Skip to main content

Palpasa Cafe: Episode - 1



Listen to Palpasa Cafe Online.

एउटा विशिष्ट साहित्यिक रेडियो कार्यक्रम “रेडियो वाचन” का अव का केही शृङ्खला मा हाम्रा लोकप्रिय रेडियोकर्मी “अच्युत घिमिरे” ले सन् २००५ को “मदन पुरस्कार” जित्‍न सफल कान्तिपुर का पुर्वसम्पादक “नारायण वाग्ले” ले लेख्नुभएको उपन्यास “पल्पसा क्याफे” वाचन गर्नुहुनेछ । व्दन्दकाल को सशक्त चित्रण गर्न सफल, “पल्पसा क्याफे” माओवादी जनयुद्धको परिवेश मा लेखिएको एक उत्कृष्ट कृति हो । विगतमा घटेका कुराहरुलाई एकदमै सुक्ष्म रुपले चित्रण गरिएको, “पल्पसा क्याफे” नेपालय ले प्रकाशन गरेको हो ।

“पल्पसा क्याफे” एउटा चित्रकार को कथा, एउटा चित्रकार को सपना हो, जसलाई एउटा पत्रकार ले आफ्नो उपन्यास मा उतार्दै छन् । तर उपन्यास का चित्रकार पात्र “दृश्य” अरु कोही नभएर हाम्रै प्रतिनिधि पात्र हुन्, हो हाम्रै व्दन्द कालका पात्र हुन्, जसले व्दन्दकाल का हरकिसिम का पिडा भोगेका छन्, देखेका छन् । देश मा जनयुद्ध चर्केको बेला हामीले भोग्नुपरेको एउटा तितो, कहाली लाग्दो, यथार्थ हो यो “पल्पसा क्याफे” । त्यसैले “पल्पसा क्याफे” लाई एतिहासिक दस्तावेज भन्दा पनि फरक पर्दैन । यसले हाम्रो एउटा अँध्यारो कालखण्ड को सशक्त चित्रण गरेको छ ।

आफू पत्रकार नारायण वाग्ले भएको जानकारी सँगै उपन्यास सुरु भएको छ । उनी साथी दृश्यलाई पर्खिरहेकाछन्, क्याफे मा तर दृश्यलाई सुरक्षाकर्मीले उसको आफ्नै आर्ट ग्यालरीबाट अपहरण गरेको कुरा उसकी सेक्रेटरी फुलन चौधरीले बताउँछिन । जतिखेर जे पनि हुन सक्ने समय छ, अझ सुरक्षाकर्मी ले अपहरण गरेको र दृश्यसँग तपाई को फोटो पनि छ, तपाईपनि खतरा को घेरा भित्र हुनुहुन्छ भनेर, फुलन चौधरीले भनेपछि, लेखक सुरक्षा अधिकृतहरुलाई यसबारे जानकारी गराउँछन् तर सहयोग गर्न नसकिने जवाफ पाउँछन् ।

दृश्य एक चित्रकार हुन्, जसको आफ्नै आर्ट ग्यालरी छ । भारत को गोवा मा उसको भेट पल्पसा सँग भएको प्रसंग सँगै उपन्यास अघि बढेको छ । उनीहरु दुवै को परिचय गोवामा हुन्छ, पल्पसा डकुमेन्ट्रि बनाउने चाहना राख्छिन भने दृश्य आफू चित्रकार भएको बताउँछ, अनि दुवै छुट्टिन्छन् । विछोड मा पल्पसाले मन मा उब्जिएका भावनाहरु को संगालो पत्रको रुपमा दृश्यलाई पठाउँछिन् । पल्पसाको पत्र को वाचन सँगै, यो रेडियो वाचन श्रृखंलाको लागि “पल्पसा क्याफे” को पहिलो अंक को वाचन सकिन्छ ।

