Skip to main content

Mr. President, I hate your So called Sawari

राजा महाराजा को सवारी बाट आजित भएका नेपाली ले, गणतन्त्र आएपछि सवारी को सास्ति अब खेप्नु पर्दैन होला भन्ने लागेको थियो । ‘सिस्टम’ परिवर्तन भयो भनियो, देश को राष्ट्रप्रमुख जनता को छोरा भए भनियो । अझ हाम्रा राष्ट्रपति छानिएको बेला त, भैँसी चराउने, जनताका छोरा, राष्ट्रपति बने भनेर, गर्व सँग भनियो, चर्चा परिचर्चा गरियो । तर ती त सबै भन्ने कुरा न हुन् भन्या जस्तो गरेर, सत्ता मा उनै जनता का छोरा पुगेपछि, फेरि दुख पाउने जनता नै भा’का छन् । विरेन्द्र वा ज्ञानेन्द्र, जसका सवारी हुँदा पनि, सवारी का निहुँ मा जनता ले दुख पाएका थिए, र अहिले राष्ट्रपति को पनि ‘सवारी’ नै भन्ने गरिएको छ । हामीले सुशासन र समानता को लागि, राजतन्त्रलाई फालेको हैन र ? राजतन्त्र फालिसकेको अवस्था मा, उक्त संस्था को लागि अवलम्बन गरिएको ‘सवारी’ को संस्कार किन अझै जिवित छ ? दोष राष्ट्रपति को हो कि, सुरक्षा निकाय र प्रशासन को हो ? कि चाकडी र चाप्लुसी को संस्कारलाई नै अझै मलजल गर्न खोजिएको हो ?

काठमाडौँ को सडक उसै साँघुरो, अझ उसमाथी जाम नपरी कुनै ठाउँमा पुग्छु भन्ने कल्पना पनि गर्नु पर्दैन । तर त्यही जाम र साँघुरो बाटो पनि, कहिले काँहि राष्ट्रपति ले २-३ घन्टा हडप गर्दिन्छन् । उनी त कालो कार मा सरर हुँइकिन्छन् अघि पछि पुलिस लाएर, अनि उनको ‘सवारी’ को मार खेप्नुपर्छ जनता ले । उनले आवतजावत गर्नुलाई पनि ‘सवारी’ भन्ने गरिएको छ, लाग्या बानी कहाँ छुट्छ र ? तर यो ‘सवारी’ भन्ने शब्द, आफैँमा नै माथिल्लो ‘लेभल’ को हुँ भनेजस्तो गर्छ । हिजो उनी भारत बाट फर्किए, उनकै सवारी हुने रहेछ, काठमाडौँ को सडक मा सम्पुर्ण यातायात ठप्प पार्दै !

राष्ट्रपति को सवारी भनेपछि, सडक को दुइछेउ मा बिहानै देखि प्रहरी नै प्रहरी उभिएका हुन्छन् । ट्राफिक र प्रहरीहरु को गाडि ले ट्राफिक र प्रहरीहरु ओसारेको ओसारेकै हुन्छन् । ठाउँ ठाउँ मा गस्ति, ठूला ठूला ओहोदा का सुरक्षाकर्मीहरु पनि गाडि चढेर, निरिक्षण गरे झैँ खुबै घुम्छन् । घामपानी नभनि, बाटो भरि उभिएका विचरा सिपाहीहरु र ट्राफिकहरु ‘स्यालुट’ ठोकिरहन्छन् । अनि उनीहरुको काम भनेको, सर्वसाधारणलाई बाटो मा छिटोछिटो हिँड्नु भन्नु, अलिकति अलमल गर्यो कि, सिट्टि फुकिहाल्नु र थर्काउनु । यतिसम्म कि, सँधै आकाशेपुल बाट बाटो काट भन्ने ट्राफिकहरु पनि, छिटोछिटो, तलैबाट बाटो काट्नु भनेर निर्देशन दिन्छन् ।

