Skip to main content

फेक 'लाइक'ले, फेसबुक मालामाल, ब्रान्डहरु कंगाल

फेसबुकको लोकप्रियता सँगै "सोसल मिडिया मार्केटिङ"को ट्रेन्ड देखापर्यो । अझ फेसबुकले 'बिजनेस पेज'को अवधारणा ल्याएपछि र इन्टरनेट जनसङ्ख्या फेसबुकमा तानिएपछि, अधिकांश कम्पनी/ब्रान्डहरुले 'फेसबुक'मा आफ्नो उपस्थिति जनाउन थाले । कोकाकोला र रिहानालाई मात्र होइन, नेपाली अनलाइन टिसर्ट स्टोर 'थ्रेडपेन्ट्स'लाई पनि फेसबुक बरदान सावित हुँदैआएकोछ । फेसबुकका अनेकौँ फाइदाहरु हुँदाहुँदै पनि यतिबेला फेसबुक 'लाइक'का बारेमा विभिन्न टिका-टिप्पणीहरु आउने गरेकाछन्, विशेषत 'फेसबुक विज्ञापन'का कारण ।

सोसल मिडिया मार्केटिङ अहिलेको समयमा ब्रान्ड तथा कम्पनीहरुको लागि अत्यावश्यक कुरा हो । फेसबुक लगायतका केही मार्केटिङ एजेन्सीहरुले सोसल मिडिया मार्केटिङलाई 'फेसबुक विज्ञापन' र 'फेसबुक लाइक' हो भनेर बुझाउने गरेका कारण हिजोआज ब्रान्डहरु कंगाल भइरहेकाछन् । धेरै लाइक/फ्यान ल्याउन कम्पनीहरु फेसबुक विज्ञापनमा लाखौँ खर्च गरिरहेकाछन् तर वास्तविकतामा उनीहरु 'फेक' लाइक किनिरहेकाछन् जसको हुनु र नहुनुमा केही फरक छैन ।

ब्रान्ड तथा कम्पनीहरुले जानेर वा नजानेर, धेरै समक्ष पुग्ने निहुँमा फेसबुक विज्ञापन मार्फत 'लाइक' किनिरहेका हुन्छन् । आफ्नो बजेट अनुसार एक दु॒ई दिनमै मनग्गे लाइक पनि पेजमा आइपुग्छ । तर ती अधिकांश 'लाइक'हरु नक्कली (फेक) लाइक हुने विभिन्न अनुसन्धानकर्ताहरुले दावी गरेकाछन् । तल राखिएको भिडियोले त नेपाल, भारत, पाकिस्तान, बंगलादेश आदि दक्षिण एसियाका देशहरुलाई 'फेसबुक लाइक फार्म' भनेर उल्लेख गरेको छ ।


सन् २०१२ मा बिबिसीका टेक्नोलोजी रिपोर्टर कालेन जोन्सले फेसबुकमा 'भर्चुअल बेगल' (बेगल नामक खानेकुरा अनलाइनबाट डाउनलोड गरेर सिधै खान सकिन्छ भन्ने आशयको पेज थियो) नामक पेज बनाए र  १० डलरको फेसबुक विज्ञापन गरे । २४ घन्टा भित्र १० डलरमा १६ सय लाइक जम्मा भयो । उक्त पेजलाई फिलिपिन्स, इजिप्ट, इन्डोनेसिया आदि देशबाट अधिकांश लाइक आएको थियो भने, अमेरिका र युकेबाट कसैले पनि लाइक गरेनन् । इजिप्टको कायरोबाट लाइक गर्ने एकजनाको प्रोफाइल (अहमद रोनाल्डो - फुटबल खेलाडी क्रिस्टियानो रोनाल्डोको फोटो थियो)  बिबिसीका रिपोर्टरले पच्छ्याए ।रोनाल्डोले ३ हजार भन्दा धेरै पेज लाइक गरेका रहेछन् । रिपोर्टरले फेसबुक विज्ञापन अझै केही दिन चलाए, अमेरिका, युके र भारतलाई टार्गेट गरेर । ६० डलर सकिएपछि उनको भर्चुअल बेगलको पेजमा ३ हजार लाइक त आयो तर अमेरिका र युकेबाट अत्यन्तै न्युन लाइक आएकोथियो ।

