Gmail : थाहा नभएको पाटो

कुनै अरुलाई पठाइएको ईमेल तपाईको ईनबक्स आइपुग्यो भने तपाईलाई कस्तो लाग्छ ? या भनौँ तपाईले पठाएको ईमेल अरुलाई पुग्यो भने कस्तो महशुस हुन्छ ? अझ अरु कसैलाई पठाएका धेरै गोप्य कुराहरु तपाईले आफ्नो इनबक्समा सरासर आउन थाल्यो भने, तपाई के सोच्नुहुन्छ, के गर्नुहुन्छ ? आज म आफूले भोगेको कुरा चर्चा गर्दैछु ।

मेरो ईमेल [email protected] मा केही महिना देखि एउटा कम्पनीलाई पठाइको ईमेलहरु आउनथाले । हुन त सबैभन्दा पहिले गुगल ले नै आफ्नो ईमेल हो भनेर भेरिफाइ गर्नुभनेर एउटा इमेल पठाएको थियो । तर म निकै कन्फ्युजनमा परेँ, कारण आफूले नबनाएको ईमेल लाई किन आफ्नो भनेर भेरिफाइ गर्न लगाइरहेछ भनेर, अनि त्यस ईमेल को लिंकमा क्लिक गरिन, लाग्यो झुक्किएर मेरो इनबकक्स मा आइपुगेको होला । कारण कहिलेकाँहि, गुगलले मलाई दोहोर्‍याएर ईमेल पठाउने गरेको छ, पहिलो ईमेल झुक्किएर आएको भन्दै । न कसैले एकाउन्ट ह्‍याक गर्न लागेको हो कि भन्ने शंकाको कारण पनि मैले त्यो ईमेल भेरिफाइ गरिन । कुरा यत्तिमै टुंगिएको थियो ।

त्यो कुरा बिर्सिसकेको थिँए, तर केही दिनपछि मेरो ईनबक्समा एउटा कम्पनी को ईमेल आयो । मैले केही सोच्नै सकिन, किन यस्तो ईमेल मलाई आयो भनेर । कम्पनी कुनै काल्पनिक थिएन, अझ रमाईलो कुरा कम्पनीको नाम 'आकार द डिजाइनर' थियो । अचम्म नपर्नुहोस्, यो कम्पनी पुतलीसडकमा छ, र यो ग्राफिक डिजाइनिङ तथा एड्एजेन्सी हो । मैले फेरी सोचेँ झुक्किएर ईमेल आएको होला । तर फेरी केही दिनपछि अर्को ईमेल पनि आयो, त्यही कम्पनीलाई आएको ईमेल । अनि ईमेल मा केही डिल गरिएको थियो कम्पनीसँग, भन्न को मतलब बाहिरको डिजाइनिङ अर्डर आदि आएको थियो । अझ एउटा कम्पनी को लेटरहेड पनि आएको थियो । म झन् झन छक्क पर्दैगएँ । अझ अचम्म को कुरा त के थियो भने, त्यो आएका ईमेल मा मेरो ठेगाना थिएन । अर्थात, [email protected] मा आएका ईमेलहरु [email protected] मा आइरहेको थियो । मैले के भएको केही बुझ्न सकिँन । म साह्रै कन्फ्युज भएँ, त्यही पनि एउटा कुरा याद गरेँ, मेरो आइडिमा 'डट' छ बिचमा तर मलाई आएको ईमेलमा 'डट' छैन । सोचेँ, कम्पनीको ईमेल पनि मेरो जस्तै छ कि क्या हो ?

अस्तिको हप्ता काठमाडौँ गएको थिएँ । न्युरोड, रत्नपार्क, बागबजार हुँदै पुतलीसडक पुगेँ, बस चढ्नका लागि । तर मेरो आँखा एक्कासी 'आकार – द डिजाइनर' भन्ने बोर्डमा पुगे । मलाई के गरौँ के गरौँ भयो, त्यहाँ गएर यो अफिसको ईमेल मेरो मा आयो भनौँ कि भन्ने सोच आयो, तर फेरी डर लाग्यो, न उल्टै मलाई थर्काउने हुन् कि भनेर ! त्यहीपनि अरु को ईमेलमा गोप्य कुराहरु हुनसक्ने भएकोले, त्यस्ता ईमेलहरु हामीले हेर्दा, उनीहरुलाई ठूलो घाटा पनि हुन सक्छ भनेर, साँचो कुरा बताइदिन्छु भनेर हिम्मत गरेँ । अफिस माथिल्लो तल्ला मा थियो, म जाउँ कि नजाउँ गर्दै, सोच्दै सोच्दै भर्‍याङ चढ्दै गएँ ।

