निर्वाचन पछि जे होला भन्ने डर थियो, आखिर त्यही नै भयो ! नजाँनिदो रुप मा काठमाडौँ विश्वविद्यालय (केयु) मा पार्टिगत राजनिती ले जरा गाडिसकेको छ र यो झांगिने क्रम बढ्दो छ । वर्ष मा १ एक पटक केयु मा राजनितिक दल समर्थित विद्यार्थी संगठनहरुले आन्दोलन गर्ने, क्याम्पस बन्द गर्ने कुरा अब कुनै नौलो घटना रहेन । एउटा समूह ले जित्ता अर्को ले आन्दोलन गर्ने नराम्रो परिपाटि त काठमाडौँ विश्वविद्यालय मा बसि नै सकेको छ ।
के भएको रहेछ ? (सुनेका कुराहरु)
अस्ति सम्पन्न चुनाव मा नेविसंघ समर्थित र अखिल क्रान्तिकारी समर्थित समर्थित समूहले सभापति को पद मा बराबार १९ भोट ल्याएका रहेछन् । भोट बराबर भएकोले त्यसक्षण मा क्रान्तिकारी मात्र होइन, नेविसंघ समर्थित प्यानल ले पनि पुन: निर्वाचन गर्नु पर्ने माग राखेका रहेछन् । केयु मा हुने निर्वाचन ‘स्ववियु’ को नभइ ‘विद्यार्थी कल्याण परिषद’ को निर्वाचन हुने र केयु मा पार्टिगत राजिनिति गर्न नपाइने हुनाले विधान मा यदि मत बराबर आए, गोलाप्रथा व्दारा विजयी छानिने लेखिएको रहेछ । केयु मा राजनितिक गतिविधि र राजनितिक पार्टि समर्थित विद्यार्थी संगठनहरु को निर्वाचन नहुने भएका कारण, केयु मा हुने कार्यक्रम गर्न को लागि विद्यार्थी परिषद गठन गर्ने गरिएको हो । अत: यस निर्वाचनलाई राजनितिक रङ्ग नदिइनुपर्ने हो तर यहाँ दुवै पक्ष ले बराबर मत पाएपछि, आफूले नेतृत्व गर्ने होड मा ‘गोलाप्रथा’ नभइ ‘पुन: निर्वाचन’ गर्न माग गरेछन् ।
विधान मै ‘गोला प्रथा’ भनेर लेखिएकोले, (मैले विधान हेर्न पाएको छैन, तर कोही भन्छन् ‘ड्र’ हुँदा के गर्ने भन्ने कुरा विधानमा लेखिएको छैन ) केयु प्रशासन र निर्वाचन कमिटि ले पुन: निर्वाचन गराउन नमिल्ने बताएछन् । अत: विवाद बढ्दा विभिन्न स्कुल का डिनहरु तथा प्रशासन का व्यक्तिहरु ले आक्रामक रुपमा प्रस्तुत भएर विद्यार्थीहरुलाई गालि गलौज का साथै क्याम्पस बाट ‘रेष्ट्रिकेट’ सम्म गर्न सकिने धम्की दिएछन् । ‘रेष्ट्रिकेट’ गर्ने सम्म को धम्कि सुनेपछि विद्यार्थीहरुलाई अरु के चाहियो, विवाद बढेछ । तर पछि ‘गोलाप्रथा’ नै गर्ने सहमति गरिएछ । गोलाप्रथा मा एउटा को हार निश्चित र अर्को जित सुनिश्चित थियो । अत: जित्ने ले खुशियाली मनायो, गोलाप्रथालाई समर्थन गर्यो, अनि हार्ने पक्ष ले ‘टिके निर्वाचन’ भन्दै आन्दोलन गर्यो । अझ विभिन्न स्कुल का डिन सँग चर्काचर्की पर्दा, ‘रेष्ट्रिकेट’ सम्म गर्ने धम्की विद्यार्थीलाई दिइएको कारण, यसको विरोध मा पनि आफूले आन्दोलन गरेको अखिल क्रान्तिकारी ले आफ्नो विज्ञप्ति मा जनाएको छ । (If you have heard or if you know the exact issue, just inform us or write as comments below)
अखिल क्रान्तिकारी व्दारा जारी विज्ञप्ति
विश्वविद्यालयलाई सबै पक्ष ले राजनिति मुक्त राख्नुपर्दछ । स्वतन्त्र विद्यार्थी भनिसकेपछि र विद्यार्थी संगठन को राजनिति ‘केयु’ मा गर्न नपाइने भइसकेपछि, विद्यार्थीहरुले पार्टि को खोले ओढेर र राजनितिक पार्टि को रुप मा यहाँ राजनिति गर्न हुँदैन । यही कुरा बुझ्न सकिरहेको छैन कि, विश्वविद्यालय मा किन राजिनतिक पार्टि को संगठन को नाम मा राजनिति गरिन्छ ? केयु मा राजनितिक गतिविधि निषेध नै गर्नुपर्ने देखिन्छ साथै, विद्यार्थी कल्याण परिषद को विकल्प खोज्नुपर्ने देखिन्छ । विद्यार्थी कल्याण परिषद को निहुँ मा यहाँ राजनितिक गतिविधि र चलखेल तिव्र रुपमा बढेको कुरालाई कसैले नकार्न सक्दैन ।
विश्वविद्यालयलाई राजिनिति मुक्त राख्नु पर्ने हो, तर आन्दोलन स्वरुप अखिल क्रान्तिकारी ले आफ्नो झन्डा केयु प्रशासनिक भवन अगाडि फहराएको छ । अब यस कदमलाई कति सम्म तर्क संगत र न्याय संगत मान्ने ?
