Skip to main content

ट्वीटरसँगका आफ्ना अनुभवहरु [नितान्त व्यक्तिगत]

ट्वीटर चलाउँदा बेग्लै किसिमको रमाइलो हुन्छ, चाहे सूचना समाचार होस् वा सन्चो विसन्चो सोध्न होस् वा अन्य नयाँ कुरा थाहा पाउन वा साथी बनाउन नै होस्, हरपल हरक्षण ट्विटरमा भुलिरहन मनलाग्छ ! केही साथीहरुलाई भर्खरै पनि ट्विटर चलाउन आग्रह गरेँ, यो ट्विटर फेसबुक भन्दा के फरक छ, यसबाट के हुन्छ भन्ने किसिमको जवाफ पाँए ! मेरो सुझाव थियो, रेगुलर एक हप्ता जसरी नि चलाउ, आफैँ थाहा हुन्छ ट्विटर भनेको के हो भनेर ! अनि ट्विटर चलाउनेहरुलाई ट्विटर के हो भनेर, बुझाउनु पर्छ जस्तो पनि लाग्दैन !

माइक्रोब्लगिङ साइट ट्वीटरको बारेमा सबैको आ-आफ्नै किसिमको धारणा होला, अनि यसको प्रायोजनको कारण पनि सबैको लागि फरक-फरक नै होला । कोही ट्वीटर रमाइलोको लागि चलाउँछन्, कोही आफ्नो विचार प्रवाह गर्न चलाउँछन्, कोही सूचना तथा समाचारको लागि प्रयोग गर्छन्, कोही साथीसँग नजिक भइरहनको लागि प्रयोग गर्छन्, कोही आफ्नो व्यापार-व्यवसायको प्रचारप्रसारको लागि प्रयोग गर्छन् । ट्वीटर जसले जसरी पनि चलाउन सक्छ, राम्रो सँग चलाएको खण्डमा रमाइलो हुन्छ, राम्रो प्रतिफल निस्किन्छ ! ट्वीटरको दुरुपयोग गरेको खण्डमा प्रतिफल नराम्रो नै हुन्छ ।

new-twitter१४० “क्यारेक्टर” मा सिमित माइक्रोब्लगिङ साइट ट्वीटरका (Microblogging site Twitter) बारेमा ब्लगमा पहिले पनि धेरै चर्चा गरिसकेँ । यस ब्लगमा ट्वीटरबारेको आफ्नो अनुभवलाई प्रस्तुत गर्ने जमर्को गरेको छु ! करिब ५ वर्ष अघि काठमाडौँ विश्वविद्यालय प्रवेश सँगै यो ब्लग सुरुभयो, हाइफाइभ छोडेर फेसबुक चलाउन थालियो, अनि अहिले ट्वीटर, पछि गुगलप्लस र अन्य धेरै सोसल मिडिया साइटहरु । इन्टरनेटले केही व्यक्तिलाई भेटायो, केहीलाई छुटायो । सामाजिक सञ्जाल मार्फत भेटिएका र छुटिएकाहरु प्रति केही गुनासो छैन ! जे हुन्छ राम्रैको लागि हुन्छ भन्ने मलाई लाग्छ ।

ट्वीटरको बारेमा केही समय पहिले लेखेको ब्लगले ट्वीटरमा यति धेरै साथीहरुलाई आकर्षित गर्ला भन्ने सोचेको थिइन (आफ्नो साथी सर्कलको कुरा गर्दैछु) । फेसबुकमा रमाइरहेका साथीहरुलाई ट्वीटर चलाउन सुझाव दिनु एक चुनौती झैँ नै थियो । तर पनि केही साथीहरु एकपटक भनेकै भरमा ट्वीटरमा आइपुग्नु भयो, कतिले चलाउनु भयो, कतिले ट्वीटर नबुझेर छोड्नु भयो, छोड्नेहरु सायद कुनै दिन ट्वीटरमा फेरि आउनु हुनेछ । करिब २-३ वर्ष पहिले आफ्नो सर्कलमा ट्वीटर चलाउने साथीहरु थिएनन्, मुस्किलले केही व्यक्ति भेटिन्थे, ती पनि “एक्टिभ” थिएनन् । ट्वीटरमा पहिलो ट्वीट के लेखेँ याद छैन, अनि किन ट्वीटरमा आएँ पनि याद छैन, यत्ति थाहा छ, ट्वीटर मेरा लागि  नयाँ कुरा थियो।

