Skip to main content

मौन - अ लाउड साइलेन्स


चलचित्र भनेको 'दृश्य' हो भन्ने कुरा चलचित्र मौन हेरेपछि अनुभव भयो । संवाद थोरै छन् (सवटाइटल राखिएकोछ), अत: सबै भार दृश्यमा परेकोछ,  ती संवादहिन दृश्यहरु हामीलाई हलमा सुरु देखि अन्त्य सम्म बाँधेर राख्न सफल छन् ।

"मौन" नामक किताब र त्यसकी लेखिका वर्षा (नम्रता श्रेष्ठ) को परिचय सँगै चलचित्रको कथा सुरु हुन्छ । सुन्न र बोल्न नसक्ने वर्षा अमेरिकामा आफ्नो बुवासँग बस्छिन् । उनी केही समयको लागि नेपाल फर्केर आएकिछिन् र उनीजस्तै बोल्न र सुन्न नसक्ने व्यक्तिहरुका लागि व्यक्तित्व विकासको वर्कसप आयोजना गर्छिन् । व्यक्तित्व विकासको वर्कसपमा वर्षा र अमन (अर्पण थापा)को भेट हुन्छ । यही भेट पछि प्रेमा रुपान्तर हुन्छ, बिचमा केही उतारचढावहरु आउँछन्, साना-साना कुरामा उनीहरु छुट्टिन्छन् अनि फेरि भेटिन्छन् ! वर्षा सबै परिवार सहित अमेरिका फर्कने क्रमा हुन्छिन् तर उनको जिवनमा अकास्मात नसोचिएको घटना घट्न पुग्छ ।अमन सुरुमा देख्दा अलि 'साइको' पाराको लाग्छ तर वर्षासँगको सामिप्यतासँगै उसमा केही परिवर्तनहरु देखिनथाल्छन् ।अमनलाई सँधै एउटा सपनाले बारम्बार सताउने गर्छ, उक्त सपनाको रहस्य फिल्मको क्लाइमेक्समा मात्र थाहा पाइन्छ ।

अर्पण थापाको लेखनमा र सुरज भुषालको निर्देशनमा बनेको "मौन" एउटा 'लभ स्टोरी थ्रिलर' हो । नम्रता र अर्पण मूख्य भूमिकामा रहेकाछन् र उनीहरुको अभिनय साँच्चै तारिफ योग्य छ । यो चलचित्रबाट अर्पण भर्सेटाइल एक्टर हुन् भन्ने कुरा फेरि पनि प्रमाणित भएकोछ ।नम्रताको अभिनयमा कुनै खोट लाउने ठाउँ छैन, उनी आफ्नो भूमिकामा मज्जाले जमेकीछिन् । यो चलचित्रको अन्य सबल पक्ष भनेको सिनेमाटोग्राफी र संगित पनि हो ।

चलचित्रका अधिकांश दृश्यहरुले दर्शकको मुहारमा हाँसो ल्याइदिन्छन् । वर्कशपको 'बोका',  अनि आफ्नो पहिलो डेटमा जानको लागि अघिल्लो रात देखि नै लुगा लगाउने वर्षा, वर्षाकी बहिनीको लयात्मक तरिकाले बोल्ने शैली, क्याफेमा सबैलाई वर्षा देख्ने अमन, आदि यी सम्पूर्ण दृश्यमा दर्शकहरु मज्जाले नै हाँस्छन् । छिनमै रिसाइहाल्ने र खुसाइहाल्ने वर्षाले अमनसँग सानो कुरामा सपिङमलमा झगडा पर्दा आफ्नो हातको नसा काटेको कुराले सायद श्रवणशक्ति नभएका व्यक्तिहरुको बानीको प्रतिनिधित्व गर्छ । हामीमध्ये कतिले त भन्ने नै गर्छौँ, "मलाई लाटो रिस उठ्छ", सायद वर्षाको यस्ता हर्कतहरुले यही कुरालाई प्रमाणित गर्छ । अमनलाई बेलुकीको खाना खान बोलाउँदा वर्षा बेहुली झैँ सिँगारिएकी हुन्छिन् ।


