लौ सुन म भन्छु, ट्विटरर (ट्विटे) को रामकहानी…

जो ट्विटरमा भिजिसक्नुभएकोछ वा भनौँ आफ्नो दैनिक जिवनमा ३-४ जना भेट हुने बित्तिकै ट्विटरको कुरा गर्न थाल्नुभएको छ भने, ट्विटर यस्तो हो, उस्तो हो भनेर खासै भनिरहनु नपर्ला । अनि जो ट्विटरमा भर्खर छिर्नुभएको छ अनि ट्विटर बुझ्न सक्नुभएको छैन भने, तपाईलाई ‘ट्विटर’ सबैभन्दा झुर किसिमको सोसल नेटवर्किङ साइट लाग्ने कुरामा दुईमत नहोला ।  ट्विटर सँगका आफ्ना अनुभवहरु र यसले पुर्याएको फाइदा – वेफाइदाबारे पहिले पनि यहाँयहाँ लेखिसकेकोछु ।

y-u-no-twitterकोही नयाँ साथिलाई ट्विटर चलाउ, यो रमाइलो र अन्य भन्दा भिन्न छ भन्ने कुरा बुझाएर ट्विटरमा टिकाइराख्न साह्रै गाह्रो छ । अरुलाई मात्र होइन, आफूले ट्विटरमा पाइला चाल्दा पनि यो अनुभव गरिएको हो, सुरुमा ट्विटर छिर्नै गाह्रो, छिरिसकेपछि पनि बुझ्नै गाह्रो, सायद सबैको अनुभव एकै किसिमको रहेकोछ । तर ट्विटरमा भिजिसकेपछि भने, उठ्दा, बस्दा, सुत्दा पनि एकपटक ‘ट्विटर’ नहेरी चित्त नबुझ्ने हुन्छ । संसारभरि नै ट्विटरलाई यसरी नै बुझिएको छ, अनि सबै प्रयोगकर्ताहरुले एकै किसिमबाट ट्विटरमा आफ्नो उपस्थिति देखाइरहेकाछन् ।

डिजिटल मार्केटिङ एक्सपर्ट रोहित भार्गवले करिब ४ वर्ष पहिले ट्विटर प्रयोगकर्ता या भनौँ ट्विटरर या भनौँ ट्विटे (नेपालीकृत गरिएको :P) को व्यवहारको बारेमा आफ्नो ब्लगमा, हरेक ट्विटेको जिवनमा आउने ५ कुराहरु लेखेकाथिए । आज उनै रोहित भार्गवको शब्द/फोटो सापटि लिएर ट्विटेहरुको जिवनमा आउने ५ कुराहरु तल फोटोमार्फत उल्लेख गरेकोछु ।

5-stages-of-Twitter-acceptance

माथिको फोटो हेरिसकेपछि सायद सबैलाई आफूले कसरी ट्विटरको बारेमा सोच्थेँ, अनि अहिले ट्विटर कसरी चलाइरहेकोछु भन्ने कुरा बुझ्न सजिलो हुन्छहोला, अनि आफ्ना कुराहरु पनि याद आउँछन् होला । आजलाई ट्विटेहरुको रामकहानी यही फोटोमार्फत यत्ति मै भनियो ।   फलो र अनफलोको बारेमा र ब्लगरका लागि ट्विटरको बारेमा पहिले पनि उल्लेख गरिसकेकोछु । शुभ दिन, ह्याप्पी ट्विटिङ ।

4 comments :

  1. I guess the sixth stage would be addiction or obsession. Checking Twitter (or Facebook as more popularly) continuously

    ReplyDelete
  2. I think there is one more stage where you feel:
    "Y u retweet everything"
    :P

    ReplyDelete
  3. Short and informative...:-)

    ReplyDelete