नेपाल, भारत, बंगलादेश, श्रीलंका आदि एसियाली देशहरु क्लिकफार्म


माथिको भिडियो अनुसार अनधिकृत रुपमा बुस्टलाइक जस्ता साइटहरुबाट ७० डलरमा १ हजार लाइक किन्न सकिन्छ । यस्ता साइटहरुले भारत, नेपाल, पाकिस्तान, फिलिपिन्स, श्रीलंका आदि देशमा 'लाइक क्लिक फार्म' चलाउँछन्, जसको कामहुन्छ फेसबुक पेजहरुमा लाइक गरिदिने । नेपाल, पाकिस्तान, भारत आदि दक्षिण एसियाका देशमा भएका ती 'लाइक फार्म'का व्यक्तिहरुले न्युनतम रकममा विभिन्न पेजहरु लाइक गरिदिन्छन् ।तर फेसबुकले अनधिकृत रुपमा लाइक किन्न दिँदैन (नियमले) ।


माथिको फोटोमा भेर्टासियमको फेसबुक पेजमा आएका लाइकहरुको विश्लेषण गरिएकोछ । भेर्टासियमले फेसबुक विज्ञापन मार्फत ८० हजार लाइक किने, जसमा सबैभन्दा धेरै लाइकहरु दक्षिण एसियाली देशहरुबाट आयो । तर पश्चिमा देशको तुलनामा न्युन इंगेजमेन्ट (कमेन्ट/सेयर/इन्टर्याक्सन) रह्यो । माथिको फोटोमा वाँया तिर देखाइएका 'बबलहरु'ले एसियाली राष्ट्रहरु जनाउँछ भने दायाँ तिर रहेका बबलहरुले पश्चिमा देशहरुबाट आएको लाइकलाई जनाउँछ । त्यस्तै तलको '%' बारले, कुन देशबाट भेर्टासियमको फेसबुक पेजमा कति इंगेजमेन्ट भयो भन्ने देखाउँछ । यसको सिधा अर्थ भन्दा, सबैभन्दा धेरै लाइक आएका राष्ट्हरुबाट इंगेजमेन्ट करिब १ प्रतिशत मात्रै छ, भन्नको मतलब पेजका धेरै फ्यानहरु एसियामा छन् तर पेजमा आएका अपडेटहरुमा भने एसियाबाट कुनै सहभागिता छैन । (यसबारे विस्तृतमा बुझ्न माथिको भिडियो नै हेर्नुहोला ।)
फेसबुकमा विज्ञापन गरेपछि, पेजमा आउने अधिकांश लाइकहरु दक्षिण एसियाली देशहरुबाट आउने गरेकोछ । केही रकम खर्च गरेर फेसबुकमा हजारौँ लाइक केही दिन मै आउँछ तर इंगेजमेन्ट भने लगभग शुन्य नै हुन्छ । तपाईको पेजमा ५० औँ हजार लाइक हुन्छ, तर पेजमा पोष्ट गरिएका कुराहरु १०-२० जना सम्म मात्र पुग्छ भने, पेजमा ५० औँ हजार लाइक भएको के अर्थ रह्यो र? 

आफूले हेरिरहेका पेजहरुमा पनि माथि भिडियोमा भनिएका कुराहरु अनुभव गरेकोछु । केही फेसबुक विज्ञापन चलाएका पेजहरु पनि नियाली रहेकोछु । एकजना साथिले फेसबुक एड चलाएर करिब १० हजार लाइक जम्मा पार्नु भएकोछ, तर उक्त पेजमा पोष्ट गरिएका कुराहरु करिब २ सय जना सम्म मात्र पुगिरहेकोछ । उक्त पेजबाट धेरै भन्दा धेरै व्यक्तिहरु समक्ष कसरी पुग्न सकिन्छ भन्ने कुरा नै म सोचिरहेकोछु । तर लाग्दैछ त्यहाँ भित्र जति नै पोष्ट गरेपनि देख्ने भनेको त्यही सय दुईसय जनाले नै हो । त्यसो हो भने १० हजार लाइकले उक्त पेजलाई कुनै सहयोग गर्ने देखिँदैन । त्यस्तै मेरो कम्पनीको पेजमा २० हजार लाइक (अर्गानिक लाइक) छन्, जहाँ २ हप्ता अघि पोष्ट गरिएको एउटा अपडेट ७० हजार व्यक्तिहरु सम्म पुगेको थियो विना कुनै विज्ञापन । 