अमनको कोठा पस्ने बित्तिकै बेग्लै संसारमा छिरे झैँ लाग्छ, चुरोटका ठूटाहरु, बब मार्ली र जिम मोरिसनका पोष्टरहरु भित्ताभरि टाँसिएकाछन्, लुगाहरु यत्रतत्र फालिएकाछन् । अनि ढोकाको पछाडी टाँगिएको "आँ गरेर चिच्याउन" खोजेको पोष्टरले अमनको मनस्थिती दर्शाउँछ, अमन आफ्नो मौनता तोड्न प्रयासरत छ । अमनको ढोकामाथि रातो बत्ति छ, उसलाई बाहिरबाट ईसारा गर्नको लागि । चलचित्रको पहिलो हाफ अमन र वर्षाविच प्रेम स्थापित गर्न खर्चिएको छ भने, दोस्रो हाफमा अमनको मौनता तोडिएकोछ ।

चलचित्रमा मोबाइलको प्रयोग किन गरिएन भन्ने कुरा मैले बुझ्न सकिन । श्रवणशक्ति नभएका व्यक्तिहरुले एसएमएस त गर्नसक्छन् नै, सायद मोबाइल जरुरी सम्झिएनन् वा मोबाइल आउनुभन्दा पहिलेको समय हो, पहिलेको समय हो भने पनि कहिँ कतै खुलाइएको छैन । अर्को कुरा उनीहरु दुबै सम्पन्न परिवारका हुन्, अझ वर्षा त अमेरीका बसेर आएकी, उसलाई सपिङ मलमा कपडा चोर्नैपर्ने अवस्था त थिएन होला वा वर्षाको 'नेचर' नै त्यस्तै हो ।

समग्रमा भन्दा मौन, एउटा राम्रो नेपाली चलचित्र हो । चलचित्र राम्रो हुँदा हुँदै पनि मार्केटिङ/प्रमोशनमा चाँहि सम्झौता गरिएको हो कि जस्तो लाग्यो । आइतबार दउिँसो क्युएफएक्स पुग्दा अगाडिका कुर्सीहरु खाली नै देखिन्थे । चलचित्र सबैलाई मन पर्नै पर्छ भन्ने त होइन तर फेसबुक र ट्विटरमा अपडेटहरु सबै चलचित्र मौनको पक्षमा छन् ।राम्रो नेपाली चलचित्र हेर्ने प्लानमा हुनुहुन्छ भने, "मौन" हेर्नुस्, पैसा असुल हुन्छ ।

MAUN (Nepali movie) TRAILER

Comments

  1. Namrata looks gorgeous so is her acting! One of the finest actress Nepalese Movie industry has got in recent times!

    ReplyDelete
  2. i will try to watch it

    ReplyDelete

Post a Comment

Popular posts from this blog

हेए माईट [कथा]

अनि मैले पनि “हेए माईट” भन्न थालेँ।

जिन्दगीको २३ बर्ष “नमस्कार”, “ओई”, “ओहो! के छ हालखबर”, “भाइ, सुन त”, “दाइ सुन्नुस् त” जस्ता सम्बोधनबाट वार्तालाप सुरु गरेर सकियो। त्यसपछि पलायन भईयो। त्यहाँ एक दशक बिताउँदा आफ्नै पारामा “हेलो” “हाई”, “एक्स क्युज मी”, “ए ! तपाई नेपाली हो” जस्ता सम्बोधनले वार्तालाप सुरु गरियो । अर्को अर्थमा भन्दा, यसैमा बानी परिसकेको थियो, त्यहाँ यही ढगंले बोलाउनु पर्छ भन्ने थिएन। मान्छेहरू सम्बोधन गरेकै आधारमा व्यवहार गर्दैनथे। आफुलाई जे ठिक लाग्छ त्यही अनुसार सम्बोधन गर्दा हुन्थ्यो। त्यसपछि जिन्दगीको नयाँ अध्याय सुरु गर्न गुँड सारेर बिल्कुलै नयाँ ठाउँमा लागियो।


