Skip to main content

केयु खुलेको पहिलो दिन मै फेरि बन्द हुने संकेत #KU #Closure [PHOTO]

हिजो आन्दोलनरत ३ समूहका विद्यार्थी, ‘न्युट्रल’ विद्यार्थी र केयु प्रशासन सँग को वार्ता पछि २६ दिने तालाबन्दी खोलिँदै आज देखि केयु सुचारु भएको थियो ।

तर आज सहमति गर्ने १ समूहले आफ्नो भातृ संगठन नेविसंघ को दवाव र आडमा केयु का रजिष्ट्रार र उपकुलपति को कार्यकक्ष मा ताला लगाउन खोजेका भएपनि ताला लगाउन भने दिइएको छैन । हिजो आफैँले सहमति गरेर खोलिएको केयुमा आजै आफैँले तालाबन्दी गर्नखोज्नु दुर्भाग्यपुर्ण छ । सहमति धोका हो भन्ने मानसिकता सहित नेविसंघ का नेताहरु दलबल सहित केयु आएका छन् । सम्भावित दुर्घटना टार्नको लागि, प्रशासन ले क्याम्पस हातामा प्रहरीहरु परिचालन गरेको छ । हिजो सम्म पठनपाठन ठप्प भएको केयुमा, फेरि पनि पठनपाठन नहुने को कि भन्ने चिन्ता र दुविधामा विद्यार्थीहरु परेकाछन् ।

Image266

Image268अहिले केयु प्रशासनिक भवन अगाडि करिब ३ सय को संङ्ख्यामा स्वतन्त्र विद्यार्थीहरु जम्मा भएर क्याम्पस बन्द गर्न पाइँदैन भन्दै नारा लगाइरहेकाछन् । उनीहरु रजिष्ट्रारलाई उपस्थित भएर कुरा सुन्न आग्रह गरिरहेकाछन् । विद्यार्थीहरु निरन्तर केयु खोल्नुपर्ने नारा लगाइरहेकाछन् भने केयु मा राजनिति गर्न पाइँदैन भनेर पनि नारावाजी गरिरहेकाछन् ।

केही समयअघि स्कुल अफ इन्जिनियरिङ का डिन भोला थापा ले समस्या समधान को पहल गरिरहेको बताएकाछन् र फेरि हिजो को सहमतिलाई अध्ययन गरेर वार्तामा बस्ने बताएकाछन् तर विद्यार्थीहरु अहिले हाम्रै अगाडि वार्ता गर्नुपर्छ भनेर नारा लगाइरहेकाछन् ।

सिमसिम पानी निरन्तर परिरहेको छ । विद्यार्थीहरु पानी को पर्वाह नगरी नारा लगाइरहेकाछन् । केयु खुल्नुपर्ने माग राखिरहेकाछन् । आजको विद्यार्थी को आन्दोलन ले भोलि देखि कक्षा सुचारू होला त ?

Image269Image270Image271Image273Image274Image282Image283IMG_0547IMG_0591IMG_0592पछि दिउँसो ३:४५ बजे, विद्यार्थीहरुले पत्रकार सम्मेलन को आयोजना गरि, केयुलाई बन्दमुक्त र राजनितिमुक्त क्षेत्रको रुपमा घोषणा गरेका थिए । पत्रकार सम्मेलनमा विभिन्न मिडिया का पत्रकारहरु लगायत सयौँ विद्यार्थी र केयु प्रशासनको तर्फबाट स्कुल का डिनहरु आदिको उपस्थिति थियो । विद्यार्थीले प्रेस वक्तव्य पढेर सुनाउँदै केयुलाई बन्दमुक्त र राजनितिमुक्त क्षेत्रको रुपमा घोषणा गरेका थिए भने केयु प्रशासन ले पनि गैरराजनितिक थलो हो भन्दै विद्यार्थीहरुको घोषणामा सहमती जनाएको थियो ।

बन्दमुक्त र राजनितिमुक्त घोषणा गरिएपनि, लागु नै हुन्छ भन्ने चाँहि छैन । यहाँको मुद्दा केयु भित्र को मुद्दा नभइ केयु को मुद्दा पार्टिहरुबिच को मुद्दा बनिसकेको ले, राजनितिमुक्त भन्न सकिने ठाउँ छैन । विभिन्न पार्टिका केन्द्रबाट नै आएर झण्डा फहराउने, ताला लाउने आदि कार्य भइरहेकोले, अब त यहाँ का विद्यार्थी नेताहरुलाई नै गाह्रो परिसकेको छ सन्तुलन मिलाउन । राजनिति हैन भन्दा भन्दै, केयुमा राजिनिति छिरिसकेको छ । राजनिति मुक्त घोषणा गरिएपनि, भोलि नै कुनै पार्टि आएर बन्द गर्यो, ताला लायो भने विद्यार्थीले गर्न सक्ने केही छैन, कारण ती ताला लाउनेहरु, राजनिति गर्नेहरु सिधै केन्द्रबाट आउन थालेका छन् । टियुमा पियु मा राजनिति गर्दा गर्दा, ख्याक भएका विद्यार्थी भनाउँदा नेताहरु आएर यहाँ बन्द गराउँछन् । अनि यस मामाला मा केयु प्रशासन लाचार देखिएको छ । उनीहरु ती समूहरुलाई रोक्न सक्दैनन् कारण विश्वविद्दयालय का पदाधिकारीहरुको कुर्सी को रिमोट फेरि तिनै राजनितिक दलहरुको हातमा छ । राजनितिक दलहरु आफैँ बनाउने, आफैँ बिगार्ने गरिरहेकाछन् ।

