बेङ्लोरको एरोस्पेस संग्राहलय (HAL Aerospace Museum in Bangalore) [PHOTO]

करिव १ वर्ष पहिले, पहिलोपटक बेङ्लोर पुगिएको थियो, रेल चढेर । नेपाल देखि भारतको बेङ्लोर सम्मको अनुभवहरु यहाँ, यहाँ, यहाँ, यहाँ, यहाँयहाँ छन् । नेपाल देखि बेङ्लोरसम्म पुग्न रेलमा मात्रै पटना देखि बेङ्लोर सम्म लगातार ४८ घन्टाको यात्रा तय गरिएको थियो । पढ्न अल्छि नमान्ने, साथीहरुले मेरा यात्रा अनुभवहरु पढ्नसक्नुहुन्छ । बेङ्लोरमा रहँदा बस्दा, दाइहरु सँग केही ठाउँहरु पुगिएको थियो, आफूसँग भएको मोबाइलले केही फोटो पनि खिचिएको थियो तर ब्लगमा भने न बेङ्लोर बसाइको अनुभव लेखियो न कुनै फोटो नै राखियो ।

आज कम्प्युटरमा आफ्ना फोटो एल्बमहरु हेर्दै जाँदा बेङ्लोर बसाइको क्रममा खिचिएका केही फोटोहरु देखेँ । फेसबुकमा अपलोड गरौँ भने, अलि पुराना लाग्ने भए, अत: ब्लगमै केही फोटोहरु राख्नुपर्ला जस्तो लाग्यो । सायद, शनिवार वा आइतबारको दिन थियो । पानी पर्ला पर्ला झैँ हुँदै थियौँ, हामी ( म र लक्ष्मी दाइ), बेङलोरको एच ए एल रोडमा (HAL Road – Bangalore) रहेको संग्राहलयमा भारतमा निर्माण गरिएका, नयाँ तथा पुराना प्लेनहरु हेर्न गयौँ । एच ए एल (HAL) को अर्थ हुन्छ, हिन्दुस्तान एरोनटिक्स लिमिटेड (Hindustan Aeronautics Limited), यो कम्पनी भारतको वायुसेनाको मेरुदण्ड हो भन्दा फरक पर्दैन ।

एरोस्पेस संग्राहलयमा (HAL Aerospace Museum) भारतमा निर्माण गरिएका पुराना देखि नयाँ मोडल सम्ममा सैनिक विमानहरु राखिएका रहेछन् । हामीले साथमा क्यामरा नलगेको भएर, अर्को पटक जाँदा क्यामेरा लगेर फोटो खिच्ने योजना बनाइएकोथियो तर व्यस्त समयमा फेरि अर्को पटक संग्राहलय पुग्ने अवसर जुरेन । अर्को पटक फेरि संग्राहलय नछिरिकनै म नेपाल फर्किएँ तर यी फोटोहरु हेर्दा, केही हदसम्म बेङ्लोरका बसाइका दिनहरु फेरि ताजा भएर आउँछ । ती डिजाइनका नामहरु, मोडेलहरु याद नभएपनि संग्राहलयमा राखिएका केही विमानहरुको फोटो यहाँ राख्दैछु ।

हामीले संग्राहलयको टिकट काटेर भित्र छिर्यौँ, सायद भारु १० वा २५ तिरिएकोथियो, टिकटको लागि । संग्राहलय घुमिसक्दा, पानी पनि दर्केर परेकोथियो, अनि संग्राहलय भित्रै रहेको चिया पसलमा चिया खाएर घर फर्केका थियौँ । संग्राहलय घुमेपछि मान्न करै लाग्यो, भारतले ठूलो प्रगति गरेको रहेछ । संग्राहलयमा सैनिक विमान मात्र होइन, मिसाइल र रकेटहरु पनि राखिएको थियो । क्यामरा नै लगेर त्यसको फोटो खिच्ने लोभमा मोबाइलबाट फोटो भने खिचिएन । 

घर बाहिर होस् कि घर भित्र होस्, जता हेर्यो त्यता विमानहरु मात्र थिए । कुनै नयाँ मोडेलका थिए, कुनै पुराना मोडलका थिए । कुनै साना थिए, कुनै ठूला थिए, कुनै कुनै त उड्न ठिक्क परेका झैँ देखिन्थे । हरेक विमानको छेउमा, विमानको बारेमा जानकरी दिइएको थियो ।

HAL-Museum-Bangalore-Plane-1HAL-Museum-Bangalore-Plane-2HAL-Museum-Bangalore-Plane-3HAL-Museum-Bangalore-Plane-4HAL-Museum-Bangalore-Plane-5HAL-Museum-Bangalore-Plane-6


बेङ्लोर यात्राको यात्रा विवरण

पहिलो भाग : पहिलो पटक मातृभुमी छाड्दा… [भाग–१] #SarlahiToRaxual

दोश्रो भाग : पहिलो पटक रक्सौलमा… [भाग-२] #FirstTimeAtRaxual

तेस्रो भाग : रक्सौल टु पट्ना : नाइट बसमा सरर [भाग-३] #Raxual To #Patna

चौथो भाग : पट्ना मै बित्यो दिन [भाग-४] #OneDayAtPatna

पाँचौ भाग : अनि पट्नाबाट ट्रेन चढियो [भाग-५] #Train #Patna

अन्तिम भाग : रेल मा ४८ घन्टा ! भो-नकुरागरम !!! [ भाग-६] #PatnaToBangalore

2 comments :