१४ घन्टाको फ्लाईटबाट निस्केर ईमिग्रेसनमा पुग्ने बित्तिकै एउटा पुलिस आएर “हेए माईट” भन्यो। यताकाले “माईट” भन्छन् भनेर त पहिलै यता आएका साथीहरूले च्याटमा “अ’राईट माईट” भनेको सुनेको थिएँ तर के, कति, कस्तो ठाउँमा, कति मात्रामा “माईट” प्रयोग गर्नु पर्ने हो भनेर चाँहि राम्रो संग बुझेको थिईन। ईमिग्रेसन सकेर बाहिर पुग्ने बित्तिकै एउटा साउथ एसियन उबर ड्राईभर “हेए माईट” भन्दै आयो र छुट्ने बेलामा “अ’राईट माईट” भनेर गय…

Download Tihar Dhun and Deusi Bhailo Songs

Listen to Deusi Bhailo Songs.

शुभ दिपावलीको आगमनसँगै, यहाँहरुको लागि भनेर केही देउसी-भैलोका गितहरु अनलाइन राख्दैछौँ । आशा छ, यहाँहरुले यी देउसी भैलोका गितहरु मन पराउनुहुनेछ ।

Download Tihar Songs: Bhailini/Bhailo - भैलो

Download Tihar Songs: Bhailini Aayin / भैलिनी आइन आँगन

Download Tihar Songs: deusi re / देउसी रे

Download Tihar Song: tiharai aayo lau jhilimili / तिहारै आयो लौ झिलिमिली

Download Tihar Songs: diyo baali sanjh ko / दियो बाली साँझ को

Download: Tihar Dhun (Deusi,Bhailo)/ तिहार धुन(देउसी भैलो)- सुरसुधा

नोट: यी अपलोड गरिएका गितसंगितहरु व्यावसायिक प्रायोजनको लागि प्रयोग नगर्न आग्रह गर्दछौँ । इन्टरनेटमा भेटिएका गितहरुलाई हामीले यहाँ एकै ठाउँमा सजिलोको लागि राखिदिएको मात्र हौँ । तपाई यदि यी गित संगितको सर्जक हुनुहुन्छ र गित संगित यहाँबाट हटाउनुपर्ने भए जानकारी गराउनुहोला । फेरी एकपटक शुभ दिपावलीको हार्दिक मंगलमय शुभकामना व्यक्त गर्दछौँ ।

Aadha Baato (आधा बाटो) [Download] #Novel #Shrutisambeg

श्रुतिसंवेग मा हामी ले कृष्ण धरावासी को उपन्यास “आधा बाटो” को सम्पूर्ण डाउनलोड लिंक लिएर आएका छौ |आफ्ना जिवन भोगाइ का यथार्थलाई जोडेर तयार पारिएको उपन्यास ‘आधा बाटो’ कृष्ण धरावासी को आत्मकथा को रुपमा रहेको छ ।“राधा” जस्तो सफल उपन्यास लेखिसकेका धरावासी को यो पछिल्लो उपन्यास मा आफ्ना बाल्यकाल देखि हाल को अवस्था सम्म को कुराहरु समेटेर लेखिएको कारण उपन्यासलाई धरावासी ले ‘आधा बाटो’ भन्न रुचाएका छन् ।आफूले देखे सुनेको स्थान, नाम आदि का कारण यो उपन्यास पढ्ने तथा सुन्नेहरुलाई आफ्नै कथा जस्तो पनि लाग्न सक्छ ।उज्यालो ९० नेटवर्क को लागि निर्माण गरिएको कार्यक्रम श्रुति संवेग मा वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।कार्यक्रम को अडियो श्रृंखला उज्यालो नाइन्टि नेटवर्क को कार्यक्रम श्रुतिसम्बेग बाट लिइएको हो ।Download : Krishna Dharabasi’s ‘Aadha Bato’ Episode –1Krishna Dharabasi’s ‘Aadha Bato’ Episode –2Krishna Dharabasi’s ‘Aadha Bato’ Episode –3Krishna Dharabasi’s ‘Aadha Bato’ Episode –4Krishna Dharabasi’s ‘Aadha Bato’ Episode –5Krishna Dharabasi’s…