त्यसबेला ट्वीटरमा केही साथी थियौँ, जो हरदम आपसमा कुरा गर्दै ट्विट गर्थ्यौँ । उनीहरु को हुन्, के हुन् केही थाहा थिएन मात्र ट्वीट गरिन्थ्यो । आपसमा रमाइलो कुरा गरिन्थ्यो । “आकार पोष्ट”का साथै “ग्लोबल थट्ज” (अहिले बजम) मा लेख्न थालेपछि मैले ट्वीटरको व्यापक प्रयोग गर्न थालेँ । त्यसै समय देखि प्रविधी र सोसल मिडिया सम्बन्धी सामाग्रीमा विशेष रुची बढ्न थाल्यो । प्रविधी र सोसल मिडियाको सामाग्रीमा रुची बढेपछि, आफूलाई आवश्यक पर्ने खुराकहरुको लागि ट्विटरमा खोज्न थालेँ । 

यतिबेला सम्म म ट्वीटरमा “एडिक्ट” भइसकेको थिएँ, मलाई देशको राजनिती भन्दा “एप्पल र गुगल” बिच चलिरहेको राजनिती प्रति विशेष चासो थियो, अनि ट्विटरमा आइपुग्ने विभिन्न व्यक्तिहरुको ट्वीटरफिडलाई पच्छ्याउँदै, उक्त समाचार सम्म पुग्थेँ, यद्दपी यो क्रम यथावत नै छ । यसबाहेक साथीभाइसँग हुने कुराकानी त छदैँ छ, ब्लगमा मात्र विचार राख्दै आएको म अब ट्वीटरमै समय सान्दर्भिक विचारहरु राख्न थालेँ, अन्जान मै आफ्नो ब्लगको प्रचार प्रसार फेसबुक र ट्वीटरमा गर्न थालियो । अहिले सोच्दा छक्क पर्छु, ट्वीटर, फेसबुक लगायतका सामाजिक सञ्जालका साइट त प्रचार प्रसार गर्नको  लागि निकै गज्जब ले प्रयोग गर्न सकिँदो रहेछ । फेसबुक ट्वीटर मै साथीहरु सँग अन्तरक्रिया गर्न थालियो ।Facebook Twitter

फेसबुकको प्रयोग बढेसँगै केही ब्लगर साथीहरुको गुनासो सुनियो, अब ब्लग खत्तम भयो, कसैले ब्लग पढ्दैनन् । तर “आकार पोष्ट”लाई यही फेसबुक र ट्वीटर वरदान सावित भयो, झन् धेरै साथीहरुले फेसबुक र ट्वीटरको लिंक पच्छ्याउँदै ब्लग हेर्न थाल्नुभयो । आकापोष्टको फेसबुक पेज हेर्नुभयो भने केही अप्ठ्यारो महशुस होला कारण पेजको नाम “आकार पोष्ट” नराखी “युआरएल” (URL) राखिएकोछ, कारण फेसबुकले फेसबुक पेज सार्वजनिक गर्दा यसको उपयोगिता थाहा थिएन तर जहिले फेसबुक पेजको उपयोगिता बुझियो त्यसबेला सम्म ढिलो भइसकेको थियो, सय भन्दा धेरै साथीहरुले फेसबुक पेज लाइक गरिसक्नु भएको थियो ।

