Skip to main content

फेसबुक को ईमेल सेवा सोमवार देखि आउने

फेसबुक ले भोलि सोमबार एक विशेष कार्यक्रम का बिच फेसबुक ईमेल को घोषणा गर्ने आशंका गरिएको छ ।

‘टिटान’ नाम दिइएको भनिएको फेसबुक को ईमेल सेवालाई टेक्नोलोजी ब्लग तथा साइटहरुले ‘जिमेल किलर’ को संज्ञा दिएका छन् । हालको समय मा गुगल र फेसबुक का बिच देखिएको दौड तथा दुरी ले गर्दा, ‘जिमेल किलर’ को रुप मा फेसबुक को ईमेल सेवालाई प्रचार गरिएको छ ।

अधिकांश प्रयोगकर्ताले जिमेललाई अहिले सम्म को राम्रो ईमेल सेवा मान्दै आएकाछन् । इन्टरनेट मा प्रचार गरिएजस्तै, फेसबुक ले आफ्नो ईमेल सेवा सुरु गर्ने हो भने, यसको धेरै मार जिमेललाई पर्ने देखिन्छ, भनेर टेक्नोलोजी ब्लगहरु ले उल्लेख गरेकाछन् । facebook

हुन त अहिले कै स्थिति मा पनि, ईमेललाई केही हदसम्म, फेसबुक मेसेज ले विस्थापन गरिसकेको छ । हिजोआज धेरै जसो साथीभाइ बिच, सुचना आदान प्रदान फेसबुक मेसेज बाट नै हुने गरेको छ । सबैभन्दा, राम्रो फोटो प्रणाली भएको, राम्रो ‘इभेन्ट’ प्रणाली भएको फेसबुक ले चाहने हो भने, फेसबुक को ईमेल सेवा उत्कृष्ट हुने निर्क्यौल टेक पण्डितहरुले गरेकाछन् ।

फेसबुक ले ‘सर्च’, अनलाइन विज्ञापन,फोटो, ईभेन्ट, ईमेल आदि सबै क्षेत्रमा हात हाल्दै गर्दा, गुगल शसंकित देखिएको कुरा पनि टेकब्लगहरु ले उल्लेख गरेकाछन् । त्यसैले पनि फेसबुकले प्रदान गर्ने भनिएको ईमेल सेवा सबैको चासो को विषय बनेको छ ।

फेसबुक सँगै प्रतिस्पर्धा गर्न को लागि गुगल ले पनि ‘गुगल मी’ भन्ने प्रोजेक्ट थालेको छ भन्ने सुनिएको छ, तर यो कुरालाई गुगल ले अस्विकार गर्दै आएको कुरा ‘गार्जियन’ ले जनाएकोछ । (गुगल मी का बारेमा, हामीले पनि ३-४ महिना अगाडि नै  लेखिसकेका छौँ “खैलावैला Google सोसल नेटवर्क Google Me को ! [Friday Tech]” )

त्यस्तै, फेसबुक ले ईमेल सेवा सुरु गर्नेकुरा पनि आधिकारिक रुपमा बाहिर आएको भने छैन । फेसबुक ले हालसालै, fb.com नामक डोमेन लिएको र mail.facebook.com टाइप गर्दा ‘आउटलुक वेव एप’ देखाउने कारण, फेसबुक ले ईमेल सेवा सुरु गर्न लागेको हो भन्ने तर्क टेकक्रन्च ले गरेको छ ।

विगत केही महिना बिच गुगल र फेसबुक बिच दुरी बढेको छ । टेकब्लग टेकक्रन्च लेख्छ, फेसबुक ले अधिपत्य जमाउने हो कि भन्ने आशंका कारण ‘गुगल’ ले आफ्नो प्रयोगकर्ताहरु को ‘डाटा’ फेसबुक मा आयात गर्नलाई रोक लगाएको छ । फेसबुक ले आफ्ना डाटा चाँही अरुलाई आयात गर्न नदिने भएका कारण, गुगल ले केहि दिन पहिले, आयात र निर्यात बराबर हुनुपर्ने भन्दै आफ्ना प्रयोगकर्ताका डाटा (ईमेल)हरु अन्य साइटमा निर्यात गर्न  रोक लगाएको हो ।