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free.
Install Nepali Unicode Romanized in Windows XP:
Install:
Run setup file;
Go to control Panel;
Open Language and Regional settings;
Open Regional Language Options;
Go to Language Options & tick on check box (install files..... Thai, instal....east Asian...languages):
Click apply-it might ask for windows CD:
Insert CD or you can directly copy "i386" files too;
And install all: then you have done;
Click for details;
Then click add a tab;
A new popup will appear:
Select "Sanskrit" in the first box;
Select "Nepali unicode (romanized)" in second box;
Click "ok";
You have successfully installed it;
Press "alt+shif…

Shruti Sambeg : Radha [Review & Download]

Radha by Krishna Dharabasi is wonderful novel based on traditional era of Lord Krishna and Radha. The traditional plot of the story makes the readers/listeners feel that Dharabasi is narrating us the same old story of love of Radha and Krishna. However , the story based on the traditional plot it portrays the modern era in a dramatic way such that it speaks of so many hidden things that we will be amazed while ending it up.Radha and Krishna are the eternal lovers. Lord Krishna and Radha are together since childhood. But in teenage they are separated (as in the traditional story) and Lord Krishna has to go away leaving Vindraban for fulfilling the task for which he has taken birth.This brings tragedy to Radha and all the people in Vindraban.Radha waits for Krishna to arrive but he seldom does. She is stubborn to go meet Krishna. Later she sets out as a Yogini in a long voyage to search self, leaving her parents. She is accompanied by her friend Bisakha everywhere she went.Radha faces a…

एक रातको कथा

भोलिपल्ट घर फर्कने रात थियो । सम्पूर्ण सामानहरु प्याक गरिसकेपनि केहि छुटेछकी भनि सोच्न बसेको थिएँ । कतैबाट तिरिरि बाँसुरीको धुन सुन्दा मनै आनन्दित भयो । "ए, निदाइस क्या हो ? फोन बजिरहेछ", रुममेटले चिच्यायो । कल रिसिभ गरेँ, निद्राकै झोकँमा, "हेलो, सुनन आज म नेपाल बाहिर जाँदैछु, यस अघि पनि कल गर्न पाइन । म विस्तारमा पछि कल गरौँला", एउटा हतारिएको खवर सुने । "ए ....., शुभयात्रा है", भने तर म अझै पनि निद्रामै थिए । वास्तवमा उनिलाई मैंले ठम्याउनै सकिन, सायद निद्रामा भएरै होला, न त नाम नै सोध्न भ्याँए आफ्ना सबै परिचित व्यक्तिहरुलाई याद गर्दा पनि त्यो आवाज ठम्याउन सकिन । अब मात्र मैले प्रतिक्षा गर्नुपर्नेछ, उनको दोस्रो कलको ।

अर्को विहानै आफ्नो वाटो लागिसकेको थिएँ । यात्राका दौरानमा मेरो मन सधैं मेरो जन्मथलो पुगिरहेको हुन्थ्यो । जुन माटोमा म जन्मे, जहाँ हुर्केँ, मेरो वात्सल्य , बालसखा सबै झल्झल्ती याद आउन थाले । मलाई घर छिटो पुग्नु छ, किनभने मेरो प्रतिक्षामा कसैले धेरै महिना विताएको छ । त्यही बेला मैले लेख्न थालेँ :
“मेरो आउने वाटो हेरी, चौतारीमा कुर्छे होली,
मेरो…