपाई ले ट्विटर मा फोटो, पोस्ट, स्टाटस मा केमन्ट गर्न सम्भव छैन । फेसबुक र टुइटर उस्तै उस्तै भइकन पनि निकै फरक कुराहुन् ।

तपाई ले टुइटर मा आफ्नो उपस्थिति नजनाए सम्म तपाईलाई टुइटर मा कसैले चिन्दैनन् । यदि तपाई सोच्नुहुन्छ तपाई टुइटर मा भएकै कारण, तपाई को ट्विट मा अरु ले कमेन्ट/रिप्लाई या रिट्विट गर्छन्, या अरु ले तपाईलाई फलो गर्छन् भन्ने लाग्छ भने, धेरै दिन कुर्नु पर्दैन, तपाई केही दिन भित्रै मा टुइटर चलाउनै छोडिदिनु हुन्छ । टुइटर आफ्नो मात्र कुरा भन्ने ठाउँ होइन, जति तपाई अरु सँग ‘सवाल जवाफ’ गर्नुहुन्छ त्यति नै तपाईलाई टुइटर को रमाइलोपना महशुस हुन्छ । एक कुना मा बसेर, ‘अब म पनि ट्विटर’ मा आएँ भन्दै मा केही हुँदैन, तपाई ले तपाइ का आफ्ना पहिले नै टुइटर मा भएका साथिहरुलाई 'सवाल जवाफ’ गर्नुपर्नेहुन्छ ।

टुइटर का नयाँ प्रयोगकर्तालाई सल्लाह :   तपाई टुइटरलाई एउटा ‘ककटेल’ पार्टि को रुप मा सम्झिनुहोस्, जहाँ तपाईले चिनेका थोरै मान्छे अनि तपाईले नचिनेका धेरै मान्छे हुन्छन् । जसरी तपाई कुनै पार्टि मा जानु भयो भने, आफ्नो साथि को साहारा ले उसका अन्य साथिहरु सँग परिचय गर्नुहुन्छ, ठिक त्यसैगरि टुइटर मा पनि , कुनै एक कुना मा बसेर, ‘अब म पनि ट्विटर’ मा आएँ नभनि सकेसम्म अरु सँग टुइटर मा कुराकानी गर्न थाल्नुहोस् । टुइटर मा १४० क्यारेक्टर मा दोहोर बातचित गर्न थालेपछि, तपाईलाई टुइटर ले कता हो कता आकर्षित गर्न थाल्छ ।

******************************************************

टुइटर मन नपर्ने कारण : आफ्नो भन्ने कुरा नहुनु

*****************************************************

तपाई ट्विटर मा त आउनुभयो, तर तपाईलाई आफ्नो भन्ने कुनै कुरा छैन जस्तो लाग्छ । तपाई अरुहरु कै ट्विट पढेर रमाइलो गर्नुहुन्छ । उनीहरुका निकै घतलाग्दा ट्विट ले तपाईलाई आफुसँग त्यस्ता केही कुरा नभए झैँ लाग्छ ।

टुइटर का नयाँ प्रयोगकर्तालाई सल्लाह : तपाई आफूलाई अरुसँग नदाँज्नुहोस् । जे हो, आफैँ बन्नु्स ! तर तपाईलाई आफु सँग टुइटर मा भन्ने कुरा केही छँदै छैन लाग्छ भने, के ट्विट गरौँ भन्ने सोचेर तपाई धेरै सोचेर नबस्नुहोस् । धेरै सोच्न थालेपछि, कुरा बिग्रिन्छ ।

******************************************************

टुइटर मन नपर्ने कारण : मोबाइल मा टुइटर नचलाउनु

*****************************************************

Twitter for iPhone Image

तपाई मोबाइल मा नेट चलाउनुहुन्छ तर टुइटर चलाउनु हुँदैन या टुइटर एप्सहरु मोबाइल मा छैनन् भने, तपाई ले आफ्नो दैनिक जिवन को पाटो लाई टुइटर सँग जोड्न धेरै गाह्रो छ ।