ट्विटर के कुराको लागि चलाइन्छ भन्ने कुराले विशेष महत्व राख्दोरै’छ ! सुरु सुरुमा ट्विटर धेरैजसो हाँसो मजाक गर्न प्रयोग गरिन्थ्यो, अनि अहिले चाँहि यसमा थोरै परिवर्तन गरिएकोछ ! हाँसो ठट्टाका अतिरिक्त आफूसँग सम्बन्धित विषय या भनौँ आफ्नो ‘काम’ र ‘क्यारियर’ सम्बन्धित कुराहरुको लागि ट्विटरको उपयोग गरिरहिएकोछ !  दायाँ साइडको फोटोमा भनिएजस्तै कसै-कसैले फेसबुक र ट्विटरमा आफ्नो समय बिताउनेहरुको खिल्ली नि उडाउँछन्, तर आफ्नो कामसँग सम्बन्धित विषयको लागि समय बिताइन्छ भने त्यसले फाइदै गर्छ !

पहिले मलाई थाहा थिएन र खासै ध्यान पनि दिइएको थिएन तर पछिल्लो समयमा ट्विटरमा आफ्नो कामसम्बन्धि कुराहरुमा विशेष चासो दिन थालियो ! जब आफ्नो काम र क्यारियर सँग सम्बन्धित कुराहरु ट्विट गर्न थालियो, त्यही कुराहरु खोज्न थालियो ! संयोग नै मान्नुपर्छ, महिना दिन अघि सोपा/पिपा सम्बन्धि गरिएको ट्विट, ट्रेन्डिङ टपिक पनि बन्न पुग्यो !

@aakarpost's worldwide top trending tweetsअनि केही दिन पहिले फेसबुकमा एउटा म्यासेज आइपुग्यो, जुन तल फोटोमा राखिएकोछ ! उक्त म्यासेज पढेपछि आफैँ छक्क परेँ, आफ्नो कामसँग सम्बन्धित क्षेत्रका व्यक्तिहरुले ट्विटरमा पच्छ्याउने, नियाल्ने गर्दारहेछन् !

fb-msgमहिनादिन पहिले ट्विटरबाटै आफूले सोधेको प्रश्नको जवाफ चर्चित SEO ब्लग SEOMoz मा प्रकाशित भयो, जुन मेरो लागि खुशी  र गौरवको कुरा थियो ! सर्च इन्जिन ल्यान्ड र गिगाओम जस्तो विश्व चर्चित ब्लगका ब्लगरहरु सँग ट्विटरमार्फत अन्तरक्रिया गर्न पाउनु, अनि आफ्नो खुल्दुली सिधै उनीहरु (एक्सपर्ट)बाट मेट्न पाउनु, अर्को खुशीको कुरा हो !

seomoz answerट्विटरमा गरिएको ट्विट र गुगलप्लसमा गरिएको अपडेट हेरेर विश्वका विभिन्न देशहरुबाट ईमेल, म्यासेज आउनु, आफ्नो बारेमा चासो राखिनु पनि आफ्नो लागि त राम्रो नै हो ! हुन त हिजो मात्रै पनि ह्याकर न्युजमा पढ्दै थिँए, एकजनाले लेखेको ब्लग ह्याकरन्युजमा माथि देखिएपछि, उसलाई एक कम्पनीले जागिर नै दिएछ! ह्यासट्याग फलो गरेर पनि ट्विटरमा धेरै कुराहरु गर्न सकिन्छ !

यसबाहेक, ट्विटरका साथीहरुसँग हुने रमाइला अन्तरक्रियाहरुको त कुनै मुल्य नै छैन, ट्विटर मार्फत नै हजारौँ साथी पाइएकोछ ! हरेक पटक नयाँ कुराहरु जान्न र बुझ्न पाइरहिएको हुन्छ ! कति कुराहरुमा सही थापिन्छ भने केही कुराहरुमा बहस र छलफल पनि गरिन्छ ! हालैका दिनमा ट्विटरमार्फत नै समाजसेवा पनि गरिएकोछ भन्दा फरक पर्दैन ! मलाई लाग्छ, ट्विटरबाट अहिलेसम्म पाएको उपलब्धि नि यही हो !