आजको विद्यार्थी भेला पछि हुन सक्ने सम्भावित घटनालाई मध्यनजर राख्दै प्रहरी परिचालन गरिएको छ । अहिले राती पनि प्रहरीले गस्ति गरिरहेको छ । आज धेरै कुरा गरिएको झैँ लागेको छ तर वास्तविकता मा समस्या जहिँकातहिँ नै छ भन्दा फरक पर्दैन । रजिष्ट्रार र उपकुलपति सँग वार्ता नगरी, केही वार्गेनिङ नगरि समस्या सुल्झेला जस्तो छैन । अब भोलि केयु खुल्ने, नखुल्ने, पढाइ हुने नहुने कुरा, सबै भगवान भरोसा !

Last three photos by Ankur Sharma.

Comments

  1. शिक्षाको मन्दिरमा यो चर्का-चर्की छिट्टै सक्केकै राम्रो । छिट्टै पढाइ सुचारू होस र अबका दिनमा यस्तो बन्दको हविगत कसैले भोग्नु नपरोस !

    ReplyDelete

Post a Comment

Popular posts from this blog

नियात्रा : घान्द्रुक को घुमाइ -१

शैक्षिक अध्ययन/ भ्रमण जान नपाएको धुनमा हामी एकपटक विद्यार्थीहरुकै पहलमा चिसापानी पुगिसकेका छौं। सुन्दरीजलबाट एकदिनको पदयात्रामा चिसापानी पुग्न सकिन्छ। सन् २००९ अक्टोबरको महिना। जहिले पनि शैक्षिक अध्ययन/ भ्रमणमा नलगिएको वा घुम्न नपाएको पिडाले मन भरिरहने हामी विद्यार्थीहरुलाई फेरी एकपटक घुम्नजान मन लाग्न थाल्यो। घुम्न मन लाग्यो भनौं कि पढ्न मन लागेन भनौं?... जे बुझेपनि हुन्छ। जता गएपनि सत्य तपाईंकै बटोमा हिँडेको हुनेछ। घुम्न त जाने, तर कहाँ? प्रेम छिरिङग् शेर्पाको दिमाग यहाँनेर हामी सबैको भन्दा छिटो चल्छ, जहिलेपनि। फेरी अच्चमको कुरा के भने नि- नेपालमा अधिकांश ‘घुम्ने’ ठाउँ कि त प्रेम छिरिङग् पुगिसकेको छ कि त उसका साथीहरु। निकै नै रसिक छन् हाम्रा साथी प्रेम छिरिङग् शेर्पा। हामी अधिकांश छात्रहरुलाई भक्तपुरको छ्याङग्शाला, काठमाडौंको टुकुचे भान्छा घर आदी देखाउने श्रेय यीनैलाई जान्छ। यो श्रेय कम्तिमापनि म, उसलाई कृतज्ञताका साथ दिन चाहान्छु। अघिल्लो पल्ट गएको चिसापानि पदयात्रा पनि प्रेम छिरिङग् कै सक्रियतामा संम्भव भएको थियो। त्यसैले यसपटकको यात्राको निणर्य गर्ने जिम्मा पनि प्रेम र गौरबलाई

घोडा तबेला [संस्मरण]

स्याफ्रुवेसीबाट बिहान साँढे सात बजे निस्कँदा, एकैदिनमा धेरै माथिसम्म नजानु 'हाइ' (लेक) लाग्छ भन्ने लोप्साङ, लामा होटल आइपुग्दा, पानी पर्दैन तपाईहरु माथि जान सक्नुहुन्छ भन्न थालेको थियो ।  दुई बजे लामा होटल पुग्दा, पानी सिमसिम परिरहेको थियो, चियाका लागि हामी (विवेक दाइ र म) छेउको होटलमा रोक्कियौँ । लोप्साङ, आफ्नी जर्मन पर्यटक लाउरालाई लिएर अलि पर्तिरको होटलमा गएर रोकियो, हामीले लोप्साङलाई बोलायौँ तर उसले ईशाराले नआउने संकेत गर्यो, उ चिया पिउँदै थियो । तर लोप्साङ सँगै भएकी जर्मन पर्यटक हामी बसेको होटलमा आएर गफ गर्न लागेपछि, लोप्साङ पनि पछिपछि आयो । एक घन्टा बस्दा पनि पानी खासै रोकिएन, तर लोप्साङ पानी रोकिन्छ, तपाईहरु घोडातबेला पुग्नुहुन्छ भनेर हामीलाई भनिरहेथ्यो, सायद उ हामीलाई लामा होटलमा नबसोस् भन्ने चाह गरिरहेको थियो । अघिल्लो दिन माछापोखरी, काठमाडौँबाट बस चढ्दा, लोप्साङ हामी भन्दा अघिल्लो सिटमा थियो । ९ घन्टा लामो बस यात्रामा, लाउरा सँग खासै केही कुरा नभएपनि, लोप्साङ हाम्रो लागि पनि गाइड झैँ बनिसकेको थियो । स्याफ्रुवेसी, विवेक दाइ र मेरो लागि नौलो थियो, लोप्साङकै पछि लागेर, ह

