Bulbul : Episode - 173



Listen to Bulbul Episode-173

शुभ समय, शुभ पल, शुभ क्षण,शुभ सन्ध्या, शुभ रात्री !!! रात्री बसाइ को यो अर्को नयाँ अंक मा केही रात्री गन्थनको साथमा सुमधुर गजलहरु लिएर, सदा झैँ आज पनि प्रस्तोता अच्युत घिमिरे उपस्थित हुनुभएको छ । बुलबुल एउटा इरानी चरा हो । रात्रीको समयमा गाउँदै हिंड्‍ने यो चरा गजलको प्रतीक मानिन्छ । इरानदेखि नेपाल सम्मको यात्रा गरेकी बुलबुल, नेपालका लागि नौलो हैन । यो सर्वव्यापी छ । गजलका रागहरु जहाँ जहाँ अलापिन्छन्, त्यहीं त्यहीं यसको उपस्थिति रहन्छ । प्रेम, विरह, उत्साह, उमंग अनि थुप्रै मनका संवेगहरु बुलबुलले समेट्‍छ ।

बुलबुल सुन्न थालेपछि हामी सबै एउटा समूहमा समेटिन्छौं र बुलबुल भित्र आफैंले आफ्‍नो नाम दिन्छौं - बुलबुललियन । हामी यहाँ एकाकार भएर लाग्छौं, गजलको भावनात्मक सहवासमा । "एउटा प्रेमको बिरुवा हामी रोप्छौं.....युग युग सम्म लगाएर यो प्रीतलाई अमर गर्छौँ।"

आजको अंकमा प्रशारित आदर्श गजल -

अघाएका जति सबै चुप छन् कुकुरहरू
भोकाएकाहरू मात्रै भुक्छन् कुकुरहरू

हामी जस्ता साधुलाई टोकी हाले पनि
डाका आए खाटमुनि लुक्छन् कुकुरहरू

भतेरको गन्ध पाए बिना निम्तो पनि
लाचार भइ दैला–दैला ढुक्छन् कुकुरहरू

मान्छे भन्ने भान पार्न मान्छेसँगै हिँड्छन्
वास्तविक मुहारमा चुक्छन् कुकुरहरू

त्यसैले जो सावधानी अपनाउँ साथी
चुँडाएर साङ्ला राती फुक्छन् कुकुरहरू

शुन्य प्रकाश
सर्लाही

Download Bulbul Episode-173

0 प्रतिक्रिया :

Post a Comment