फोटो र क्याप्सन जे राखे नि हुन्छ ?

क्लास बाट निस्केर नागरिक न्युज हेर्दै थिँए । सायद पिक आवर भएकोले होला, इन्टरनेट अलि स्लो छ लाइब्रेरी मा । नागरिक न्युज को प्रमुख पृष्ठ मा रहेको फोटोहरु हेर्दै थिँए, पज बटन थिचिथिचि । एउटा फोटो को क्याप्सन मा गएर चाँहि टक्क रोकिँए, लाग्यो फोटो क्याप्सन जे हाले नि भो, जुन फोटो हाले नि भो ।

सायद ब्लग मै हालिएको वा, त्यो साइट मा त्यससम्बन्धि फिचर या समाचार भएको भएपनि त्यो फोटो र क्याप्सनलाई जायज मान्न सकिन्थ्यो । मैले भुमिका त धेरै बाँध्दै छु जस्तो लाग्यो तर मेरो विचार मा सहमत हुनुहुन्छ या हुनहुन्न त भन्न सक्दिन तर त्यो फोटो अनि क्याप्सन यस्तो थियो ।

पोखराको न्युरोडमा अग्लो घरमा राखिएको होर्डिङ बोर्डले छेकिएको माछापूच्छ्रे हिमाल।

यो माथि को फोटो ले के भन्न खोजेको मैले बुझ्न सकिन । होर्डिङ बोर्ड मा रहेको विज्ञापन देखाएको हो कि ? पोखरा को न्युरोड को अग्लो घर भनिएको हो कि ? या माछापूच्छ्रेछेकिएको देखाउन खोजेको हो बुझ्न सकिएन । मलाई त यतिसम्म लाग्यो कि कुनै समाचार नपाएर या भनौँ फोटो नै नपाएर वा आमनागरिक लाई वेकुब बनाउन नागरिक न्युजले यो फोटो राखेको होला ।

हुन त फोटोग्राफि को मन्त्र मलाई थाहा छैन । आफू पनि भा-का नभा-का जस्तो सुकै फोटो पनि फेसबुक मा हालिराको हुन्छु, कहिले के भन्दै त कहिले के भन्दै । तर पनि यो फोटो, एक समाचार साइट नागरिक न्युज मा देख्दा चाँहि मलाई चित्त बुझेन । के यो माथि को फोटो को कुनै तुक छ, साइट को मुख्यपृष्ठ मै देखाउन । कोही फोटोग्राफि मा एक्सपर्ट हुनहुन्छ भने, मलाई यो माथि को फोटो को विशेषता बताइदिनुहुन्थ्यो कि ???