Skip to main content

Think Once

“नेपालले के गर्यो मलाई भन्न छोडिदेउ,
नेपाललाई के गरेँ मैले सोच्न थालिदेउ,
श्रृष्टिको बिहानी सृजना गर्ने शिव त्यो तिम्रै हो,
विश्वमा शान्ति फैलाइदिने बुध्द त्यो तिम्रै हो,
विश्वको शिर उठाइदिने सगर तिम्रै हो,
हिरा र मोती फलाइदिने धरती तिम्रै हो,
नेपाल ले के गर्यो मलाई भन्न छोडिदेउ,
नेपाललाई के गरेँ मैले सोच्न थालिदेउ ….
मेची र काली,गण्डकी कोशी,सबै यो तिम्रै हो,
विश्वमा राम्रो नेपाल हाम्रो स्वर्ग यो तिम्रै हो,
चन्द्र र सूर्य हाँसेर बस्ने यो झण्डा तिम्रै हो,
गुँरास माथि डाँफेले नाच्ने यो देश तिम्रै हो,
नेपालले के गर्यो मलाई भन्न छोडिदेउ,
नेपाललाई के गरेँ मैले सोच्न थालिदेउ ।”

हामीसँग के छ ? अनि हाम्रो कर्तव्य के हो ? माथि उल्लेखित गितका हरफले सबै भनिसकेकोछ, तर हामी किन नचाहिँदा बखेडा झिकिरहेका छौँ । साँच्चै हामीसँग नभएको केही छैन,तर हामी मौका मा काम गर्न सक्दैनौँ अथवा भनौँ हामी गर्न चाहँदैनौँ। “करोड मुटुहरुको एउटै ढुकढुकी नेपाल….” - हाम्रो एउटै देश छ नेपाल अनि यहाँ सबै नेपाली छन्,कोही पराइ छैन तर किन हो थाहा छैन,सबै नानाथरीका बहाना बनाइरहेका छन् । अनि आपसमै फुट ल्याइरहेकाछन् । केही समयअघिसम्म कायम रहिआएको जातीय अनि धार्मिक सहिष्णुता कता हरायो ?? अनि कसरी यस्तो भयो ?

सबै भन्दा कुरा बिग्रिएको हो,सबैले नसोचिदिनाले । केही मधेसी नेताहरु “एक मधेस,एक प्रदेश” को नारा जोडदार रुपमा लगाइरहेकाछन्,अनि कोही लिम्बुवान,कोही खुम्बुवान,कोही तामाङसालिङ आदी इत्यादी । हामीलाई देशले केही दिएन,मात्र समस्या दियो भन्छौँ, अनि अगाडि बढ्न खोजेको देशलाई फेरी पछाडि तान्छौँ वा भनौँ समस्या मा धकेलिदिन्छौँ,उदेक का नाराहरु बनाउँछौँ (नारा बनाउँदैमा के नै हुने हो र ? तर पनि) । तर हामी समाधान को उपाय तिर जाँदैनौँ । हामी ले देशलाई के दियौँ त ??? मात्र समस्या,अनि गफ,अझ अचम्म को त कुरा के भने आफूलाई बुझक्कड हुँ भन्न रूचाउने केही सिमित व्यक्तिहरु,अरुलाई यसले यो गरेन ,यो माग पूरा भएन,यसो भएन,उसो गरेन ,यान गरेन,त्यान गरेन भनेर जोडतोड रुपमा फलाकिरहेकाछन् । तर मैले बुझिसकेँ त्यस्ता व्यक्ति बाट केही लछारपाटो लाग्नेवाला छैन । देशका लागि तिनीहरु भयंकर खतरायुक्त मान्छेहरु हुन् । खासमा भन्ने हो भने देशलाई अस्थिर बनाउने प्रयत्न जोडतोडका रुपमा तीनीहरुले गरिरहेकाछन् ।