विभिन्न पेजहरु हेरिरहेका कारण, फेसबुकको सबैभन्दा धेरै फाइदा लिन 'फेसबुक लाइक विज्ञापन' भन्दा पनि 'कन्टेन्ट'मा ध्यान दिनुपर्छ भन्ने मेरो मान्यता छ । माथिको भिडियोले पनि यही कुरालाई नै पुष्टि गर्छ । आफू नै 'नेक्स्ट' फेसबुक बन्न प्रयासरत फेसबुकले लाइक क्लिक फार्म, फेसबुक प्रोफाइल र लाइकहरु नहटाए फेसबुकको आम्दानीमा निकट भविष्यमा नै ठूलो धक्का पुग्ने देखिन्छ ।

तपाईको व्यवसायको लागि फेसबुक पेज छ र धेरै व्यक्तिहरु सम्म पुग्न 'फेसबुक एड' प्रयोग गर्दै हुनुहुन्छ भने, एकपटक सोच्नुहोस् । अनि काठमाडौँमा ५ सयमा २ हजार लाइक भनेर विज्ञापन गर्दै सोसल मिडिया मार्केटिङको धज्जी उडाउने मार्केटिङ एजेन्सीहरुको पनि भर नपर्नुहोस् । "Content is King" भन्ने मुलमन्त्र कहिले नबिर्सिनुहोस् ।

बाँकी कुराहरु यता पढ्नुहोस् ।
भिडियो टिप्सका लागि सौरभ रत्न तुलाधर (@sauravrt) लाई धन्यवाद ।

Comments

Popular posts from this blog

नियात्रा : घान्द्रुक को घुमाइ -१

शैक्षिक अध्ययन/ भ्रमण जान नपाएको धुनमा हामी एकपटक विद्यार्थीहरुकै पहलमा चिसापानी पुगिसकेका छौं। सुन्दरीजलबाट एकदिनको पदयात्रामा चिसापानी पुग्न सकिन्छ। सन् २००९ अक्टोबरको महिना। जहिले पनि शैक्षिक अध्ययन/ भ्रमणमा नलगिएको वा घुम्न नपाएको पिडाले मन भरिरहने हामी विद्यार्थीहरुलाई फेरी एकपटक घुम्नजान मन लाग्न थाल्यो। घुम्न मन लाग्यो भनौं कि पढ्न मन लागेन भनौं?... जे बुझेपनि हुन्छ। जता गएपनि सत्य तपाईंकै बटोमा हिँडेको हुनेछ। घुम्न त जाने, तर कहाँ? प्रेम छिरिङग् शेर्पाको दिमाग यहाँनेर हामी सबैको भन्दा छिटो चल्छ, जहिलेपनि। फेरी अच्चमको कुरा के भने नि- नेपालमा अधिकांश ‘घुम्ने’ ठाउँ कि त प्रेम छिरिङग् पुगिसकेको छ कि त उसका साथीहरु। निकै नै रसिक छन् हाम्रा साथी प्रेम छिरिङग् शेर्पा। हामी अधिकांश छात्रहरुलाई भक्तपुरको छ्याङग्शाला, काठमाडौंको टुकुचे भान्छा घर आदी देखाउने श्रेय यीनैलाई जान्छ। यो श्रेय कम्तिमापनि म, उसलाई कृतज्ञताका साथ दिन चाहान्छु। अघिल्लो पल्ट गएको चिसापानि पदयात्रा पनि प्रेम छिरिङग् कै सक्रियतामा संम्भव भएको थियो। त्यसैले यसपटकको यात्राको निणर्य गर्ने जिम्मा पनि प्रेम र गौरबलाई