यति हुँदा हुँदै पनि, ट्विटरबाट फाइदा लिन सक्ने वा नसक्ने कुराहरु भने, ट्विटर चलाउने व्यक्तिमा भर पर्छ ! आफ्नो विषयमा केन्द्रित भएर, ट्विटर चलाइन्छ भने, यसबाट फाइदा पुग्छ यदि त्यसो गर्न सकिँदैन भने, ट्विटरबाट आफूले सोचे अनुसार फाइदा नहुन सक्छ!

अहिलेलाई यत्ति बाँकी कुरा कुनै दिन अर्को ब्लगमा गरौँला !

ट्विटरमा आकारपोष्ट @aakarpost

तस्विर: दोस्रो फोटो सिआइडि जोक्स फेसबुकपेजबाट लिइएको हो

Comments

  1. You are doing it in the right way...:)

    ReplyDelete
  2. मेरो प्रश्न ब्यक्तिगत भनिसकेपछि नितान्त भन्नु पर्छ कि पर्दैन भन्ने हो!! क्षमा चाहन्छु बढि किचकिच गरेको मा!!

    ReplyDelete
  3. खै, हजुर थाहा भएन !

    ReplyDelete
  4. मलाई लाग्छ, यो भनेको अंग्रेजीमा Only प्रयोग गरे जस्तो हो !

    ReplyDelete
  5. 'ब्यक्तिगत' र 'नितान्त ब्यक्तिगत' मा के फरक हुन्छ? मैले नबुझेर यसो सोध्न मन लाग्यो, हजुरलाई जवाफ दिन मन नलागे नदिनु है :)!! ब्यक्तिगत भनिसके पछि नितान्त राख्नु र नराख्नुमा केहि फरक पर्छ कि पर्दैन होला?

    ReplyDelete
  6. Thanks mr.  anil for sharing your personal experience of twitter. of course it is sure that if we any thing in good way it give good result and if we use bad way we get bad result even though it is good product

    ReplyDelete
  7. Yo twitter chalauna najannelai bakwaas jannelai afno sochai ra careerko gatepass.. ..  samayesapekchhya rupma esko prayog chai ekdum mahatwopurna hudai gairaheko kuraalaai nakarna chai sakidaina...  

    ReplyDelete
  8. Back again timely - twitter does it all!

    ReplyDelete
  9. nice post brother. hope this will encourage people to use twitter

    ReplyDelete
  10. Agreed....
    आफ्नो विषयमा केन्द्रित भएर, ट्विटर चलाइन्छ भने, यसबाट फाइदा पुग्छ ...

    ReplyDelete
  11. Thank you Dijju! I'm blessed! :)

    ReplyDelete
  12.  THANKS FOR THE POST,

    ReplyDelete
  13. LA dai ma ni 2 yrs pachi feri twitter ma back bhaye hai :)

    ReplyDelete
  14. Excellent!well no need any comments on your writing,though its amazing fun at twitter world,good to know about how you are involve in twitter with different reason n your success,indeed it could be good if u handle good way or u can completely ruind   yourself if handle wrong way.Twitter rocks anyways.Don't get addicted but make a habit to come often n see what's going on around the world.Join twitter and no need to say,don't forget to follow aakarpost its because with out having him in time line twitter is no twitter (my personal view) :) phewww after long comment I just wanted to say,wow what a writing Aakar! :) 

    ReplyDelete
  15. i m a new comer of this site. its a wonderful site but i don't know abt twitting. So, i will keep on watching this site. Thanks

    ReplyDelete

Post a Comment

Popular posts from this blog

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free.
Install Nepali Unicode Romanized in Windows XP:
Install:
Run setup file;
Go to control Panel;
Open Language and Regional settings;
Open Regional Language Options;
Go to Language Options & tick on check box (install files..... Thai, instal....east Asian...languages):
Click apply-it might ask for windows CD:
Insert CD or you can directly copy "i386" files too;
And install all: then you have done;
Click for details;
Then click add a tab;
A new popup will appear:
Select "Sanskrit" in the first box;
Select "Nepali unicode (romanized)" in second box;
Click "ok";
You have successfully installed it;
Press "alt+shif…