पार्टि को नाम मा राजनिति गरिनुहुन्थेन तर यहाँ अस्ति को निर्वाचन मा पार्टिकै हिसाबले विभिन्न प्यानल ले आफ्ना उम्मेदवारहरु उठाएका थिए । केयुलाई राजनिति मुक्त क्षेत्र को रुपमा राखिनु पर्ने थियो, र पर्छ पनि तर यहाँ सबै आफ्नै डम्फु बजाउँदै हिँडिरहेकाछन् । अस्ति मंगलबार सम्पन्न चुनाव मा माओवादी समर्थित अखिल क्रान्तिकारी, नेपाली कांग्रेस समर्थित नेपाल विद्यार्थी संघ तथा एमाले समर्थित अनेरास्ववियु का तर्फबाट प्यानलहरु बनाइएका थिए । अनि त्यस चुनावका लागि केयु का केही भूतपुर्व विद्यार्थी देखि विद्यार्थी संगठन का नेताहरु समेत आएका थिए । ‘टियु’ लाई खोक्रो बनाउन नपुगेर हुनसक्छ उनीहरु अब आफ्नो शिकार ‘केयु’ लाई पनि बनाउँदैछन् । हेर्नुस् तल को फोटो, उक्त दिन सयौँ को संख्या मा मोटरसाइकलहरु र नेता र असम्बन्धित विद्यार्थीहरु केयुमा देखिएका थिए ।
राजनितिक रङ्ग दिएर भ्रामक समाचार लेख्ने ‘कान्तिपुर’
केुयु मा हुने निर्वाचन विद्यार्थी संगठन बिच हुने निर्वाचन होइन भन्ने जान्दा जान्दै कान्तिपुर ले “काठमाडौं विश्वविद्यालयमा नेविसंघ” भन्ने भ्रामक समाचार प्रकाशन र प्रशारण गरेको छ । कान्तिपुर ले यसरी राजनितिक रङ्ग नदिएको भए राम्रो हुन्थ्यो भन्ने लागेको छ । यस्तो समाचार को सट्टा केयु मा निर्वाचन भयो भनेर कान्तिपुर ले लेख्न सक्थ्यो ।
परीक्षा आउन करिव १ महिना बाँकी भएको अवस्था मा पार्टि को झन्डा फहराएर गरिएको अनिश्चितकालिन बन्द गर्ने पक्ष र तोडफोड नभइ समस्या सुल्झाउन नखोज्ने ‘केयु’ प्रशासन को घोर भत्सर्ना गर्दछु साथै समस्या सुल्झाउन सम्बन्धित पक्षलाई आग्रह पनि गर्दछु । विश्वविद्यालय राजनिति मुक्त राख्नु पर्छ भन्ने मेरो बुझाइ भएकोले, म यसै ब्लग मार्फत तत्काल बन्द खुलाइ पठनपाठन गर्न पाउने वातावरण बनाउन सम्बन्धित पक्ष सँग जोडदार माग गर्दछु ।
I don’t want any type of Politics here at Kathmandu University, Dhulikhel Kavre. I just hate party politics over here at KU. I’m not politically biased to anyone, but if you feel this post seems controversial or you may feel this post is biased to particular group, then I’m sorry for your inconvenience.You can check out my comments below.