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

आइफोन, आइप्याड र एप्पल वाचका लागि हाम्रो पात्रोको नयाँ एप

आइफोन, आइप्याड र एप्पल वाचका लागि हाम्रो पात्रोले नयाँ एप सार्वजनिक गरेको छ । यो नयाँ अपडेट सँगै एन्ड्रोइड एपमा उपलब्ध विभिन्न फिचरहरु आइफोन एपमा उपलब्ध भएको छ । आइफोन प्रयोगकर्ताहरुले अब एकै विषयका उस्तै समाचारहरु एकै ठाउँमा पढ्न सक्नेछन् । गतवर्ष नेपाली न्युज माइनिङ इन्जिन प्रयोग गरेर एउटै विषयका उस्तै समाचारहरु, विभिन्न स्रोतहरुबाट लिएर हाम्रो पात्रोको एन्ड्रोइड एपमा पढ्न मिल्ने सुविधा थपिएको थियो । मेसिन लर्निङ पद्दतिबाट नेपाली भाषा सम्बन्धि तालिम गराइएको 'नेपाली न्युज माइनिङ इन्जिन'ले नेपाली भाषामा उस्तै प्रकारका समाचार देखाउने कार्यमा ९० प्रतिशत सफलता हासिल गरेकोछ । हाम्रो पात्रोका संस्थापक शंकर उप्रेतीका अनुसार, हाम्रो पात्रो एपको इन-एप ब्राउजर पहिलेको भन्दा ४० प्रतिशत "फास्ट" बनाइएको छ । नयाँ आएको आइफोन एपमा तस्विरहरुलाई पनि "अप्टिमाइज" गरिएकोछ, भन्नको मतलब एप खोल्दा अब हाम्रो पात्रोले डाटा स्पिड/नेटवर्क अनुसार तस्विरको गुणस्तर (क्वालिटि) स्वत घटबढ हुने सुविधा थपेको छ । हाम्रो पात्रो एप सबैभन्दा सुरुमा आइफोनको लागि बनाइएको भएपनि, एन्ड्रो

घोडा तबेला [संस्मरण]

स्याफ्रुवेसीबाट बिहान साँढे सात बजे निस्कँदा, एकैदिनमा धेरै माथिसम्म नजानु 'हाइ' (लेक) लाग्छ भन्ने लोप्साङ, लामा होटल आइपुग्दा, पानी पर्दैन तपाईहरु माथि जान सक्नुहुन्छ भन्न थालेको थियो ।  दुई बजे लामा होटल पुग्दा, पानी सिमसिम परिरहेको थियो, चियाका लागि हामी (विवेक दाइ र म) छेउको होटलमा रोक्कियौँ । लोप्साङ, आफ्नी जर्मन पर्यटक लाउरालाई लिएर अलि पर्तिरको होटलमा गएर रोकियो, हामीले लोप्साङलाई बोलायौँ तर उसले ईशाराले नआउने संकेत गर्यो, उ चिया पिउँदै थियो । तर लोप्साङ सँगै भएकी जर्मन पर्यटक हामी बसेको होटलमा आएर गफ गर्न लागेपछि, लोप्साङ पनि पछिपछि आयो । एक घन्टा बस्दा पनि पानी खासै रोकिएन, तर लोप्साङ पानी रोकिन्छ, तपाईहरु घोडातबेला पुग्नुहुन्छ भनेर हामीलाई भनिरहेथ्यो, सायद उ हामीलाई लामा होटलमा नबसोस् भन्ने चाह गरिरहेको थियो । अघिल्लो दिन माछापोखरी, काठमाडौँबाट बस चढ्दा, लोप्साङ हामी भन्दा अघिल्लो सिटमा थियो । ९ घन्टा लामो बस यात्रामा, लाउरा सँग खासै केही कुरा नभएपनि, लोप्साङ हाम्रो लागि पनि गाइड झैँ बनिसकेको थियो । स्याफ्रुवेसी, विवेक दाइ र मेरो लागि नौलो थियो, लोप्साङकै पछि लागेर, ह

