गुगलको बेलुन इन्टरनेट

हाम्रो पुस्ता इन्टरनेटमा झुमिरहेकोभएपनि, विश्वमा अझै पनि सबैको पहुँचमा इन्टरनेट पुगेको छैन। इन्टरनेट भएका ठाउँमा पनि भनेजस्तो स्पिड राम्रो छैन, त्यसमाथि इन्टरनेट अझै पनि महंगो नै छ । हाम्रै देशको कुरा गर्दा, काठमाडौँ लगायत केही शहरममा मात्र इन्टरनेटको पहुँच छ । काठमाडौँबाट अलिकति बाहिर लाग्ने बित्तिकै इन्टरनेटबाट बञ्चित हुनुपर्ने अवस्था छ ।

इन्टरनेट सबै ठाउँ र सबैको पहुँचमा सर्वसुलभ रुपमा पुर्याउन गुगलको ल्याब "गुगल एक्स" ले "लुन" नामक प्रोजेक्ट सुरु गरेकोछ । "लुन" प्रोजेक्ट अन्तर्गत, गुगलले बेलुनको माध्यमबाट इन्टरनेट सबैको घर घरमा पुर्याउने योजना ल्याएकोहो । बेलुनबाट इन्टरनेट, कुरा जोक झैँ लाग्न सक्छ, तर गुगलको प्रयोग सफल भएको खण्डमा केही वर्षभित्रैमा हामीले पनि बेलुन इन्टरनेट चलाउन सक्नेछौँ ।

गुगलका बेलुनहरु पृथ्वीको सतह भन्दा करिब २० किलोमिटर माथि रहनेछन् र हामीले साविकको स्थितिमा थ्रीजी सरहको इन्टरनेट स्पिड पाउनेछौँ । पृथ्वीको सतहभन्दा करिब २० किलोमिटर माथि रहने र बेलुनहरु आकाशमा घुमिरहने भएका कारण, पृथ्वीको जुनसुकै ठाउँबाट सहज तरिकाले इन्टरनेट चलाउन सकिने कुरा गुगलले आफ्नो ब्लगमा उल्लेख गरेकोछ । गुगलको यो योजना सफल भए, संसारको सबै कुना कन्दराहरु इन्टरनेटमा जोडिनेछ ।

बेलुनहरुमा सोलार प्यानल जडान गरिएकोछ, जसबाट बेलुनमा राखिएको उपकरणहरु सञ्चालन हुन्छ । बेलुनमा ब्याट्रि, सर्किट बोर्ड, रेडियो एन्टेना लगायतका उपकरणहरु राखिएकोछ । अनि हावाको वहाव सँगै बेलुनहरु यता-उता उडिरहनेछन् । ती बेलुनहरुलाई पृथ्वीबाटै गुगलले नियन्त्रण गर्नेछ।गुगलका अनुसार परिक्षणको रुपमा न्युजिल्यान्डको आकाशमा गत हप्ता मात्रै करिब ३० वटा बेलुनहरु छोडिएकोछ ।

गुगल बेलुन इन्टरनेटले कसरी काम गर्छ?
गुगलको बेलुन इन्टरनेट प्रयोग गर्न एउटा विशेष प्रकारको "एन्टेना" जडान गरिन्छ (घरमा) । अनि उक्त एन्टेनाले २० किलोमिटर माथि रहेको बेलुन सँग सम्पर्क स्थापित गर्छ । माथि आकाशमा रहेका बेलुनहरु तल पृथ्विमा इन्टरनेट प्रदायक कम्पनी, आइएसपी सँग गाँसिएका हुन्छन् । एन्टेना, बेलुन र आइएसपी मिलेर आकाशमा एउटा इन्टरनेट सञ्जाल बन्छ । यसरी बेलुनमार्फत आइएसपी देखि घरसम्म इन्टरनेट पुग्छ । (गुगल बेलुनको प्रविधीबारे जान्नको लागि तलको भिडियो हेर्नुहोस्)

Google's Project Loon: The Technology

तपाई न्युजिल्यान्डमा हुनुहुन्छ भने, गुगलको बेलुन इन्टरनेट परिक्षणमा सहभागी हुन यहाँबाट साइन अप गर्नसक्नुहुन्छ ।

Further Reading:  Google Project Loon

2 comments :

  1. जानकारी मुलक लेख लेखेर हामीलाई शिक्षीत बनाउनु भएकोमा लेखकका सामु यो प्राणी नतमस्तक छ।

    ReplyDelete
  2. :p यो दाम कसरी कमाउने ब्लग बाट ? :/ यो पनि सिकाए आभारी हुने थिएँ

    मेरो ब्लग : http://www.extrablogging.com/

    ReplyDelete