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

आइफोन, आइप्याड र एप्पल वाचका लागि हाम्रो पात्रोको नयाँ एप

आइफोन, आइप्याड र एप्पल वाचका लागि हाम्रो पात्रोले नयाँ एप सार्वजनिक गरेको छ । यो नयाँ अपडेट सँगै एन्ड्रोइड एपमा उपलब्ध विभिन्न फिचरहरु आइफोन एपमा उपलब्ध भएको छ । आइफोन प्रयोगकर्ताहरुले अब एकै विषयका उस्तै समाचारहरु एकै ठाउँमा पढ्न सक्नेछन् । गतवर्ष नेपाली न्युज माइनिङ इन्जिन प्रयोग गरेर एउटै विषयका उस्तै समाचारहरु, विभिन्न स्रोतहरुबाट लिएर हाम्रो पात्रोको एन्ड्रोइड एपमा पढ्न मिल्ने सुविधा थपिएको थियो । मेसिन लर्निङ पद्दतिबाट नेपाली भाषा सम्बन्धि तालिम गराइएको 'नेपाली न्युज माइनिङ इन्जिन'ले नेपाली भाषामा उस्तै प्रकारका समाचार देखाउने कार्यमा ९० प्रतिशत सफलता हासिल गरेकोछ । हाम्रो पात्रोका संस्थापक शंकर उप्रेतीका अनुसार, हाम्रो पात्रो एपको इन-एप ब्राउजर पहिलेको भन्दा ४० प्रतिशत "फास्ट" बनाइएको छ । नयाँ आएको आइफोन एपमा तस्विरहरुलाई पनि "अप्टिमाइज" गरिएकोछ, भन्नको मतलब एप खोल्दा अब हाम्रो पात्रोले डाटा स्पिड/नेटवर्क अनुसार तस्विरको गुणस्तर (क्वालिटि) स्वत घटबढ हुने सुविधा थपेको छ । हाम्रो पात्रो एप सबैभन्दा सुरुमा आइफोनको लागि बनाइएको भएपनि, एन्ड्रो

गुगलको अटोड्र - चित्र बनाउन एकदमै सजिलो

"सबैको लागि छिटो चित्र बनाउनको लागि" भन्दै गुगल'ले कम्प्युटर, मोबाइल तथा ट्याबलेटमा सजिलैसँग चलाउन मिल्ने 'अटोड्र' नामक वेव एप सार्वजनिक गरेको छ । केही पहिले चित्र बनाउने सजिलो तरिका 'को बारेमा लेखेको थिँए, आज चाँहि छिट्टो चित्र बनाउने गुगलको अटोड्रबारे लेख्दैछु । 'तँ आँट, म पुर्‍याउँछु' भनेझैँ हामीले हातले कोरेको चित्रहरुलाई, गुगल ले मेसिन लर्निङ पद्धतिबाट बुझेर हामीले बनाउन खोेजेको चित्र तुरुन्त बनाइदिन्छ । भन्नको मतलब मैले अटोड्र मा गोलाकार चित्र कोरेँ भने गुगलले मैले कोरेको गोलो चित्रसँग मिल्दोजुल्दो चित्रहरु देखाइदिन्छ, जुन आफूले छानेर राख्न सकिन्छ । उक्त चित्रलाई सानो, ठूलो बनाउनको साथै, रंगहरु परिवर्तन गर्न सकिन्छ । हेर्दा, सोच्दा सामान्य लाग्ने 'अटोड्र'मा आफूलाई चाहिएको चित्रहरु छिटो बनाउन सकिन्छ । कुनै आईकन चाहियो वा कसैलाई केही कुरा बुझाउनुपर्‍यो वा कसैलाई 'पोष्टकार्ड' बनाएर दिनुपर्‍यो भने, कि त गुगल सर्च नै गर्नुपर्ने वा क्यान्भा, पेन्सिल लगायतका विभिन्न वेब एपहरु प्रयोग गर्नुपर्ने झन्झटबाट 'अटोड्र'ले छुटका

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

Subscribe to Aakar Post