केही अपवाद बाहेक, तपाई आफ्नो टेबल मा बसेर काम गरिरहँदा कुनै रोचक घटना घट्दैन । रोचक घटना तब बन्छ, जब तपाई साथिहरु सँग कतै घुम्न जानुहुन्छ, चिया पसल मा बसेर चिया गफ गर्नुहुन्छ, बजार जानुहुन्छ, केही नयाँकुरा भेट्नुहुन्छ । तर जब तपाई मोबाइल मा ट्विटर चलाउनु हुँदैन भने, ती रोचक कुराहरु तपाई तत्काल टुइटर मा भन्न सक्नहुन्न ।

टुइटर का नयाँ प्रयोगकर्तालाई सल्लाह :  तपाई मोबाइल मा नेट चलाउनुहुन्छ भने, टुइटर पनि चलाउनुहोस् । नेट चल्ने सबै मोबाइल मा http://mobile.twitter.com मा गएर टुइटर चलाउन सकिन्छ भने आइफोन, एन्डोइड, ब्ल्याकबेरी लगायत अहिले निस्किएका पछिल्ला नोकिया, सामसुङ आदि सबै मोबाइल सेट मा ‘टुइटर’ एप्लिकेशन पहिले नै राखिएको हुन्छ, यदि छैन भने पनि सजिलै राख्न सक्नुहुन्छ ।

******************************************************

टुइटर मन नपर्ने कारण : टुइटर मा स्टाटस मात्र लेखिनु

*****************************************************

तपाई ले बुझ्नु पर्छ कि, टुइटर स्टाटस लेख्न को लागि मात्रै हो । फेसबुक मा जसरी स्टाटस अपडेट गर्नुहुन्छ त्यसरी नै टुइटर मा पनि स्टाटस अपडेट गर्न सक्नुहुन्छ तर फरक यति हो कि, फेसबुक मा अरु ले तपाई को स्टाटस मा कमेन्ट गर्छन्, तर टुइटर मा तपाईका साथिहरु ले रिप्लाइ गर्छन् । केहि दिन को अन्तराल मा साइन इन गर्नुहुन्छ भने, तपाई ले आफूलाई आएको रिप्लाई हे्नुपर्ने हुन्छ ।

टुइटर मा स्टाटस सँगै, वेवसाइट का लिंकहरु पनि पोष्ट गर्न सकिन्छ । फेसबुक जस्तै, फोटो र भिडियो टुइटर मा अपलोड गरिने नभएपनि अन्य साइट मा अपलोडगरिएका फोटो र भिडियो लिंकहरु प्रयोग गर्न सकिन्छ ।

दोहोरो बातचित ले मात्र टुइटर अनुभव रमाइलो हुन्छ भन्ने कुरा पनि बिर्सनु हुँदैन । तर जब टुइटर मा रस बस्छ, तब अरु ले टुइटर त बेकम्मा छ, काम नै छैन टुइटर को भन्यो भने तपाई अचम्म मा पर्नुहुन्छ किनकी त्यसबेला सम्म तपाईलाई टुइटर को उपयोगिता थाहा भइसकेको हुनेछ ।

तपाई आफ्नो रुचिअनुसार टुइटर मा आफ्नो उपस्थिति जनाउन सक्नुहुन्छ । टेक्नोलोजी, खेलकुद देखि संसार का ब्रेकिङ न्युजहरु सबैभन्दा पहिले टुइटर मा फैलिन्छन् । तर यसो भन्दै मा ती कुराहरु तपाई ले थाहा पाउनुहुन्छ भन्ने छैन, किनकी तपाईले कसलाई फलो गर्नुभएको छ भन्ने कुरा निकै महत्वपुर्ण हुन्छ । मेरो सल्लाह, टुइटर बुझ्दै बूझ्नु भएको छैन भने, कम्ति मा ३-४ हप्ता टुइटर मा नियमित डुल्नुस्, नयाँ मान्छे फलो गर्नुस, समाचार दिने टुइटरहरु फलो गर्नुहोस्, दोहोरो बातचित गर्नुहोस्, तपाईलाई टुइटर मन पर्न सक्छ ।