सोच्ने हो भने यहाँ केही समस्या छैन,भएका केही कुराहरु पनि क्षणभरी मै मिल्नसक्छ । तर त्यो बाटो हामी रोज्दैनौँ,हामीलाई ठिक लाग्दैन किनकी हामी आम नेपाली जनताका लागि सोच्दैनौँ । सोच्छौँ त आफ्नै स्वार्थका लागि,साथै हामी सोच्छौँ तिनै तोरीलाहुरे नेताहरुको “खोस्टा” दिमाग बाट जसले हाम्रो कहिले भलो गरेनन् । (यसअघिको आमचुनाव मा कुनैठाउँमा बिजुली एक वर्ष भित्र बाल्दिन्छु भनेका नेताले करिब ७-८ वर्षसम्म मा पनि बिजुलीको खम्बा समेत गाडिदिएका छैनन्)- यो त एउटा सामान्य आमनागरिक ले गर्ने विश्लेषणको एक सानो उदाहरण मात्रै हो । यस्ता किसिमका कुराहरु कति छन् कति ?? यस्तो स्थितिमा फेरी किन हामी तिनै नेताहरुको दिमागले सोच्छौँ,जसका दिमाग मा गोबर भरिएको छ ,जसले आमजनता को लागि सोच्दैन । अहिलेको परिस्थितिमा आमजनता चाहन्छन् त मात्र शान्ति, तर हामी त्यसका लागि पहल गर्दैनौँ,बरु झन् चर्काउन खोज्छौँ,बरु नानाथरिका बाहानबाजी गर्छौँ । यीनीहरुबाट अहिलेसम्म के भयो र अब के हुन्छ ?
हामी पढेलेखेका भनाउँदाहरु पनि अगाडि छौँ,देश तहसनहस बनाउन,अनि आमनेपाली जनतालाई दु:ख दिन । के हामीले अहिलेसम्म देशका लागि केही गरेका छौँ,यहाँ गफ दिन धेरै सजिलो छ,तर व्यबहारमा त्यत्तिकै गाह्रो छ । हो,हामी यहाँ मात्र “चियापसल” का गफ गरेर बस्छौँ,जसको यहाँ कुनै उपयोगिता छैन अनि अर्थ छैन । हामी यति सानो देश पनि अझ सानो-सानो चिरा बनाउन चाहन्छौँ । अनि तिनै चिराहरु पार्न हामी कहिले आन्दोलन गर्छौँ त कहिले बन्द र हड्ताल अनि कहिलेकाहीँ त लाश को राजनिति पनि गर्छौँ तिनै जनताको दुहाइ दिएर,तर ती जनताहरु भने बेखवर हुन्छन् यी सबैकुराहरुबाट !

“जहाँ छन् बुध्दका आँखा,
स्निग्ध शान्त र सुन्दर,
जहाँ छ शान्ति को क्षेत्र,
मेरो राष्ट्र मनोहर,
प्राण भन्दा प्यारो लाग्छ मेरो देश कता-कता,
छल्किन्छ ममता मेरो भाव गंगा जता-जता…………,
माया नेपालको लाग्छ,नेपाली इतिहासको,…………
माया प्रकृति को लाग्छ,कला भाषा र भेषको,
पुर्खा को मन्त्र यो जप्छु चौतारीमा बसी,
जननी जन्म भूमिश्च स्वर्गादपि गरियसी……
छ ठूलो चाहना मेरो, आमालाई हसाउँने,………
सर्वोच्च शिखरबाट विश्व शान्ति सुनाउने………..
यही प्यारो मृत्तिका माथि,पौरखी बनिकन,
पार्छु यो चाहना पूर्ण ……”

भन्नु केही बाँकी रहेन तर म पनि त यो बाहेक के नै गर्न सक्छु र ??? यहाँ यस्तै छ,कसैले पनि कसैका लागि केही गरिदिँदैनन्, किनकी सबैलाई आफ्नो डम्फू बजाउँदैमा फुर्सद छैन । यहाँ देशका लागि सोच्ने कल्ले ?? हे मित्रहरु ! तिमीहरुबाट भनिएका कुराहरू पूरा हुँदैनन् अनि व्यवहारमा लागू हुन सक्तैनन् भने धेरै बक्बक् नगर,देशका लागि केही गर्न सक्दैनौ भने देशलाई भाँड्ने काम पनि नगर किनकी तिमी देश बनाउन सक्तैनौ भने तिमीलाई देश बिगार्ने अधिकार पनि छैन । यो गितलाई कुल भएर फिल गरेर सुन्नुहोस्-केही आईडिया आउँछ कि ??? दिमागमा केही परिवर्तन आउँछ कि ????


