काठमाडौँ विश्वविद्यालयमा लागेको ताला खुल्यो, भोलि (सोमबार) देखि कक्षा सुचारु हुने
काठमाडौँ विश्वविद्यालयमा विगत २६ दिन देखि लगाइएको ताला आज बेलुका देखि खुलेको छ । केयु प्रशासन तथा विभिन्न समूहका विद्यार्थीहरु को आज दिउँसो वनेपा को पोलिटेक्निक इन्स्टिच्युटमा बसेको वार्ता मा विभिन्न ६ बुँदाहरुमा सहमति भएपछि आज बाट केयु खुलेको हो ।
वार्तामा विवादका सम्बन्धमा निश्पक्ष छानबिन गर्न विश्वविद्यालय प्रशासनले विद्यार्थी सहितको एक समिति गठन गर्ने लगायतका ६ वटा बुँदा मा सहमति गर्दै केयु मा लगाइएको ताला खोलिएको हो !
छ बुँदे सहमति मा निम्न लिखित कुराहरु समेटिएको छ !
१) निष्पक्ष छानविन कमिटी गठन हुने ।
२) विद्यार्थी तर्फबाट GE बाट श्री महेश थापा छानविन कमिटिमा विद्यार्थी प्रतिनिधि हुने ।
३) छानविन कमिटीको प्रतिवेदन नतिजा सहित काविवि का तर्फबाट आधिकारिक सूचना २०६७/१२/२१ गतेसम्म मा आउनुपर्ने ।
४) २०६७/१२/१४ सोमबार देखि काविवि सम्पूर्ण रुपमा सुचारु हुने ।
५) छानविन गरेको अवधिभर सम्पूर्ण निर्वाचन समितिका पदाधिकारीहरु निष्कृय रहने छ ।
६) सहमतिको आधारमा पूर्णतालिका (calendar) re-schedule हुने ।
यसअघि आज बिहान करिब २ सय जना विद्यार्थीको समूहले प्रशासन भवन अगाडि, केयु सुचारु गर्न प्रशासन सँग माग राख्दै नारावाजी गरेका थिए । त्यसपछि उक्त समूहले उपकुलपति डा सुरेशराज शर्मा को निवास धुलिखेलमा गइ केही घन्टा धर्ना दिएका थिए भने, समस्या समाधान को पहल गरिदिन जिल्ला प्रशासन कार्यालय धुलिखेल काभ्रेमा ज्ञापनपत्र बुझाएका थिए ।
तस्विरहरु : सुलभ