Skip to main content

नेट टिभी - मोवाइलमा नेपाली टिभी च्यानलहरु हेर्ने सजिलो तरिका

net tv nepal

अनलाइनमा नेपाली टिभी च्यानलहरु हेर्नको लागि भनेर दर्जनौँ मोबाइल एप अनि सयौँको सङ्ख्यामा वेबसाइटहरु छन्। तर आफूले हेर्न खोजेको बेला अधिकांशले काम गर्दैनन् । अर्को कुरा इन्टरनेट 'स्पिड' का कारण, नेपालमा इन्टरनेटमा टिभी हेर्न सजिलो पनि छैन ।

गत हप्ता नेपाल र केन्याविच किर्तिपुरमा भएको क्रिकेट म्याच 'एन टिभी प्लस' (नेपाल टेलिभिजन) ले प्रत्यक्ष प्रशारण गरेको थियो । नेपाल टेलिभिजनकै साइटमा उक्त खेलको प्रत्यक्ष प्रशारण हेर्ने व्यवस्था थियो । केही मिनेट ढिलो गरि आइरहेको प्रशारण, त्यसमाथि राम्रो भनिएको इन्टरनेटमा पनि भिडियो अड्किरहने समस्या भयो ।  यसै त कमशल गुणस्तरको भिडियो, त्यसमाथि अनेक समस्या, जति नै प्रयास गरेपनि एनटिभीकै साइटमा उक्त प्रशारण हेर्न सकिएन । त्यसपछि विकल्पको रुपमा युट्युब च्यानलहरु चहारियो, करिब दर्जन जति युट्युब च्यानलहरुमा उक्त खेलको प्रत्यक्ष प्रशारण आइरहेको थियो, जुन एनटिभीको साइटमा भएको भन्दा राम्रो त थियो, तर आफूले खोजेजस्तो भेटिएन । अफिसमा कर्मठ दाइले सुझाउनु भयो, नेट टिभीको एप्‌मा राम्रो आइरहेको छ, लौ यसैलाई टिभी स्क्रिनमा हेर्ने व्यवस्था मिलाउँ । अन्तिम विकल्पको रुपमा नेट टिभीको एन्ड्रोइड एपमा टिभी चलाइयो, अनि क्रोमकास्ट मार्फत टिभी स्क्रिनमा प्रोजेक्ट गरेर उक्त खेल हेरियो ।

नेट टिभी एप धेरैको लागि नौलो नहुनसक्छ । १ लाख भन्दा धेरै पटक डाउनलोड भइसकेको नेट टिभी एप्, सन् २०१५ को अन्त्यतिर सार्वजनिक गरिएको हो । पहिले चलाइएका टिभी हेर्ने एप्‌हरुले दिएको दुखका कारण, यो पनि उस्तै नै त हो भनेर चलाएको थिइन । गतवर्ष उनीहरुले वल्डलिंक तथा भायानेट मार्फत आइपी टिभी सुरु गरेपछि भने, नेट टिभीका बारेमा चासो बढेको थियो ।


नेट टिभीमा कसरी टिभी हेर्ने?
नेट टिभीमा टिभी हेर्ने दुईवटा विकल्प छन् । पहिलो फ्रि च्यानलहरु; यस अन्तर्गत सम्पूर्ण नेपाली टिभी च्यानलहरु तथा केही विदेशी च्यानलहरु निशुल्क हेर्न सकिन्छ । दोस्रो - श:शुल्क च्यानल; यस अन्तर्गत नेट टिभीमा उपलब्ध सय भन्दा धेरै च्यानलहरु पैसा तिरेर हेर्न सकिन्छ ।

नेट टिभी हेर्नको लागि, मोबाइलमा एप डाउनलोड गरिसकेपछि एप्‌मा खाता खोल्नुपर्छ (साइन अप)। साइन अप गरेपछि नेपाली तथा विदेशी टिभी च्यानलहरु हेर्न सकिन्छ । नि:शुल्क भनिएका च्यानलहरु त प्रयोगकर्ताले नि:शुल्क नै हेर्न पाइहाल्छन् । श:शुल्क हेर्नुपर्ने च्यानलहरु भने प्रयोगकर्ताले प्रति च्यानल, प्रति महिना १० रुपैँया तिर्नुपर्छ (एकमुष्ट प्याकेजमा शुल्क फरक पनि हुनसक्छ) । आफूलाई हेर्न मनलागेको श:शुल्क च्यानलहरुका लागि, टिभी च्यानल छानेर आइपे, ईसेवा लगायतबाट सजिलै पैसा तिर्न सकिन्छ ।