हाम्रा लोकप्रिय रेडियो प्रस्तोता- अच्युत घिमिरे को आवाज मा सजिएको रेडियो वाचन को यो पहिलो बसाइ मा हामीले “पल्पसा क्याफे” को पहिलो अंक प्रसारण गर्‍यौँ । यी रेडियोवाचन का अंकहरु केही वर्षपहिले नै, रेडियोबाट प्रशारण भै’सकेकाछन् । कर्णप्रिय स्वरका धनि अच्युत घिमिरे को आवाजमा सजिएको यो श्रृंखला यहाँहरुले मन पराउनुहुनेछ भन्ने आशा तथा विश्वास लिएका छौँ, रेडियोवाचन को यो अंकलाई प्रविधिमा अनिल कुमार मन्डर ले साथ दिएका छन् । कुनै समयको लोकप्रिय रेडियो कार्यक्रम यहाँ अनलाइन सुन्दा यहाँहरुलाई कस्तो लागिरहेछ, जान्ने उत्सुकता हामी मा रहेको छ । यहाँहरुले सिधै प्रस्तोता, अच्युत घिमिरेलाई पनि सम्पर्क गर्न सक्नुहुनेछ । श्रोता र प्रस्तोता विच सिधै सम्पर्क कायम भए, यहाँहरुको आकांक्षा जान्ने मौका हामीले पाउने थियौँ । यो एउटा रेडियो कार्यक्रम, अनि तपाई र हामी विच श्रोता र प्रस्तोताको दुरी । अनि तपाइहरु विना, हाम्रो यो काम निर्रथक छ, अत: सल्लाह, सुझाव, ताली र गाली को अपेक्षा सदैव गर्दछौँ ।

अच्युत घिमिरेलाई सिधै सम्पर्क गर्ने ठेगाना: ghimireachyut@gmail.com
तपाईहरु अझ नजिक चाहनुहुन्छ भने, अच्युत घिमिरेलाई फेसबुक मा पनि भेट्न सक्नुहुनेछ

भन्नैपर्ने कुरा:
हामीले यो श्रृंखला अनलाइन प्रसारण गर्नुपुर्व लेखक, नारायण वाग्लेलाई सम्पर्क राख्ने प्रयास गर्दा गर्दै पनि असफल रह्यौँ, २-३ भित्रैमा फेरी उहाँ सँग सम्पर्क गर्ने प्रयास गर्नेछौँ । रेडियोवाचन को यो अंकहरु उपलब्ध गराइदिनुहुने प्रस्तोता अच्युत घिमिरेलाई पनि आकारपोष्ट धेरै धेरै धन्यवाद दिन चाहन्छ । साथै, प्रविधि र परिस्थितले साथ दिएसम्म हाम्रो यो रेडियोवाचनमा पल्पसा क्याफेका अंकहरु साप्ताहिक रुपमा शनिबार का दिन प्रशारण गर्दैजानेछौँ । यो कार्यक्रम मात्र यहाँहरुको लागि हो, जो साहित्य मनपराउनुहुन्छ, जो स्रष्टाहरुको सम्मान गर्नुहुन्छ, यसर्थ हाम्रो अनलाइन रेडियो कार्यक्रम को अनधिकृत प्रयोग यहाँहरुले गर्नुहुनेछैन भन्ने हामीले आशा तथा विश्वास लिएका छौँ ।

Comments

  1. ३ बर्ष पहिला पढेको थिए मैले पल्पसा क्याफे, खुब मन परेको थियो । अहिले त अच्युत जी र आकर जी को प्रयासमा सुन्न नै पाइयो, धेरै खुशी लगेको छ । एक उत्कृष्ट उपन्यास त्यसमाथी पनि अच्युत जीको स्वरले सुनमा सुगन्ध थपेको छ । धन्यवाद नारायण जी, अच्युत जी अनी आकार जीलाई पनि धेरै धेरै धन्यवाद ।

    ReplyDelete
  2. Aakar jee i am unable to listen. "error in opening file". Is it working there? or only i am facing this problem. I had refresh the page so many time but result is same.
    http://tinyurl.com/b3ok3v (screen-shot)

    ReplyDelete
  3. धेरै अगाडि देखी पढ्न खोजेको किताब सुति-सुति सुन्न मिल्ने गरि राखिदिनु भएकोमा धन्यवाद् ।

    हुन त तपाईले भन्नैपर्ने कुरामा लेखी सक्नुभएको छ, तैपनि एकचोटी लेखकको स्विकृति लिनु होला भन्ने सुझाव मेरो पनि छ।

    साथै सशक्त र आकर्षक वाचनका लागि अच्युत घिमिरे ज्यूलाई पनि हार्दिक धन्यवाद ।

    ReplyDelete
  4. धेरै धन्यवाद आकारजी तपाईंलाई साथै अच्युत घिमिरेजीलाई पनि ।

    ReplyDelete
  5. सुन्न् चाहि धेरै पहिले नै सुनेको थिए पल्पसा क्याफे को बारेमा तर यसरि प्रत्यक्ष कानलाई मन्त्रमुग्ध पार्ने अवसर पाएको थिइन । आसा छ आकार रेडियोबाट यसको बिस्तृत जानकारी पाउने छौ क्रमैसंग ।