Aadha Baato (आधा बाटो) [Download] #Novel #Shrutisambeg

श्रुतिसंवेग मा हामी ले कृष्ण धरावासी को उपन्यास “आधा बाटो” को सम्पूर्ण डाउनलोड लिंक लिएर आएका छौ |आफ्ना जिवन भोगाइ का यथार्थलाई जोडेर तयार पारिएको उपन्यास ‘आधा बाटो’ कृष्ण धरावासी को आत्मकथा को रुपमा रहेको छ ।“राधा” जस्तो सफल उपन्यास लेखिसकेका धरावासी को यो पछिल्लो उपन्यास मा आफ्ना बाल्यकाल देखि हाल को अवस्था सम्म को कुराहरु समेटेर लेखिएको कारण उपन्यासलाई धरावासी ले ‘आधा बाटो’ भन्न रुचाएका छन् ।आफूले देखे सुनेको स्थान, नाम आदि का कारण यो उपन्यास पढ्ने तथा सुन्नेहरुलाई आफ्नै कथा जस्तो पनि लाग्न सक्छ ।उज्यालो ९० नेटवर्क को लागि निर्माण गरिएको कार्यक्रम श्रुति संवेग मा वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।कार्यक्रम को अडियो श्रृंखला उज्यालो नाइन्टि नेटवर्क को कार्यक्रम श्रुतिसम्बेग बाट लिइएको हो ।Download : Krishna Dharabasi’s ‘Aadha Bato’ Episode –1Krishna Dharabasi’s ‘Aadha Bato’ Episode –2Krishna Dharabasi’s ‘Aadha Bato’ Episode –3Krishna Dharabasi’s ‘Aadha Bato’ Episode –4Krishna Dharabasi’s ‘Aadha Bato’ Episode –5Krishna Dharabasi’s…

Download Tihar Dhun and Deusi Bhailo Songs

Listen to Deusi Bhailo Songs.

शुभ दिपावलीको आगमनसँगै, यहाँहरुको लागि भनेर केही देउसी-भैलोका गितहरु अनलाइन राख्दैछौँ । आशा छ, यहाँहरुले यी देउसी भैलोका गितहरु मन पराउनुहुनेछ ।

Download Tihar Songs: Bhailini/Bhailo - भैलो

Download Tihar Songs: Bhailini Aayin / भैलिनी आइन आँगन

Download Tihar Songs: deusi re / देउसी रे

Download Tihar Song: tiharai aayo lau jhilimili / तिहारै आयो लौ झिलिमिली

Download Tihar Songs: diyo baali sanjh ko / दियो बाली साँझ को

Download: Tihar Dhun (Deusi,Bhailo)/ तिहार धुन(देउसी भैलो)- सुरसुधा

नोट: यी अपलोड गरिएका गितसंगितहरु व्यावसायिक प्रायोजनको लागि प्रयोग नगर्न आग्रह गर्दछौँ । इन्टरनेटमा भेटिएका गितहरुलाई हामीले यहाँ एकै ठाउँमा सजिलोको लागि राखिदिएको मात्र हौँ । तपाई यदि यी गित संगितको सर्जक हुनुहुन्छ र गित संगित यहाँबाट हटाउनुपर्ने भए जानकारी गराउनुहोला । फेरी एकपटक शुभ दिपावलीको हार्दिक मंगलमय शुभकामना व्यक्त गर्दछौँ ।

Shruti Sambeg : Radha [Review & Download]

Radha by Krishna Dharabasi is wonderful novel based on traditional era of Lord Krishna and Radha. The traditional plot of the story makes the readers/listeners feel that Dharabasi is narrating us the same old story of love of Radha and Krishna. However , the story based on the traditional plot it portrays the modern era in a dramatic way such that it speaks of so many hidden things that we will be amazed while ending it up.Radha and Krishna are the eternal lovers. Lord Krishna and Radha are together since childhood. But in teenage they are separated (as in the traditional story) and Lord Krishna has to go away leaving Vindraban for fulfilling the task for which he has taken birth.This brings tragedy to Radha and all the people in Vindraban.Radha waits for Krishna to arrive but he seldom does. She is stubborn to go meet Krishna. Later she sets out as a Yogini in a long voyage to search self, leaving her parents. She is accompanied by her friend Bisakha everywhere she went.Radha faces a…