******************************************************

टुइटर चलाउने एप्लिकेशन बारे ज्ञान नहुनु

*****************************************************

तपाई २० जना फलो गर्नुहुन्छ अनि ती २० जना यति धेरै ट्विट गर्छन् कि, तपाईलाई उनीहरुको धेरै टुइट कारण दिक्क लाग्छ, किनकी तपाइ जवपनि वेव मा टुइटर मा साइन गर्नहुन्छ, त्यहाँ को वातावरण नै त्यस्तै हुन्छ कि, तपाई ले महत्वपुर्ण टुइट चाँहि थाहा नपाउने सम्भावना बढि रहन्छ । साथै, टुइट गर्न कै लागि तपाईलाई वेव मा बारम्बार साइन इन गर्न झन्झट लाग्न सक्छ । अत: यसको सट्टा मा टुइटर एप्लिकेशनहरु राख्दा धेरै राम्रो हुन्छ ।

क्रोम ब्राउजर चलाउनुहुन्छ भने ‘क्रोम बर्ड’ नामक एक्सटेन्सन राख्नुहोस् । फायरफक्स चलाउनुहुन्छ भने, ‘इकोफोन’ नाम को एडवान राख्नुहोस् । साथै ‘ट्विट डेक’ नामक सफ्टवेयर पनि डाउनलोड गरेर आफ्नो कम्प्युटर मा इन्सटल गर्नसक्नुहुन्छ । अरु केही नगरेपनि, नयाँ प्रयोगकर्ताहरु ले आफ्ना ब्राउजर मा एक्सटेन्सन र एडवान राखेर, टुइटर चलाउने कसरत गर्ने हो भने,  म ग्यारेन्टि नै गर्छु, केही दिन भित्रै तपाई को टुइटर सँग LOVE  पर्नेछ र तपाई अरुलाई पनि टुइटर मा आउ, कुरा गरौँ भनेर उक्साउनुहुनेछ ।

Echofon For Firefox: https://addons.mozilla.org/en-US/firefox/addon/5081/

Chromed Bird for Google Chrome: https://chrome.google.com/extensions/detail/encaiiljifbdbjlphpgpiimidegddhic

Tweet Deck : http://www.tweetdeck.com/

******************************************************

निश्कर्ष

*****************************************************

टुइटर मा रमाउन खोजेर पनि रमाउन सक्नु भएन, कुनै नयाँपन भेट्नुभएन, यो स्टाटस अपडेट मात्र हुने रहेछ भनेर दिक्क लाग्छ भने सम्झनुस्, टुइटर तपाई को लागि होइन रहेछ । टुइटर सबैको लागि हुँदैण भन्ने कुरा तपाईले बुझ्नुपर्छ । हुनसक्छ कसैलाई नयाँ मान्छे भेट्न मन पर्दैन,  कुराहरु साट्न मन पर्दैन, त्यसो हो भने, टुइटर मा नछिरेकै जाति हुन्छ । तपाई फेसबुक चलाउनुहुन्छ भने, फेसबुक नै चलाइरहनुहोस् ।

“At the end of the day, Twitter is not for everyone.Twitter must be experienced to be understood. And a bad experience can easily lead to misunderstanding. If you know someone who would really enjoy Twitter, help them overcome that initial hurdle of adoption. 200 followers later, they’ll thank you for it”.

****************************************************************************************************

अफबिट: अहिले चलिरहेको विश्वकप मा, फेसबुक या अन्य सामाजिक संजाल का साइट भन्दा ‘टुइटर’लाई विश्वकप लागेको छ । टुइटर नै फुटबलमय – विश्वकपमय भएको छ । विश्वकप मा भइरहेको अत्याधिक टुइट को चाप ‘टुइटर’ ले थाम्न सकिरेहको छैन ।

हामीलाई ट्वीटर मा भेट्नुहोस् !

