Celebrating Friendship Day

Happy Friendship Day.

" Friendship is unnecessary, like philosophy, like art... It has no survival value; rather is one of those things that give value to survival. "
- C. S. Lewis

सि एस लेविस ले भने झैँ मित्रता अनावश्यक त हैन तर उनले भनेको यो कुरालाई पनि नकार्न सकिँदैन, साथै मित्रता ले जिउने जिवनमा ठूलो महत्व राख्दछ । हो, पक्कै पनि मित्रता को महत्व ठूलो छ, अनि यसको आफ्नै मुल्य छ जुन केही कुरा सँग पनि तुलना गर्न सकिँदैन ।

आज अन्तराष्ट्रिय मित्रता दिवस अर्थात अगस्ट महिना को पहिलो आइतबार । यहाँहरु सबैलाई मित्रता दिवसको अवसरमा हार्दिक मंगलमय शुभकामना । साथि, मित्र, हितैषी जुनसुकै नाम दिए पनि यो मित्रताको बन्धन सँधै रहिरहोस्, सबैसँग, सँधैभरिको लागि ।

आज को दिन यहाँहरु आफ्ना साथिहरुसँग रमाइलो गर्नुहुँदैछ होला, रमाइलो गर्नुस्, साथी को महत्व बुझ्नुस् । समय यस्तो छ कि, यो बितेपछि फर्काएर ल्याउन सकिँदैन अनि आफूमा सम्झना बाहेक केही बाँकी रहँदैन । अत: यो समय मा आफ्ना साथिहरु सँग, स्मरणीय पलहरु बिताउनुहोस्, खानुहोस्, पिउनुहोस्, मोज गर्नुहोस् । साथी, सँधै साथमा त नरहला तर पनि उनीहरु सँग बिताएका पलहरु जिवनपर्यन्त सम्झिरहनेछौँ, हैन र ? आज, म ती स्कुल का दिनहरु सम्झिँदैछु, अनि ती साथीहरु । अहिले हामी धेरै धेरै टाढा जस्तो छौँ, भेटघाट र कुराकानी हुन पनि मुस्किल छ तर पनि आज यो दिनले उनीहरुको सम्झना गराइदिएको छ । मित्रता दिवसकै नाम दिएर सही, कम्तिमा आज म ती रमाइला पलहरु त सम्झिँदैछु, सम्भवत् सबैसँग फोनमा पनि कुरा हुनेछ आज । अतितका यादहरु त भैहाले, त्यसबाहेक अहिले साथमा रहेका साथीहरु सँग पनि रमाइलो गरिने नै छ । साँचो मित्रता तब ठहरिनेछ, जब हामी एक अर्का को महत्व बुझ्न सक्छौँ ।

मलाई कहिँलेकाँहि लाग्छ, अहिले यति धेरै साथीहरु छन्, अनि यति धेरै साथीहरुको माया पाइएको छ, भविष्यमा के होला ? स्कुल पढ्दाका साथीहरु सँग कहिलेकाँहि भेट्दा ती पुराना कुराहरु फेरी ताजा भएर आउँछन् । हामी कतै जाने भनेर निर्णय गरेपछि, सबै साथीहरु साइकल निकालेर साथै कुदिहाल्थ्यौँ । कहिले बाग्मति मा पुग्थ्यौँ, ड्राइ पिकनिक को नाम दिँदै त कहिले हामी चुरे पहाड को फेदि सम्म साइकलमा पुगेर उकालो उक्लिन्थ्यौँ । भाका नभाका हावा गफ गर्न पनि कसैले भेट्दैनथियो, हामीलाई । साँझ को बेला अनि सुनसान सुनसान जस्तो लाग्ने पुर्वपश्चिम लमतन्न सुतेको महेन्द्र राजमार्ग को चिल्लो पिचमा समूहमा गफ गर्दै साइकल हाँकेर हामी धेरै टाढा टाढा पुग्ने गर्थ्यौँ । त्यही पुराना कुराहरु आज ताजा भएर आएको छ ।

Missing those wonderful moments and my dear friends. Anyway Happy friendship day to you all. Have fun with your friends.

अन्त्यमा, द युनिटि ले आफ्ना साथि कुल पोखरेल को सम्झना मा बनाएको एउटा गित को भिडियो पनि यहिँ राखेँ है, युट्युब बाट । मित्रता को यो उदाहरण त हाम्रो सामुन्ने नै देखाइदिएकाछन्, यो भिडियो मार्फत ।



img src:wondercliparts.com