Skip to main content

प्लस टु कलेजको लहर [Plus Two College]

केही साता अघिसम्म एसएलसीको चर्चा र परिचर्चा थियो । करिब १० दिन जति पहिले एसएलसीको रिजल्ट निस्कियो, पोहोरको भन्दा अलि धेरै विद्यार्थी असफल भएछन्, असफल हुने केहीले आत्महत्या गरे । घर, परिवार अनि समाजले एसएलसीलाई फलामे ढोका (Iron Gate) भनेर भन्ने गरेकाछन्, अनि पास हुनेलाई संसार जिते झैँ हुन्छ अनि फेल हुनेलाई संसार सकिए झैँ लाग्छ । असफल हुँदा कति, कति गाह्रो हुन्छ भन्ने कुरा, जसले भोगिरहेकोहुन्छ, उसले मात्रै थाहा पाउनसक्छ । फेल भएकाहरुले त फेरि परिक्षा देलान् अब तर पास भएकाहरुलाई पनि अर्को चटारो थपिएकोछ, कुन कलेज पढ्ने, के पढ्ने?

प्लस टु कलेजका विज्ञापनहरुले अहिले नेपालका सबै मिडियाहरु भरिएकाछन् । च्याउसरी कलेज खुलिरहेकाछन्, आकर्षक फोटो राखेर विद्यार्थी तान्ने कसरतमा सबै जुटिरहेकाछन् । कलेजका नामपनि थरिथरिका छन्, अनि सबैको दावी छ, गुणस्तरमा नम्बर १ कलेज हो । अरुलाई कस्तो लाग्छ भन्न सक्दिन, तर अहिले मलाई चाँही ति विज्ञापन र कलेजहरु देख्दा पारो तातेर आउँछ । कुनै पनि पत्रिका पढियो वा टिभि हेरियो भने अधिकांश ‘स्पेश’ प्लस टु का विज्ञापनहरुले खाइरहेकाछन् । बाहिर एकदम राम्रो भनेर देखाउन, निकै आकर्षक फोटो राखिएकोहुन्छ, सबै विद्यार्थीको दिमाग भुट्ने काइदा । फेरि ति कलेजहरुको ‘फि’को कुरा गर्ने हो भने पनि, लरोतरोले त आँटै नगर्दा हुने किसिमको छ ।

collegeकरिब ७-८ वर्ष पहिले र अहिलेमा प्लसटुमा पढाइको स्तर एकै होला तर प्लसटु को सङ्ख्यामा भने उल्लेख्य वृध्दि भएकोछ । प्लसटुका शिक्षक नै पिच्छे आफ्नै कलेज खोल्ने एउटा लहर चलेकोछ । केही समय कुनै कलेजहरुमा पढाएपछि ४-५ जना मिलेर एउटा नयाँ कलेज खोलिहाल्ने परिपाटिको विकास भएकोछ, किनकी उनीहरुले बसी बसी पैसा आएको देखेकाछन्  । नेपालमा सबैभन्दा धेरै नाफा कमाउने संस्था कुन हो भनेर, प्रश्न सोधियो भने ‘प्लसटु’ कलेज भन्ने जवाफ भेटिन्छ होला । सिक्ने, सिकाउने भन्दा पनि, विद्यार्थी किन्ने र बेच्ने होड बढ्दै गरेको देखिन्छ, र यो कुनै पनि हिसाबले जायज होइन।

म एसएलसी पछि मात्र काठमाडौँ छिरेको हुँ, यसअर्थमा कि एसएलसी दिनु भन्दा पहिले म काठमाडौँ त आएको थिँए तर १-२ दिन बसेर फर्किने गरेको थिँए । त्यही भएर एसएलसी पछि प्लस टु पढ्न भनेर काठमाडौँ हान्निएको थिँए । मलाई आफ्नो जिवनकालमा घटेका विभिन्न घटनाहरुले ‘इन्जिनियरिङ’ पढ्ने भुत चढेको थियो, त्यसको लागि ‘प्लस टु’ मा ‘विज्ञान’ पढ्नुपर्ने थियो तर एसएलसीमा आएको अंक देखेर, प्राय: सबैले मैले रोजेको विषय पढ्न सक्दैन भन्ने अड्कल काटे । तर म जसरी नि विज्ञान विषय नै पढ्ने अठोटमा पुगेँ । मैले आफू विज्ञान पढ्छु भनेर, कक्षा ६ देखि नै एउटा ‘नोटबुक’ बनाएको थिँए । त्यो नोटबुकमा ६ देखि १० कक्षा सम्मका विज्ञानका सबै कुराहरु लेखेकोथिँए, अहिले त्यो नोटबुक कहाँ छ त भन्न सक्दिन तर यति भन्न सक्छु, त्यो नोटबुक हेर्ने हो भने, आफूले बुझ्न र पढ्नको लागि काफी थियो ।