    प्रस्तोता नारायण वाग्ले र स्वर भर्ने स्वरका धनि अच्युत घिमिरे जी लाई पनि धन्यबाद । यो उत्कृस्ट उपन्यासको खोजि खोजि ब्लग् मार्फत हामिलाई सुनाउनु भएकोमा आकार जी प्रति आभार प्रकट गर्न चाहन्छु ।

    ReplyDelete
  6. यहाँहरुलाई प्रतिक्रिया का लागि धन्यवाद !
    समिर जी, कुनै कुनै समय मा error opening file भनेर आउने गरेको छ, के कारण ले हो थाहा भएन । एक दुईपटक फेरी प्रयास गर्नुहोला, अवश्य सुन्न सक्नुहुनेछ ।
    त्यस्तै लेखकसँग कुरा गर्ने मेरो धोको रहेको छ, दिलिप जी ।

    ReplyDelete
  7. आकार जी ...को . सराहनीय कार्य देखेर मन गदगद भएको छ ... हून त मैले ३ बर्ष पहिले नै पढी सकेको थिए 'पल्पसा क्याफे ' नेपाल मै हुदा .... तर अच्युत घिमिरे जीको मधुर वाचन को .... पारखी भएको ले ...(बुलबुल देखिनै ) नसुनी बस्ने कुरै भएन नि ...भनेपछि मैले एभ्री वीक त्यो मौका आकारपोस्ट मा पाउने भए ...तपाई ...aakarpost को सौगात स्वरुप . पुन : साधुबाद !

    ReplyDelete
  8. Palpasa Cafe malai dherai maan pareko upanyaas ho...maan chune...ani sadhai nai samjhine pustak...jastai "Palpasa"...
    Blog ma yesari sunda ma dherai nai khusi chu... sachi nai Achyut dai karna priya swar ka dhani nai rahechan...Aakar ji le bhane jastai
    Baachan gareko sabai bhanda maan paryo...mithas yukta baachan...dherai patak sune Palpasa Cafe...ko yo pahilo srinkhala.. Dherai dherai maan paryo...aba pheri sunna paiyos...
    Yesari hami le sunna milaidinu bhayeko ma aakar lai dherai dherai dhanyabad...

    ReplyDelete
  9. आज मैलेपनि “पल्पसा क्याफे” को पहिलो अंक सुने, अच्युत जी र आकार जीलाई धेरै धन्यवाद ।

    ReplyDelete
  10. palpasa cafe lai nepali ma ,english ma duwai ma padna ramailo lageko thiyo ajha jhan sunna pauda ta dherai ramro lagyo.Keep it up
    -Gaurav

    ReplyDelete
  11. i have having problem to listen it..........i think the link is not working

    ReplyDelete
  12. Mahesh ji,
    It's working...
    just wait for few minutes, depending upon your internet speed...
    then, you can listen it...

    ReplyDelete
  13. aakar jee dherai dherai dhanyabad tapai lai palpasa cafe jasto mahan pustak lai tapai le yeti sarbasulav banai diye ko ma maero jindagi ko sab bhanda payro pustak ho yo jati padhe pani napugne ra jati sune pani naaghaune pustak ho yo tara aaja feri maile yo katha suru dekhi sunna khojda part 1 ra part to matra buffring hunchha sahed tecnically k hi gadbhad bhayo hola plz yeslai pani sunna yogye banai dinu hola baki bhag 3 dekhi thikai chha

    ReplyDelete
  14. दिपेश जी,
    प्रतिक्रियाको लागि धन्यवाद !
    अनि जहाँ सम्म अंक १ र २ को कुरो छ, पहिले अपलोड गरेका फाइलहरु हराएको ले, नबजेका हुन् । ७-८ दिन भित्रै अंक १ र २ पनि यहाँले सुन्न सक्नुहुनेछ, केही दिन धैर्य गरिदिनुहोला !

