Skip to main content

भारतमा साइट ब्लक गरिँदा, नेपालमा पनि साइट ब्लक [File Sharing Sites Blocked in Nepal]

भारतको सर्वोच्च अदालतको आदेश अनुसार भारतका इन्टरनेट प्रदायक संस्थाहरु (ISP) ले फाइल सेयरिङ साइटहरु, टोरेन्ट, भिडियो साइटहरु तथा अन्य उपयोगी साइटहरुलाई ब्लक गरेकाछन् । आइसोहन्ट (Isohunt), पाइरेट वे (thepiratebay), किकएसटोरेन्ट (kickasstorrent) लगायतका टोरेन्ट साइटहरु तथा भिमियो (Vimeo) र डेलिमोसन (DailyMotion) जस्ता भिडियो सेयरिङ साइटका साथै पेस्टविन (Pastebin), एक्समार्क्स (Xmarks) जस्ता साइटहरुले 'पाइरेसी'लाई बढावा दिएको भन्दै उक्त साइटहरुलाई 'ब्लक' गर्न भारतको सर्वोच्च अदालतले 'आइएसपी'हरुलाई आदेश दिएको थियो । आदेश लगत्तै रिलायन्स, एयरटेल लगायत भारतिय इन्टरनेट प्रदायक संस्थाहरुले उक्त साइटहरु भारतमा ब्लक गरेकाछन्, तर त्यसैको असर स्वरुप नेपालका पनि केही आइएसपीहरुका प्रयोगकर्ताहरुले उक्त सेन्सरसिप सहन गर्नु परेको छ ।
भारतीय इन्टरनेट प्रदायक संस्थाहरुले साइट ब्लक गर्दा, नेपालमा पनि ती साइटहरु ब्लक हुन पुगेकाछन् । पेस्टविन, पाइरेट वे जस्ता साइटहरु नेपालका अधिकांश आइएसपीहरुबाट नखुल्ने भएकोछ, त्यसको सट्टा "अदालतको आदेश अनुसार साइट ब्लक गरिएकोछ" (Access to this site has been blocked as per Court Orders) भन्ने व्यहोराको म्यासेज पढ्नुपरेकोछ ।भारतमा लागु गरिएको सेन्सरसिप, हामीले पनि सहनुपरेको छ । भारतको अदालतको आदेश हामीले पालन गर्नुपर्दा र विनाकारण सेन्सरसिप सहनुपर्दा, एउटा स्वतन्त्र देशको नागरिकको लागि यो भन्दा ठूलो दुर्भाग्य अरु के हुन्छ होला? (नेपाल र नेपालीको पहिचान खोज्नुपर्नेबेलामा, जात र जातीको पहिचान खोजेर बसेका छौँ, त्यो अर्कै बहसको विषय होला।)

ट्विटरमा साथीहरु सँग छलफल गर्दा, वेवसर्फर, एनसेल, वल्डलिंक लगायतका ग्राहकहरुले भारतको अघोषित वेव सेन्सरसिप नेपालमा पनि सहनुपरेको छ । भारतले ब्लक गरेका साइटहरु नेपालमा ती आइएसपीहरुबाट खोल्दा "अदालतको आदेश अनुसार साइट ब्लक गरिएकोछ" (Access to this site has been blocked as per Court Orders) भन्ने व्यहोराको म्यासेज देखिन्छ । केही साथीहरुले एनटीसीको एडिएसलमा पनि केही साइटहरु ब्लक भएको गुनासो गर्नुभएकोछ । हाम्रो जानकारी अनुसार ब्रोडलिंक र सुविसुका ग्राहकहरुले सेन्सरसिपको सामना गर्नुपरेको छैन ।

भारतमा साइट ब्लक गरिँदा नेपालमा कसरी ब्लक भयो?