आकार : http://twitter.com/aakarpost (व्यक्तिगत तथा आकारपोष्ट ब्लग)

आकार टेक अपडेट: http://twitter.com/AakarTech (टेक्नोलोजी, सूचना र कम्प्युटर प्रविधि का ताजा समाचार)

नेपाल न्युज नेटवर्क: http://twitter.com/NewsBlogsNepal (नेपाली ताजा समाचारहरु र नेपाली ब्लग अपडेटहरु चौबिसै घन्टा)

 

स्रोत: हाम्रो आज को यो सन्दर्भ ‘सोसल मिडिया गाइड – मासावेल को “HOW TO: Help New Users Stay Engaged on Twitter” लेखबाट साभार गरिएको ।

Comments

  1. twitter man naparne euta karan: pollution created by automated posts.
    :)

    ReplyDelete
  2. @NKM Sir, I've mentioned about it. For such tweets you should able to manage your twitter, and you have to use twitter application... If you use twitter applications, then no matter, how much you get automated posts.

    And for new user it is not recommended to follow such twitter profile...hehe

    :)

    ReplyDelete
  3. Twitter nachalaune arko karan : Chineka manchhe dherai nahunu...

    ReplyDelete
  4. twitter mai bhetum na hai.................haha
    bro,https://addons.mozilla.org/en-US/firefox/addon/5081/--you chain XPI file ma khulchha.
    ani twitdeck install nai hunna. IE ko laagi chhaina?
    Thanks.

    ReplyDelete
  5. chrome bird le pani kaam garena.Is it in my comp only or.?

    ReplyDelete
  6. @s kafle : सबैले चलाउँदै नचलाएपछि, चिनेका मान्छे त भेटिँदै भेँटिदैन नि, हैन र ?

    @ish : bro, better use firefox or google chrome rather than internet explorer... echofon is for firefox and chromed bird for google chrome... and tweet deck should install in ur computer.... echofon and chromed bird is not for internet explorer...

    ReplyDelete
  7. Twitter's definitely not for me!!!

    ReplyDelete
  8. is twitter designed only for professional people and celebrities?

    ReplyDelete
  9. nice post..as a result, I logged in after days in twitter!

    ReplyDelete
  10. sab bakwas........................

    ReplyDelete
  11. राम्रो लाग्यो. मलाई पनि त्यस्तै भएको छ, छिर्नै मन नलाग्ने। तर मेरो आफ्नो चलाउने शैलीले मलाई यस्तो भए जस्तो लाग्यो। जे होस निकै प्रश्ट सग आफ्ना विचार र यसका प्राबिधिक कुराहरु राखिदिनु भयो। निकै खुसी लाग्यो। धेरै धेरै धन्यवाद है..

    ReplyDelete
  12. @ish ... twitter is for everyone yaar... :)

    ReplyDelete
  13. राम्रो जानकारी राख्नु भयो आकार जी । हुन त मैले पनि टुइटर चलाउने समय नै पाएको छैन ।
    हजुरका जानकारीले लोभ्याएको छ कोशिस गर्ने छु।

    ReplyDelete
  14. khatara advertise bho aakar ji... man huda hudai pani ...ma twitter ma alamalla preko chhu ;)

    ReplyDelete
  15. chrome bird le pani kaam garena.Is it in my comp only or.?

    ReplyDelete
  16. sab bakwas........................

    ReplyDelete
  17. :) ramailo laagyo 

    ReplyDelete
  18. हजुरका सबै कुराहरु ममा लागु भए | धन्यवाद राम्रो जानकारी राख्नुभएकोमा |

    ReplyDelete

Post a Comment

Popular posts from this blog

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free.

Install Nepali Unicode Romanized in Windows XP:
Install:
Run setup file;
Go to control Panel;
Open Language and Regional settings;
Open Regional Language Options;
Go to Language Options & tick on check box (install files..... Thai, instal....east Asian...languages):
Click apply-it might ask for windows CD:
Insert CD or you can directly copy "i386" files too;
And install all: then you have done;
Click for details;
Then click add a tab;
A new popup will appear:
Select "Sanskrit" in the first box;
Select "Nepali unicode (romanized)" in second box;
Click "ok";
You have successfully installed it;
Press "alt+shif…