“बुझ्नेलाई श्रीखण्ड नबुझ्नेलाई खुर्पाको बिँड”
अस्तु:
Download Patriotic Nepali Song: नेपालले के गर्यो मलाई, भन्न छोडिदेउ Right click and "save target as".

Comments

  1. hey! thanks for the song. i wonder where are all those lovely patriotic songs these days! are those unpopular just because composed during panchayat era? music has nothing to do with politics. its rhythm n music more than anything else!aakar, thank you once again.

    ReplyDelete
  2. नेपालले के गर्यो मलाई, भन्न छोडिदेउ
    नेपाललाई के गरेँ मैले सोच्न थालिदेउ,......
    ya aakar jee definitely we have to think once..... and thanx for the nice and intresting song.

    ReplyDelete
  3. "प्राण भन्दा प्यारो लाग्छ मेरो देश"
    Well done Aakar.Exellent piece of Patriotic song !
    To everybody: If you haven't read the book "Kahan Gaye Ti Dinharu" by our Great Musician Ambar Gurung, please read it. Its a thin book which costs not too much(upto 100 NRs). I like a saying there " Hami Nepali le Afulai chinnai Janenau, Hami Nepali le jiunai janenau". I have not read another book which is so nice and patriotic than this. It should be in every Nepali(pahade) home together with Great "Muna-Madan". Thanks.

    ReplyDelete
  4. If you want practice voting, go to the site www.nepaljapan.com

    ReplyDelete
  5. आकार जी,हामी बोल्न नछाडौ, हामी बोल्दै गरौ आशा गरौ ,
    एक दिन अबस्य हाम्रो बोली (आवाज ) सुनिने छ । देश राम्रो हुने नै छ । साशकहरु राम्रा हुने छन .

    ReplyDelete
  6. आकार ब्रो, भक्तराज आचार्यको जहाँ छन् 'बुद्धका आँखा--' पनि राख्न मिल्छ भने राखौं न!

    ReplyDelete

Post a Comment

Popular posts from this blog

हाम्रो नेपाली किबोर्डमा अब नेपाली स्टिकरहरु

नयाँ वर्ष २०१९ को अवसर पारेर हाम्रो पात्रो ले हाम्रो नेपाली किबोर्डको नयाँ संस्करण सार्वजनिक गरेकोछ । नयाँ थिम, इमोजी तथा नेपाली स्टिकरहरु सहित आएको हाम्रो नेपाली किबोर्ड को नयाँ संस्करण हिजोबाट गुगल प्लेस्टोरमा उपलब्ध छ । हाम्रो नेपाली किबोर्डमा नयाँ के छ? स्टिकर हाम्रो नेपाली किबोर्डको नयाँ संस्करणमा नेपाली परिवेश झल्काउने विभिन्न नेपाली पात्रहरु सहितको स्टिकरहरु राखिएकोछ । मेसेन्जर, भाइबर, ह्वाट्सएप, स्काइप, टेलिग्राम, फेसबुक, ट्विटर, इन्स्टाग्राम आदि जुनसुकै एप्लिकेशनमा पनि प्रयोग गर्न मिल्ने यी नेपाली स्टिकरहरुले प्रयोगकर्तालाई नयाँ अनुभव दिनेछ । नेपाली पारा, हाम्रो साथी, नयाँ वर्ष, संगी, हाम्रो कान्छा, हाम्रो कान्छी, नक्कली, र बौचा व मैचासमेत गरी आठ किसिमका स्टिकरहरु समावेश गरिएकोछ । हाम्रो नेपाली किबोर्डको इमोजी खण्डमा गएर यी स्टिकरहरु प्रयोग गर्न सकिन्छ । थिम हाम्रो नेपाली किबोर्डको यस संस्करणमा नयाँ किबोर्ड थिम पनि थपिएको छ । हाम्रो नेपाली किबोर्डको सेटिङमा गएर आफूलाई मन पर्ने थिम छान्न सकिन्छ । डार्क तथा लाइट गरेर हाललाई दुई डिजाइनमा किबोर्ड थिम उपलब्ध छ । चलनचल्तिको “ब