दिनहुँ पत्रिकामा कलेजका ठूला ठूला विज्ञापन लेखेको देखिन्द्थ्यो, आफू त विज्ञापन हेरेरै नर्भस भइन्थ्यो । यस्तो कलेजमा कहाँ पढ्न सकिन्छ, घरको ‘आर्थिक स्थिति’ नि हेर्नै पर्यो । फेरि आफू नेपाली स्कुलबाट आइयो, यहाँ त सबै अंग्रेजी बोर्डिङबाट आएका होलान् । १६ वर्षको काले-काले, अलि दुब्लो केटो थिँए म, घरभन्दा बाहिर खासै नगएको काठमाडौँ शहरमा आइपुगेको थिँए । अहिलेको स्थिति हेर्ने हो भने, हामीलाई ‘प्लस टु’ कलेजको विज्ञापन देखेर पारो तात्छ, अनि एसएलसी सकेको विद्यार्थीको नजरबाट हेर्ने हो भने, उनीहरु कुन कलेज छान्ने भनेर अलमलमा हुन्छन्, धेरै त विज्ञापन हेरेरै नर्भस हुन्छन् ।

प्लस टु कलेज खोज्ने चिन्ता, त्यसमा पनि अलि सस्तो शुल्क भएको कलेज हेर्नुपर्यो । एसएलसीमा ‘डिस्टिङसन’ आउनेहरुलाई त सबै कलेजले बोलाउने, थरिथरिका ‘स्कलरसिप’ स्किम नि दिने तर म जस्ता सत्तरी नि नल्याउनेको त कुनै भ्यालु नै नदिने । प्लस टु कलेज मात्र होइन, प्सलटु कलेजले लिने गरेको इन्ट्रान्स परीक्षा फेरि अर्को टाउको दूखाइ, ब्रिज कोर्स गर्ने कि, इन्ट्रान्स प्रिपेरेसन क्लास लिने, आदि इत्यादि चिन्ताले खाएको हुन्थ्यो । घरका अभिभावक सँगै आएर, ल यो कलेजमा भर्ना भएर पढ भनेर भर्ना गर्दिएको भए नि सजिलै हुन्थ्यो होला तर जहाँ जे गर्नुपर्ने हो, त्यो आफैँले गर्नुपर्ने बाध्यता थियो । एसएलसीको रिजल्ट निस्किसक्यो, समय कुदिरहेकोछ, तर विज्ञापन हेरेरै, म यो कलेजमा पढ्न सक्दिन होला, म त्यो कलेजमा पढ्न सक्दिन होला भन्ने निरासाले डोर्याउँथ्यो ।

