सावधान ! तपाईको ‘फेसबुक प्राइभेट म्यासेज’ फेसबुक वालमा देखिएको हुनसक्छ…

फेसबुक’को ‘प्राइभेट’ म्यासेज फेसबुक टाइमलाइनमा ‘वाल पोष्ट’ को रुपमा देखिएको कुरा करिब हप्ता दिन देखि इन्टरनेटमा चर्चाको विषय बन्दै गएकोछ । दर्जनौँ ब्लग  र टेक्नोलोजी साइटहरुले ‘फेसबुक’ को प्राइभेट म्यासेज वालमा देखिएको कुरा उठाइरहँदा, फेसबुकले भने “वाल पोष्ट”मा प्राइभेट म्यासेज पोष्ट नगरिएको दावी गरेकोछ । facebook-private-message-on-timeline-bugफेसबुकले त्यस प्रकारको दावी गरिरहँदा पनि फेसबुक प्रयोगकर्ताहरुले भने ‘वाल’मा पुराना आफ्ना ‘प्राइभेट’ म्यासेजहरु देखिरहेका छन् । सन् २००७ देखि सन् २००९ सम्मका प्राइभेट म्यासेजहरु फेसबुकवालमा देखिएको हो ।

पक्कै पनि “प्राइभेट म्यासेज” प्राइभेट नै रहनुपर्छ तर तपाई हामीले थाहा नै नपाइ हाम्रा ‘गोप्य’ भनिएका संवादहरु “फेसबुक वालमा” छरपस्ट भइरहेकाछन् । यसकारण तपाई यसबारेमा सजग रहनु जरुरी छ । अहिलेको फेसबुक च्याट पहिलेको फेसबुक म्यासेज भन्दा फरक हो, पहिले च्याट ‘सेभ’ भएर म्यासेजमा बस्दैनथियो । त्यसबेला च्याट र फेसबुक म्यासेज फरक थियो, सायद यसैकारण पनि त्यसबेलाका फेसबुक म्यासेज वालमा अहिले देखिएकाहुन् भन्ने अनुमान गरिएकोछ ।

मेरो टाइमलाइनमा साथिहरुबाट पोष्ट गरिएका कुराहरु मैले मात्र देख्न सकिने ‘सेटिङ’ गरिएको हुँदा, प्राइभेट म्यासेज ‘वालपोष्ट’ को रुपमा मेरो वालमा आउँदा पनि अरुले देख्न सक्दैनन् तर सबैको ‘केस’मा यो लागु नहुन सक्छ । तपाईको प्राइभेसी सेटिङ राम्रोसँग गरिएको छैन भने, तपाईको प्राइभेट म्यासेजहरु तपाईका साथिहरुले पढिरहेका हुनसक्छन्, किनकी ती प्राइभेट म्यासेजहरु तपाईको टाइमलाइनमा ‘वाल पोष्ट’ को रुपमा पोष्ट भएकाछन् ।

फेसबुकमा देखिएको यही समस्याका कारण हिजोआज केही साथिहरुले आफूले “फेसबुक नै डिएक्टिभ” गर्न थाल्नु भएकोछ । प्राइभेट म्यासेज वालमा देखियो भन्ने खबरले तपाईहरु पनि त्रसित भएको हुनसक्नु हुन्छ । फेसबुकले आफ्नो सिस्टममा सुधार नगरेसम्म, तपाईको फेसबुक वालमा यी पोष्टहरु देखिनै रहनेछन् तर तपाईले आफ्नो ‘प्राइभेसी सेटिङ’ मा केही परिवर्तन गर्नुभयो भने, एउटा ठूलो दूर्घटनाबाट बच्न सक्नुहुन्छ । टेक्निकल्ली असम्भव देखिए पनि, संसारभरका फेसबुक प्रयोगकर्ताहरुले प्राइभेट म्यासेज वालमा देखिएको भनेर कुरा उठाइरहेकाछन्, “प्राइभेसी”को निहुँमा फेसबुकसँग बेला-बेलमा ठूलो वादविवाद चल्ने कारण पनि, फेसबुकलाई खासै भर गरिहाल्ने अवस्था पनि छैन ।

कसरी जोगिने ?