गुगलको अटोड्र - चित्र बनाउन एकदमै सजिलो

"सबैको लागि छिटो चित्र बनाउनको लागि" भन्दै गुगल'ले कम्प्युटर, मोबाइल तथा ट्याबलेटमा सजिलैसँग चलाउन मिल्ने 'अटोड्र' नामक वेव एप सार्वजनिक गरेको छ । केही पहिले चित्र बनाउने सजिलो तरिका 'को बारेमा लेखेको थिँए, आज चाँहि छिट्टो चित्र बनाउने गुगलको अटोड्रबारे लेख्दैछु । 'तँ आँट, म पुर्‍याउँछु' भनेझैँ हामीले हातले कोरेको चित्रहरुलाई, गुगल ले मेसिन लर्निङ पद्धतिबाट बुझेर हामीले बनाउन खोेजेको चित्र तुरुन्त बनाइदिन्छ । भन्नको मतलब मैले अटोड्र मा गोलाकार चित्र कोरेँ भने गुगलले मैले कोरेको गोलो चित्रसँग मिल्दोजुल्दो चित्रहरु देखाइदिन्छ, जुन आफूले छानेर राख्न सकिन्छ । उक्त चित्रलाई सानो, ठूलो बनाउनको साथै, रंगहरु परिवर्तन गर्न सकिन्छ । हेर्दा, सोच्दा सामान्य लाग्ने 'अटोड्र'मा आफूलाई चाहिएको चित्रहरु छिटो बनाउन सकिन्छ । कुनै आईकन चाहियो वा कसैलाई केही कुरा बुझाउनुपर्‍यो वा कसैलाई 'पोष्टकार्ड' बनाएर दिनुपर्‍यो भने, कि त गुगल सर्च नै गर्नुपर्ने वा क्यान्भा, पेन्सिल लगायतका विभिन्न वेब एपहरु प्रयोग गर्नुपर्ने झन्झटबाट 'अटोड्र'ले छुटका

माइक्रोसफ्ट पेन्ट बन्द हुने

अपडेट: माइक्रोसफ्टले एमएस पेन्ट विन्डोज स्टोरमा राख्ने भएकोछ । एमएस पेन्ट हटाइने खबर फैलिएपछि, माइक्रोसफ्टले एमएस पेन्ट विन्डोज अपरेटिङ सिस्टमबाट हटाइएपनि, विन्डोज स्टोरमा राखिने कुरा आफ्नो ब्लगमा उल्लेख गरेको हो । एमएस पेन्ट चलाउन चाहनेहरुले विन्डोज स्टोरबाट डाउनलोड गरेर  निशुल्क चलाउन सक्नेछन् । - - - सन् १९८५ मा माइक्रोसफ्ट विन्डोजको पहिलो भर्सनसँगै सार्वजनिक भएको माइक्रोसफ्ट पेन्ट (एमएस पेन्ट), विन्डोज १० को नयाँ अपडेटसँगै बन्द हुने भएकोछ । माइक्रोसफ्टका अनुसार अब सार्वजनिक हुने क्रम'मा रहेको विन्डोज १० को नयाँ अपडेटमा एमएस पेन्ट सफ्टवेयर समावेश गरिएकोछैन । विन्डोज कम्प्युटर चलाउने सबैको पहिलो "ग्राफिक इटिडिङ टुल" एमएस पेन्ट हो भन्दा फरक नपर्ला । कम्प्युटर चलाउन थालेदेखि  वा भनौँ ब्लगका सुरुवातका दिनमा ब्लगमा प्रयोग गरिएका ग्राफिक्सहरु एमएस पेन्टकै सहारामा सम्पादन गर्ने गर्थेँ । सबैको पहिलो ग्राफिङ इटिडिङ टुल'लाई माइक्रोसफ्टले ३२ वर्षपछि बिदा दिँदैछ । एसएस पेन्ट सँगै आउटलुक एक्सप्रेस पनि विन्डोजबाट हट्ने भएको छ । यस अघि नै माइक्रोसफ्टले विन्डोज १० मा

Subscribe to Aakar Post