एप्‌मा लाइभ टेलिभिजनका अतिरिक्त, समाचार, देशी-विदेशी चलचित्रहरु, तथा टेलिभिजन कार्यक्रमहरु हेर्न पाइन्छ । स्थानिय स्तर (नेपालमै) होस्ट गरिएका कारण एप्‌मा सम्पूर्ण टिभीहरु, सरर चल्छन् । केही चलचित्र तथा टेलिभिजन कार्यक्रमहरु भने युट्युबमा राखिएकाछन् ।

net tv

भविष्यमा के हुन सक्ला?
संसारभरि नै 'अन-डिमान्ड भिडियो सर्भिस'को प्रयोग बढिरहेको छ । नेटफ्लिक्स, एचबिओ नाउँ, हुलु, अमेजन भिडियो सर्भिस आदि अहिलेका चर्चित भिडियो अन डिमान्ड सर्भिसहरु हुन् । नेटफ्लिक्स, हुलु आदिकै लागि भनेर दर्जनौँ कार्यक्रमहरु निर्माण तथा प्रशारण हुँदै आएकाछन् ।

नेट टिभीले साँच्चै नै अन-डिमान्ड अनलाइन कन्टेन्टमा हात हाल्ने हो भने, अहिलेलाई आफ्नै कार्यक्रम निर्माण नगरेपनि नेटफ्लिक्स जस्ता कम्पनीसँग सहकार्य गर्नसक्छ । नेटफ्लिक्स नेपालमा उपलब्ध भएपनि, पैसो तिर्ने बाटो नभएका कारण प्रयोगकर्ताले हेर्न पाएका छैनन्, यसको विकल्पको रुपमा अहिले 'टोरेन्ट'बाट डाउनलोड गरेर कार्यक्रमहरु हेरिन्छ । तर नेटटिभीमा नेटफ्लिक्सका भिडियोहरु आउने हो भने, इन्टरनेट टिभीका लागि तम्तयार जमातले पक्कै पनि आफूलाई मन परेका कार्यक्रमहरु पैसो तिरेर, स्थानिय स्तर मै हेर्नेछन् । अर्को कुरा, सिमित आइएसपीमा उपलब्ध नेटटिभी भविष्यमा अरु आइएसपीमा पनि उपलब्ध हुनसक्लान्, जुन नेटटिभीको सेट-टप बक्स प्रयोग गरेर हेर्नसकिन्छ ।

अहिले पनि एप्‌मा उपलब्ध केही टिभिहरु 'अफलाइन' छन् । सबै टिभीहरु अनलाइन, सुचारु रुपले चलाउन पनि नेट टिभीलाई चुनौती हुनसक्ने देखिन्छ । भर्खर भर्खर इन्टरनेटको 'स्पिड'मा सुधार हुँदै गइरहेको परिप्रेक्षमा, नेट टिभी केही समय नेपालमा टिकेर चल्ने हो भने, अनडिमान्ड कन्टेन सर्भिसमा एउटा ठूलो कोसेढुंगा बन्नेछ ।

नेट टिभी हेर्नको लागि एप् डाउनलोड गर्नुहोस् । (नोट: नेट टिभी नेपालमा मात्र हेर्न मिल्छ)
एन्ड्रोइडका लागि नेट टिभी एप
आइफोन / आइप्याडका लागि नेट टिभी एप

Comments

Popular posts from this blog

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free. Install Nepali Unicode Romanized in Windows XP: Install: Run setup file; Go to control Panel; Open Language and Regional settings; Open Regional Language Options; Go to Language Options & tick on check box (install files..... Thai, instal....east Asian...languages): Click apply-it might ask for windows CD: Insert CD or you can directly copy "i386" files too; And install all: then you have done; Click for details; Then click add a tab; A new popup will appear: Select "Sanskrit" in the first box; Select "Nepali unicode (romanized)" in second box; Click "ok"; You have successfully installed it; P

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

सामाजिक सञ्जालमा सुरक्षित रहने तरिका

सामाजिक सञ्जाल चलाउने पनि आफ्नै तौरतरिका छन्, जसलाई नजरअन्दाज गरिँदा सामाजिक सञ्जालले समस्या सिर्जना गरिरहेका पनि छन् । सामाजिक सञ्जालका प्रयोगकर्ता एक करोडभन्दा धेरै रहेको देशमा छिटपुट घटनालाई लिएर पूरै सामाजिक सञ्जाल नै असामाजिक छ भन्न मिल्दैन । मूलधारका मिडिया रेडियो, पत्रिका, टेलिभिजनजस्तो सामाजिक सञ्जाल एकोहोरो छैन । सामाजिक सञ्जालको बनोट नै फरक छ, यो दोहोरो हुन्छ । दोहोरो हुनेबित्तिकै उठान गरिएका विषयमा केही घर्षण हुनु, वादविवाद हुनु, तर्कवितर्क हुनु, केही तलमाथिका कुरा हुनु एकदम सामान्य हो । प्रयोगकर्ताले सामाजिक सञ्जालको बनोट बुझ्ने वा यस्ता प्लेटफर्मका फिचरको सदुपयोग गर्ने हो भने यी कुरा अत्यन्तै सामान्य लाग्छन् । सबै कुरा प्रविधिले समाधान गर्न सम्भव छैन, तर सामाजिक सञ्जालमा देखिने, भोगिने प्रायः कुरा भने प्रविधिबाटै समाधान गर्न सक्ने अवस्था छ । सामाजिक सञ्जाल तथा इन्टरनेट प्रयोगकर्ताले अरूलाई दोष लगाउनुपहिले आफ्नो थैलो बलियोसँग कसौँ भन्ने कुरा मनन गर्न जरुरी छ । मोबाइलमा मात्रै इन्टरनेट चलाउने अधिकांश प्रयोगकर्ताका लागि अहिले फेसबुक र भाइबर भनेकै इन्टरनेट हो भन्ने भ्रम छ 