राष्ट्रपति को सवारी निस्किसक्यो भनेर, जब प्रहरीहरु को वाकीटाकी बज्न सुरु गर्छ, तब सारा सार्वजनिक र निजि यातायात का साधन ठप्प हुन्छन् । प्रहरी ले सम्झाएर, थर्काएर, गोदेर भएपनि, यातायात का साधनलाई कहिले नटुंगिने जाम मा फसाइदिन्छन् । अनि राष्ट्रपति सान सँग चिल्लो गाडी मा  हुँकिन्छन् । उनलाई लाग्दो होला, बाटो भरि हिँडिरहेका र उभिरहेका सर्वसाधारणहरु उनको दर्शन गर्न बसिरहेका छन् । अझ उनलाई लाग्दो होला, काठमाडौँ को बाटो साँच्चै फराकिलो छ, जाम कहिले पर्दैन, कारण उनी जाम मा पर्दैनन्, आफ्नो २ वर्ष अघि को अवस्था उनले विर्सिसके होलान् ।

पत्रिका मा खबर छापिएको थियो, आफ्नो सवारी बाट सर्वसाधारण मा पर्न गएको असुविधाप्रति क्षमा मागे’रे र सवारी को निहुँ मा यस्तो नगर्नु भनेर निर्देशन दिए रे ! खबर पढ्दा साँच्चै राष्ट्रपति ले जनता को बारेमा सोचेछन् झैँ लाग्यो तर समस्या ज्युँ का त्युँ । उनको सुरक्षाव्यवस्था हेर्ने, रुट मिलाउनेहरु को दिमाग मा त्यही सवारी ले जरा गाडेको गाडेकै । अब उनीहरुले राष्ट्रपति को आदेश पनि नमानेका हुन् या, राष्ट्रपति ले यसो भने, भनेर पत्रिका ले लेख्या मात्रै हो, हैन भने उनले  जुनसुकै बेला भन्न सक्थे होलान् नि, खै अरुलाई चाँही किन रोकेको भनेर ! जनता को कर बाट तलब भत्ता खाने, तर जनता को सेवा र सुविधा प्रति चाँही सरकार सदैव उदासिन । काठमाडौँ को सडक मा जाम मै १ घन्टा बस्नुपर्यो भने, के हुन्छ ? यो कुरा त राष्ट्रपतिलाई थाहा हुनुपर्ने र प्रशासनलाई पनि थाहा नै छ होला, तर यहीँ आएर सवारी को नाम मा जनतालाई दुख दिने प्रवृति मन परेन ।

राष्ट्रपतिलाई त्यति धेरै सुरक्षा छ, त्यसमाथी उनी हिँडेको बेला सडक मा अरु हिँड्नै नपाइने रे ! अनि बाँकि आमजनतालाई न सुरक्षा छ, न भनेको गन्त्व्य मा नै समय मा नै पुग्न दिनुछ । सवारी को निहूँ मा जनतालाई दु्ख दिने राष्ट्रपति, सरकार र प्रशासन को प्रवृत्ति को हामी घोर भत्सर्ना तथा विरोध गर्दछौँ । काठमाडौँ को सडक, तिनका बाउ का विर्ता हैन ! आफू हिँडेको बेला, अरुलाई सडकमा हिँड्नै नदिनु भनेको, कति मिचहापन हो ? उनी र सर्वसाधारण बिच को दूरी कति छ ? सायद यस्तै प्रवृत्तिलाई सामन्ति संस्कार भन्छन् ।  भाषणमा दुख मनाउ गरे जस्तो गरेर केही हुँदैन राष्ट्रपति महोदय, जनता को छोरा राष्ट्रपति भएको मा गर्व छ भने, आमजनता झैँ सडक मा तिमी हिँड्नुपर्छ । सक्छौ भने, आम जनता झैँ सार्वजनिक यातायात को साधन चढ, जनतालाई जनताको राष्ट्रपति हो भन्ने आभाष दिलाउ डा. यादव ! तर साँच्चै, तिम्रो सवारी मलाई मन पर्दैन ।