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free. Install Nepali Unicode Romanized in Windows XP: Install: Run setup file; Go to control Panel; Open Language and Regional settings; Open Regional Language Options; Go to Language Options & tick on check box (install files..... Thai, instal....east Asian...languages): Click apply-it might ask for windows CD: Insert CD or you can directly copy "i386" files too; And install all: then you have done; Click for details; Then click add a tab; A new popup will appear: Select "Sanskrit" in the first box; Select "Nepali unicode (romanized)" in second box; Click "ok"; You have successfully installed it; P

फेसबुक न्युजफिड अपडेट - पेजलाई झनै गाह्रो

अमेरिकामा भएको पछिल्लो राष्ट्रपति निर्वाचनको परिणाम सार्वजनिक भएसँगै फेसबुक लगायत विभिन्न सोसल मिडिया साइटहरुको उपयोगिताबारे व्यापक बहस सुरु भएको थियो । "फेक न्युज"को बिगबिगीले गर्दा फेसबुक, एकहिसाबमा फेकबुकमा परिणत भयो । प्राय: फेक न्युजहरु नै धेरै सेयर हुने र भाइरल हुन थाले । धेरै सेयर हुँदा, स्वाभावत: "फेक न्युज" पनि साँच्चै हो भन्न थालियो । कहिँकति अनुसन्धान छैन, फलानोले एकथरि पेजबाट समाचार सेयर गर्छ, अर्कोले सेयर गर्छ, अर्कोले गर्छ, असत्य तथा काल्पनिक समाचारहरु कै बोलबाला देखियो । नेपालमा भएको पछिल्लो निर्वाचनमा पनि प्रचारवाजी शैलीका मनगढन्ते तथा काल्पनिक समाचारहरु भाइरल भए । फलाना र चिलाना पार्टि, मान्छे पिच्छेका अनलाइन समाचार पोर्टल, फेसबुकको न्युजफिड हेर्न नै दिक्क लाग्ने किसिमको थियो । सबैभन्दा अनौठो लाग्ने चाँहि, मान्छेहरु फेसबुकमा फलाना समाचार पोर्टलले लेखेको भन्दै सेयर गरिरहेका भेटिन्थे । अझ के भने, नेपालका ठूला प्रकाशनहरु सँग ठ्याक्कै मिल्ने नामहरु राखेर काल्पनिक समाचारको व्यापार गर्ने समूहहरु नै छन् । उदाहरणको लागि, कान्तिपुरले यस्तो उस्तो लेख्यो

पाँच करोड फेसबुक प्रयोगकर्ताको तथ्यांक दुरुपयोग

५ करोड फेसबुक प्रयोगकर्ताको तथ्यांक चोरी भएको खबर केही दिन पहिले गार्डियन तथा न्युयोर्क टाइम्स ले प्रकाशित गरेको थियो । प्रयोगकर्ताको जानकारी विना फेसबुकबाट लिइएको उक्त तथ्यांकलाई क्याम्ब्रिज एनालिटिका भन्ने कम्पनीले अनधिकृत रुपमा प्रयोग गरेको दावी गर्दै, क्याम्ब्रिज एनालिटिका’का भूतपूर्व इन्जिनियर क्रिस्टोफर वाइलीले गार्डियनलाई अन्तरवार्ता दिएर यी कुराहरु मिडियामा सार्वजनिक गरेका थिए । क्रिस्टोफरका अनुसार क्याम्ब्रिज एनालिटिकाले २०१४ मा एउटा एप मार्फत करिब ५ करोड फेसबुक प्रयोगकर्ताहरुको तथ्यांक चोरी गरेको थियो । क्याम्ब्रिज एनालिटिका र फेसबुककै विषयमा गार्डियनले पहिले नै २०१५ मा समाचार प्रकाशित गरेको थियो । उक्त समाचार पछि फेसबुकले क्याम्ब्रिज एनालिटिकालाई तथ्यांक मेटाउन भनेको र एनालिटिकाले तथ्यांक मेटाएको जानकारी फेसबुकलाई गराएको थियो । तर दुबै कम्पनीले यो कुरालाई गुपचुप राखेका थिए, अझ उल्टै फेसबुकले जथाभावी समाचार लेखेको भन्दै गार्डियनलाई मुद्दा हाल्ने धम्कि दिएको थियो भने क्याम्ब्रिज एनालिटिकाले तथ्यांक सुरक्षित नै राखेको थियो । त्यही चोरी गरिएको प्रयोगकर्ताहरुको तथ्यांकलाई