    ReplyDelete
  15. thanks for reply mr. akar aakas jee tapai ko yeti chhito reply garnu hunchha bhanera soche ko pani thiyena garnu bhaye chha khusi lagyo tapai lai sathi banauna paye malai khusi lagchha yedi saknu hunchha bhane deep_ansi@yahoo.com add gardinus

    ReplyDelete

Post a Comment

Popular posts from this blog

हेए माईट [कथा]

अनि मैले पनि “हेए माईट” भन्न थालेँ।

जिन्दगीको २३ बर्ष “नमस्कार”, “ओई”, “ओहो! के छ हालखबर”, “भाइ, सुन त”, “दाइ सुन्नुस् त” जस्ता सम्बोधनबाट वार्तालाप सुरु गरेर सकियो। त्यसपछि पलायन भईयो। त्यहाँ एक दशक बिताउँदा आफ्नै पारामा “हेलो” “हाई”, “एक्स क्युज मी”, “ए ! तपाई नेपाली हो” जस्ता सम्बोधनले वार्तालाप सुरु गरियो । अर्को अर्थमा भन्दा, यसैमा बानी परिसकेको थियो, त्यहाँ यही ढगंले बोलाउनु पर्छ भन्ने थिएन। मान्छेहरू सम्बोधन गरेकै आधारमा व्यवहार गर्दैनथे। आफुलाई जे ठिक लाग्छ त्यही अनुसार सम्बोधन गर्दा हुन्थ्यो। त्यसपछि जिन्दगीको नयाँ अध्याय सुरु गर्न गुँड सारेर बिल्कुलै नयाँ ठाउँमा लागियो।


१४ घन्टाको फ्लाईटबाट निस्केर ईमिग्रेसनमा पुग्ने बित्तिकै एउटा पुलिस आएर “हेए माईट” भन्यो। यताकाले “माईट” भन्छन् भनेर त पहिलै यता आएका साथीहरूले च्याटमा “अ’राईट माईट” भनेको सुनेको थिएँ तर के, कति, कस्तो ठाउँमा, कति मात्रामा “माईट” प्रयोग गर्नु पर्ने हो भनेर चाँहि राम्रो संग बुझेको थिईन। ईमिग्रेसन सकेर बाहिर पुग्ने बित्तिकै एउटा साउथ एसियन उबर ड्राईभर “हेए माईट” भन्दै आयो र छुट्ने बेलामा “अ’राईट माईट” भनेर गय…

Aadha Baato (आधा बाटो) [Download] #Novel #Shrutisambeg

श्रुतिसंवेग मा हामी ले कृष्ण धरावासी को उपन्यास “आधा बाटो” को सम्पूर्ण डाउनलोड लिंक लिएर आएका छौ |आफ्ना जिवन भोगाइ का यथार्थलाई जोडेर तयार पारिएको उपन्यास ‘आधा बाटो’ कृष्ण धरावासी को आत्मकथा को रुपमा रहेको छ ।“राधा” जस्तो सफल उपन्यास लेखिसकेका धरावासी को यो पछिल्लो उपन्यास मा आफ्ना बाल्यकाल देखि हाल को अवस्था सम्म को कुराहरु समेटेर लेखिएको कारण उपन्यासलाई धरावासी ले ‘आधा बाटो’ भन्न रुचाएका छन् ।आफूले देखे सुनेको स्थान, नाम आदि का कारण यो उपन्यास पढ्ने तथा सुन्नेहरुलाई आफ्नै कथा जस्तो पनि लाग्न सक्छ ।उज्यालो ९० नेटवर्क को लागि निर्माण गरिएको कार्यक्रम श्रुति संवेग मा वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ ।कार्यक्रम को अडियो श्रृंखला उज्यालो नाइन्टि नेटवर्क को कार्यक्रम श्रुतिसम्बेग बाट लिइएको हो ।Download : Krishna Dharabasi’s ‘Aadha Bato’ Episode –1Krishna Dharabasi’s ‘Aadha Bato’ Episode –2Krishna Dharabasi’s ‘Aadha Bato’ Episode –3Krishna Dharabasi’s ‘Aadha Bato’ Episode –4Krishna Dharabasi’s ‘Aadha Bato’ Episode –5Krishna Dharabasi’s…

Download Tihar Dhun and Deusi Bhailo Songs

Listen to Deusi Bhailo Songs.

शुभ दिपावलीको आगमनसँगै, यहाँहरुको लागि भनेर केही देउसी-भैलोका गितहरु अनलाइन राख्दैछौँ । आशा छ, यहाँहरुले यी देउसी भैलोका गितहरु मन पराउनुहुनेछ ।

