नकरात्मक चिन्तन पनि आवश्यक

वैज्ञानिकहरु का अनुसार खराब मुड सदैव नराम्रो हुँदैन । नकरात्मक भावनाले कहिलेकाँहि राम्रो निर्णय लिने क्षमता बढाउँछ । यसबाट स्मरणशक्ति समेत राम्रो हुन्छ । खराब मुडले व्यक्तिविशेषको सोचलाई धेरै हदसम्म स्पष्ट पार्ने अस्ट्रेलियन साइन्स जर्नल मा प्रकाशित अध्ययन प्रतिवेदन मा उल्लेख गरिएको छ ।

युनिभर्सिटि अफ न्यु साउथ वेल्सका प्रा. जोसेफ फार्गोसका अनुसार खराब मुडका व्यक्तिहरु आलोचक का रुपमा मात्रै हुन्न्, उनीहरुले आफ्नो छेउछाउ मा बढि ध्यान दिइरहेका हुन्छन् । यस्तै बेला उनीहरुले कसलाई विश्वास गर्ने वा नगर्ने भन्ने विचारिरहेका हुन्छन् ।

प्रा. जोसेफ फार्गोसका अनुसार अध्ययन मा के सावित भएको छ भने खराब मुडले हामीलाई विद्यमान स्थिति बुझ्न र त्यस अनुरुप प्रतिक्रिया दिन तुलनात्मक रुप मा बढि सक्षम बनाउँछ ।

यो अध्ययनका बेला खराब र राम्रो मुड को प्रभाव जान्न अध्ययन मा संलग्नहरुलाई बेग्लाबेग्लै फिल्म देखाउनु को साथै उनीहरुको जीवनको राम्रा र नराम्रा घटनाहरुलाई सम्झनसमेत भनिएको थियो ।

स्रोत: कान्तिपुर