सहिद (?)

बुज्यौ बुर्जुआ जनता हो,
आज ता "अकबरेले" नि सलाम खायो,
बाँचुन्जेल गाँजा खायो,
चन्दन-खएर, गोलाई चपायो,
अस्तिन क्या त, "बनबिरेले" गोली चलायो,
"अकबरे"लाई ड्याङ्ग लायो,
सोर्स-फोर्सले `सहिद` बनायो,
हेर् त आज !!
ये राता मकै!! 
१२ तोपको गोली पायो,
खादा, भत्ता, लाखौं कमायो !!
थुक्क तेरो भाग्य नि के भनौ खोइ ?
त्यो जाबो पनि सहिद? भो अब!
ए बाबा!!

Martyr Day Nepal - Rajesh KC Phalano cartoon
थांगने हजुरबाको कोठे भित्तोमा,
तेस्को आनुहर काठे फ्रेमको एक बित्तोमा,
ट्वाल्ल-ट्वाल्लति गाँठे,
अझै नि लाटीले कुन्नि के हेर्या जस्तो!
जुम्सो, अझै कति रिसउठ्दो गरि झुण्ड्या छ भने,
प्वाक्क मुखमा हानु जस्तो!
उही इतिहास ढाँटने त हो, हाम्लाई थाहा छैन, 
नत्र सहिद दिवसको दिन 
'अकबरे' को बा' माघाँ गोरु नार्न जान्छु,
भन्दै "बैद्य"को मा गफ हाल्न जान्छन् त ?
वाहियातको सहिद, निल्नु न वोकेल्नु!!
ए सुन् सुन्!! यसै भो तेस्सै भो,
"सुन्तले" को परिवारले नि सार्है दुक्ख पायो,
एस्लाई सहिद बनाउने परपंच तँ मिला,
परेको म बेहोर्छू!!
थोरै दियौन हो येस्ले नि रगत,
देस र जनताको लागि,
खार खुर १८ पिन्ट पो चडी सक्यो त!!
मुकुन्दे!! 
हजुर साप !
येस्लाई नि सहिद घोसना गर्र-गर्!!
नियम कडा छ,
छिटो गर् नत्र बन्दुक घराँ छ !!

~ गुन्जन खनाल (सहिद दिवसको सन्दर्भमा)

तस्विर: राजेश केसीको फलानो

1 comment :

  1. Aryabiman ChitrakarAugust 1, 2012 at 12:04 PM

    http://www.facebook.com/note.php?note_id=274695692556507

    ReplyDelete