करियर फेयरका निहुँमा भृकुटि मण्डपमा नि छिरियो । काठमाडौँका प्राय सबै नाम चलेका ‘कलेज’हरु त्यहाँ भेला भएका थिए । चिटिक्क पारेर सजाइएको स्टल, अनि सर्ट पाइन्ट या भनौँ कलेज ड्रेसमा सजिएका केटा-केटीहरु, आफ्नो कलेज राम्रो छ भनेर नथाक्ने उनीहरु, कसैलाई नेपालीमा कसैलाई अंग्रेजीमा खरर आफ्नो कलेज र ‘फि’को बारेमा बताइरहेकाहुन्थे । त्यो भिडमा आफू छिर्दा, यति बैराग लागेको थियो, अहिले त सम्झन पनि मन लाग्दैन । तर मलाई विश्वास छ, अहिले पनि बाहिरबाट पढ्न भनेर काठमाडौँ छिरेकाहरु यस्तै समस्याबाट गुज्रीरहेकाछन् । करियर फेयर नि घुमियो, एउटा कलेजको स्टलमा फर्म नि भरियो, उनिहरुले भनेका थिए, सर्लाही कै एउटा साथी छ, १२ मा पढ्दैछ । नाम पनि सुने झैँ लागेको थियो, यो भिडमा कसैले सर्लाहीको कुरा गरेपछि, कम्तिमा त्यो दाइलाई चिन्छु होला, अलि सजिलो होला भन्ने सोचेर मन रमायो । इन्ट्रान्सको फर्म भर्न त्यो कलेज आफैँले खोज्दै खोज्दै गएँ, कलेज पुगियो । मैले सर्लाहीको त्यही दाइको नाम लिएर, को हुनुहुन्छ भनेर सोध्न लगाएँ, पालेदाइले घरको माथिल्लो तलार्तफ ईशारा गर्दै सोधिदिए । कलेजको माथिल्लो तलाबाट सर्ट, पाइन्ट अनि टाइ लगाएको, अनि ४-५ जना केटीहरुले घेरिएको एउटा केटा रुष्ट स्वरमा बोल्यो, के हो भाइ ? मैले सोचेको र चिनेको मान्छे, त्यो रहेनछ, केही होइन मैले भनेँ । उसको हाउभाउ देखेर, मलाई लाग्यो, म गलत ठाउँमा आएछु, यो कलेज मेरो लागि होइन। सायद उसले आफू सिनियर भएको जताउन खोजेको थियो होला, तर मलाई भने साह्रै गाह्रो परेको थियो ।

college-plustwoजसोतसो त्यही कलेजमा फर्म बुझाएँ, परीक्षा नि दिँए, नाम निस्कियो नि भने, प्रिन्सिपलले बोलाएर कुरा नि गरे । अब ‘फि’मा बार्गेनिङ हुन बाँकी थियो, उनले यस्तो उस्तो भन्ने देखाउँदै दोब्बर तेब्बर बनाइएको शुल्कबाट ४० प्रतिशत ‘फि’ मिनाहा गर्दिन्छु भने तर अन्तिममा उक्त कलेजमा पढिएन । कलेजका ड्रेस अनि ती केटा-केटीहरुको रवाफ र सान देखेर, आफूलाई निर्धो महशुश भयो, त्यसले आफूभित्र निराशाको मात्रा बढाउन मद्दत गर्यो । घरभन्दा पर रहेकोले ‘होम सिक’ नि भइयो । साँच्चै भन्ने हो भने, एसएलसी पास गरेर प्लसटु भर्ना हुन्जेलको समयमा निकै हतास र निराश भएको थिँए । प्लसटु कलेजको भर्ना हुने मिती सकिँदै गइरहेको थियो, तर न आफूले ब्रिज कोर्स गरियो, न इन्ट्रान्स क्लास गरियो, न कुनै आफूलाई सुहाउँदो र भनेजस्तो कलेज नै भेटियो । तर एकजना अंकल भन्नुहुन्थ्यो, चिन्ता नगर भतिज, दशैँसम्म नि लिन्छन् प्लसटुले भर्ना, त्यसबेला आफूलाई पत्यार लाग्दैन थियो, अहिले त पत्यार लाग्छ, दशैँमात्र के, परिक्षाको मुखैमा गए पनि भर्ना लिन्छन् प्लस टु कलेज ले।