सामाजिक सञ्जालमा सुरक्षित रहने तरिका

सामाजिक सञ्जाल चलाउने पनि आफ्नै तौरतरिका छन्, जसलाई नजरअन्दाज गरिँदा सामाजिक सञ्जालले समस्या सिर्जना गरिरहेका पनि छन् । सामाजिक सञ्जालका प्रयोगकर्ता एक करोडभन्दा धेरै रहेको देशमा छिटपुट घटनालाई लिएर पूरै सामाजिक सञ्जाल नै असामाजिक छ भन्न मिल्दैन । मूलधारका मिडिया रेडियो, पत्रिका, टेलिभिजनजस्तो सामाजिक सञ्जाल एकोहोरो छैन । सामाजिक सञ्जालको बनोट नै फरक छ, यो दोहोरो हुन्छ । दोहोरो हुनेबित्तिकै उठान गरिएका विषयमा केही घर्षण हुनु, वादविवाद हुनु, तर्कवितर्क हुनु, केही तलमाथिका कुरा हुनु एकदम सामान्य हो । प्रयोगकर्ताले सामाजिक सञ्जालको बनोट बुझ्ने वा यस्ता प्लेटफर्मका फिचरको सदुपयोग गर्ने हो भने यी कुरा अत्यन्तै सामान्य लाग्छन् । सबै कुरा प्रविधिले समाधान गर्न सम्भव छैन, तर सामाजिक सञ्जालमा देखिने, भोगिने प्रायः कुरा भने प्रविधिबाटै समाधान गर्न सक्ने अवस्था छ । सामाजिक सञ्जाल तथा इन्टरनेट प्रयोगकर्ताले अरूलाई दोष लगाउनुपहिले आफ्नो थैलो बलियोसँग कसौँ भन्ने कुरा मनन गर्न जरुरी छ । मोबाइलमा मात्रै इन्टरनेट चलाउने अधिकांश प्रयोगकर्ताका लागि अहिले फेसबुक र भाइबर भनेकै इन्टरनेट हो भन्ने भ्रम छ 

मोदी र ट्विटर ट्रेन्ड [पडकास्ट 📻 ]

यो अंकमा भारतिय प्रधानमन्त्री नरेन्द्र मोदी नेपाल भ्रमणमा आउँदा ट्विटरमा चलेको #BlockadeWasCrimeMrModi (नाकाबन्दी अपराध हो, मिस्टर मोदी) ट्रेन्ड र ट्विटर ट्रेन्ड कसरी हुन्छ भन्ने बारेमा कुरा गर्दैछु । मोदी जनकपुरमा आइपुग्ने बित्तिकै एक्कासी #BlockadeWasCrimeMrModi ट्विटरको ट्रेन्ड लिस्टबाट हरायो । हामीले सेन्सरसिपको शंका गरिरहँदा केही घन्टापछि त्यही ट्रेन्ड पुन: देखापर्‍यो । विगतमा बाहिर भएका केही ट्रेन्डहरु फेसबुक तथा ट्विटरले 'ट्विक' गरेको भन्ने खबर आएका कारण, सुरुमा यो सेन्सरसिप नै हो भन्ने लाग्यो । तर उक्त ट्रेन्ड ट्विटरबाट हराएर केही घन्टापछि फेरि आएबाट, सेन्सरसिप हैन भन्ने लाग्यो । मोदी र ट्विटर ट्रेन्डबारेको यो पडकास्ट 📻 सुन्नुहोस् ट्विटर ट्रेन्ड कसरी हुन्छ? ट्विटरमा ट्रेन्ड हुन यति नै ट्विट हुनुपर्छ भनेर कहिँ उल्लेख गरेको पाइँदैन तर पनि केही कुरा ट्रेन्डमा देखिनको लागि त्यस विषयमा एकैपटक, धेरै ठाउँबाट धेरैले एउटै विषय ट्विट गरेको हुनुपर्छ । एउटै विषयमा हजारौँले दिनभरि ट्विट गर्दा त्यो ट्रेन्डिङ टपिकमा देखिन्छ भन्ने हुँदैन । ट्विटरमा ट्रेन्ड हुन, कुनै पनि विष

Subscribe to Aakar Post