हिजो भारत भ्रमण बाट राष्ट्रपति डा रामवरण यादव नेपाल फर्किए । उनी काठमाडौँ मा ओर्लेपछि, काठमाडौँ का सडक एकाएक सुनसान पारियो, सार्वजनिक यातायात को साधन चल्न दिइएन । अनि राष्ट्रपति एयरपोर्ट, तिनकुने, नयाँ वानेश्वर, थापाथली, सिंहदरवार, शहिदगेट, जमल, लाजिम्पाट हुँदै आफ्नो निवास मा पुगे । अनि उनी हिँड्ने रुटमा, घन्टौँ सम्म गाडि चल्न दिइएन । कोटेश्वर, गौशला, सिनामंगल, थापाथली, त्रिपुरेश्वर, अनामनगर, पुतलीसडक, कुपुण्डोल,रत्नपार्क, जमल सबैतिर गाडिहरु घन्टौँ जाम मा परे । उनको सवारी हुने वेला देखिएको सडक ले नेपाल बन्द को झझल्को दिन्थ्यो । उनको सवारी हुनु अघि, सिंहदरवार र भद्रकाली आसपास मा खिचिएका केही फोटोहरु तल राख्दैछु, जहाँ सडक सुनसान छ, सडक मा गाडि छैनन् तर सुरक्षाकर्मी र ट्राफिक प्रहरी को बाक्लो उपस्थिति छ ।

Image116Image120Image129Image134Image136Image149Image152

Comments

  1. I agree with your theme, Aakar. Although we have to show utmost respect to our president, he should also care about us and this kind of barring to vehicles is unnecessary!.

    ReplyDelete
  2. Hijo raaja; Aja rastrapati...... Kura eutai ho, naam matrai farak, pheri yo janta ko choro bhanne ke ho kunni!

    ReplyDelete
  3. very good article. Nepali politicians do politics not for people but for themselves.

    ReplyDelete
  4. used your photos on a facebook page.................will remove it ASAP, if you do not want me to use your photos!!!

    ReplyDelete

Post a Comment

Popular posts from this blog

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free. Install Nepali Unicode Romanized in Windows XP: Install: Run setup file; Go to control Panel; Open Language and Regional settings; Open Regional Language Options; Go to Language Options & tick on check box (install files..... Thai, instal....east Asian...languages): Click apply-it might ask for windows CD: Insert CD or you can directly copy "i386" files too; And install all: then you have done; Click for details; Then click add a tab; A new popup will appear: Select "Sanskrit" in the first box; Select "Nepali unicode (romanized)" in second box; Click "ok"; You have successfully installed it; P

फेसबुक न्युजफिड अपडेट - पेजलाई झनै गाह्रो

अमेरिकामा भएको पछिल्लो राष्ट्रपति निर्वाचनको परिणाम सार्वजनिक भएसँगै फेसबुक लगायत विभिन्न सोसल मिडिया साइटहरुको उपयोगिताबारे व्यापक बहस सुरु भएको थियो । "फेक न्युज"को बिगबिगीले गर्दा फेसबुक, एकहिसाबमा फेकबुकमा परिणत भयो । प्राय: फेक न्युजहरु नै धेरै सेयर हुने र भाइरल हुन थाले । धेरै सेयर हुँदा, स्वाभावत: "फेक न्युज" पनि साँच्चै हो भन्न थालियो । कहिँकति अनुसन्धान छैन, फलानोले एकथरि पेजबाट समाचार सेयर गर्छ, अर्कोले सेयर गर्छ, अर्कोले गर्छ, असत्य तथा काल्पनिक समाचारहरु कै बोलबाला देखियो । नेपालमा भएको पछिल्लो निर्वाचनमा पनि प्रचारवाजी शैलीका मनगढन्ते तथा काल्पनिक समाचारहरु भाइरल भए । फलाना र चिलाना पार्टि, मान्छे पिच्छेका अनलाइन समाचार पोर्टल, फेसबुकको न्युजफिड हेर्न नै दिक्क लाग्ने किसिमको थियो । सबैभन्दा अनौठो लाग्ने चाँहि, मान्छेहरु फेसबुकमा फलाना समाचार पोर्टलले लेखेको भन्दै सेयर गरिरहेका भेटिन्थे । अझ के भने, नेपालका ठूला प्रकाशनहरु सँग ठ्याक्कै मिल्ने नामहरु राखेर काल्पनिक समाचारको व्यापार गर्ने समूहहरु नै छन् । उदाहरणको लागि, कान्तिपुरले यस्तो उस्तो लेख्यो