नेपालका प्राय: इन्टरनेट सेवा प्रदायकहरु जस्तो वल्डलिंक, वेवसर्फर, एनसेल आदिले अन्तराष्ट्रिय व्यान्डविथको लागि एयरटेल, रिलायन्स, टाटा लगायतका गेटवे प्रयोग गरेकाछन् । अत जब कसैले नेपालबाट यी माथि भनिएका आइएसपीमार्फत सर्भरमा रिक्वेष्ट पठाउँछन्, त्यो रिक्वेष्ट एयरटेल, रिलायन्स सम्म पुगेपछि ब्लक हुन्छ, अर्थात तोकिएको ठाउँमा रिक्वेष्ट जाँदैन र हामीले साइट ब्लक गरिएको व्यहोराको सूचना पढ्छौँ । जस्तो कि, मैले एनसेल मार्फत पेष्टविन खोल्न खोज्छु भने, मेरो रिक्वेष्ट एनसेल हुँदै, एयरटेलसम्म पुग्छ तर त्यहाँबाट अघि बढ्न सक्दैन । कहिलेकाँही झूक्किएर साइटमा पुगियो भने बुझे हुन्छ, कुनै अर्कै गेटवेबाट हामी भित्र छिरेका छौँ। एनसेल मात्र होइन, भारतिय गेटवे प्रयोग गर्ने अधिकांश नेपाली आइएसपीहरुमा माथि उल्लेख गरिएका साइटहरु ब्लक भएका छन् ।
फेरि पनि भन्छु सबैभन्दा विडम्वना चाँही भारतको कानुन अनुसार हामी पनि चल्नुपर्ने भयो । भारतको सर्वोच्च अदालतको आदेश मान्दै हाम्रोमा पनि अघोषित रुपमा साइट ब्लक भयो । नेपालमा साइट ब्लक भएको २ दिन भइसकेको छ, तर नेपाली आइएसपीहरुले यस विषयमा कुनै कदम चालेको वा नचालेको थाहा हुन सकेको छैन । यो विषयमा नेपाली आइएसपीहरु पनि जिम्मेवारछन् जस्तो लाग्छ । भारतिय आइएसपीहरु सँग, नेपाली कम्पनीहरुको कस्तो सम्झौता छ त थाहा छैन तर उताको आदेशले यता साइट ब्लक हुनु अत्यन्तै लज्जाजनक र आपत्तिजनक छ । यो विषयमा बोल्ने को ? प्रोक्सीबाट साइटहरु खोल्न सकिन्छ, तर यहाँ त प्रोक्सीको कुरा भन्दा पनि हामीहरुको स्वाभिमान र हाम्रो अधिकारको कुरो आयो । नेपाली आइएसपीहरुले यो विषयमा भारतिय कम्पनीहरु सँग छलफल गरेर, चाँडो भन्दा चाँडो निकास निकाल्न जरुरी छ । हैन, इन्टरनेटमा पनि भारतले जे गर्छ, त्यही सहनुपर्ने हो भने, यो हाम्रोलागि साह्रै पिडादायक क्षण हो । यी वल्डलिंक, वेवसर्फर, एनसेल लगायतका आइएसपीहरुले पनि सुविसु आदिका झैँ तेस्रो मुलुकका इन्टरनेट प्रदायक कम्पनीहरुसँगबाट ब्यान्डविथ लिनुपर्ने जरुरी देखिएकोछ । पैसा लिने तर सर्भिस दिन चाँही लापरवाही गर्न पाइँदैन, कम्पनीहरुले आफ्ना ग्राहकका बारेमा सोच्नु जरुरी छ ।

Comments

  1. WorldLink is now routing its traffic via another gateway. So, there should not be any problem in accessing above mentioned sites.

    Tirtha

    ReplyDelete
  2. WorldLink is now routing its traffic via another gateway. So, there should not be any problem in accessing above mentioned sites.

    Tirtha

    ReplyDelete
  3. WorldLink is now routing its traffic via another gateway. So, there should not be any problem in accessing above mentioned sites.

    Tirtha 

    ReplyDelete
  4. vianet ma ta sabai khulcha .... i checked it while i was surfing internet from damkal chowk's one of the cyber

    ReplyDelete
  5. But it is because of Indian government that Nepal is suffering from Internet Censorship. Nepalese government doesn't give a shit about internet censorship or even the Internet for that matter?  - they are too busy breaking down this country apart in the name of Federalism. Just because Indians suffer from Internet Censorship does not mean Nepalese have to. 

    ReplyDelete
  6. सुबिसु मा पनि piratebay लगाएत torrent साईट खुल्दैन |

    ReplyDelete
  7. broadlink ma pani bolck xa

    ReplyDelete
  8. Anonymous Operations ‏@Anon_Central
    #Anonymous Joins Forces with Nepalese #Hacktivists Against Political and Business Elite |http://www.ibtimes.co.uk/articles/342666/20120518/anonymous-nepal-india-opindia.htm + #OpIndia #India #Nepal

    [ EXPECT US ]

    ReplyDelete
  9. I do not have any problem accessing to those websites and I have ADSL service. Anonymous have to keep pressurizing Indian Government. Because of Indian Government's stupidity - Nepal is also being affected. Internet Censorship is never an answer! This has to stop.
    #Anonymous #opIndia https://twitter.com/#!/opindia...