फेसबुक न्युजफिड अपडेट - पेजलाई झनै गाह्रो

अमेरिकामा भएको पछिल्लो राष्ट्रपति निर्वाचनको परिणाम सार्वजनिक भएसँगै फेसबुक लगायत विभिन्न सोसल मिडिया साइटहरुको उपयोगिताबारे व्यापक बहस सुरु भएको थियो । "फेक न्युज"को बिगबिगीले गर्दा फेसबुक, एकहिसाबमा फेकबुकमा परिणत भयो । प्राय: फेक न्युजहरु नै धेरै सेयर हुने र भाइरल हुन थाले । धेरै सेयर हुँदा, स्वाभावत: "फेक न्युज" पनि साँच्चै हो भन्न थालियो । कहिँकति अनुसन्धान छैन, फलानोले एकथरि पेजबाट समाचार सेयर गर्छ, अर्कोले सेयर गर्छ, अर्कोले गर्छ, असत्य तथा काल्पनिक समाचारहरु कै बोलबाला देखियो । नेपालमा भएको पछिल्लो निर्वाचनमा पनि प्रचारवाजी शैलीका मनगढन्ते तथा काल्पनिक समाचारहरु भाइरल भए । फलाना र चिलाना पार्टि, मान्छे पिच्छेका अनलाइन समाचार पोर्टल, फेसबुकको न्युजफिड हेर्न नै दिक्क लाग्ने किसिमको थियो । सबैभन्दा अनौठो लाग्ने चाँहि, मान्छेहरु फेसबुकमा फलाना समाचार पोर्टलले लेखेको भन्दै सेयर गरिरहेका भेटिन्थे । अझ के भने, नेपालका ठूला प्रकाशनहरु सँग ठ्याक्कै मिल्ने नामहरु राखेर काल्पनिक समाचारको व्यापार गर्ने समूहहरु नै छन् । उदाहरणको लागि, कान्तिपुरले यस्तो उस्तो लेख्यो

मोदी र ट्विटर ट्रेन्ड [पडकास्ट 📻 ]

यो अंकमा भारतिय प्रधानमन्त्री नरेन्द्र मोदी नेपाल भ्रमणमा आउँदा ट्विटरमा चलेको #BlockadeWasCrimeMrModi (नाकाबन्दी अपराध हो, मिस्टर मोदी) ट्रेन्ड र ट्विटर ट्रेन्ड कसरी हुन्छ भन्ने बारेमा कुरा गर्दैछु । मोदी जनकपुरमा आइपुग्ने बित्तिकै एक्कासी #BlockadeWasCrimeMrModi ट्विटरको ट्रेन्ड लिस्टबाट हरायो । हामीले सेन्सरसिपको शंका गरिरहँदा केही घन्टापछि त्यही ट्रेन्ड पुन: देखापर्‍यो । विगतमा बाहिर भएका केही ट्रेन्डहरु फेसबुक तथा ट्विटरले 'ट्विक' गरेको भन्ने खबर आएका कारण, सुरुमा यो सेन्सरसिप नै हो भन्ने लाग्यो । तर उक्त ट्रेन्ड ट्विटरबाट हराएर केही घन्टापछि फेरि आएबाट, सेन्सरसिप हैन भन्ने लाग्यो । मोदी र ट्विटर ट्रेन्डबारेको यो पडकास्ट 📻 सुन्नुहोस् ट्विटर ट्रेन्ड कसरी हुन्छ? ट्विटरमा ट्रेन्ड हुन यति नै ट्विट हुनुपर्छ भनेर कहिँ उल्लेख गरेको पाइँदैन तर पनि केही कुरा ट्रेन्डमा देखिनको लागि त्यस विषयमा एकैपटक, धेरै ठाउँबाट धेरैले एउटै विषय ट्विट गरेको हुनुपर्छ । एउटै विषयमा हजारौँले दिनभरि ट्विट गर्दा त्यो ट्रेन्डिङ टपिकमा देखिन्छ भन्ने हुँदैन । ट्विटरमा ट्रेन्ड हुन, कुनै पनि विष

Subscribe to Aakar Post