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

सामाजिक सञ्जालमा सुरक्षित रहने तरिका

सामाजिक सञ्जाल चलाउने पनि आफ्नै तौरतरिका छन्, जसलाई नजरअन्दाज गरिँदा सामाजिक सञ्जालले समस्या सिर्जना गरिरहेका पनि छन् । सामाजिक सञ्जालका प्रयोगकर्ता एक करोडभन्दा धेरै रहेको देशमा छिटपुट घटनालाई लिएर पूरै सामाजिक सञ्जाल नै असामाजिक छ भन्न मिल्दैन । मूलधारका मिडिया रेडियो, पत्रिका, टेलिभिजनजस्तो सामाजिक सञ्जाल एकोहोरो छैन । सामाजिक सञ्जालको बनोट नै फरक छ, यो दोहोरो हुन्छ । दोहोरो हुनेबित्तिकै उठान गरिएका विषयमा केही घर्षण हुनु, वादविवाद हुनु, तर्कवितर्क हुनु, केही तलमाथिका कुरा हुनु एकदम सामान्य हो । प्रयोगकर्ताले सामाजिक सञ्जालको बनोट बुझ्ने वा यस्ता प्लेटफर्मका फिचरको सदुपयोग गर्ने हो भने यी कुरा अत्यन्तै सामान्य लाग्छन् । सबै कुरा प्रविधिले समाधान गर्न सम्भव छैन, तर सामाजिक सञ्जालमा देखिने, भोगिने प्रायः कुरा भने प्रविधिबाटै समाधान गर्न सक्ने अवस्था छ । सामाजिक सञ्जाल तथा इन्टरनेट प्रयोगकर्ताले अरूलाई दोष लगाउनुपहिले आफ्नो थैलो बलियोसँग कसौँ भन्ने कुरा मनन गर्न जरुरी छ । मोबाइलमा मात्रै इन्टरनेट चलाउने अधिकांश प्रयोगकर्ताका लागि अहिले फेसबुक र भाइबर भनेकै इन्टरनेट हो भन्ने भ्रम छ 

मोदी र ट्विटर ट्रेन्ड [पडकास्ट 📻 ]

यो अंकमा भारतिय प्रधानमन्त्री नरेन्द्र मोदी नेपाल भ्रमणमा आउँदा ट्विटरमा चलेको #BlockadeWasCrimeMrModi (नाकाबन्दी अपराध हो, मिस्टर मोदी) ट्रेन्ड र ट्विटर ट्रेन्ड कसरी हुन्छ भन्ने बारेमा कुरा गर्दैछु । मोदी जनकपुरमा आइपुग्ने बित्तिकै एक्कासी #BlockadeWasCrimeMrModi ट्विटरको ट्रेन्ड लिस्टबाट हरायो । हामीले सेन्सरसिपको शंका गरिरहँदा केही घन्टापछि त्यही ट्रेन्ड पुन: देखापर्‍यो । विगतमा बाहिर भएका केही ट्रेन्डहरु फेसबुक तथा ट्विटरले 'ट्विक' गरेको भन्ने खबर आएका कारण, सुरुमा यो सेन्सरसिप नै हो भन्ने लाग्यो । तर उक्त ट्रेन्ड ट्विटरबाट हराएर केही घन्टापछि फेरि आएबाट, सेन्सरसिप हैन भन्ने लाग्यो । मोदी र ट्विटर ट्रेन्डबारेको यो पडकास्ट 📻 सुन्नुहोस् ट्विटर ट्रेन्ड कसरी हुन्छ? ट्विटरमा ट्रेन्ड हुन यति नै ट्विट हुनुपर्छ भनेर कहिँ उल्लेख गरेको पाइँदैन तर पनि केही कुरा ट्रेन्डमा देखिनको लागि त्यस विषयमा एकैपटक, धेरै ठाउँबाट धेरैले एउटै विषय ट्विट गरेको हुनुपर्छ । एउटै विषयमा हजारौँले दिनभरि ट्विट गर्दा त्यो ट्रेन्डिङ टपिकमा देखिन्छ भन्ने हुँदैन । ट्विटरमा ट्रेन्ड हुन, कुनै पनि विष

Subscribe to Aakar Post