माथि अफिसमा त पुगेँ, सबै काम मा तल्लिन थिए, कसलाई के भन्ने म अलमल मा परेँ, फेरी के भनेर बुझाउने मैले भनेर नि अलमल मा परेँ म । त्यही पनि हिम्मत गरेर, एकजनालाई भनेँ, 'एउटा कुरा इन्फर्म गरिदिउँ भनेर आ'को, तपाईको अफिसको सबै ईमेलहरु मेरो इनबक्स मा जानथाल्यो' । त्यो मान्छे ले सायद अलमल मा पर्‍यो मेरो कुरा ले, अनि उसको बोस लाई भन्यो । एउटा केटा आ'को छ, यसो-यसो भन्दै छ भनेर । अनि उनलाई भेट्न गएँ । मैले आफ्नो परिचय दिँए र भने, 'तपाईको अफिसको ईमेलहरु मेरो ईनबक्स मा आएको छ' । उनी झस्किए हैन के भन्दैछौ तिमी भनेर । मैले भने मेरो आइडि [email protected] मा तपाईको ईमेलहरु आइरहेको छ, म छक्क परिरा'को छु, के भा'को हो भनेर । के छ ईमेल मा उनले सोधे, मैले भने तपाईलाई आएका ईमेलहरु । बरु हेरौँ न म देखाइदिन्छु भने, अनि मैले आफ्नो इनबक्स साइनईन गरेर त्यो कम्पनीका ईमेलहरु देखाइदिँए । त्यतीबेला उनको अनुहार हेर्न लायक बनेको थियो, निकै छटपटि थियो । कसरी यस्तो भयो, न उनलाई थाहा थियो, न मलाई । अनि मैले भनेँ, कतै तपाईहरुको ईमेल आइडि [email protected] त होइन ? होइन, हाम्रो ईमेल त yahoo मा छ, तर त्यो अगाडिको 'इन्फोआकार @ याहु' । झनै पो गडबढ लाग्न थाल्यो, मैले जे गेस गरेको थिँए, त्यो पनि होइन रहेछ । कम्पनीका बोस्, मेरो इनबक्समा आएका ईमेलहरु हेरेको हेरेकै गर्न थाले । कसरी यस्तो भयो ?

मलाई पनि थाहा थिएन, किन यस्तो भयो । उनीहरुको एउटा आइडि gmail मा र अर्को yahoomail मा रहेछ । तर gmail को आइडि उनीहरु कसैको नाम बाट थियो भने, yahoo को आइडि चाँहि मेरो gmailआइडि जस्तै थियो तर पनि उनीहरुको ईमेलआइडिमा डट थिएन, मेरो मा डट थियो । अनि अझ अचम्म त, ईमेल प्रदायक पनि भिन्न भिन्न थिए । एउटा yahoo अर्को google । दिमाग ले काम नगर्ने भयो, एकछिन त्यहीँ बसिरहेँ ।

मैले भने, बरु तपाईहरु आफ्नो 'जिमेल' आइडि चेक गर्नुहोस् त कतै फर्वार्ड अथवा रिप्लाईमा त मेरो आइडि हाल्नुभएको छैन झुक्किएर, त्यही एउटा डट को कुरा त हो । उनीहरु ले आफ्नो जिमेल आइडि खोले, मैले सेटिङमा जानुस् भने, त्यसपछि फर्वार्डमा हेरियो केही छैन, अनि रिप्लाई टु भन्ने मा हेरियो त्यहाँ रहेछ, [email protected] । तर झन् अर्को अचम्म उनीहरुको त gmail मा यो आइडि नै रहेनछ, yahoo मा मात्र यो आइडि रहेछ, अनि लेख्ने बेला झुक्किएर yahoo को ठाउँमा gmail लेखेका रहेछन् । यति कुरा त ठिक भयो, अब मेरो मा ईमेल आउँदैन होला भन्ने लाग्यो । उनीहरु ले त्यो आइडि yahoo मा राखे । कम्पनीका बोस ले केही भए, फोन गर्नुहोस् भन्दै, उनको कार्ड दिए भने मेरो पनि परिचय सबै टिपेर राखे । अनि यति महत्वपुर्ण कुरा भनिदिएको मा धन्यवाद पनि दिए । उनीहरु पनि खुशी देखिए, म पनि मख्ख परेँ, केही राम्रो काम गरेको जस्तो लाग्यो ;) !