Aadha Baato (आधा बाटो) [Download] #Novel #Shrutisambeg

श्रुतिसंवेग मा हामी ले कृष्ण धरावासी को उपन्यास “आधा बाटो” को सम्पूर्ण डाउनलोड लिंक लिएर आएका छौ |आफ्ना जिवन भोगाइ का यथार्थलाई जोडेर तयार पारिएको उपन्यास ‘आधा बाटो’ कृष्ण धरावासी को आत्मकथा को रुपमा रहेको छ ।“राधा” जस्तो सफल उपन्यास लेखिसकेका धरावासी को यो पछिल्लो उपन्यास मा आफ्ना बाल्यकाल देखि हाल को अवस्था सम्म को कुराहरु समेटेर लेखिएको कारण उपन्यासलाई धरावासी ले ‘आधा बाटो’ भन्न रुचाएका छन् ।आफूले देखे सुनेको स्थान, नाम आदि का कारण यो उपन्यास पढ्ने तथा सुन्नेहरुलाई आफ्नै कथा जस्तो पनि लाग्न सक्छ ।उज्यालो ९० नेटवर्क को लागि निर्माण गरिएको कार्यक्रम श्रुति संवेग मा वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।कार्यक्रम को अडियो श्रृंखला उज्यालो नाइन्टि नेटवर्क को कार्यक्रम श्रुतिसम्बेग बाट लिइएको हो ।Download : Krishna Dharabasi’s ‘Aadha Bato’ Episode –1Krishna Dharabasi’s ‘Aadha Bato’ Episode –2Krishna Dharabasi’s ‘Aadha Bato’ Episode –3Krishna Dharabasi’s ‘Aadha Bato’ Episode –4Krishna Dharabasi’s ‘Aadha Bato’ Episode –5Krishna Dharabasi’s…

Shruti Sambeg : Download तरुनी खेती

आज को श्रुति संवेग को यो अंक मा  हामी  ‘सरुभक्त’ को उपन्यास ‘तरुनी खेती’ को सबै अंक लिएर आएका छौँ।


विषयवस्तु परिचित भएपनि, प्रस्तुतिकरण नितान्त फरक रहेको छ । महिला अनि पुरुष, को सामाजिक स्थितिलाई लेखिएर लेखिएको उपन्यास मा, ‘महिला’लाई यौनिक रुप ले हेरिएको छ ।

सरल कुरा तर जटिल प्रस्तुती लाग्ने हुँदा, सुरु मा उपन्यास ले के भन्न खोजिरहेको भन्ने कुरा बुझ्न निकै गाह्रो पर्छ । नारीलाई खेत, पुरुषलाई किसान, यस्तै यस्तै उपमा र बिम्ब बाट नारी र पुरुषलाई परिभाषित गरिएको छ ।

भुमिका मा सरुभक्तले भन्नुभएकोछ, “यसलाई पुरुषहरु ले गलत नबुझुन र नारीहरु ले बुझ्न इन्कार नगरुन्” ।

उज्यालो ९० नेटवर्क को लागि निर्माण गरिएको कार्यक्रम श्रुति संवेग मा सदाझैँ वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।


Download:
Sharubhakta’s Taruni Kheti Episode-1
Sharubhakta’s Taruni Kheti Episode-2
Sharubhakta’s Taruni Kheti Episode-3
Sharubhakta’s Taruni Kheti Episode-4
Sharubhakta’s Taruni Kheti Episode-5

Shirish Ko Phool : Review & Download

One of the finest book ever written in Nepali literature....Shirish Ko Phool and one of my personal favorite.

I have read this novel over four times or say five times..and each time I finish the novel I feel pang and it hangs on my head for so many days. Why guilt is so painful that made such a strong woman called Sakambari to suicide..or die…??

The novel has a wonderful language..the simplest of all. When I had read it for the first time..to tell the truth that I hadn’t really understood the novel, I felt the love story in it and I could not understand the passion in the novel.. But this day I may say I am able to figure out the passion and the feelings of the author..

