Anonymous Took Down Nepal Government's Official Website

'इन्टरनेट स्वतन्त्रता' को नाम मा इन्टरनेटमा 'पे व्याक अपरेसन' गर्दै आएको 'अज्ञात' अर्थात 'Anonymous Operations' नामक समूहले आज नेपाल सरकार को आधिकारिक वेवसाइट http://www.nepalgov.gov.np/ लाई हमला गरेर 'डाउन' गराइदिएको छ ।

ट्विटर मा एक ट्विट मार्फत 'Anonymous Operations' नामक अज्ञात समूहले नेपाल सरकारको साइट डाउन गरेको बताएको छ । ट्विट मा भनिएको छ : "#OpEverest: http://www.nepalgov.gov.np/ seems to be DOWN! We are #Anonymous. Expect us! more info: ::: https://pastee.org/skq59 #Nepal"

राजनितिक अस्थिरता, बढ्दो अपराधिक कृयाकलाप, इन्टरनेमा गरिएको सेन्सरसिप आदि विभिन्न कारण देखाउँदै 'अज्ञात' समूहले एक विज्ञप्ति मार्फत नेपाल सरकारलाई सम्बन्धित विषयहरुमा ध्यानाकर्षण गराउन साइट डाउन गराइएको उल्लेख छ । राजनितिक दलहरु प्रति आक्रमक देखिएको अज्ञात समूहले माग पुरा नभए, नेपाली राजनितिक दलहरुको साइट पनि 'डाउन' गराइने कुरा उल्लेख गरेको छ ।

इन्टरनेटमा बाँडिएको 'अज्ञात' को विज्ञप्ति यस प्रकार छ :

EXPECT US.


नमस्कार,

हामी अज्ञात हौ| नेपालमा भईरहेका सामाजिक र राजनीतिक गतिबिधि, अन्यौल तथा ब्याप्त अब्यबस्था र भ्रस्टाचार, इन्टरनेटमा भईरहेको प्रतिबन्ध तथा जासुसीहरु प्रति हाम्रो गम्भीर ध्यान आकर्षण भएको छ| नेपालमा भईरहेको यस्ता सामाजिक, राजनीतिक अस्थिरता, बढ्दो अपराधिक क्रियाकलाप र उनीहरुलाई प्राप्त राजनीतिक संरक्षणले गर्दा आज नेपाल एउटा असफल राष्ट्रमा परिवर्तन हुदै छ| त्यसमाथि नेपालमा भईरहेको इन्टरनेटको प्रतिबन्ध तथा जासुसीले गर्दा जनताहरुले आफु सूचित हुने हकबाट बन्चित हुनु परेको छ|

जनताको युग सङ्गत प्रविधि प्रयोग गर्ने अधिकारको सरकारले संरक्षण गर्नुको सट्टा उल्टै केहि ठुला ठालुको फाइदाको लागि यो हक वन्चित गराउन खोज्नु लोकतन्त्र को विपरित हो | नेपाली जनताको हक हितको लागि र नया संविधानको निर्माणको लागि उठेको जनताको अवाज निमोठ्न खोज्नु , कुनै प्रजातान्त्रिक सरकार लाई सुहाउदैन | अहिलेको युगमा जनताको माग , इच्छा , चाहना बिना कुनै नेता , सरकार र राजनैतिक पार्टीको अस्तित्व रहदैन भन्ने आशय बुझ्नु जरुरि छ | सचेत जनताले नै सफल राष्ट्र बनाउछ | जनतालाई अँध्यारोमा राखेर , नेता, ठुला ठालुहरुले धमिलो पानिमा माछा मार्ने कु-विचार गरेको प्रस्टिएको छ |

अज्ञात एउटा बिचार हो | विचार कहिले मर्दैन | यो एक सोच हो | यसैले समाजलाई अगाडी बडाउछ | इतिहास साछी छ, यो सोचलाई मार्न खोज्दा सोच झन् बलियो हुन्छ |

यो संदेश नेपाल सरकार को लाई ध्यानआकर्षण हो र सबै राजनैतिक पार्टीहरुको लागि खबरदारी हो | अज्ञातले बिर्सेको छैन जनताको आहुति | बिर्सेको छैन नेताहरुको धोका | आजको जनता लाटो छैन | माफी दिने छैन जनताले , अज्ञातले |

त्यसकारण हामीले बाध्य भएर नेपाल सरकारको यसतर्फ ध्यान आकर्षण गराउन नेपाल सरकारको आधिकारिक website: http://www.nepalgov.gov.np/ मा हमला गरेका छौ |

यस ध्यानाकर्षणलाई नजरअन्दाज गरिए , अर्को चरणमा निम्न लिखित राजनैतिक पार्टीहरुको websites मा हाम्रो गन्तब्य हुने छ |

* http://www.ucpnm.org/

* http://www.nepalicongress.org/

* http://www.cpnuml.org/

* http://www.mjfn.org/



हामी अज्ञात हौ|
हामी बिर्सिदैनौ|
हामी माफ गर्दैनौ|
हामी दस्ता हौ|
हाम्रो अपेक्छ्या गर्नुस |

हामीले यो ब्लग तयार पार्दा सम्म नेपाल सरकार को आधिकारिक वेवसाइट 'डाउन' नै रहेको छ ।

कानुनी हिसावले, साइट डाउन गरिनुलाई गैरकानुनी मानिन्छ । 'अज्ञात' समूहले 'DDoS Attack' (Distributed Denial-of-service Attack) अर्थात धेरै लोड/रिक्वेष्ट दिएर नेपाल सरकार को साइट डाउन गराएका हुन् । यही 'अज्ञात' समूहले विगत मा विलिकिक्स काण्डमा पेपल, मास्टरकार्ड, भिजा कार्ड लगायत अन्य दर्जनौँ साइटहरु डाउन गराएको थियो । साइट डाउन भएको विषयमा नेपाल सरकार को धारणा अहिलेसम्म सार्वजनिक भएको छैन ।