    ReplyDelete
  10. Yes! I think, It's between ISPs. Mentioned in the blog as well. And another line added since, we keep on getting "Access to this site has been blocked as per Court Orders". But I agree with your point, it's not about Nepal & India, but about ISPs.

    ReplyDelete
  11. I think this is a purely technical issue and not an issue of Indian encroachment on our sovereignty as mentioned in the article. Its has to do with how the network is setup between the ISPs in Nepal and India. Please don't distort the issue into a nationality issue. 

    ReplyDelete
  12. धन्न ADSL मा कुनै समस्या आ'कोछैन!! :)

    ReplyDelete
  13. They Should Expect Us.

    ReplyDelete

Post a Comment

Popular posts from this blog

नियात्रा : घान्द्रुक को घुमाइ -१

शैक्षिक अध्ययन/ भ्रमण जान नपाएको धुनमा हामी एकपटक विद्यार्थीहरुकै पहलमा चिसापानी पुगिसकेका छौं। सुन्दरीजलबाट एकदिनको पदयात्रामा चिसापानी पुग्न सकिन्छ। सन् २००९ अक्टोबरको महिना। जहिले पनि शैक्षिक अध्ययन/ भ्रमणमा नलगिएको वा घुम्न नपाएको पिडाले मन भरिरहने हामी विद्यार्थीहरुलाई फेरी एकपटक घुम्नजान मन लाग्न थाल्यो। घुम्न मन लाग्यो भनौं कि पढ्न मन लागेन भनौं?... जे बुझेपनि हुन्छ। जता गएपनि सत्य तपाईंकै बटोमा हिँडेको हुनेछ। घुम्न त जाने, तर कहाँ? प्रेम छिरिङग् शेर्पाको दिमाग यहाँनेर हामी सबैको भन्दा छिटो चल्छ, जहिलेपनि। फेरी अच्चमको कुरा के भने नि- नेपालमा अधिकांश ‘घुम्ने’ ठाउँ कि त प्रेम छिरिङग् पुगिसकेको छ कि त उसका साथीहरु। निकै नै रसिक छन् हाम्रा साथी प्रेम छिरिङग् शेर्पा। हामी अधिकांश छात्रहरुलाई भक्तपुरको छ्याङग्शाला, काठमाडौंको टुकुचे भान्छा घर आदी देखाउने श्रेय यीनैलाई जान्छ। यो श्रेय कम्तिमापनि म, उसलाई कृतज्ञताका साथ दिन चाहान्छु। अघिल्लो पल्ट गएको चिसापानि पदयात्रा पनि प्रेम छिरिङग् कै सक्रियतामा संम्भव भएको थियो। त्यसैले यसपटकको यात्राको निणर्य गर्ने जिम्मा पनि प्रेम र गौरबलाई

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

आइफोन, आइप्याड र एप्पल वाचका लागि हाम्रो पात्रोको नयाँ एप

आइफोन, आइप्याड र एप्पल वाचका लागि हाम्रो पात्रोले नयाँ एप सार्वजनिक गरेको छ । यो नयाँ अपडेट सँगै एन्ड्रोइड एपमा उपलब्ध विभिन्न फिचरहरु आइफोन एपमा उपलब्ध भएको छ । आइफोन प्रयोगकर्ताहरुले अब एकै विषयका उस्तै समाचारहरु एकै ठाउँमा पढ्न सक्नेछन् । गतवर्ष नेपाली न्युज माइनिङ इन्जिन प्रयोग गरेर एउटै विषयका उस्तै समाचारहरु, विभिन्न स्रोतहरुबाट लिएर हाम्रो पात्रोको एन्ड्रोइड एपमा पढ्न मिल्ने सुविधा थपिएको थियो । मेसिन लर्निङ पद्दतिबाट नेपाली भाषा सम्बन्धि तालिम गराइएको 'नेपाली न्युज माइनिङ इन्जिन'ले नेपाली भाषामा उस्तै प्रकारका समाचार देखाउने कार्यमा ९० प्रतिशत सफलता हासिल गरेकोछ । हाम्रो पात्रोका संस्थापक शंकर उप्रेतीका अनुसार, हाम्रो पात्रो एपको इन-एप ब्राउजर पहिलेको भन्दा ४० प्रतिशत "फास्ट" बनाइएको छ । नयाँ आएको आइफोन एपमा तस्विरहरुलाई पनि "अप्टिमाइज" गरिएकोछ, भन्नको मतलब एप खोल्दा अब हाम्रो पात्रोले डाटा स्पिड/नेटवर्क अनुसार तस्विरको गुणस्तर (क्वालिटि) स्वत घटबढ हुने सुविधा थपेको छ । हाम्रो पात्रो एप सबैभन्दा सुरुमा आइफोनको लागि बनाइएको भएपनि, एन्ड्रो