सामाजिक सञ्जाल मार्फत, ईन्टरनेटमा अधिपत्य जनाउन सफल ‘फेसबुक’ ले, चाहने हो भने, सबैभन्दा राम्रो इमेल सेवा बन्न सक्ने कुरा मा कुनै दुविधा नरहेको कुरा, मासवेल का ‘सिइओ’ ‘पेटे क्यासमोर’ ले सिएनएन मा लेखेकाछन् । तर पनि अधिकांश कार्यालयहरुमा ‘फेसबुक’ चलाउन प्रतिबन्ध लगाइएका कारण, फेसबुक ईमेल, कार्यालयहरु मा प्रयोग हुने सम्भावना एकदम न्युन रहेको कुरा पनि, क्यासमोर ले उल्लेख गरेकाछन् । सोमबार हुने भनिएको निमन्त्रणा पत्र, खाम को डिजाइन मा भएकोले पनि, सोमबार फेसबुक ले इमेल सेवा सुरु गर्ने कुरा को बलियो प्रमाण भएको कुरा क्यासमोर ले उल्लेख गरेकाछन् ।fb_envelopफेसबुक को ईमेल सेवा फगत हल्ला हो वा, सत्य हो भन्ने कुरा सोमबार मात्र थाहा हुनेछ ।

पहिलो तस्विर: गार्यिजन (Originally by, AFP)

दोस्रो तस्विर: टेकक्रन्च

Comments

  1. एउटा नया जानकारी ! धन्यबाद !

    ReplyDelete
  2. हुन त सँगसँगै, 'गुगल मी' को हल्ला पनि चलिरा'को छ, फेसबुक को विकल्प भनेर !

    ReplyDelete
  3. अरु होइन यस्तरी नै बढ्दै गए आई.डी. र पासवर्ड सम्झिन चाहिँ झमेला हुने भो |

    जमाना प्रतिस्पर्धाको छ | जसले सक्छ तेस्ले खान्छ | यहि अनुसार नयाँ नयाँ सुबिधा थपे उपभोक्तालाई पनि राम्रै होला | बाँकी गुगल, याहू, फेसबुक वा अरु जेसुकैले जतिसुकै बजार लगे पनि हामिलाई केहि न केहि |

    ReplyDelete
  4. Yet another gesticulation, the wait is all we can do. Facebook Mail if launched, is not supposed to be as professional and official email address as it would look like.

    Maybe to compete with Gmail and Google App mail, they want domain things as well (but FB will never on that arena), personally I'll not be using the FB mail anyways.

    ReplyDelete
  5. खै किन किन इमेलमा चै जीमेलकै मात्र भर पर्छु ।

    ReplyDelete
  6. Malai ta Gmail nai bharpardo lagchha. Maile ta Yahoo ra Hotmail pani Gmail mai forward garya chhu. :-)

    ReplyDelete
  7. केही विश्वासयोग्य साइटहरुको अडकल अनुसार पनि अवास्तविक 'साम्राज्य' नै खडा गर्ने तम्सेको फेसबुकले ईमेल सेवा प्रदान गर्ने पक्का नै हो जस्तो लाग्छ मलाई ।

    यसै पनि एटेचमेन्ट नभएको बेलामा ईमेलको विकल्प फेसबुक नै भैसकेको छ । अब ईमले नै सुरु गरेपछि गुगललाई 'प्रेसर' त पर्छ नै । तर गुगलका 'वेभ' र अर्कुट जस्ता सेवा विफल भएको कुरालाई नियाल्दा फेसबुकले ईमेल सुरु गर्दैमा त्यो पनि सामाजिक सञ्जालजस्तै 'हिट' हुन्छ भनिहाल्ने स्थिति भने छैन ।

    भोली अमेरिकी समय १० बज्दा हाम्रोमा राती १२ जत्ती बज्ने बेला हुन्छ होला.... अब पर्सी बिहान उठेपछी मात्रै कुरो 'क्लिएर' हुने भो :)