Download Tihar Songs: Bhailini/Bhailo - भैलो

Download Tihar Songs: Bhailini Aayin / भैलिनी आइन आँगन

Download Tihar Songs: deusi re / देउसी रे

Download Tihar Song: tiharai aayo lau jhilimili / तिहारै आयो लौ झिलिमिली

Download Tihar Songs: diyo baali sanjh ko / दियो बाली साँझ को

Download: Tihar Dhun (Deusi,Bhailo)/ तिहार धुन(देउसी भैलो)- सुरसुधा

नोट: यी अपलोड गरिएका गितसंगितहरु व्यावसायिक प्रायोजनको लागि प्रयोग नगर्न आग्रह गर्दछौँ । इन्टरनेटमा भेटिएका गितहरुलाई हामीले यहाँ एकै ठाउँमा सजिलोको लागि राखिदिएको मात्र हौँ । तपाई यदि यी गित संगितको सर्जक हुनुहुन्छ र गित संगित यहाँबाट हटाउनुपर्ने भए जानकारी गराउनुहोला । फेरी एकपटक शुभ दिपावलीको हार्दिक मंगलमय शुभकामना व्यक्त गर्दछौँ ।

Romanized Nepali Unicode

Download and Install Nepali Unicode Romanised to write in Nepali all over the web. First of all, you have to Download and Run the Program on your computer. Then, you have to do some settings on your computer to use Nepali Unicode Romanized. You can download Nepali Unicode Romanized from the Madan Puraskar Pustakalaya website for free.
Install Nepali Unicode Romanized in Windows XP:
Install:
Run setup file;
Go to control Panel;
Open Language and Regional settings;
Open Regional Language Options;
Go to Language Options & tick on check box (install files..... Thai, instal....east Asian...languages):
Click apply-it might ask for windows CD:
Insert CD or you can directly copy "i386" files too;
And install all: then you have done;
Click for details;
Then click add a tab;
A new popup will appear:
Select "Sanskrit" in the first box;
Select "Nepali unicode (romanized)" in second box;
Click "ok";
You have successfully installed it;
Press "alt+shif…

Shruti Sambeg : Radha [Review & Download]

Radha by Krishna Dharabasi is wonderful novel based on traditional era of Lord Krishna and Radha. The traditional plot of the story makes the readers/listeners feel that Dharabasi is narrating us the same old story of love of Radha and Krishna. However , the story based on the traditional plot it portrays the modern era in a dramatic way such that it speaks of so many hidden things that we will be amazed while ending it up.Radha and Krishna are the eternal lovers. Lord Krishna and Radha are together since childhood. But in teenage they are separated (as in the traditional story) and Lord Krishna has to go away leaving Vindraban for fulfilling the task for which he has taken birth.This brings tragedy to Radha and all the people in Vindraban.Radha waits for Krishna to arrive but he seldom does. She is stubborn to go meet Krishna. Later she sets out as a Yogini in a long voyage to search self, leaving her parents. She is accompanied by her friend Bisakha everywhere she went.Radha faces a…

एक रातको कथा

भोलिपल्ट घर फर्कने रात थियो । सम्पूर्ण सामानहरु प्याक गरिसकेपनि केहि छुटेछकी भनि सोच्न बसेको थिएँ । कतैबाट तिरिरि बाँसुरीको धुन सुन्दा मनै आनन्दित भयो । "ए, निदाइस क्या हो ? फोन बजिरहेछ", रुममेटले चिच्यायो । कल रिसिभ गरेँ, निद्राकै झोकँमा, "हेलो, सुनन आज म नेपाल बाहिर जाँदैछु, यस अघि पनि कल गर्न पाइन । म विस्तारमा पछि कल गरौँला", एउटा हतारिएको खवर सुने । "ए ....., शुभयात्रा है", भने तर म अझै पनि निद्रामै थिए । वास्तवमा उनिलाई मैंले ठम्याउनै सकिन, सायद निद्रामा भएरै होला, न त नाम नै सोध्न भ्याँए आफ्ना सबै परिचित व्यक्तिहरुलाई याद गर्दा पनि त्यो आवाज ठम्याउन सकिन । अब मात्र मैले प्रतिक्षा गर्नुपर्नेछ, उनको दोस्रो कलको ।

अर्को विहानै आफ्नो वाटो लागिसकेको थिएँ । यात्राका दौरानमा मेरो मन सधैं मेरो जन्मथलो पुगिरहेको हुन्थ्यो । जुन माटोमा म जन्मे, जहाँ हुर्केँ, मेरो वात्सल्य , बालसखा सबै झल्झल्ती याद आउन थाले । मलाई घर छिटो पुग्नु छ, किनभने मेरो प्रतिक्षामा कसैले धेरै महिना विताएको छ । त्यही बेला मैले लेख्न थालेँ :
“मेरो आउने वाटो हेरी, चौतारीमा कुर्छे होली,
मेरो…