जनैपूर्णिमा तथा रक्षाबन्धन @ गोसाईस्थान

जनैपूर्णिमा तथा रक्षाबन्धन को अवसरमा यहाँहरु सबैलाई सुस्वास्थ्य र दिर्घायु को कामना सहित हार्दिक शुभकामना !

जनैपूर्णिमा तथा रक्षाबन्धन को लागि आज, यहाँ नजिकै रहेको गोसाइस्थान गइएको थियो । वनेपा र धुलिखेल बिच २८ किलो भन्ने ठाउँबाट करिब १५-२० मिनेट उकालो चढेर गोसाइस्थान पुग्न सकिन्छ । यो ठाउँ, तालु डाँडा को नाम ले पनि चिनिने गरिन्छ । गोसाइस्थान मा विभिन्न चाडपर्वहरुमा मेला लाग्नेगर्दछ । गोसाइस्थान मा पुजाआजा गर्न तथा रक्षाबन्धन बाँध्न को लागि, काठमाडौँ, धुलिखेल, वनेपा, पनौती लगायत का विभिन्न ठाउँहरुबाट भक्तजनहरु आएकारहेछन् । रसुवा को गोसाइकुण्ड मा झैँ यहाँ पनि गोसाइस्थानमा भक्तजनहरु को ठूलो घुँइचो थियो । यही जनैपूर्णिमा र रक्षाबन्धन को अवसरमा, गोसाइस्थान मा लिइएका केही तस्विरहरु यहाँ राख्दैछु ।

मन्दिर मा भित्र छिर्न र बाहिर निस्कन भक्तजनहरु को भिड ।

पैसो खोज्दैछन्, पानीभित्र चुम्बक बाँधिएको बल्छि थापेर !

झाँक्रिहरु ढ्याङ्ग्रो ठोक्दै, काम्दै, उफ्रदैछन् ! (छेउमा यसो नजिकै पुगेको थिँए, रक्सी को गन्ध ह्‍वास्स नाकमा पर्‍यो)

भ्याइनभ्याई छ, बाहुन बाजे लाई ! (डोरो बाँधिसकेपछि, टिका लगाइदिँदै)

पोखरी भित्र यहाँ पनि मुर्ति छ, सबैजना जल चढाउँदारहेछन् ।

कोही जल चढाउँदै, कोही पैसो खोज्दै !

कमाइगर्ने मौसम, सबै बाहुनहरु डोरो र जनै लिएर बसेका छन्, उनीहरुलाई भ्याइनभ्याइ छ । (भक्तजनभन्दा बाहुन धेरै होलान् भन्ने पिर)

पोखरी को डिल वरिपरि बसेर जल चढाउँदैछन् ।

माला, प्रसाद, सबै पाइन्छ यहाँ !

भट्टिदेखि, लङ्गुरबुर्जा सम्म छ, यही भिडभित्र !

सल्लाघारी भित्र रहेको गोसाइस्थान रमाइलो छ नि !