यस्तैमा एकदिन अंकलले, एउटा कलेज सुझाउनु भयो । त्यो कलेज अंकलको पनि अंकलको साथिको रहेछ, अत: अंकलको पनि अंकल सँग म उक्त कलेजमा गएँ । अंकलले यस्तो, उस्तो भनेर गफ हान्दिनु भयो, १० हजार भन्दा बढि रहेको भर्ना शुल्क नि मिनाहा गराइदिनु भयो, महिना 'फी’मा पनि हल्का बार्गेनिङ गरिदिनु भयो । कलेजको बिल्डिङ नि अरुको तुलनामा धेरै ठूलो भन्न नमिल्ने किसिमको थियो, यसमा चाँही एडजस्ट हुनसक्छु जस्तो लाग्यो । यसरी चौधरी सर प्रिन्सिपल रहेको कलेजमा, विज्ञान विषयमा पहिलो ब्याचको विद्यार्थी भएर भर्ना भएँ। पहिलो ब्याचको विद्यार्थी भएका कारण, सिनियर कोही थिएनन्, सबै साथीहरु मात्र थिए, कोही दाइ र दिदी थिएनन् । कलेजका सुरुका केही दिन गाह्रो लाग्यो, पछि विस्तारै बानी लाग्दै गयो । अनि ‘टर्म’ परीक्षाहरुमा निकै राम्रो गर्दै जान थालियो । मासिक/त्रैमासिक परीक्षाको रिजल्ट हुने दिनमा सबै साथिहरु अभिभावक सँग कलेज आउँथे प्रिन्सिपलको गालि मजाले खान्थे, आफू एक्लै गइन्थ्यो, परिक्षामा राम्रो अंक ल्याएर पास भइएकोहुन्थ्यो, प्रिन्सिपल सँधै ‘घिमिरे सर’ भन्दै सबैको सामुन्ने खुबै प्रशंसा गरिदिनुहुन्थ्यो । त्यसले अर्कै किसिमको उर्जा थपिदिएको हुन्थ्यो । प्रिन्सिपल सरले सँधै मलाई ‘घिमिरे सर’ नै भनेर बोलाउनु भयो, ११ मा खासै वास्ता नगर्ने सरहरुले १२ मा पुगेपछि भने धेरै ध्यान दिनुभयो । एसएलसी भन्दा ११ राम्रो भयो, ११ भन्दा १२ राम्रो भयो । यसरी नाइटिंगेल उच्चा मा वि, कुपन्डोलबाट राम्रो अंक ल्याएर प्लसटु पास गरियो ।

अहिले पनि कलेजका ती ठूला ठूला विज्ञापन हेर्दा, आफूले भोगेका र महशुस गरेका कुराहरु आँखा अगाडि आउँछन् । कति विद्यार्थीहरु मेरै जस्तो हालतमा होलान् जस्तो लाग्छ । कलेजमा अनावश्यक तडकभडक देखाउने, अनावश्यक सान देखाउने, धेरै विद्यार्थी र कलेजहरु छन् । ती भड्किला लाग्ने कलेजहरुमा नजाँदा नै वेश हुन्छ जस्तो लाग्छ । जसले जे भने पनि, पढ्ने आफूले हो। फलाना र चिलाना कलेजमा पढ्दैमा केही हुने होइन । पत्रिकाम देखिएका कलेजहरुका ठूला ठूला विज्ञापनको पछाडी नलाग्दा नै उत्तम हुन्छ । हाम्रो देशमा शिक्षालाई अनुगमन पर्ने आवश्यकता देखिँदै गएकोछ । हस्पिटलको विज्ञापनमा बन्देज भएझेँ, कलेज स्कुलको विज्ञापनमा नि बन्देज लगाइदिए हुन्थ्यो जस्तो लाग्छ ।

Comments

  1. सामान्य तर दमदार पोष्ट । अचेल त बर्षैपिच्छे खुल्ने कलेजका नाम पो रमाइलो हुन्छ ।

    ReplyDelete
  2. very nice write up and encouraging for the students. man paryo.

    ReplyDelete
  3. अहिलेको कलेजको विज्ञापन देख्दा लाग्छ.. पत्रिकाम! देखिएका कलेजहरुका ठूला ठूला विज्ञापनको पछाडी नलाग्दा नै उत्तम हुन्छ । हाम्रो देशमा शिक्षालाई अनुगमन पर्ने आवश्यकता देखिँदै गएकोछ । हस्पिटलको विज्ञापनमा बन्देज भएझेँ, कलेज स्कुलको विज्ञापनमा नि बन्देज लगाइदिए हुन्थ्यो जस्तो लाग्छ ।

    ReplyDelete
  4. It is going to get worse... (I hope not) :(

    ReplyDelete
  5. अहिलेको कलेजको विज्ञापन देख्दा लाग्छ...धन्न आफू पास भइ सकियो ....अनि छोरीलाई पढाउने बेला भा छैन ... :)

    ReplyDelete
  6. नेपालाँ शिक्षा, स्वास्थ्य, र राजनितीमा गरेको लगानीमा जहिले नि फाइदै हुन्छ नि तै भ र होला स्कुल भन्दा धेर कलेज खुलेका !!