त्यहाँ बाट त हिँडे, तर मेरो मन मा त त्यही आइडि को कुरा खेलिरहेको थियो । कसरी यस्तो भयो भनेर सोच्न थालेँ । लाग्यो gmail को आर्टिफिसियल ईन्टेलिजेन्स तगडा रहेछ, कारण [email protected] भन्ने आइडि gmail मा छैन, तर उनीहरुले रिप्लाई टु एडरेस मा यही आइडि राखेका छन्, yahoo राख्नुपर्ने ठाउँमा । अनि जिमेल ले त्यो आइडि ([email protected] )नभेटेर, मेरो आइडि ([email protected] ) मा ईमेल पठाएको होला जस्तो लाग्यो । तर पनि यो त मेरो सोचाइ भयो, गाँठि कुरा के रहेछ भनेर जान्ने निकै उत्सुकता जाग्यो ।

मैले आफ्नो एउटा ईमेल आइडिबाट, [email protected] ईमेल पठाएँ, लेखेको थिँए, यो परिक्षण ईमेल हो, यो ईमेल एड्रेस छ कि, छैन भनेर चेक गर्न ईमेल पठाइरहेको छु, कसैले पाउनुभए मा पनि रिप्लाई नगर्नुहोला ! ईमेल पठाउने बित्तिकै मेरो अर्को ब्राउजरमा खोलेको आइडि [email protected] मा पो ईमेल आउँछ । मेरो अनुमान सहि नै हो कि जस्तो लाग्यो । तर पनि कौतुहलता त अझै बाँकि थियो, आखिर कसरी अरु नै आइडिमा पठाएको ईमेल मेरै आइडिमा आइरहेको छ भनेर । मैले सोच्नै सकिन के हुँदैछ भनेर । तब मैले भर्खर अर्को ब्राउजरमा खोलेको [email protected] आइडि मा ईमेल को डिटेल हेरेँ, मैले पठाएको ईमेल हो, सबैकुरा उही नै छ मात्र पाउने को आइडि फरक छ, डटले गर्दा । अनि त्यहीँ जिमेल मा थियो,To: [email protected] (Yes, this is you.) Learn more । अब भने केही फेला पर्ला र गाँठि कुरा पत्ता लाग्ने छाँट देखियो, म मनमनै मख्ख परेँ ।

जिमेल ले दिएको लिंक हेरेँ, सबैकुरा प्रस्ट भयो । खासमा जिमेल ले एउटा नाम युज मा आएपछि, त्यही नाम को बिचमा अरु डट राखेर आइडि बनाउँन दिँदो रहेनछ । जस्तो [email protected] मेरो आइडि भयो, अब अरु कसैले [email protected] आइडि बनाउन नसक्ने रहेछन् । जिमेल ले आइडिमा भएको 'डट' हरुलाई बुझ्दोरहेनछ । उनीहरुले ईमेल मा रिप्लाइ एड्रेस गल्ति ले राखेका थिए, याहु को ठाउँमा जिमेल, तर मेरो आइडि नराखिकनै उनीहरुको ईमेल मेरो मा आएको थियो । एउटा निकै ठूलो कुरा बुझेको जस्तो भयो । अत: तपाईहरु पनि होश गर्नुहोस् है, जिमेलको forwarding or reply to address मा झुक्किएर अरु नै आइडि राख्नुभएको त छैन । कहिलेकाँहि सानो कुरा याद नगर्दा ठूलो दुर्घटना हुनसक्छ है ।

लौ, जिमेल ले लेखेको कुरा चाँहि यस्तो छ है !

Receiving someone else's mail
There are three common reasons why Gmail users think they're receiving someone else's mail.

Your address is similar but has more or fewer dots (.) or different capitalization.

Sometimes you may receive a message intended for someone whose address resembles yours but has a different number or placement of dots. For example, your address might be [email protected], but the message was sent to a [email protected]. What's going on?

Gmail allows only one registration for any given username. Once you sign up for a particular username, any dot or capitalization variations are made permanently unavailable for new registration. If you created [email protected], no one can ever register [email protected], or [email protected]. Furthermore, because Gmail doesn't recognize dots as characters within usernames, adding or removing dots from a Gmail address won't change the actual destination address.

Messages sent to [email protected], [email protected], and [email protected] are all delivered to your inbox, and only yours.
If you're [email protected], no one owns [email protected], except for you. Sending mail to [email protected] is the same as sending mail to [email protected], or even [email protected]. If you're getting mail addressed to [email protected], most likely someone was trying to send a message to [email protected], or [email protected], and made a mistake. You might even get messages from mailing lists or website registrations because the intended recipient accidentally provided the wrong email address. In these cases, we suggest contacting the original sender or website when possible to alert them to the mistake.

For security reasons, when you log in to Gmail, you must enter any dots that were originally defined as part of your username.

Note: Google Apps recognizes dots. If you'd like to receive mail with a dot in your username, please ask your domain administrator to add the desired username as a nickname.

src: http://mail.google.com/support/bin/answer.py?hl=en&ctx=mail&answer=10313