I really appreciate the wonderful story, the plot the real setting, the real characters…and the situation of the novel till it ends. The pain of running away from the feelings and passion. When the Suyogbir says.."Ma glass ma bhagchu” ( I forgot the line exactly…). The feeling is that we run away from pain…because…

ट्विटर लाइकोनोमिक्स

कसैले ट्विटरमा लाइक गर्दा के बुझ्ने? ट्विटमा आउने लाइकलाई कसरी लिने? कतिपय अवस्थामा ट्विटरमा ट्विट लेखिसक्न पाएको हुन्न, 'लाइक' आइसक्छ । यसलाई एक हिसाबले ट्विटरको राम्रो र अर्को हिसाबले कामै नलाग्ने 'फिचर' भनेर मान्न सकिन्छ । यसलाई यस अर्थमा काम नलाग्ने भन्दै छु कि, कतिपय प्रयोगकर्ताहरु जो कोहीको हरेक ट्विट लाइक गर्छन्, कहिलेकाँही त उनीहरुलाई म्युट गर्नुपर्ने बाध्यता नै हुन्छ, नचाहिँदो नोटिफिकेशनका कारण । ट्विटरमा लाइक किन गरिन्छ भनेर सबैका आ-आफ्नै बुझाइ होलान्, चलाउने आफ्नै तौर-तरिका होलान् । तर यत्ति चाँहि के प्रस्ट हुनुपर्छ भने ट्विटरमा वा फेसबुकमा आउने लाइकहरु अनलाइन भोटिङमा मात्र काम लाग्छन्, यी लाइकहरुले कसैको समर्थन वा विरोध भनेर जनाउँदैन ।


दुई वर्ष अघिसम्म या भनौँ २०१५ सम्म ट्विटरमा पानको पात थिएन, लाइक भन्ने फिचर थिएन । यसको सट्टा तारा थियो, त्यसलाई फेवरेट भनिन्थ्यो । सन् २००६ मा ट्विटर सुरु भएसँगै फेवरेटको सुरुवात भएको थियो, जसले २०१५ सम्म निरन्तरता पायो । ट्विटरका फिचरहरु मध्ये धेरैले राम्रोसँग प्रयोग गर्न नजानेको फिचर भनेर फेवरेटलाई लिने गरेको पाइन्छ ।

फेसब…

कुन च्याट एप्स चलाउने?

फेसबुकको मेसेन्जरमा स्टोरीज आएपछि वाक्क, दिक्क नै भइयो । त्यसको विकल्प खोज्ने क्रममा पहिले त फेसबुक र मेसेन्जर एप दुवै मोबाइलबाट हटाएर ब्राउजरमा चलाउन थालेँ । त्यसको केही दिनपछि फेसबुक लाइट र मेसेन्जर लाइट चलाउन पुगेँ । फेसबुक लाइटको 'एप एक्सपिरियन्स' खासै गतिलो लागेन र फेरि केही हप्ता पछि फेसबुक एपमा सरेँ तर फेसबुक मेसेन्जर चाँहि मेसेन्जर लाइट नै मनपर्‍यो । गज्जब, च्याट गर्न मात्र मिल्ने ।

त्यसो त मोबाइलमा करिब आधा दर्जन च्याट एप्स छन्, सबै एप सँधै चलाइँदैन । अर्को कुरा, च्याटको लागि प्रयोग नगरिने एप्‌मा पनि च्याट गर्ने फिचर छ या भनौँ "प्राइभेट मेसेज" गर्ने सुबिधा छ । उदाहरणको लागि इन्स्टाग्राम फोटो सेयर गर्ने एप हो, तर यहाँ साथीहरुलाई सिधै मेसेज पनि गर्न मिल्छ, दोहोरो च्याट गर्न मिल्छ । हिजोआज म पनि प्राय: ट्विटरको 'डाइरेक्ट मेसेज' धेरै प्रयोग गरिरहेको हुन्छु, साथीहरुसँग कुरा गर्न ।


एक समय यस्तो थियो, म गुगल टक या भनौँ जिमेल च्याट मात्रै प्रयोग गर्थेँ । कसैले केही म्यासेज मलाई पठाउनु छ भने, कि त ईमेल गर्थे वा गुगल टकमा कुरा गर्थे, हैन भने फोन र एसएमएस त छँ…

Subscribe to Aakar Post