    ReplyDelete

Post a Comment

Popular posts from this blog

नियात्रा : घान्द्रुक को घुमाइ -१

शैक्षिक अध्ययन/ भ्रमण जान नपाएको धुनमा हामी एकपटक विद्यार्थीहरुकै पहलमा चिसापानी पुगिसकेका छौं। सुन्दरीजलबाट एकदिनको पदयात्रामा चिसापानी पुग्न सकिन्छ। सन् २००९ अक्टोबरको महिना। जहिले पनि शैक्षिक अध्ययन/ भ्रमणमा नलगिएको वा घुम्न नपाएको पिडाले मन भरिरहने हामी विद्यार्थीहरुलाई फेरी एकपटक घुम्नजान मन लाग्न थाल्यो। घुम्न मन लाग्यो भनौं कि पढ्न मन लागेन भनौं?... जे बुझेपनि हुन्छ। जता गएपनि सत्य तपाईंकै बटोमा हिँडेको हुनेछ। घुम्न त जाने, तर कहाँ? प्रेम छिरिङग् शेर्पाको दिमाग यहाँनेर हामी सबैको भन्दा छिटो चल्छ, जहिलेपनि। फेरी अच्चमको कुरा के भने नि- नेपालमा अधिकांश ‘घुम्ने’ ठाउँ कि त प्रेम छिरिङग् पुगिसकेको छ कि त उसका साथीहरु। निकै नै रसिक छन् हाम्रा साथी प्रेम छिरिङग् शेर्पा। हामी अधिकांश छात्रहरुलाई भक्तपुरको छ्याङग्शाला, काठमाडौंको टुकुचे भान्छा घर आदी देखाउने श्रेय यीनैलाई जान्छ। यो श्रेय कम्तिमापनि म, उसलाई कृतज्ञताका साथ दिन चाहान्छु। अघिल्लो पल्ट गएको चिसापानि पदयात्रा पनि प्रेम छिरिङग् कै सक्रियतामा संम्भव भएको थियो। त्यसैले यसपटकको यात्राको निणर्य गर्ने जिम्मा पनि प्रेम र गौरबलाई

घोडा तबेला [संस्मरण]

स्याफ्रुवेसीबाट बिहान साँढे सात बजे निस्कँदा, एकैदिनमा धेरै माथिसम्म नजानु 'हाइ' (लेक) लाग्छ भन्ने लोप्साङ, लामा होटल आइपुग्दा, पानी पर्दैन तपाईहरु माथि जान सक्नुहुन्छ भन्न थालेको थियो ।  दुई बजे लामा होटल पुग्दा, पानी सिमसिम परिरहेको थियो, चियाका लागि हामी (विवेक दाइ र म) छेउको होटलमा रोक्कियौँ । लोप्साङ, आफ्नी जर्मन पर्यटक लाउरालाई लिएर अलि पर्तिरको होटलमा गएर रोकियो, हामीले लोप्साङलाई बोलायौँ तर उसले ईशाराले नआउने संकेत गर्यो, उ चिया पिउँदै थियो । तर लोप्साङ सँगै भएकी जर्मन पर्यटक हामी बसेको होटलमा आएर गफ गर्न लागेपछि, लोप्साङ पनि पछिपछि आयो । एक घन्टा बस्दा पनि पानी खासै रोकिएन, तर लोप्साङ पानी रोकिन्छ, तपाईहरु घोडातबेला पुग्नुहुन्छ भनेर हामीलाई भनिरहेथ्यो, सायद उ हामीलाई लामा होटलमा नबसोस् भन्ने चाह गरिरहेको थियो । अघिल्लो दिन माछापोखरी, काठमाडौँबाट बस चढ्दा, लोप्साङ हामी भन्दा अघिल्लो सिटमा थियो । ९ घन्टा लामो बस यात्रामा, लाउरा सँग खासै केही कुरा नभएपनि, लोप्साङ हाम्रो लागि पनि गाइड झैँ बनिसकेको थियो । स्याफ्रुवेसी, विवेक दाइ र मेरो लागि नौलो थियो, लोप्साङकै पछि लागेर, ह

आइफोन, आइप्याड र एप्पल वाचका लागि हाम्रो पात्रोको नयाँ एप

आइफोन, आइप्याड र एप्पल वाचका लागि हाम्रो पात्रोले नयाँ एप सार्वजनिक गरेको छ । यो नयाँ अपडेट सँगै एन्ड्रोइड एपमा उपलब्ध विभिन्न फिचरहरु आइफोन एपमा उपलब्ध भएको छ । आइफोन प्रयोगकर्ताहरुले अब एकै विषयका उस्तै समाचारहरु एकै ठाउँमा पढ्न सक्नेछन् । गतवर्ष नेपाली न्युज माइनिङ इन्जिन प्रयोग गरेर एउटै विषयका उस्तै समाचारहरु, विभिन्न स्रोतहरुबाट लिएर हाम्रो पात्रोको एन्ड्रोइड एपमा पढ्न मिल्ने सुविधा थपिएको थियो । मेसिन लर्निङ पद्दतिबाट नेपाली भाषा सम्बन्धि तालिम गराइएको 'नेपाली न्युज माइनिङ इन्जिन'ले नेपाली भाषामा उस्तै प्रकारका समाचार देखाउने कार्यमा ९० प्रतिशत सफलता हासिल गरेकोछ । हाम्रो पात्रोका संस्थापक शंकर उप्रेतीका अनुसार, हाम्रो पात्रो एपको इन-एप ब्राउजर पहिलेको भन्दा ४० प्रतिशत "फास्ट" बनाइएको छ । नयाँ आएको आइफोन एपमा तस्विरहरुलाई पनि "अप्टिमाइज" गरिएकोछ, भन्नको मतलब एप खोल्दा अब हाम्रो पात्रोले डाटा स्पिड/नेटवर्क अनुसार तस्विरको गुणस्तर (क्वालिटि) स्वत घटबढ हुने सुविधा थपेको छ । हाम्रो पात्रो एप सबैभन्दा सुरुमा आइफोनको लागि बनाइएको भएपनि, एन्ड्रो