    ReplyDelete

Post a Comment

Popular posts from this blog

Download Tihar Dhun and Deusi Bhailo Songs

Listen to Deusi Bhailo Songs.

शुभ दिपावलीको आगमनसँगै, यहाँहरुको लागि भनेर केही देउसी-भैलोका गितहरु अनलाइन राख्दैछौँ । आशा छ, यहाँहरुले यी देउसी भैलोका गितहरु मन पराउनुहुनेछ ।

Download Tihar Songs: Bhailini/Bhailo - भैलो

Download Tihar Songs: Bhailini Aayin / भैलिनी आइन आँगन

Download Tihar Songs: deusi re / देउसी रे

Download Tihar Song: tiharai aayo lau jhilimili / तिहारै आयो लौ झिलिमिली

Download Tihar Songs: diyo baali sanjh ko / दियो बाली साँझ को

Download: Tihar Dhun (Deusi,Bhailo)/ तिहार धुन(देउसी भैलो)- सुरसुधा

नोट: यी अपलोड गरिएका गितसंगितहरु व्यावसायिक प्रायोजनको लागि प्रयोग नगर्न आग्रह गर्दछौँ । इन्टरनेटमा भेटिएका गितहरुलाई हामीले यहाँ एकै ठाउँमा सजिलोको लागि राखिदिएको मात्र हौँ । तपाई यदि यी गित संगितको सर्जक हुनुहुन्छ र गित संगित यहाँबाट हटाउनुपर्ने भए जानकारी गराउनुहोला । फेरी एकपटक शुभ दिपावलीको हार्दिक मंगलमय शुभकामना व्यक्त गर्दछौँ ।

Aadha Baato (आधा बाटो) [Download] #Novel #Shrutisambeg

श्रुतिसंवेग मा हामी ले कृष्ण धरावासी को उपन्यास “आधा बाटो” को सम्पूर्ण डाउनलोड लिंक लिएर आएका छौ |आफ्ना जिवन भोगाइ का यथार्थलाई जोडेर तयार पारिएको उपन्यास ‘आधा बाटो’ कृष्ण धरावासी को आत्मकथा को रुपमा रहेको छ ।“राधा” जस्तो सफल उपन्यास लेखिसकेका धरावासी को यो पछिल्लो उपन्यास मा आफ्ना बाल्यकाल देखि हाल को अवस्था सम्म को कुराहरु समेटेर लेखिएको कारण उपन्यासलाई धरावासी ले ‘आधा बाटो’ भन्न रुचाएका छन् ।आफूले देखे सुनेको स्थान, नाम आदि का कारण यो उपन्यास पढ्ने तथा सुन्नेहरुलाई आफ्नै कथा जस्तो पनि लाग्न सक्छ ।उज्यालो ९० नेटवर्क को लागि निर्माण गरिएको कार्यक्रम श्रुति संवेग मा वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।कार्यक्रम को अडियो श्रृंखला उज्यालो नाइन्टि नेटवर्क को कार्यक्रम श्रुतिसम्बेग बाट लिइएको हो ।Download : Krishna Dharabasi’s ‘Aadha Bato’ Episode –1Krishna Dharabasi’s ‘Aadha Bato’ Episode –2Krishna Dharabasi’s ‘Aadha Bato’ Episode –3Krishna Dharabasi’s ‘Aadha Bato’ Episode –4Krishna Dharabasi’s ‘Aadha Bato’ Episode –5Krishna Dharabasi’s…

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free.
Install Nepali Unicode Romanized in Windows XP:
Install:
Run setup file;
Go to control Panel;
Open Language and Regional settings;
Open Regional Language Options;
Go to Language Options & tick on check box (install files..... Thai, instal....east Asian...languages):
Click apply-it might ask for windows CD:
Insert CD or you can directly copy "i386" files too;
And install all: then you have done;
Click for details;
Then click add a tab;
A new popup will appear:
Select "Sanskrit" in the first box;
Select "Nepali unicode (romanized)" in second box;
Click "ok";
You have successfully installed it;
Press "alt+shif…

Shirish Ko Phool : Review & Download

One of the finest book ever written in Nepali literature....Shirish Ko Phool and one of my personal favorite.