गुगलको अटोड्र - चित्र बनाउन एकदमै सजिलो

"सबैको लागि छिटो चित्र बनाउनको लागि" भन्दै गुगल'ले कम्प्युटर, मोबाइल तथा ट्याबलेटमा सजिलैसँग चलाउन मिल्ने 'अटोड्र' नामक वेव एप सार्वजनिक गरेको छ । केही पहिले चित्र बनाउने सजिलो तरिका 'को बारेमा लेखेको थिँए, आज चाँहि छिट्टो चित्र बनाउने गुगलको अटोड्रबारे लेख्दैछु । 'तँ आँट, म पुर्‍याउँछु' भनेझैँ हामीले हातले कोरेको चित्रहरुलाई, गुगल ले मेसिन लर्निङ पद्धतिबाट बुझेर हामीले बनाउन खोेजेको चित्र तुरुन्त बनाइदिन्छ । भन्नको मतलब मैले अटोड्र मा गोलाकार चित्र कोरेँ भने गुगलले मैले कोरेको गोलो चित्रसँग मिल्दोजुल्दो चित्रहरु देखाइदिन्छ, जुन आफूले छानेर राख्न सकिन्छ । उक्त चित्रलाई सानो, ठूलो बनाउनको साथै, रंगहरु परिवर्तन गर्न सकिन्छ । हेर्दा, सोच्दा सामान्य लाग्ने 'अटोड्र'मा आफूलाई चाहिएको चित्रहरु छिटो बनाउन सकिन्छ । कुनै आईकन चाहियो वा कसैलाई केही कुरा बुझाउनुपर्‍यो वा कसैलाई 'पोष्टकार्ड' बनाएर दिनुपर्‍यो भने, कि त गुगल सर्च नै गर्नुपर्ने वा क्यान्भा, पेन्सिल लगायतका विभिन्न वेब एपहरु प्रयोग गर्नुपर्ने झन्झटबाट 'अटोड्र'ले छुटका

घोडा तबेला [संस्मरण]

स्याफ्रुवेसीबाट बिहान साँढे सात बजे निस्कँदा, एकैदिनमा धेरै माथिसम्म नजानु 'हाइ' (लेक) लाग्छ भन्ने लोप्साङ, लामा होटल आइपुग्दा, पानी पर्दैन तपाईहरु माथि जान सक्नुहुन्छ भन्न थालेको थियो ।  दुई बजे लामा होटल पुग्दा, पानी सिमसिम परिरहेको थियो, चियाका लागि हामी (विवेक दाइ र म) छेउको होटलमा रोक्कियौँ । लोप्साङ, आफ्नी जर्मन पर्यटक लाउरालाई लिएर अलि पर्तिरको होटलमा गएर रोकियो, हामीले लोप्साङलाई बोलायौँ तर उसले ईशाराले नआउने संकेत गर्यो, उ चिया पिउँदै थियो । तर लोप्साङ सँगै भएकी जर्मन पर्यटक हामी बसेको होटलमा आएर गफ गर्न लागेपछि, लोप्साङ पनि पछिपछि आयो । एक घन्टा बस्दा पनि पानी खासै रोकिएन, तर लोप्साङ पानी रोकिन्छ, तपाईहरु घोडातबेला पुग्नुहुन्छ भनेर हामीलाई भनिरहेथ्यो, सायद उ हामीलाई लामा होटलमा नबसोस् भन्ने चाह गरिरहेको थियो । अघिल्लो दिन माछापोखरी, काठमाडौँबाट बस चढ्दा, लोप्साङ हामी भन्दा अघिल्लो सिटमा थियो । ९ घन्टा लामो बस यात्रामा, लाउरा सँग खासै केही कुरा नभएपनि, लोप्साङ हाम्रो लागि पनि गाइड झैँ बनिसकेको थियो । स्याफ्रुवेसी, विवेक दाइ र मेरो लागि नौलो थियो, लोप्साङकै पछि लागेर, ह

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

Subscribe to Aakar Post