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

गुगलको अटोड्र - चित्र बनाउन एकदमै सजिलो

"सबैको लागि छिटो चित्र बनाउनको लागि" भन्दै गुगल'ले कम्प्युटर, मोबाइल तथा ट्याबलेटमा सजिलैसँग चलाउन मिल्ने 'अटोड्र' नामक वेव एप सार्वजनिक गरेको छ । केही पहिले चित्र बनाउने सजिलो तरिका 'को बारेमा लेखेको थिँए, आज चाँहि छिट्टो चित्र बनाउने गुगलको अटोड्रबारे लेख्दैछु । 'तँ आँट, म पुर्‍याउँछु' भनेझैँ हामीले हातले कोरेको चित्रहरुलाई, गुगल ले मेसिन लर्निङ पद्धतिबाट बुझेर हामीले बनाउन खोेजेको चित्र तुरुन्त बनाइदिन्छ । भन्नको मतलब मैले अटोड्र मा गोलाकार चित्र कोरेँ भने गुगलले मैले कोरेको गोलो चित्रसँग मिल्दोजुल्दो चित्रहरु देखाइदिन्छ, जुन आफूले छानेर राख्न सकिन्छ । उक्त चित्रलाई सानो, ठूलो बनाउनको साथै, रंगहरु परिवर्तन गर्न सकिन्छ । हेर्दा, सोच्दा सामान्य लाग्ने 'अटोड्र'मा आफूलाई चाहिएको चित्रहरु छिटो बनाउन सकिन्छ । कुनै आईकन चाहियो वा कसैलाई केही कुरा बुझाउनुपर्‍यो वा कसैलाई 'पोष्टकार्ड' बनाएर दिनुपर्‍यो भने, कि त गुगल सर्च नै गर्नुपर्ने वा क्यान्भा, पेन्सिल लगायतका विभिन्न वेब एपहरु प्रयोग गर्नुपर्ने झन्झटबाट 'अटोड्र'ले छुटका

माइक्रोसफ्ट पेन्ट बन्द हुने

अपडेट: माइक्रोसफ्टले एमएस पेन्ट विन्डोज स्टोरमा राख्ने भएकोछ । एमएस पेन्ट हटाइने खबर फैलिएपछि, माइक्रोसफ्टले एमएस पेन्ट विन्डोज अपरेटिङ सिस्टमबाट हटाइएपनि, विन्डोज स्टोरमा राखिने कुरा आफ्नो ब्लगमा उल्लेख गरेको हो । एमएस पेन्ट चलाउन चाहनेहरुले विन्डोज स्टोरबाट डाउनलोड गरेर  निशुल्क चलाउन सक्नेछन् । - - - सन् १९८५ मा माइक्रोसफ्ट विन्डोजको पहिलो भर्सनसँगै सार्वजनिक भएको माइक्रोसफ्ट पेन्ट (एमएस पेन्ट), विन्डोज १० को नयाँ अपडेटसँगै बन्द हुने भएकोछ । माइक्रोसफ्टका अनुसार अब सार्वजनिक हुने क्रम'मा रहेको विन्डोज १० को नयाँ अपडेटमा एमएस पेन्ट सफ्टवेयर समावेश गरिएकोछैन । विन्डोज कम्प्युटर चलाउने सबैको पहिलो "ग्राफिक इटिडिङ टुल" एमएस पेन्ट हो भन्दा फरक नपर्ला । कम्प्युटर चलाउन थालेदेखि  वा भनौँ ब्लगका सुरुवातका दिनमा ब्लगमा प्रयोग गरिएका ग्राफिक्सहरु एमएस पेन्टकै सहारामा सम्पादन गर्ने गर्थेँ । सबैको पहिलो ग्राफिङ इटिडिङ टुल'लाई माइक्रोसफ्टले ३२ वर्षपछि बिदा दिँदैछ । एसएस पेन्ट सँगै आउटलुक एक्सप्रेस पनि विन्डोजबाट हट्ने भएको छ । यस अघि नै माइक्रोसफ्टले विन्डोज १० मा

Subscribe to Aakar Post