एक रातको कथा

भोलिपल्ट घर फर्कने रात थियो । सम्पूर्ण सामानहरु प्याक गरिसकेपनि केहि छुटेछकी भनि सोच्न बसेको थिएँ । कतैबाट तिरिरि बाँसुरीको धुन सुन्दा मनै आनन्दित भयो । "ए, निदाइस क्या हो ? फोन बजिरहेछ", रुममेटले चिच्यायो । कल रिसिभ गरेँ, निद्राकै झोकँमा, "हेलो, सुनन आज म नेपाल बाहिर जाँदैछु, यस अघि पनि कल गर्न पाइन । म विस्तारमा पछि कल गरौँला", एउटा हतारिएको खवर सुने । "ए ....., शुभयात्रा है", भने तर म अझै पनि निद्रामै थिए । वास्तवमा उनिलाई मैंले ठम्याउनै सकिन, सायद निद्रामा भएरै होला, न त नाम नै सोध्न भ्याँए आफ्ना सबै परिचित व्यक्तिहरुलाई याद गर्दा पनि त्यो आवाज ठम्याउन सकिन । अब मात्र मैले प्रतिक्षा गर्नुपर्नेछ, उनको दोस्रो कलको ।

अर्को विहानै आफ्नो वाटो लागिसकेको थिएँ । यात्राका दौरानमा मेरो मन सधैं मेरो जन्मथलो पुगिरहेको हुन्थ्यो । जुन माटोमा म जन्मे, जहाँ हुर्केँ, मेरो वात्सल्य , बालसखा सबै झल्झल्ती याद आउन थाले । मलाई घर छिटो पुग्नु छ, किनभने मेरो प्रतिक्षामा कसैले धेरै महिना विताएको छ । त्यही बेला मैले लेख्न थालेँ :
“मेरो आउने वाटो हेरी, चौतारीमा कुर्छे होली,
मेरो…

जहाँ समस्या, त्यहाँ सजिलो मर्मत सेवा

घरमा धारा बिग्रियो? टिभी वा फ्रिज बिग्रियो? कसलाई सम्पर्क गर्ने? कता बनाउन जाने? कसरी लाने? यो मेरो मात्र होइन, हामी प्राय: सबैको समस्या हो । यही समस्याको समाधान घर-घरमै गएर गर्न सजिलो मर्मत सेवा आइपुगेको छ । काठमाडौँ, ललितपुर र भक्तपुर भित्र घर-घरमै पुगेर सेवा दिने लक्ष्य सहित स्थापना भएको सजिलो मर्मत सेवाले प्लम्बिङ, विद्युत, कम्प्युटर हार्डवेयर, नेटवर्किङ तथा अन्य घरायसी सामाग्रीहरुको जडान तथा मर्मत सेवा प्रदान गर्छ ।


सजिलो मर्मत सेवाका अनुसार, कम्पनीमा १ सय भन्दा धेरै अनुभवी प्लम्बर र इलेक्ट्रिसियनहरु उपलब्ध छन् । आफ्ना टेक्निसियनहरु काठमाडौँ उपत्यकामा विभिन्न स्थानमा छरिएर रहेका हुनाले सेवा छिटो र भरपर्दो हुने कम्पनीको दावी छ । "जहाँ समस्या, त्यहाँ सजिलो" मन्त्र सहित आएको कम्पनीले सेवाग्राहीका लागि वार्षिकरुपमा करार तथा आवश्यकता अनुसार 'अन कल' सुविधा दिने जनाएको छ ।

काठमाडौँ विश्वविद्यालयमा अध्ययनरत रहँदा, आफूले घरायसी मर्मत सेवा सम्बन्धि सुविधा पाउन अप्ठ्यारो रहेको तर अर्कोतिर टेक्नीसियनहरुले बजारमा चाहिएको मात्रामा ग्राहक र काम नपाएको महशुस गरेर सजिलो मर्मत से…