पहिले त आफ्नो फेसबुक टाइमलाइनमा गएर “पोष्ट”हरु हेर्नुहोस् । टाइमलाइनमा पोष्ट भएका कुराहरु क-कसले हेर्न पाउँछन् भन्ने कुरा पनि हेर्नुहोस् । तपाईको वालमा थोरै पोष्टहरु छन् भने, सबै पोष्टको प्राइभेसी ‘एक-एक’ गर्दै हेर्नसक्नुहुन्छ, अनि त्यसै अनुसार त्यसलाई कसरी लिमिट गर्ने बारे सोच्नसक्नुहुन्छ । तपाईका धेरै पोष्टहरु पब्लिक छन् भने सबै पोष्टहरुलाई एकैपटकमा साथिहरुले देख्ने मात्र बनाउन पनि मिल्छ त्यसको लागि फेसबुक प्राइभेसी पेजमा गएर Limit the Audience for Past Posts क्लिक गर्नुहोस् । यसले पुराना पोष्टहरु साथिले मात्र हेर्न मिल्ने बनाइदिन्छ ।

limit-audience-on-facebook

यसबाट तपाईको पब्लिक पोष्टहरु भएको खन्डमा साथिले मात्र हेर्ने त बनाइदिन्छ तर माथि भनिएको समस्या समाधान गर्दैन ।

फेसबुक सेटिङमा गएर “Timeline and Tagging” मा पनि आवश्यकता अनुसार परिवर्तन गर्नुहोस् । मेरो प्राइभेसी यस्तो छ:

time-line-and-tagging

तपाईको टाइमलाइनमा अरुले पोष्ट गरेको कुरा तपाई बाहेक कसैले हेर्न नसकोस् भन्ने लाग्छ भने, सेटिङमा “कस्टम” क्लिक गरेर “Only Me” भन्ने अप्सन राख्नुहोस् । मेरो वालपोष्टमा कसैले ‘पोष्ट’ गर्न नमिल्ने बनाइएकोछ । तपाईको वालमा पनि कसैले नलेखोस् भन्ने लाग्छ भने, पहिलो नम्बरको प्रश्नमा “No One” राखिनदिनुस् ।

यसबाहेक सन् २००७ देखि २०१० सम्मको वालपोष्टहरु सबैलाई एकैपटक आफ्नो टाइमलाइनबाट यसरी हटाउन सक्नुहुन्छ ! hide-from-time-line

कुनै पनि वर्षको वालपोष्टमा जानुहोस् अनि दाँया तर्फ भएको ‘आइकोन’ क्लिक गरेर “Hide from Timeline” क्लिक गर्नुहोस् । तपाईको टाइमलाइनमा ती वालपोष्टहरु देखिने छैनन् । तर तपाईले सबै वर्षका वालपोष्टहरुलाई यसरी नै टाइमलाइनबाट हटाउनुपर्नेछ ।

पूनश्च: तपाईका फेसबुक प्राइभेट म्यासेजहरु टाइमलाइनमा “वालपोष्ट” को रुपमा देखिएकोले र तपाईका ‘गोप्य संवाद’हरु अरुले थाहा पाउने खतरा भएका कारण माथि भनिएका सुरक्षाका उपायहरु अपनाउन जरुरी छ । फेसबुक सुरक्षित रुपमा चलाउनुहोस्, सुरक्षित बस्नुहोस्, दूर्घटना हुनबाट बच्नुहोस् ।

फेसबुक सुरक्षा टिप्स: TNW

Further Reading:

Despite statements from Facebook to the contrary, users are still claiming to see private messages in their Timelines

अपडेट: फेसबुक तथा फ्रान्सेली एक निकायले ‘म्यासेज’ फेसबुकवालमा नदेखिएको दावी गरेको छ ।

6 comments :

  1. thank you for the info....totally unaware about such sensitive misshapen at current....

    ReplyDelete
  2. thank u for d info sir

    ReplyDelete
  3. thank you very much to your nice post.
    http://www.ujyalokhabar.com/

    ReplyDelete
  4. I once had trouble with my facebook when I accidentally get wrong with my deactivation process. It did not deactivate my Account but it's not live for public, my profile becomes an error page to visit. It's like having a dummy ghost account that nobody notices you.



    www.brickandmobile.com

    ReplyDelete
  5. asti padeko matra thie , tara aaja afnai private msg ka photo haru [ recently added some photos] bhanera dekhta ma pani murmuriye... FB Sucks !!!

    ReplyDelete
  6. mero pani private masseg wall ma dhekhyako thiyo aaja matrai

    ReplyDelete