I have read this novel over four times or say five times..and each time I finish the novel I feel pang and it hangs on my head for so many days. Why guilt is so painful that made such a strong woman called Sakambari to suicide..or die…??

The novel has a wonderful language..the simplest of all. When I had read it for the first time..to tell the truth that I hadn’t really understood the novel, I felt the love story in it and I could not understand the passion in the novel.. But this day I may say I am able to figure out the passion and the feelings of the author..

I really appreciate the wonderful story, the plot the real setting, the real characters…and the situation of the novel till it ends. The pain of running away from the feelings and passion. When the Suyogbir says.."Ma glass ma bhagchu” ( I forgot the line exactly…). The feeling is that we run away from pain…because…

हाम्रो नेपाली किबोर्ड अब आइफोनमा

बहुप्रतिक्षित हाम्रो नेपाली किबोर्ड अब आइफोन/आइप्याडमा उपलब्ध भएको छ । हाम्रो पात्रो तथा एन्ड्रोइडका लागि हाम्रो नेपाली किबोर्डको सफलता पछि, हाम्रो पात्रो टिमले आइफोनको लागि यो नयाँ किबोर्ड सार्वजनिक गरेको हो ।


एन्ड्रोइड नेपाली किबोर्डमा झैँ यस किबोर्डमा पनि हामीले प्रयोग गर्दै आएको नेपाली रोमनाइज्ड किबोर्ड, नेपाली ट्रेडिसनल (बकमन) आदि लेआउटहरु समावेश गरिएकोछ । एपस्टोरबाट किबोर्ड डाउनलोड गरेर आइफोनको सेटिङमा यो नयाँ किबोर्ड 'एड' गरेपछि, जुनसुकै एपमा सरर नेपाली टाइप गर्न सकिन्छ । हाम्रो पात्रो किबोर्डमा नेपालीमा 'अटो सजेसन'हरु देखाउने हुँदा, टाइपिङ छिटो हुन्छ ।


आइफोन / आइप्याडको लागि हाम्रो किबोर्ड एप डाउनलोड गर्नुहोस्

Shruti Sambeg : Download तरुनी खेती

Listen to Full Episode of Taruni Kheti.

आज को श्रुति संवेग को यो अंक मा  हामी  ‘सरुभक्त’ को उपन्यास ‘तरुनी खेती’ को सबै अंक लिएर आएका छौँ।


विषयवस्तु परिचित भएपनि, प्रस्तुतिकरण नितान्त फरक रहेको छ । महिला अनि पुरुष, को सामाजिक स्थितिलाई लेखिएर लेखिएको उपन्यास मा, ‘महिला’लाई यौनिक रुप ले हेरिएको छ ।

सरल कुरा तर जटिल प्रस्तुती लाग्ने हुँदा, सुरु मा उपन्यास ले के भन्न खोजिरहेको भन्ने कुरा बुझ्न निकै गाह्रो पर्छ । नारीलाई खेत, पुरुषलाई किसान, यस्तै यस्तै उपमा र बिम्ब बाट नारी र पुरुषलाई परिभाषित गरिएको छ ।

भुमिका मा सरुभक्तले भन्नुभएकोछ, “यसलाई पुरुषहरु ले गलत नबुझुन र नारीहरु ले बुझ्न इन्कार नगरुन्” ।

उज्यालो ९० नेटवर्क को लागि निर्माण गरिएको कार्यक्रम श्रुति संवेग मा सदाझैँ वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।


Download:
Sharubhakta’s Taruni Kheti Episode-1
Sharubhakta’s Taruni Kheti Episode-2
Sharubhakta’s Taruni Kheti Episode-3
Sharubhakta’s Taruni Kheti Episode-4
Sharubhakta’s Taruni Kheti Episode-5