आङ सान सुकी नजरवन्दमुक्त

१५ वर्ष देखि आफ्नै घरमा नजरवन्द मा रहेकी प्रजातन्त्रवादी नेतृ “आङ सान सुकी” लाई त्यहाँ को सैनिक सरकार जुन्टा ले आज देखि नजरवन्दमुक्त गरेको छ । afp-suu-kyi१५ वर्ष सानो समय हैन । यही १५ वर्ष मा धेरै कुरा भइसके ! आफूले नि उहिले बच्चा बेला देखि नै समाचार मा ‘आङ सान सुकी’ भन्ने सुन्याँथिए । आफूलाई त नामै सुनेर अचम्म लाग्थ्यो कस्तो नाम होला, को होला भनेर ! अनि पछि त जहिले वर्मा को नाम सुन्यो कि, ‘आङ सान सुकी’ मात्रै याद आउँथ्यो । आज तिनै नेतृ सैनिक सरकार को नजरवन्द बाट मुक्त भइछिन् ।  bbc_Aung San Suu Kyiसंसार भरका टेलिभिजन, रेडियो र वेवसाइट मा आङसाङ सुकी नै छाइरहेकी छिन् । टुविटरमा त अझ, ‘आङ सान सुकी’ ट्रेन्डिङ टपिक नै बनिसकेको छ । ‘आङ सान सुकी’ सबैभन्दा धेरै पटक आफूले सुनेको नाम होला । सन् १९९१ नोबेल शान्ति पुरस्कार की बिजेता तथा प्रजातन्त्रवादी नेतृ को नजरवन्दमुक्त भएको घोषणा सँगै, संसार भर नै खुशीयाली छाएको छ ।

तर उनको यो रिहाइ का सम्बन्ध मा अहिले नै केही भनिहाल्न सक्ने ठाउँ छैन । साँच्चै भन्दा, सैनिक सरकार को कुरा मा भर गर्न सकिँदैन । विगत मा पनि, नजरवन्द मुक्त गर्ने भन्दा भन्दै नगरिएको धेरै घटनाहरु छन् । अन्तराष्ट्रिय सञ्चारमाध्यम ले जनाएअनुसार, सैनिक सरकार ले राजनैतिक जिवन त्याग्न दवाव उनलाई दवाव पनि दिइरहेको छ ।

अस्ति भर्खरै सम्पन्न चुनावलाई बहिष्कार गर्दै, उनको पार्टि ले चुनाव को विरोध गरेको छ । चुनाव भइसकेको र, सैनिक सरकार समर्थित दल ले, बहुमत ल्याउने सम्भावना रहेको सन्दर्भ मा भएको रिहाइले, सुकी को राजनितिक जिवन सिथिल नै हुने अड्काल काट्न सकिन्छ । सरकार सैनिक समर्थित दल को हुने र सुकी को पार्टि सडक बाटै संघर्ष मा उत्रने सम्भावना पनि छ, परिणाम फेरि पनि सुकी नजरवन्द मा पर्न सक्छिन ।

सैनिक सरकार ले राजनिति त्याग्न दवाव दिइरहेको अवस्था मा,सुकी ले उनको पार्टि ‘नेशनल लिग फर डेमोक्रेसी’ लाई अघि बढाउन सक्छिन त ? प्रजातन्त्र को नाम मै १५ वर्ष घरमै नजरवन्द मा रहेकी, सुकी ले प्रजातन्त्र कै वकालत फेरि गर्छिन् या गर्दिनन्, अहिले नै भन्न सकिँदैन ।  न फेरि सरकार ले अर्को कुनै बाहाना मा उनलाई कारवाही गर्ने पो हो कि ? अब यी कुराहरु समय ले बताउँदै जालान् ।

संसार मा  आङ सान सुकी जस्तै २२ सय भन्दा धेरै राजनैतिक आस्था का बन्दिहरु अझै नजरवन्द र जेल मा छन् ।

आङ सान सुकी , रिहाइ भएको मा उनलाई हार्दिक शुभकामना तथा बधाई ! प्रजातन्त्र को पक्ष मा लडिरहनु तर प्रजातन्त्र पाएपछि, नेपाली नेताहरु को जस्तो पारा चाँहि नदेखाउनु !

पुनश्च : अंग्रेजीमा उनको नाम  Aung San Suu Kyi लेखिन्छ ! उच्चारण गर्दा कसैले “आङ सान सुकी” त कसैले “आङ साङ सू ची” भन्छन् ।

First pic: AFP and 2nd Pic via Twitpic

1 comment :

  1. एकदम सहि कुरा...सुजाता जस्तो भइन् भने सत्ता पाएर...:P

    ReplyDelete